យោងសេចក្តីសម្រេចលេខ០១០/២៣ ស.រ.ស.អ.ដ.ក ចុះថ្ងៃទី១០ ខែមីនា ឆ្នាំ២០២៣ សមាគមអ្នក​អភិវឌ្ឍ​ដីឡូត៍កម្ពុជា សម្រេចតែងតាំង​បុគ្គល​ចំនួន​៩​រូប​ ជាទីប្រឹក្សាកិត្តិយស នៃសមាគមអ្នកអភិវឌ្ឍដីឡូត៍កម្ពុជា អាណត្តិទី២ ២០២៣-២០២៥ ក្នុង​នោះ​មាន​ឧកញ៉ា​​ចំនួន ​​៣​រូប ដែល​មាន​ដូច​ខាង​ក្រោម៖

១. ឧកញ៉ា ឃាង ពុទ្ធី ៖ ស្ថាបនិកក្រុមហ៊ុនភ្នាក់ងារអចលនទ្រព្យ Khompound និង​ជា​ប្រធានក្រុមប្រឹក្សា​ភិបាល​សមាគម​អ្នកជំនាញ​អចលនទ្រព្យ

២. ឧកញ៉ា ម៉ាន់ ច័ន្ទឌី ៖ អគ្គនាយកក្រុមហ៊ុន អាយ ឃ្យូ អាយ ខេមបូឌា

៣. ឧកញ៉ា ចេង ខេង ៖ អគ្គនាយកក្រុមហ៊ុនអចលនទ្រព្យ CPL

ក្រៅពី​ឧកញ៉ា​ចំនួន​៣​រូប​ ក៏​មាន​លោក ឃន ជឺ លោក អ៊ិន មាន លោកគ្រូបណ្ឌិត អោម សេងបូរ៉ា លោក សោម សម្បត្តិ លោក យិន លាងគង់ និង​លោកគ្រូ អួន សារ៉ាត់ ជាទីប្រឹក្សាកិត្តិយសសមាគមអ្នកអភិវឌ្ឍន៍ដីឡូត៍កម្ពុជា អាណត្តិទី២ ​ផង​ដែរ។

កាល​ពី​ថ្ងៃទី១៦ ខែកុម្ភៈ ឆ្នាំ២០២៣ សមាគមអ្នកអភិវឌ្ឍន៍ដីឡូត៍កម្ពុជា ដឹកនាំដោយ ឧកញ៉ា ម៉ន​ សុខា ប្រធាន​សមាគម ព្រមទាំងក្រុមប្រឹក្សាភិបាល និងថ្នាក់ដឹកនាំជាច្រើនទៀត បានប្រជុំពិភាក្សា និងប្រកាសតែងតាំង​សមាជិក​គណៈកម្មការប្រតិបត្តិនៃគណៈកម្មាធិការសមាគម ដើម្បីបន្តការអនុត្តក្នុងអាណត្តិទី២ ឆ្នាំ២០២៣-២០២៥ ក្នុងគោលបំណងដើម្បីជួយសម្របសម្រួលដល់អ្នកប្រកបអាជីវកម្ម និងអ្នកអភិវឌ្ឍន៍ដីឡូត៍​ទាំងអស់​ទទួលបានការយល់ដឹង និងជ្រាបច្បាស់អំពីផ្លូវច្បាប់ និងបទបញ្ញត្តិផ្សេងៗរបស់ព្រះរាជណាចក្រកម្ពុជា។

សូមជម្រាបជូនថា សមាគមអ្នកអភិវឌ្ឍន៍ដីឡូត៍កម្ពុជា បានបង្កើតឡើងថ្ងៃទី១៧ ខែកក្កដា ឆ្នាំ២០២០កន្លងទៅ ខណៈដែលបច្ចុប្បន្នឧកញ៉ា ម៉ន សុខា បន្តជាប្រធាន និងមានអនុប្រធាន ក្រុមប្រឹក្សាភិបាល អគ្គលេខាធិការ ព្រមទាំងសមាជិកច្រើនរូបទៀត ប្រមូលផ្តុំដោយអ្នកអភិវឌ្ឍវិស័យអចលនទ្រព្យ៕

The post ឧកញ៉ា ៣រូប ទទួលការតែងតាំងជាទីប្រឹក្សាកិត្តិយសនៃសមាគមអ្នកអភិវឌ្ឍន៍ដីឡូត៍កម្ពុជា appeared first on .

លោកឧកញ៉ាលើកឡើងដូច្នេះនៅក្នុងសិក្ខាសាលាតាមអនឡាញ ក្រោមប្រធានបទ របៀបអភិវឌ្ឍន៍គម្រោងអចលនទ្រព្យ ស្របតាមច្បាប់បទដ្ឋានត្រឹមត្រូវ ដែលរៀបចំដោយសមាគមអ្នកអភិវឌ្ឍន៍ដីឡូតិ៍កម្ពុជា កាលពីថ្ងៃទី២៦ សីហាម្សិលមិញ។

សូមចុច Subscribe Telegram oknha_news នឹងទទួលបានព័ត៌មានពី​សកម្មភាព​ឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

បើតាមលោកឧកញ៉ា ម៉ាន់ ច័ន្ទឌី ប្រធានក្រុមប្រឹក្សាភិបាលក្រុមហ៊ុន ព្រីមៀម គ្រុប ឲ្យដឹងថា អ្នកអភិវឌ្ឍដែលជោគជ័យ គឺអ្នកអភិវឌ្ឍនោះ ត្រូវចេះរកអ្នកប្រឹក្សាយោបល់ មិនថាទាំងផ្នែកច្បាប់ ឬផ្នែកហិរញ្ញវត្ថុនោះទេ។ ម៉្យាងវិញទៀង អ្នកអភិវឌ្ឍនោះ ត្រូវចេះប៉ាន់ស្មាន និងវាយតម្លៃនៅតំបន់ដែលជាកន្លែងអភិវឌ្ឍន៍នោះផងដែរ ដោយត្រូវស៊ើបសួរ ប្រឹក្សាជាមួយមន្ត្រីជំនួញ ទាំងភូមិបាលស្រុក/សង្កាត់ ភូមិបាលខេត្ត/ខណ្ឌ អំពីតំបន់អភិវឌ្ឍទាំងនោះ។

អ្នកជំនាញជើងចាស់រូបនេះ បានបង្ហាញនូវយុទ្ធសាស្រ្តធ្វើទីផ្សារឲ្យទទួលបានជោគជ័យ ដោយប្រើយុទ្ធសាស្រ្ត លក់ដូចជាមិនលក់ ឬលក់បែបប្រឹក្សាយោបល់ មានន័យថា យើងមិនចាំបាច់ទៅប្រម៉ូតផលិតផលរបស់យើងនោះទេ តែអ្វីដែលសំខាន់គឺត្រូវធ្វើជាអ្នកប្រឹក្សាយោបល់ឲ្យអតិថិជនរបស់យើង ដោយរកដំណោះស្រាយឲ្យគាត់ ដោយធ្វើខ្លួនយើងឲ្យក្លាយជាអ្នកនាំសំណាងឲ្យអតិថិជនរបស់យើង ដោយផ្តល់ជាជម្រើសឲ្យគាត់ថា តើនៅពេលដែលគាត់ទិញផលិតផល ឬសេវាកម្មនោះហើយ​ គាត់នឹងទទួលបាននូវអត្ថប្រយោជន៍អ្វីខ្លះ នាពេលអនាគត់។

លោកឧកញ៉ា ម៉ាន់ ច័ន្ទឌី បញ្ជាក់ថា កត្តាសំខាន់ៗក្នុងការវាយតម្លៃ អចលនទ្រព្យមួយដែលមានសក្តានុពល ក្នុងនាមយើងជាអ្នកអភិវឌ្ឍមួយរូប យើងត្រូវដឹងពីគន្លឹះសំខាន់ៗចំនួន៣ គឺទី១ ការផ្តោតទៅលើតំបន់អភិវឌ្ឍន៍នោះ មានន័យថា បើសិនជាយើងដឹងថា តំបន់នោះមានសក្តានុពលហើយ យើងមិនត្រូវងាករេទៅតាមអ្វីដែលគេថានោះទេ ទី២ ត្រូវផ្តោតលើការយកចិត្តទុកដាក់ ដោយក្តោបព័ត៌មានអចលនទ្រព្យឲ្យបានជុំនៅក្នុងតំបន់ដែលយើងកំពុងតែអភិវឌ្ឍនោះ និងចំណុចទី៣ គឺមើលឱកាសក្នុងការលក់ចេញ មានន័យថាចំពោះការលក់ គឺយើងមិនត្រូវលក់រហូតដល់ចំណេញកប់នោះទេ គឺយើងត្រូវលក់ក្នុងតម្លៃសមរម្យ៕

The post ឧកញ៉ា ម៉ាន់ ច័ន្ទឌី៖ អ្នកអភិវឌ្ឍន៍អចលនទ្រព្យចាំបាច់ត្រូវតែស្របតាមច្បាប់និងបំពេញកាតព្វកិច្ចបង់ពន្ធឲ្យបានត្រឹមត្រូវ appeared first on .

លោក ម៉ាន់ ច័ន្ទឌី ត្រូវបានគេចាត់ថា ជា​អ្នក​ជំនួញ​អចលនទ្រព្យ​ល្បី​ឈ្មោះ​មួយរូប ដោយ​លោក​មាន​ក្រុមហ៊ុន​ជា​ច្រើន​នៅ​ក្នុង​ដៃ​ និងមានបទពិសោធន៍លើវិស័យអចលនទ្រព្យរាប់សិបឆ្នាំមកហើយ ព្រមទាំងម្ចាស់ស្នាដៃសៀវភៅ “គន្លឹះសំខាន់សម្រាប់ភ្នាក់ងារអចលនទ្រព្យ”។ មិនតែប៉ុណ្ណោះ លោកបានកាន់តួនាទីជាច្រើនផ្សេងទៀត ក្នុងវិស័យអចលនទ្រព្យដូចជា៖ អនុ​ប្រធាន​សមាគម​អ្នក​វាយ​តម្លៃ និង​ភ្នាក់ងារ​អចលន​វត្ថុ​កម្ពុជា, ទីប្រឹក្សា​សមាគម​អ្នក​អភិវឌ្ឍ​ន៍​ដី​ឡូត៍​កម្ពុជា​ និងជានិច្ចកាលតែងឃើញវត្តមានរបស់លោកចូលរួមចែករំលែកបទពិសោធន៍ក្នុងវិស័យអចលនទ្រព្យដល់យុវជនជំនាន់ក្រោយ។

ជាដឹកនាំ​ម្នាក់​ដែល​មាន​​ជំនាញ​គ្រប់គ្រង​មនុស្ស​ ធ្វើ​ឲ្យ​បុគ្គលិក​គោរព​ស្រលាញ់ ចែករំលែក លោកឧកញ៉ា ម៉ាន់ ច័ន្ទឌី ក៏ជាអគ្គនាយកក្រុមហ៊ុន IQI CAMBODIA ដែលជាផ្នែកមួយនៃក្រុមហ៊ុនIQI អន្ដរជាតិ មានទីតាំងនៅទូទាំងពិភពលោក ១៦ប្រទេស និង​ក្រុមហ៊ុន​ Premium​ Group ដែលមានក្រុមហ៊ុនបុត្រសម្ព័ន្ធចំនួន១០។

ទន្ទឹម​នោះ​ដែរ លោក​ឧកញ៉ា ក៏​ធ្លាប់​បាន​ជួយ​ដល់​សង្គម​ជា​ច្រើន​កន្លង​មក​ដែរ​ទើបជាហេតុ​នាំ​ឲ្យជំនួញម្នាក់នេះ ​ត្រូវ​បាន​ព្រះមហាក្សត្រ​ចេញ ព្រះរាជក្រឹត្យ​ត្រាស់​បង្គាប់​ផ្ដល់​គោរមងារ​ជា ឧកញ៉ា៕

The post អ្នកជំនួញវិស័យអចលនទ្រព្យ លោក ម៉ាន់ ច័ន្ទឌី ទទួលបានគោរមងារជា “ឧកញ៉ា” appeared first on .