ឧកញ៉ា ម៉ុង ឬទ្ធី បានឲ្យដឹងថា តាមការគ្រោងទុកឆ្នាំនេះមានផែនការដាំកូនត្នោតចំនួន ៥ ០០០ដើម ហើយថ្ងៃនេះធ្វើការដាំកូនត្នោតចំនួន ១ ០០០ដើម នៅតាមបណ្តោយផ្លូវល្បឿនលឿនពីរាជធានីភ្នំពេញ ខេត្តព្រះសីហនុ។ លោកឧកញ៉ាបន្តថា​ ការដាំកូនត្នោតនេះ គឺដាំក្នុងចន្លោះពីដើមមួយទៅដើមមួយមានចម្ងាយ ៥ម៉ែត្រ ដើម្បីឱ្យដើមត្នោតលូតលាស់ធំធាត់បានលឿន ខណៈបច្ចុប្បន្នមានថ្នាលបណ្តុះកូនត្នោតដែលគ្រោងនឹងបណ្តុះកូនត្នោតឱ្យបានចំនួន ១៤ ០០០ដើម សម្រាប់ធ្វើការដាំដុះនៅពេលខាងមុខ ប្រសិនបើការដាំដុះបានល្អ នឹងមានគម្រោងបណ្តុះបន្ថែមទៀត។

លោកឧកញ៉ាបញ្ជាក់ថា ដោយសារបច្ចុប្បន្ននៅក្នុងកសិដ្ឋានរបស់យើងមានដំណាំកសិឧស្សាហកម្ម និងដំណាំហូបផ្លែជាច្រើនមុខមានដូចជា ដូងប្រេង កៅស៊ូ ក្រៅពីនោះមានដាំដំណាំហូបផ្លែមានដូចជាដូងក្រអូប សៅម៉ាវ ធុរ៉េន ស្វាយ និងដំណាំជាច្រើនប្រភេទផ្សេងទៀត។

លោក គួច ចំរើន អភិបាលខេត្តព្រះសីហនុ ដែលបានចូលរួមកាន់ចបកាប់ដីដាំកូនក្នោតផងដែរនោះ បានអរគុណឧកញ៉ា ម៉ុង ឬទ្ធី ដែលបានរៀបចំធ្វើការបណ្តុះកូនត្នោត និងរៀបចំកម្មវិធីដាំកូនត្នោតនៅលើទឹកដីឃុំជើងគោ ស្រុកព្រៃនប់ ស្របនឹងផ្លូវល្បឿនលឿន ដើម្បីបង្កើនសោភ័ណភាព បរិស្ថានបន្ថែមទៀតសម្រាប់បំរើឱ្យវិស័យទេសចរណ៍ ពិសេសអ្នកធ្វើដំណើរតាមផ្លូវល្បឿនលឿនពីរាជធានីភ្នំពេញមកកាន់ខេត្តព្រះសីហនុ ហើយដើមត្នោតនេះ ក៏ជាសមិទ្ធផលថ្មីមួយបន្ថែមទៀតនៅលើទឹកដី នៃខេត្តព្រះសីហនុ សម្រាប់កូនចៅរបស់យើងជំនាន់ក្រោយផងដែរ។

ទន្ទឹមនោះលោកអភិបាលខេត្ត ក៏បានធ្វើការអំពាវនាវឱ្យយុវជន សិស្សានុសិស្ស និងបងប្អូនប្រជាពលរដ្ឋចូលរួមថែរក្សា ការពារដើមត្នោតរបស់យើងឱ្យបានល្អ ព្រោះនេះជាសម្បត្តិរបស់យើងទាំងអស់គ្នា មិនមែនជារបស់ឧកញ៉ា ម៉ុង ឬទ្ធី ឬជារបស់លោកនោះទេ វាគឺជារបស់យើងទាំងអស់គ្នាដែលរួមគ្នាការពារ ថែរក្សាឱ្យបានគង់វង្ស។

លោក គួច ចំរើន លើកឡើងបន្ថែមថា ដើមត្នោតក៏ជាកេរ្តិ៍ដំណែលរបស់ដូនតារបស់យើងដែលបានបន្សល់ទុកសម្រាប់កូនក្មួយជំនាន់ក្រោយ ព្រោះដើមត្នោតវាមានផលប្រយោជន៍ ជាច្រើនយ៉ាងណាស់ សម្រាប់ឱ្យប្រជាពលរដ្ឋយកមកធ្វើការកែច្នៃប្រើប្រាស់មានដូចជា ស្លឹកយកទៅប្រកផ្ទះ ផ្កាកៀបចេញជាស្ករ ចំណែកផ្លែខ្ចីហូប ផ្លែទុំអាចយកទៅធ្វើជានំ និងដើមរបស់វាអាចច្រៀកធ្វើជាសម្ភារៈ ឬគ្រឿងសង្ហារឹមផ្សេងៗជាច្រើនមុខផ្សេងទៀតទៅ តាមតម្រូវការទីផ្សារនាពេលបច្ចុប្បន្នផងដែរ៕

The post ឧកញ៉ា ម៉ុង ឬទ្ធី កាន់ចបកាប់ដីដឹកនាំដាំកូនត្នោត ១ពាន់ដើមតាមបណ្តោយផ្លូវល្បឿនលឿន appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

១.អ្នកឧកញ៉ា ម៉ុង ឬទ្ធី

​ជាពាណិជ្ជករ​មានឥទ្ធិពលល្បី​ឈ្មោះ​ម្នាក់​នៅ​ប្រទេស​កម្ពុជា។ លោកជាគ្គនាយកក្រុមហ៊ុន ម៉ុង ឬទ្ធី គ្រុប មានបុត្តសម្ព័ន្ធជាច្រើនក្រុមហ៊ុនដែលផ្តោតសំខាន់ជាងគេនោះ គឺមុខរបបរ កសិកម្ម កសិឧស្សាហកម្ម កែច្នៃ ការនាំចេញ សំណង់ និងរោងចក្រផលិតបេតុង។

អ្នកជំនួញល្បីជោគជ័យច្រើនឆ្នាំរូបនេះ ទទួលបានងារជា ឧកញ៉ា តាមព្រះរាជក្រឹត្យ​ នស/រកត/០៤៩៦/០២៧ ចុះថ្ងៃទី៨ ខែមេសា ឆ្នាំ១៩៩៦។

២.ឯកឧត្តម ញឹម វណ្ណដា

ឯកឧត្តម ញឹម វណ្ណដា បច្ចុប្បន្នជាទីប្រឹក្សារាជរដ្ឋាភិបាល អតីតជាមន្រ្តីយោធា អ្នក​នយោបាយ​ជើង​ចាស់។ លោកធ្លាប់បានកាន់តួនាទីជាអនុរដ្ឋមន្រ្តីការបរទេស និងរដ្ឋមន្រ្តីក្រសួងពាណិជ្ជកម្ម និងជាទេសរដ្ឋមន្ដ្រី និងជាអនុប្រធានទី១ នៃគណៈកម្មាធិការជាតិគ្រប់គ្រងគ្រោះមហន្ដរាយ។

ក្រៅ​ពី​ការងារ​រដ្ឋ លោក វណ្ណដា មាន​សួន​សត្វ​ពីរ​កន្លែង នៅ ខេត្ត​កំពត ដែល​មាន​សត្វ​ចម្រុះ ១០៥ ក្បាល និង ៥០ ប្រភេទ​និង ខេត្ត​ព្រៃវែង មាន​សត្វ ៨០ ក្បាល និង ៤០ ប្រភេទ។ ទាំង​ចំណី និង​បច្ចេកទេស​ព្យាបាល គឺជា​ថវិកា​ផ្ទាល់​ខ្លួន​របស់​លោក និង​ជំនួយ​ពី​អង្គការ​នានា គិត​ជា​ទឹក​ប្រាក់​ត្រូវ​ចំណាយ​ប្រមាណ​ប្រាំ​មួយ​ម៉ឺន​ដុល្លារ​ក្នុង​មួយ​ឆ្នាំ។ លោក វណ្ណដា មាន​ចុះ​កិច្ច​ព្រម​ព្រៀង ជាមួយ​ក្រុម​ហ៊ុន​ជប៉ុន​មួយ​ឈ្មោះ ARIS ដើម្បី​ដាំ​ខ្ញី​ចម្រុះ សម្រាប់​នាំ​ចេញ។

លោកត្រូវបានតែងតាំងជា ឧកញ៉ា តាមព្រះរាជក្រឹត្យ នស/រកត/០៤៩៦/០២៦ ចុះថ្ងៃទី៨ ខែមេសា ឆ្នាំ១៩៩៦។

នៅថ្ងៃទី២៤ ខែមិថុនា ឆ្នាំ២០១៩ ព្រះមហាក្សត្រ ព្រះបាទ នរោត្តម សីហមុនី ចេញព្រះរាជក្រឹត្យ ត្រាស់បង្គាប់លោក ញឹម វណ្ណដា ជាទីប្រឹក្សារាជរដ្ឋាភិបាល ឋានៈស្មើទេសរដ្ឋមន្ដ្រី។ ការផ្ដល់តួនាទីថ្មីនេះ ធ្វើឡើងបន្ទាប់ពីលោកត្រូវបានប្រមុខនៃរាជរដ្ឋាភិបាលកម្ពុជា ប្រកាសដកចេញពីតួនាទីទេសរដ្ឋមន្ដ្រី និងជាអនុប្រធានទី១ នៃគណៈកម្មាធិការជាតិគ្រប់គ្រងគ្រោះមហន្ដរាយ៕

The post មកស្គាល់ឥស្សរជនល្បីឈ្មោះម្នាក់ ឡើងងារឧកញ៉ាក្នុងថ្ងៃតែមួយជាមួយអ្នកឧកញ៉ា ម៉ុង ឬទ្ធី appeared first on .

ប្រទេសកម្ពុជាធ្លាប់មានប្រវត្តិរុងរឿងជាងគេនៅតំបន់អាស៊ីភាគអាគ្នេយ៍ ដែលអាចឆ្លុះបញ្ជាំងបានតាមរយៈសម័យមហានគរ ដោយយើងអាចសិក្សាស្វែងយល់បានថា ពឹងផ្អែកលើវិស័យកសិកម្ម ជាវិស័យស្នូលសម្រាប់កសាងមូលដ្ឋានគ្រឹះសេដ្ឋកិច្ច ហើយវិស័យនេះនាំទៅដល់សន្តិសុខស្បៀង។ តាំងពីដើមរៀងមក មានសហគ្រិនខ្មែរច្រើនរូប បានចាប់អារម្មណ៍លើវិស័យកសិកម្ម ដែលជាវិស័យដ៍សំខាន់មួយសម្រាប់ទ្រទ្រង់សេដ្ឋកិច្ចជាតិមួយនេះ។

គេហទំព័រឧកញ៉ាញូស៍ សូមលើកពីឧកញ៉ាគ្រាក់ៗ ៤រូប កំពុងក្តោបក្តាប់មុខជំនួញលើវិស័យកសិកម្ម និងបានទទួលជោគជ័យ ល្បីឈ្មោះបោះសំឡេងនាពេលបច្ចុប្បន្ន។

១.ឧកញ៉ា សុង សារ៉ន

លោកជាអគ្គនាយកក្រុមហ៊ុន Amru Rice ដែលត្រូវបានគេស្គាល់គាត់ថា ជាឧកញ៉ាស្រូវអង្ករវ័យក្មេងមួយរូប។ រហូតមកទល់ពេលនេះក្រុមហ៊ុនលោក បានផលិតអង្ករជាច្រើនប្រភេទដើម្បីលក់លើទីផ្សារ មានដូចជា៖ អង្ករក្រហម អង្ករស អង្ករសំរូប អង្ករសរីរាង្គ ក៏ដូចជាប្រភេទអង្ករពិសេសៗរបស់កម្ពុជាច្រើនប្រភេទទៀត។
លោកឧកញ៉ាតែងតែផ្សារភ្ជាប់មុខជំនួញរបស់លោកជាមួយនឹងកសិករ ដោយបានចូលរួមការបង្កើតសហគមន៍កសិកម្ម ជួយទ្រទ្រង់កសិករ ទាំងការ បណ្តុះបណ្តាល បច្ចេកទេស ការស្វែងរកទីផ្សារឲ្យកសិករ និងការធានាទិញផលពីកសិករក្នុងសហគមន៍។

បច្ចុប្បន្នឧកញ៉ាវ័យក្មេងដែលកំពុងមានឈ្មោះបោះសំឡេងលើវិស័យស្រូវអង្កររូបនេះ កំពុងកាន់តួនាទីជាប្រធានសហព័ន្ធស្រូវអង្ករកម្ពុជា និងជាអគ្គនាយក ក្រុមហ៊ុននាំអង្ករចេញ Amru Rice។

២.ឧកញ៉ា ហ៊ុន ឡាក់

នៅក្នុងចំណោមឧកញ៉ាល្បីៗជាច្រើនរូប ដែលកំពុងមានឈ្មោះបោះសំឡេងខ្លាំងលើវិស័យស្រូវអង្ករ លោកឧកញ៉ា ហ៊ុន ឡាក់ ក៏ត្រូវបានគេដឹងថាមានជំនួញធំៗជាច្រើនទៀតក្នុងដៃ ក្នុងនោះក្រុមហ៊ុននាំចេញអង្ករដ៏ធំមួយ ដែលមានឈ្មោះថា Mekong Oryza Trading គឺជាក្រុមហ៊ុនល្បីឈ្មោះធំមួយនៅកម្ពុជា។

ទន្ទឹមនឹងនេះ លោកឧកញ៉ាក៏មានតួនាទី ជាប្រធានក្រុមប្រឹក្សាភិបាលសហព័ន្ធស្រូវអង្ករកម្ពុជា (CRF) ដែលជាតួនាទីមួយដ៏សំខាន់ក្នុងការត្រួសត្រាយផ្លូវដើម្បីស្វែងរកទីផ្សារអង្ករដល់កម្ពុជាទៅកាន់ពិភពលោកផងដែរ។

៣.ឧកញ៉ា ភួ វាសនា

ដោយមានឈាមជ័រជាអ្នកជំនួញស្រាប់ លោកឧកញ៉ា ភួ វាសនា បានចាប់ផ្តើមប្រឡូកក្នុងវិស័យកសិកម្ម ជាមួយលោកឧកញ៉ា ភួ ពុយ ដែលត្រូវជាឪពុករបស់លោក។ បន្ទាប់លោកបានកាន់តួនាទីជាប្រធានក្រុមហ៊ុន បៃតង កម្ពុជា ភីអិលស៊ី និងកាន់តូនាទីជាច្រើនទៀត ដូចជា អនុប្រធានសហព័ន្ធស្រូវអង្ករកម្ពុជា និងប្រធានសភាពាណិជ្ជកម្មខេត្តបាត់ដំបង។

ក្រុមហ៊ុនបៃតងកម្ពុជា ជាក្រុមហ៊ុនដែលមានមូលដ្ឋានគ្រឹះជាក់លាក់ និងចក្ខុវិស័យច្បាស់លាស់ ក្នុងការរផលិតអង្ករនាំចេញ មានគុណភាពខ្ពស់ និងមានបរិមាណច្រើនជាងគេ នៅទូទាំងប្រទេសកម្ពុជាដោយផ្អែកលើមូលដ្ឋានផលិតរួមមាន៖ ឡសម្ងួត ឃ្លាំងស្តុក បណ្តាញម៉ាស៊ីនកិនស្រូវ ម៉ាស៊ីនកែច្នៃអង្ករ ដែលមានលក្ខណៈបច្ចេកទេសតាមស្តង់ដារអន្តរជាតិ។

ចាប់តាំងពីឆ្នាំ២០០៨មក ក្រុមហ៊ុននេះបានចូលរួមបង្កើតសហគមន៍កសិករ (សហគមន៍បៃតង) នៅតាមបណ្ដាលភូមិ ឃុំ ស្រុក ក្នុងខេត្តបាត់ដំបង ពោធិ៍សាត់ និងខេត្តបន្ទាយមានជ័យ។

៤.ឧកញ៉ា ម៉ុង ឬទ្ធី

ជាសមាជិកព្រឹទ្ធសភាមកពីខាងគណបក្សប្រជាជនកម្ពុជា និងជាស្ថាបនិកនៃក្រុមហ៊ុន Mong Rithy Group Ltd ដែលដើមឡើយបាននាំចេញកៅស៊ូ មុនពេលពង្រីកខ្លួនទៅនាំចេញប្រេងដូង និងចិញ្ចឹមសត្វ។

បើនិយាយពី ឧកញ៉ា ម៉ុង ឬទ្ធី លោកអ្នកប្រហែលជាបានស្គាល់យ៉ាងច្បាស់ណាស់ដូចថ្ងៃ ត្បិតលោក គឺជាស្ដេចកសិកម្មល្បីឈ្មោះបោះសំឡេងមួយរូបនៅប្រទេសកម្ពុជា។

បច្ចុប្បន្នលោកឧកញ៉ាមានមុខជំនួញជាច្រើនប្រភេទដូចជា៖ ក្រុមហ៊ុន ម៉ុង ឫទ្ធី គ្រុប, ក្រុមហ៊ុន ម៉ុង ឫទ្ធី វិនិយោគលើដំណាំដូងប្រេងនៅកម្ពុជា, ក្រុមហ៊ុនសំណង់ក្មេងវត្ត, ក្រុមហ៊ុន M’s PIG ACMC កម្ពុជា, កំពង់ ផែ ឧកញ៉ា ម៉ុង, ក្រុមហ៊ុន កសិកម្មសមុទ្របៃតង, ក្រុមហ៊ុន ឫទ្ធី គិរីសីមា, ក្រុមហ៊ុន ឫទ្ធី គិរីសាគរ និងអាជីវកម្មមួយចំនួនផ្សេងៗទៀត៕

The post ឧកញ៉ាគ្រាក់ៗទាំង៤រូបក្តោបមុខជំនួញក្នុងវិស័យកសិកម្មដែលកំពុងមានឈ្មោះបោះសំឡេង appeared first on .

ឧកញ៉ា ម៉ុង ឬទ្ធី បានថ្លែងថា ដោយសង្កេតឃើញថាកសិករយើងតែងតែ ធ្វើការដាំដុះដំណាំផ្សេងៗ ចេះតែមើលឃើញគេធ្វើហើយយកមក អនុវត្តតៗគ្នាជារៀងរហូតមិនបាន Update ទៅតាមសម័យកាលទំនើបនោះទេ ឱកាសនេះខ្ញុំសុំលើកយកតែដំណាំដូងមួយមុខ មកធ្វើជាឧទាហរណ៍ ខ្ញុំឃើញកសិករយើងនៅតែបន្តការដាំដូងដោយបូមទឹកស្រោច កសិករខ្លះមានលុយច្រើនជួលគេមកតបណ្តាញទូយោស្រោចស្រព ក្នុងមួយហិកតាត្រូវចំណាយអស់ទឹកប្រាក់ចាប់ពី ១.០០០ រហូតទៅដល់ ២.០០០ដុល្លារអាមេរិកផង ហើយត្រូវចំណាយថវិការបូមទឹកស្រោចស្រពជារាងរហូតផងដែល។ លោកឧកញ៉ថា ចំណាយទុនវិនិយោគអស់ច្រើន តម្លៃផលិតខ្ពស់ មិនអាចយកទៅប្រគួតប្រជែងនៅលើទីផ្សារបានឡើយ ។

បើតាមលោកឧកញ៉ាកសិកម្មរូបនេះ ដើម្បីអោយចំណាយថ្លៃដើមផលិតអស់តិច អាចយកទៅប្រគួតប្រជែងនៅលើទីផ្សារបាន ខ្ញុំសូមចែករំលែកបទពិសោធន៍មួយដោយឥតគឹតថ្លៃ FREE មុននិងយើងចាប់ផ្តើមដាំដូងយើងត្រូវតែស្វែងរកទីតាំងដីទំនាប ដូចក្នុងរូបភាពនេះអីចឹង អោយដាច់ឆ្ងាយពីភូមិប្រជាជន ទើបដីនោះមានតម្លៃទាបហើយងាយស្រួលគ្រប់គ្រងថែទាំផង យើងមិនចាំបាច់ចំណាយប្រាក់តទូយោស្រោចស្រព មិនចាំបាច់ចំណាយទៅលើការបូមទឹកស្រោច កាត់បន្ថយកម្លាំងពលកម្ម មិនងាយមានមេរោគឆ្លង បើមានទឹកជោនាចដៃសមុទ្រមិនចាំបាច់ចំណាយប្រាក់ទិញអំបិលយកមកដាក់ទេ។

សេដ្ឋីកសិកម្ម បានគួសបញ្ជាក់ថា បើតាមការសិក្សាបានបន្តិចបន្តួចអោយដឹងថា តម្លៃលក់ផ្លែដូងចាប់ពីអាយុប្រាំឆ្នាំឡើង ទៅបើយើងថែទាំមានទឹក ដាក់ជីគ្រប់គ្រាន់អាចលក់បានពីសែសិបម៉ឺនរៀល ទៅហុកសិបម៉ឺនរៀលមួយដើម ក្នុងមួយឆ្នាំឯណោះ តែបើយើលក់ចំការក៏អាចរកចំណូលបានចាប់ពីហុកសិបដុល្លារ ក្នុងមួយដើមឡើង ទៅអាចរហូតទៅដល់មួយរយម្ភៃដុល្លារផង។

ការដាំដូងក្រអូបគួតែយកកំលាត 6x6m ឬ6x7mជាការល្អ ដើមដូងវាត្រូវខ្យល់អាកាសបរិសុទ្ធ បរិស្ថានល្អដូចមនុស្សយើដែរ៕

The post មហាសេដ្ឋីកសិកម្ម ម៉ុង ឬទ្ធី រំលែកបទពិសោធន៍ដោយឥតគិតថ្លៃ មុននិងចាប់ផ្តើមដាំដុះដំណាំ appeared first on .

ឧកញ៉ាសេដ្ឋីកសិកម្មរូបនេះបានបញ្ជាក់ថា “ពេលនេះលោកវេជ្ជបណ្ឌិតបានវះកាត់តភ្ជាប់ពោះវៀន របស់គាត់ដោយជោគជ័យរួចរាល់ហើយ”។

The post ដូចការសន្យា! ឧកញ៉ា ម៉ុង ឬទ្ធី ចេញថ្លែវះកាត់ ឲ្យអតីតមេបញ្ជាការកងទ័ពខ្មែរក្រហមម្នាក់ appeared first on .

លោកឧកញ៉ា ម៉ុង ឬទ្ធី បានឲ្យដឹងបន្តថា ផ្លែស្វាយកែវរមៀត ដែលនឹងនាំចេញទៅ​កាន់ប្រទេសបារាំងនេះ គឺជាជើងទី១៧ និងប្រទេសរុស្សីជាជើងទី ១០ ក្នុងឆ្នាំ២០១៩​-២០២០។ លោក​ឧកញ៉ាបន្តថា  ទំនិញទាំងអស់នេះ នឹងត្រូវបញ្ជូនតាមជើងយន្តហោះ QATAR ឆ្ពោះទៅកាន់ប្រទេសរុស្ស៊ី មានចំនួន ២,០៤៧គីឡូក្រាម  និងប្រទេសបារាំង មានចំនួន ២,៦១៣.៩៦គីឡូ ផ្លែស្វាយដែលបាននាំចេញសរុប មានចំនួន ២៧ជើង ស្មើរនិងជាង៧៣ម៉ឺនគីឡូក្រាម(៧៣,២០០.៣៤ គីឡូក្រាម)។

ជាមួយគ្នានេះដែរ លោកឧកញ៉ា ម៉ុង ឬទ្ធី ក៏បានបញ្ជាក់ថា ប្រសិនបើ បងប្អូនកសិករ​យើង មានផ្លែស្វាយកែវរមៀតដែលចង់វេចខ្ចប់ រឺក៏បានវេចខ្ចប់ហើយ មានបំណងចង់​លក់សូមទំនាក់ទំនងលេខទូរសព្ទ័  ០៩៨​ ៨៨៨ ៧២៧ និង​ ០៩៨ ៨៨៨ ២៦៤។

ពាក់ព័ន្ធនឹងផ្លែស្វាយនេះដែរ សម្តេចតេជោ ហ៊ុន សែន មានប្រសាសន៍កាលពី​ពេលថ្មីៗនេះថា «ផ្លែស្វាយកម្ពុជា មិនអន់ជាងផ្លែស្វាយរបស់ប្រទេសអាស៊ានទេ អីចឹងប្រភពទីផ្សារ​ដែលយើងនាំមកកូរ៉េ វាក៏ជាផ្នែកមួយនៃ​ការជំរុញការដាំដុះ​នៅប្រទេស​កម្ពុជា ហើយយើងកំពុងស្វែងរកឱកាស ក្នុងការនាំចេញនូវមុខ​ទំ​និញផ្សេងៗថែមទៀត»។

សូមជម្រាបថា កម្ពុជាអាចប្រមូល បានផ្លែស្វាយប្រមាណជា៤លានតោន ក្នុងមួយឆ្នាំ​លើផ្ទៃដាំដុះប្រមាណជា១០ម៉ឺនហិកតា។

របាយការណ៍របស់ក្រសួងកសិកម្ម បានបញ្ជាក់ថា នៅឆ្នាំ២០១៩ កម្ពុជាបាននាំ​ចេញ​ផ្លែស្វាយស្រស់ជិត៦ម៉ឺនតោន ទៅកាន់ប្រទេសវៀតណាម ថៃ សិង្ហបុរី បារាំង រុស្ស៊ី និងចិន៕ អត្ថបទ៖ សិរីការ

The post ឧកញ៉ា ​ម៉ុង ​ឬទ្ធី៖ ផ្លែ​ស្វា​យ​កែវ​រ​មៀ​​ត​ជាង​៧​៣ម៉ឺនគីឡូក្រាម ត្រៀ​ម​នាំចេញទៅ​​កា​ន់ទីផ្សារ​បា​រាំង និងរុស្សី appeared first on .