ភូមិគ្រឹះ​របស់​ឧកញ៉ា ម៉ែរួយ ​​ដេគ័រដោយក្រុមការងារ ម៉ាស្ទ័រ ដេគ័រ (Master Decor) ក្នុង​នោះ​ឃើញ​ថា​សម្រស់​នៅពេល​ដេគ័ររួចហើយ គឺ​ប្រកបដោយគុណភាព និងសោភណ្ឌភាពយ៉ាងប្រណិត ទាំង​នៅ​កន្លែងទទួល​ទាន​អាហារ កន្លែង​ទទួលភ្ញៀវ បន្ទប់ខោអាវ បន្ទប់គេង (Master Bedroom) និង​បន្ទប់ផ្សាយផ្ទាល់ សម្រាប់ការ​ជជែកលេង​ជាមួយ​បងប្អូន។

តាម​រយៈវីដេអូ​ឃ្លិប​របស់​ Master Decor ​បាន​បង្ហាញ​ឱ្យ​ឃើញ​ថា គ្រប់បន្ទប់ទាំងអស់ក្នុងភូមិគ្រឹះ​​អ្នកស្រី​ឧកញ៉ា​ ពិតជាស្រស់ស្អាត​ខ្លាំង​មែនទែន ទៅតាម​វ័យ ទៅតាមពណ៌​រៀងៗ​ខ្លួន​របស់​បន្ទប់នីមួយៗ ដែលមានបែងចែកជា បន្ទប់កូនប្រុស បន្ទប់កូនស្រី បន្ទប់ភ្ញៀវ ស្រស់ស្អាត​ប្លែកពី​គ្នា​ម្យ៉ាងៗ​ម្នាក់។

គួរ​រំឭក​ថា អ្នកស្រី ស្រី ណារួម ហៅ ម៉ែរួយ ត្រូវ​​បានពី​ព្រះករុណា​ព្រះ​បាទ​សម្តេច​ព្រះ​បរមនាថ នរោត្តម សីហមុនី ព្រះមហាក្សត្រ នៃ​ព្រះ​រា​ជា​ណាចក្រកម្ពុជា ​ប្រោស​ព្រះ​រាជទាន គោរម​ងារ​ជា​ «ឧកញ៉ា»​ កាល​ពី​ថ្ងៃ​ទី២៨ ខែ សីហា ឆ្នាំ ២០២០ បន្ទាប់ពី​អ្នកស្រី​តែង​បរិច្ចាគ​ធនធាន​ផ្ទាល់ខ្លួន​ជា​ច្រើន ជួយដល់​សង្គម​ជាតិ៕

សូមទស្សនាវីដេអូលើទំព័រហ្វេសប៊ុក៖ ចុចមើល

The post មកមើលទិដ្ឋភាពក្នុងភូមិគ្រឹះដ៏ស្គឹមស្កៃរបស់ ឧកញ៉ា ម៉ែរួយ បន្ទាប់ពីបញ្ចប់ការដេគ័រ ១០០% appeared first on .

លោកជំទាវឧកញ៉ា ស្រី ណារួម ហៅ ម៉ែរួយ អគ្គនាយិកាក្រុមហ៊ុន រួយអិនហ្វីនីធី និងជាអ្នកលក់ឡេដ៏ល្បីឈ្មោះនៅកម្ពុជា បានបង្ហើបប្រាប់ផងដែរ ដល់អ្នកដែលចង់មានបាន ត្រូវតែហ៊ានចេញរកស៊ី ឬបង្កើតអាជីកម្មដោយខ្លួនឯង ទើបអាចឆាប់សម្រេចបាននូវគោលដៅដែលបានគ្រោងទុក។

លោកជំទាវ បានគូសបញ្ជាក់ថា សម្រាប់អ្នកដែលចង់ធ្វើការឲ្យគេវាមិនមែនជាបញ្ហាអ្វីនោះទេ ប៉ុន្តែសម្រាប់អ្នកដែលចង់មានបាន ឬជាសេដ្ឋី តែបើមិនបញ្ឈប់ការលក់កម្លាំងពលកម្មឲ្យគេ ហើយងាកមកបើករបរខ្លួនឯងទេនោះ នឹងគ្មានថ្ងៃក្លាយជាអ្នកមានបានឡើយ។ បើមិនទាន់មានប្រាក់គ្រប់គ្រាន់សម្រាប់បង្កើតមុខរបរនៅឡើយ ជារឿងត្រឹមត្រូវហើយដែលធ្វើការឲ្យគេ ហើយសន្សំប្រាក់ដើម្បីជាទុនសម្រាប់បង្កើតមុខរបរដោយខ្លួនឯង។

លោកជំទាវបញ្ជាក់បន្ថែមថា ការចេញរកស៊ីឬបង្កើតអាជីវកម្មដំបូង មិនទាន់នឹងអាចទទួលបានផ្លែផ្កាល្អភ្លាមៗនៅឡើយទេ តែអ្វីដែលទទួលបានគឺភាពជាម្ចាស់ការលើខ្លួនឯង។ ការមានគំនិតវិជ្ជមានច្រើន និងក្រឡេកមើលទៅពិភពខាងក្រៅនឹងរៀនសូត្របន្ថែមពីបុគ្គលជោគជ័យ ថាគេធ្វើបែបណាទើបអាចរីកចម្រើនបាន ហើយយកមកបំពេញនូវចន្លោះខ្វះខាតដែលខ្លួនមិនទាន់មានដើម្បីអាចឲ្យខ្លួនឯងរីកចម្រើនបានដូចគ្នា។

ជាចុងក្រោយ លោកជំទាវឧកញ៉ា ស្រី ណារួម សង្កត់ធ្ងន់ថា មិនមែនអ្នកមានមុខរបរផ្ទាល់ខ្លួនទាំងអស់សុទ្ធតែក្លាយជាអ្នកមាន ឬអ្នកជោគជ័យបានទេ ទាល់តែមានភ្ជាប់ជាមួយ នូវបញ្ញា និងដើរត្រូវផ្លូវទើបអាជីវកម្មរបស់ខ្លួនអាចរីកចម្រើនបាន៕

The post ឧកញ៉ា ម៉ែរួយ បង្ហើបប្រាប់ដល់អ្នកដែលចង់មាន ត្រូវតែចេញរកស៊ី appeared first on .

ឆាកជីវិតរបស់មនុស្សនៅលើលោកនេះ រមែងជួបប្រទះរឿងរ៉ាវដែលនឹកស្មានមិនដល់។ ជួបរឿងកម្សត់ទុក្ខ ព្រួយ ហើយបានព្យាយាមតស៊ូរំដោះខ្លួន ដើម្បីចាកឆ្ងាយរបាំងក្រលំបាកសោកសៅមួយ ឆ្ពោះទៅរកពន្លឺរស្មីមួយប្រសើរ។ យ៉ាងណា​អ្នកប្រកប​របរ​លក់ឡេ​ ៥ នាក់​នេះ បាន​កែប្រែវាសនាខ្លួនឯងទៅជាឧកញ៉ា និងខ្លះ​មានអាជីវកម្មទ្រព្យសម្បត្តិស្តុកស្តម្ភ។

១.ម៉ែរួយ

ម៉ែរួយ​ បាន​ផ្លាស់ប្តូរជីវិតយ៉ាងឆាប់រហ័ស ហើយ​អាចកសាងជីវិតថ្មីបានមិនគួរអោយជឿ។ ​មានក្រុមហ៊ុនមួយក្នុងដៃគឺ​ក្រុមហ៊ុន រួយ អ៊ិនហ្វីនីធី (ម៉ែរួយ) ម៉ែរួយ​ មានឈ្មោះពិត ស្រី ណារួម ក៏​មាន​ងារ​ឧកញ៉ានិង​​ជា​អគ្គនាយិកាគ្រឿងសម្អាងរហ័ស​ម៉ែ​រួយ​។

២.ឧកញ៉ា អ៊ាន ស៊ីវម៉ី

លោកជំទាវ ឧកញ៉ា អ៊ាន ស៊ីវម៉ី ដែលជាអ្នកលក់ផលិតផលតាមអនឡាញដ៏ល្បីឈ្មោះម្នាក់ប្រិយមិត្តអ្នកលេងបណ្តាញសង្គមច្បាស់ជាស្គាល់ជាក់ជាមិនខាន។ លោកជំទាវ ឧកញ៉ា អ៊ា ន សៀវ ម៉ី ជា កូនអ្នកខេត្តព្រៃវែង ហើយបានរើបម្រាស់ចេញពីភាពក្រីក្រររហូតចាប់មុខរបរជាអ្នកលក់អនឡាញហើយក្លាយជាអ្នកជំនួញ ដ៏ជោគជ័យម្នាក់ មានលុយ ឡាន វិឡា ដី មាស ពេជ្រ ពាក់ជ្រែកខ្លួន ជាមួយរូបសម្រស់ ក៏ស្រស់ស្អាតផងនោះ។

៣.ទ្រី ដាណា

ប្រវត្តិ អ្នកស្រី ទ្រី ដាណា ពីកូនកំព្រា លក់ខោអាវជជុះ ហើយបន្តចាប់របរលក់អនឡាញ រហូតក្លាយជាម្ចាស់ហាងពេជ្រ អ្នកណា ក៏កោតសសើរ ។ មនុស្សជាច្រើន ស្គាល់អ្នកស្រី ទ្រី ដាណា តាមរយៈសកម្មភាពសប្បុរសធម៌នានា ។

៤.យាយស្រួយ

ពីអ្នកលក់អនឡាញដ៏ល្បីម្នាក់ដែលមានឈ្មោះថា យាយ ស្រួយ រហូតមានទ្រព្យសម្បត្តិមិនខ្វះចាយ​និងប្រេនផ្ទាល់ខ្លួនផងដែរ។ អ្នកលក់អនឡាញរូបនេះត្រូវបានគេដឹងថាជាអ្នកលក់ម្នាក់ ដែលពូកែខាងវោហាស័ព្ទមានភាពកំប្លុកកំប្លែងខ្លាំងគ្រប់ពេលដែលឡាយលក់ផលិតផលម្តងៗគឺមានមហាជនជាច្រើនចូលទៅមើលការឡាយ ព្រោះយាយស្រួយ តែងតែធ្វើឲ្យអ្នកទស្សនាសើចតាំងពីដើមរហូតដល់ចប់តែម្តង។

៥ Love Riya

តារាលក់ឡេលាបស្បែកតាមហ្វេសប៊ុក ជាមួយការបញ្ចេញរូបរាងកាយដ៏សិចស៊ី «Love Riya» គឺជាតារាហ្វេសប៊ុកដ៏ល្បីមួយរូបផងដែរ។ ដោយសារតែស្រ្តីរូបនេះតែងតែផ្សាយផ្ទាល់តាមទំព័រហ្វេសប៊ុក ជាមួយការបញ្ចេញរូបរាងដ៏ស៊ិចស៊ីរបស់នាង និងផ្សព្វផ្សាយលក់ផលិតផលលេលាបស្បែក ដែលសព្វថ្ងៃនេះមានទ្រព្យសម្បត្តិអាជីវកម្មនិងប្រេនផ្ទាល់ខ្លួនលក់លើបណ្ដាញសង្គមហ្វេសប៊ុក។

The post អ្នកលក់ឡេ ៥ នាក់ កែប្រែវាសនាខ្លួនឯងទៅជាឧកញ៉ា និងមានអាជីវកម្មទ្រព្យសម្បត្តិស្តុកស្តម្ភ appeared first on .

តើសហគ្រិនស្ត្រីទាំងនោះជានរណា? កំពុងកាន់កាប់មុខជំនួញអ្វី?

លោកជំទាវ ទ្រី ដាណា

ពីអ្នកលក់ខោអាវជជុះក្រោមឆត្រ នៅតាមមុខរោងចក្រមកក្តាប់មុខជំនួញរាប់សិបលានដុល្លារនាពេលបច្ចុប្បន្ន។ បន្ទាប់ពីមានប្រាក់ក្នុងដៃ លោកស្រី បានចាប់ផ្តើមរកស៊ីដោយភាពប្រថុយយកគ្រឿងសម្អាងពីគេមកលក់បន្តនៅតាមផ្សារ ដោយភាពតស៊ូ និងភាពក្លាហាន បានធ្វើឱ្យលោកស្រី មានម៉ូយកាន់តែច្រើនឡើង។ បន្ទាប់មកលោកស្រីក៍សម្រេចចិត្តប្រថុយយកគ្រឿងសម្អាងពីប្រទេសថៃមកលក់នៅក្នុងស្រុក។

ការប្រឹងប្រែងមិនបោះបង់គោលដៅ រហូតបានសម្រេចក្ដីស្រមៃមួយ គឺបើកក្រុមហ៊ុនមួយកាលពីខែឧសភា ឆ្នាំ២០១៨ ដោយមាននាមករណ៍ ថា ក្រុមហ៊ុន ដាណា ទ្រី ខេមបូឌា ត្រេនឌីង ខូអិលធីឌី ជាក្រុមហ៊ុននាំចូលគ្រឿងសម្អាងម៉ាក NNP Cambodia។

បន្ទាប់ពីជោគជ័យលើមុខជំនួញគ្រឿងសម្អាង លោកស្រី បានបើកអាជីវកម្មថ្មីមួយទៀតគឺហាងលក់គ្រឿងអលង្ការ មាស ពេជ្រ ក្នុងឆ្នាំ២០១៩ នៅផ្សារព្រែកភ្នៅ។

លោកជំទាវ នួន សុន្ទរី ហៅស្រីអូន

​អតីតកាល​ដ៏​ជូរចត់​របស់ស្រីអូនមិនខុសពីនារីមួយចំនួនទៀតឡើយ លោកស្រីធ្លាប់បានរំលឹកប្រវត្តិកាល​នៅ​លក់​អន្សមអាំង​ និងទឹកអំពៅ ទាំង​កណ្ដាល​ថ្ងៃ​ក្ដៅ​ជាមួយម្តាយ ​នៅ​ផ្សារ​គីឡូ​លេខ​៤។

អ្វីដែល​ខ្លោចចិត្ត​បំផុត​សម្រាប់លោកស្រី គឺអាណិត​ម៉ាក់​ដែល​ត្រូវ​ឈរ​អាំងអន្សម​ទាំង​ក្ដៅ​ ពេលខ្លះ​ខ្យល់ គរ​ងងឹតមុខ ហើយសម្រាប់​ប៉ា​ គឺ​រត់​ម៉ូតូឌុប​ខ្លះ​ហើយ​ទៅ​ទិញ​ចេក​និង​អំពៅ ពេល​ល្ងាច​ម៉ាក់​អង្គុយ​រាប់​លុយ​ចំណេញ​តិចតួច បើ​លក់​អស់​មិន​អី​ទេ​តែ​ថ្ងៃ​ខ្លះ​សល់​ច្រើន​ម៉ាក់​ដកដង្ហើម​ធំ​។

ពីកូនអ្នកលក់អន្សមអាំង និងទឹកអំពៅ តស៊ូទម្រាំមានមុខជំនួញ ដែលមានទុនវិនិយោគរាប់សិបលានដុល្លារសហរដ្ឋអាមេរិក។ ក្រុមហ៊ុន លោកស្រីក្តោបក្តាប់ និងគ្រប់គ្រងជំនួញ មានដូចជា ក្រុមហ៊ុន ស្រីអូន សម្រស់ធម្មជាតិ ជាក្រុមហ៊ុនលក់អាហារបំប៉នសុខភាព ឃូស៊ី ដែលកំពុងមានការចាប់អារម្មណ៍និងគាំទ្រពីប្រជាពលរដ្ឋ។

អ្វីដែលគួរឲ្យភ្ញាក់ផ្អើលបំផុតនោះគឺលោកស្រី បានទុនវិយោគលើវិស័យសោទស្សន៍ បានបង្កើតផលិតកម្ម ឈ្មោះ រាម មិនតែប៉ុណ្ណោះទាក់ទាញកំពូលតារាចម្រៀងស្រីល្បីច្រើនជំនាន់ មាស សុខសោភា និងលោក ដួង វីវៈសិទ្ធិ ដែលជារាតាចម្រៀងប្រចាំផលិតកម្មរស្មីហង្សមាស មករួមទ្រនំផងដែរ។

លោកជំទាវឧកញ៉ា អ៊ាន សៀវម៉ី

មួយរយៈចុងក្រោយនេះ លោកជំទាវ ឃើញថាជួបឧបសគ្គផ្ទួនៗគ្នា ដោយរងពាក្យបណ្តឹងត្រូវបានតុលាការកោះហៅជាបន្តបន្ទាប់ លោកជំទាវក៍បានអញ្ជើញទៅតាមការកោះហៅដើម្បីបំភ្លើរួចរាល់ហើយដែរ។ ស្ត្រីអ្នកជំនួញអនឡាញរូបស្រស់ កំពុងកាកកប់និងបាននាំនូវភាពជោគជ័យលេចធ្លោមួយដល់ក្រុមហ៊ុន។

នៅថ្ងៃទី២៧ ខែសីហា ឆ្នាំ២០២០ លោកជំទាវ ត្រូវបានព្រះមហាក្សត្រត្រាស់បង្គាប់ ផ្ដល់គោរមងារ ជា ឧកញ៉ា និងជាអ្នកលក់ផលិតផលតាមអនឡាញតំបូងគេ ដែលទទួលបានងារមួយនេះ។

លោកជំទាវឧកញ៉ា ស្រី ណារួម

ជីវិតរបស់ម៉ែរួយមានប្រវត្តិធ្លាប់ជួបទុក្ខលំបាកវេទនា កាលពីអាយុ១៧ឆ្នាំ ដោយភាពក្រីក្រលោកជំទាវក៍បានបោះបង់ចោលការសិក្សា ទៅស៊ីឈ្នួលគេនៅប្រទេសថៃ។ រស់នៅប្រទេសថៃជាពលរកអស់រយៈពេល ៥ឆ្នាំ ដើម្បីធ្វើការយកលុយមកចិញ្ចឹមគ្រួសារ និងដោះបំណុលគេរាប់សិបម៉ឺនដុល្លារ។

ការមិនលះបង់ចោលនូវការតស៊ូ ជាហេតុធ្វើឲ្យលោកជំទាវ ក្លាយជាអគ្គនាយិកាក្រុមហ៊ុនគ្រឿងសម្អាង Rouy Infinity Co.,ltd ដែលកំពុងមានភាពល្បីល្បាញក្នុងពិភពជំនួញអនឡាញនៅកម្បុជា។ ដោយមានប្រវត្តិធ្លាប់ជួបការលំបាក់ និងយល់ស៊ីជម្រៅរសជាតិនៃជីវិតក្រខ្សត់ បានជម្រុញទឹកចិត្តលោកជំទាវ តែងតែចំណាយថវិការផ្ទាល់ខ្លួន ដើម្បីជួយដល់សង្គមជាហូរហែ និងត្រូវបានព្រះមហាក្សត្រចេញព្រះរាជក្រិត្យ ប្រោសព្រះរាជទានគោរមងារជា ឧកញ៉ា កាលពីថ្ងៃទី២៨ ខែសីហា ឆ្នាំ២០២០កន្លងទៅ៕

The post ស្ត្រីវ័យក្មេង ៤រូប កំពុងធ្វើឲ្យកក្រើកក្នុងពិភពជំនួញអនឡាញ appeared first on .

ឧកញ៉ា ស្រី ណារួម ហៅម៉ែរួយ បានឪ្យដឹងថា “ដោយបានមើលឃើញពីកង្វះខាតឡានសង្រ្គោះបន្ទាន់ ម៉ែរួយនិងក្រុមហ៊ុនរួយអ៊ិនហ្វីនិធី បានបរិច្ចាកឡានសង្គ្រោះបន្ទាន់មួយគ្រឿង តម្លៃជិត20000$ ជួយដល់មន្ទីរពេទ្យបង្អែក អូរជ្រៅ ខេត្តបន្ទាយមានជ័យ”។

សូមបញ្ជាក់ផងដែរថា ក្រុមហ៊ុន រួយ បានចូលរួមបរិច្ចាគថវិកាចំនួន ១ម៉ឺនដុល្លារ ជូនដល់សម្ដេចតេជោ សំរាប់ជួយសំរួលដល់បងប្អូនប្រជាពលរដ្ធខ្មែរ ដែលទទួលរងគ្រោះលំបាកដោយជំនន់ទឹកភ្លៀងនៅប្រទេសកម្ពុជា។

The post ឧកញ៉ា ស្រីណារួម ហៅម៉ែរួយ ឧបត្ថម្ភឡានសង្គ្រោះបន្ទាន់ដល់មន្ទីរពេទ្យបង្អែក អូរជ្រៅ appeared first on .

បន្ទាប់​ពី​ទទួល​បាន​គោរមងារ​ខាង​លើ បាន​ធ្វើ​ឲ្យ​អ្នក​គាំទ្រ​របស់ អ្នក​ជំនួញ​ល្បី​ឈ្មោះ​រូប​នេះ មាន​ការ​ចូល​រួម​អបអរ ព្រម​ទាំង​ជូន​ពរ​ឧកញ៉ា ស្រី ណារួម ហៅ​ម៉ែរួយ​ជា ច្រើន​អ្នក​។

The post អ្នក​លក់​អន​ឡាញ​ល្បី​ឈ្មោះ ម៉ែរួយ ត្រូវ​បាន​ព្រះមហាក្សត្រ​តែងតាំង ជា​ឧកញ៉ា appeared first on .