ឧកញ៉ា លន លាងហុង

អ្នកឧកញ៉ា តុល លន និងក្រុមគ្រួសារ សូមគោរពថ្លែងអំណរគុណ សម្ដេច ឯកឧត្ដម លោកជំទាវ លោកអ្នកឧកញ៉ា អ្នកឧកញ៉ា ឧកញ៉ា និងភ្ញៀវកិត្តិយសទាំងអស់ ដែលអញ្ជើញចូលរួមពិធីមង្គលការកូនប្រុស

អ្នកឧកញ៉ាវត្តភ្នំ — Tue, 21 Jan 2025 09:41:52 +0000

អ្នកឧកញ៉ា តុល លន ស្ថាបនិកក្រុមហ៊ុន លន ស៊ីធី គ្រុប និងជាសមាជិកក្រុមប្រឹក្សាភិបាលនៃសមាគមឧកញ៉ាកម្ពុជា ព្រមទាំងភរិយា និងក្រុមគ្រួសារ កូនកំលោះ កូនក្រមុំទាំងសងខាង សូមគោរពអរគុណ សម្ដេច ឯកឧត្ដម លោកជំទាវ លោកអ្នកឧកញ៉ា អ្នកឧកញ៉ា ឧកញ៉ា និងភ្ញៀវកិត្តិយសទាំងអស់ ដែលបានចំណាយពេលវេលាដ៏មានតម្លៃ អញ្ជើញចូលរួមពិធីរៀបអាពាហ៍ពិពាហ៍ កូនប្រុស-ស្រី អ្នកឧកញ៉ា យ៉ាងច្រើនកុះករ កាលពីថ្ងៃទី១៨ ខែមករា ឆ្នាំ២០២៥ នៅអាគារ ដឹ ព្រេមៀ សេនធ័រ សែនសុខ ។

សូមជម្រាបថា កូនកំលោះ អ្នកឧកញ៉ា តុល លន អនុប្រធាននៃសមាគមឧកញ៉ាកម្ពុជា គឺ ឧកញ៉ា លន លាងហុង ដែលមានតួនាទីជានាយកផ្នែកបច្ចេកទេសសំណង់នៃក្រុមហ៊ុន លន ស៊ីធី គ្រុប និងជាសមាជិកនៃសមាគមសហគ្រិនកម្ពុជាសាមគ្គីដើម្បីអភិវឌ្ឍន៍ ទើបតែចូលរោងជ័យ ជាមួយកូនក្រមុំដ៏ស្រស់សោភា គឺអ្នកនាង វង្ស ស៊ូហ៊ុយ។

ឆ្លៀតក្នុងឱកាសដ៏មហោឡារឹកនេះ អ្នកឧកញ៉ា ផ្ទាល់ ព្រមទាំងក្រុមគ្រួសារទាំងសងខាង ក៏សូមលើកម្រាមដៃដប់ សូមបួងសួងដល់គុណបុណ្យព្រះរតនត្រ័យ គុណកែវទាំងបី វត្ថុស័ក្កិសិទ្ធិក្នុងលោក និងទេវតាថែរក្សាទឹកដីនៃព្រះរាជាណាចក្រកម្ពុជា សូមប្រសិទ្ធពរជ័យ សិរីសួស្ដីមហាបវរ ជូនភ្ញៀវកិត្តិយសទាំងអស់ និងសូមឱ្យភ្ញៀវកិត្តិយសទាំងអស់ បានសមប្រកបនូវពុទ្ធពរទាំងបួនប្រការ គឺអាយុ វណ្ណៈ សុខៈ ពលៈ ជានិច្ចនិរន្តរ៍កុំបីឃ្លៀងឃ្លាតឡើយ ៕

The post អ្នកឧកញ៉ា តុល លន និងក្រុមគ្រួសារ សូមគោរពថ្លែងអំណរគុណ សម្ដេច ឯកឧត្ដម លោកជំទាវ លោកអ្នកឧកញ៉ា អ្នកឧកញ៉ា ឧកញ៉ា និងភ្ញៀវកិត្តិយសទាំងអស់ ដែលអញ្ជើញចូលរួមពិធីមង្គលការកូនប្រុស appeared first on .

ឥស្សរជនជាន់ខ្ពស់ លោកអ្នកឧកញ៉ា អ្នកឧកញ៉ា និងឧកញ៉ាៗច្រើនរូប អញ្ជើញជាភ្ញៀវកិត្តិយសពិធីមង្គលការកូនប្រុស អ្នកឧកញ៉ា តុល លន

អ្នកឧកញ៉ាវត្តភ្នំ — Sat, 18 Jan 2025 13:09:15 +0000

សម្ដេច ឯកឧត្ដម លោកជំទាវ លោកអ្នកឧកញ៉ា អ្នកឧកញ៉ា ឧកញ៉ា និងធុរជន យ៉ាងច្រើនកុះករ នាព្រឹកថ្ងៃទី១៨ ខែមករា ឆ្នាំ២០២៥ បានផ្ដល់កិត្តិយសអញ្ជើញចូលរួម ក្នុងពិធីរៀបអាពាហ៍ពិពាហ៍ ឧកញ៉ា លន លាងហុង កូនប្រុស អ្នកឧកញ៉ា តុល លន ស្ថាបនិកក្រុមហ៊ុន លន ស៊ីធី គ្រុប និងជាសមាជិកក្រុមប្រឹក្សាភិបាលនៃសមាគមឧកញ៉ាកម្ពុជា និងជាអនុប្រធានសមាគមអ្នកអភិវឌ្ឍន៍លំនៅឋានកម្ពុជា ដែលរៀបចំឡើងយ៉ាងអធឹកអធ័ម និងតុបតែងយ៉ាងប្រណីត នៅអាគារ ដឹ ព្រេមៀ សេនធ័រ សែនសុខ ។

កូនកំលោះ គឺលោក ឧកញ៉ា លន លាងហុង ដែលមានតួនាទីជានាយកផ្នែកបច្ចេកទេសសំណង់នៃក្រុមហ៊ុន លន ស៊ីធី គ្រុប និងជាសមាជិកនៃសមាគមសហគ្រិនកម្ពុជាសាមគ្គីដើម្បីអភិវឌ្ឍន៍ ត្រូវជាគូនឹងកូនក្រមុំនាម វង្ស ស៊ូហ៊ុយ ។

ក្រៅពីវត្តមានរបស់ឥស្សរជនជាន់ខ្ពស់ ក៏មានវត្តមានរបស់ លោកអ្នកឧកញ៉ា អ្នកឧកញ៉ា ឧកញ៉ាៗ ដែលជាថ្នាក់ដឹកនាំ និងសមាជិកនៃសមាគមឧកញ៉ាកម្ពុជា, ឯកឧត្តមឧកញ៉ា ហុង ឆេងឈុន សមាជិកក្រុមប្រឹក្សាខេត្តកំពង់ស្ពឺ, ស្ថាបនិក ឈុនស៊ីង គ្រុប និងជាប្រធានសមាគមសហគ្រិនកម្ពុជាសាមគ្គីដើម្បីអភិវឌ្ឍន៍ និងលោកជំទាវ, ព្រមទាំងវត្តមាន អ្នកឧកញ៉ា និងឧកញ៉ាៗ ជាច្រើនរូបអញ្ជើញចូលរួមផងដែរ៕

ពិធីរៀបអាពាហ៍ពិពាហ៍ដ៏ឱឡារឹករបស់កូនប្រុស អ្នកឧកញ៉ា ស្ថាបនិកក្រុមហ៊ុន លន ស៊ីធី គ្រុប ដែលជាគម្រោងអភិវឌ្ឍន៍លំនៅឋាន និងអចលនទ្រព្យដ៏ធំមួយនៅកម្ពុជា ក៏មានវត្តមានដ៏ខ្ពង់ខ្ពស់ពីសំណាក់ឥស្សរជន ថ្នាក់ដឹកនាំជាន់ខ្ពស់ជាច្រើនរូបផ្ដល់កិត្តិយសអញ្ជើញចូលរួមផងដែរ ។

The post ឥស្សរជនជាន់ខ្ពស់ លោកអ្នកឧកញ៉ា អ្នកឧកញ៉ា និងឧកញ៉ាៗច្រើនរូប អញ្ជើញជាភ្ញៀវកិត្តិយសពិធីមង្គលការកូនប្រុស អ្នកឧកញ៉ា តុល លន appeared first on .

ព្រះមហាក្សត្រ ត្រាស់បង្គាប់ផ្តល់គោរមងារ «ឧកញ៉ា» ដល់កូនប្រុសអ្នកឧកញ៉ា តុល លន

ឧកញ៉ាដែនដី — Mon, 24 Jun 2024 00:45:00 +0000

ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា បានប្រោសព្រះរាជទានត្រាស់បង្គាប់ផ្តល់គោរមងារ លោក លន លាងហុង ជា «ឧកញ៉ា» នៅថ្ងៃទី១១ ខែមិថុនា ឆ្នាំ២០២៤ តាមសេចក្តីក្រាបបង្គំទូលថ្វាយរបស់សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា។

លោក លន លាងហុង ត្រូវបានគេស្គាល់ថាជាកូនប្រុសរបស់ អ្នកឧកញ៉ា តុល លន ស្ថាបនិកក្រុមហ៊ុន លន ស៊ីធី គ្រុប ដែលជាគម្រោងអភិវឌ្ឍន៍លំនៅឋានដ៏ធំមួយនៅកម្ពុជា, អនុប្រធានសមាគមអ្នកអភិវឌ្ឍន៍លំនៅឋានកម្ពុជា និងលោកស្រី ហ៊ោ ខាន់។ លោក លន លាងហុង ជាសមាជិកនៃសមាគមសហគ្រិនកម្ពុជាសាមគ្គីដើម្បីអភិវឌ្ឍន៍។ ឧកញ៉ា លន លាងហុង ទើបភ្ជាប់ពាក្យជាមួយគូដណ្តឹងឈ្មោះ វង្ស សូហ៊ុយ កាលពីថ្ងៃទី០៣ ខែកុម្ភៈ ឆ្នាំ២០២៤ ក្រោមការអញ្ជើញចូលរួមជាភ្ញៀវកិត្តិយសពីសំណាក់ លោកអ្នកឧកញ៉ា អ្នកឧកញ៉ា និងឧកញ៉ាៗ ជាច្រើនរូបផងដែរ៕

The post ព្រះមហាក្សត្រ ត្រាស់បង្គាប់ផ្តល់គោរមងារ «ឧកញ៉ា» ដល់កូនប្រុសអ្នកឧកញ៉ា តុល លន appeared first on .