វត្តមានសណ្ឋាគារ តម្លៃ១៨០លានដុលារ«ហៃយ៉ាត់ រីជិនស៊ី ភ្នំពេញ» ត្រូវបានអ្នកជំនាញរំពឹងថា នឹងចូលរួមចំណែកក្នុងការនាំមកនូវកំណើនភ្ញៀវទេចរ ដូចជាភ្ញៀវទេសចរអន្តរជាតិ និងធុរជនពីគ្រប់ទិសទីលើសកលលោកមកកាន់ប្រទេសកម្ពុជា។

ថ្លែងនៅក្នុងពិធីសម្ពោធដាក់ឨ្យប្រើប្រាស់នៅព្រឹកនេះ អ្នកឧកញ៉ា លាង ឃុន សហស្ថាបនិក និងប្រធានក្រុមប្រឹក្សាភិបាលក្រុមហ៊ុន ជីប ម៉ុង បានបង្ហាញការជឿជាក់ថា សណា្ឋគារមួយនេះ ក៏នឹងចូលរួមចំណែកលើកកម្ពស់ការរស់នៅបែបទាន់សម័យស៊ីវិល័យដូចអារ្យប្រទេសផ្សេងៗស័ក្តិសមទៅនឹងការវិវឌ្ឍ និងការប្រសើរឡើងជាងមុននៃជីវភាពរបស់ប្រជាពលនៅក្នុងប្រទេសកម្ពុជា ដែលនេះឆ្លុះបញ្ចាំងពីកំណើនសេដ្ឋកិច្ច និងភាពសម្បូរសប្បាយរបស់ប្រជាពលរដ្ឋគ្រប់រូបពេលប្រទេសមានសន្តិភាពពេញលេញ។

គួររំឭកជូនថា ក្រុមហ៊ុន ជីប ម៉ុង បានរៀបចំពិធីបញ្ចុះបឋមសិលាបើកការដ្ឋានសាងសង់សណ្ឋាគារនាដើមឆ្នាំ២០១៧ ហើយបញ្ចប់ការសាងសង់គ្រោងអគារទាំងមូលនាពាក់កណ្តាលឆ្នាំ២០១៩។ សណ្ឋាគារ «ហៃយ៉ាត់ រីជិនស៊ី ភ្នំពេញ» បានបញ្ចប់ការសាងសង់ស្ថាពរ និងដំណើរការសាកល្បងនៅដើមឆ្នាំ២០២១ ដោយត្រូវបានសាងសង់លើផ្ទៃដីទំហំ ៧,០៣១ម៉ែត្រក្រឡា ស្ថិតនៅចំកណ្ដាលបេះដូងនៃរាជធានីភ្នំពេញ ក្នុងសង្កាត់ជ័យជម្នះ ខណ្ឌដូនពេញ ដោយប្រើប្រាស់ថវិការវិនិយោគសរុបចំនួន ១៨០លានដុល្លារអាមេរិកទាំងថ្លៃដី និងថ្លៃសាងសង់សំណង់៕

The post សណ្ឋាគារលំដាប់ផ្កាយ៥ តម្លៃ ១៨០លានដុល្លារ របស់អ្នកឧកញ៉ា លាង ឃុន សម្ពោធជាផ្លូវការ appeared first on .

មុន​នេះ​​បន្តិច​សម្ដេច​តេជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា បាន​ឲ្យ​ដឹង​ថា គិតត្រឹមម៉ោង៦ល្ងាចថ្ងៃទី១៣ ខែ តុលា ២០២០នេះ ថវិការទទួលបាន១លានដុល្លារ​ហើយ។

​ផេក​ផ្លូវ​ការ​របស់​សម្ដេច​តេជោ​Samdech Hun Sen, Cambodian Prime Ministe បាន​សរសេរ​រៀបរាប់​បែប​នេះ​ថា “ខ្ញុំសូមអរគុណចំពោះសប្បុរសជនដែលបានចូលរួម

ជួយប្រជាជនក្នុងគ្រោះជំនន់ទឹកភ្លៀង

ដែលកំពុងកើតមាននៅក្នុងប្រទេស។

គិតត្រឹមម៉ោង៦ល្ងាចថ្ងៃ១៣តុលា២០២០

នេះថវិការទទួលបាន១លានដុល្លារដែល

ក្នុងនោះ៖

១.លោកឧកញាគិត ម៉េងនិងលោកជំទាវ

ម៉ៅ ចំណាន២០មុឺនដុល្លារ។

២.ក្រុមហ៊ុនជីប ម៉ុង ៣០មុឺនដុល្លារ។

៣.លោកឧកញាថៃ ជាហួតក្រុហ៊ុន ប៉េង ហួត២០មុឺនដុល្លារ។

៤.លោកឧកញាដួង ឆាយនិងលោកជំទាវដេត ម៉ាលីណា១០មុឺនដុល្លារ

៥.លោកជំទាវឧកញាង៉ូវ ម៉ុចនិងលោក

ឧកញាង៉ូវ ស្រ៊ុន១០មុឺនដុល្លារ។

៦.លោកឧកញាថោង សារ៉ាតនិងលោក

ជំទាវទាវ ធីតា១០មុឺនដុល្លារ។

ថវិការដែលសប្បុរសជនចូលរួមនេះនិង

ចាត់ចែងជួយសង្រ្គោះបន្ទាន់តាមរយះ

គណកម្មាធិការជាតិគ្រប់គ្រងគ្រោះ

មហន្តរាយ។

ក្នុងករណីយមានសប្បុរសជនចង់ចូលរួម

បន្ថែមទៀតសូមទាក់ទងលោក

សេង ទៀងរដ្ឋលេខាធិការទីស្តីការ

គណៈរដ្ឋមន្ត្រី។

(ស្រឡាញ់គ្នាក្នុងគ្រាក្រ ស្គាល់មិត្តល្អក្នុងគ្រាលំបាក)៕”

សូមជម្រាបថា ជំនន់ទឹកភ្លៀងបានវាយប្រហារខេត្តជាច្រើនរបស់កម្ពុជា ទាំងក្រសួងស្ថាប័នពាក់ព័ន្ធ អាជ្ញាធរថ្នាក់ជាតិ ថ្នាក់ក្រោមជាតិ និងកងកម្លាំងប្រដាប់អាវុធគ្រប់ប្រភេទ បាននិងកំពុងចេញប្រតិបត្តិការ ជួយសង្គ្រោះប្រជាពលរដ្ឋបណ្តាខេត្តរាជធានីខេត្ត ដែលរងផលប៉ះពាល់ដោយសារជំនន់ទឹកភ្លៀង។

ក្នុងគ្រាដែលប្រជាពលរដ្ឋរងគ្រោះ ដោយសារជំនន់ទឹកភ្លៀងនេះ កាលពីថ្ងៃទី១១ ខែតុលា ឆ្នាំ២០២០ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានអំពាវនាវឱ្យប្រជាពលរដ្ឋទាំងអស់ មានការប្រុងប្រយ័ត្នចំពោះជំនន់ទឹកភ្លៀង។

ជាមួយគ្នានោះ សម្តេចតេជោ ហ៊ុន សែន ក៏បានថ្លែងអំណរគុណដល់ក្រសួង ស្ថាប័ន អាជ្ញាធរពាក់ព័ន្ធគ្រប់ជាន់ថ្នាក់ ដែលបានយកចិត្តទុកដាក់សង្គ្រោះប្រជាពលរដ្ឋបានទាន់ពេលវេលា និងសូមបន្តចាត់វិធានការចាំបាច់នានា និងដឹកនាំកម្លាំងក្នុងការចេញ ជួយសង្គ្រោះប្រជាពលរដ្ឋ តាមភូមិសាស្ត្រ ដែលទទួលខុសត្រូវ ឱ្យបានទាន់ពេលវេលា ដើម្បីទប់ទល់នឹងគ្រោះទឹកជំនន់ ព្រមទាំងកាត់បន្ថយ ឱ្យបានជាអតិបរមានូវការលំបាកនិងផលប៉ះពាល់ដល់អាយុជីវិតប្រជាពលរដ្ឋ និងទ្រព្យសម្បត្តិនានា។

សម្តេចតេជោនាយករដ្ឋមន្រ្តី ក៏បានថ្លែងអំណរគុណផងដែរ ដល់សប្បុរសជននានា ដែលបានចូលរួមឧបត្ថម្ភ ជួយដល់បងប្អូនប្រជាពលរដ្ឋ ដែលកំពុងទទួលរងគ្រោះដោយសារជំនន់ទឹកភ្លៀងនាពេលនេះ៕

The post ជីបម៉ុង គ្រុប បរិច្ចាគ ៣០ម៉ឺនដុល្លារ​ជូនសម្តេចតេជោ សម្រាប់​ជួយ​សង្គ្រោះ​​ពលរដ្ឋរងគ្រោះដោយសារទឹក​ជំនន់ appeared first on .

ព័ត៌មាន​នេះ ត្រូវ​បាន​បញ្ចេញ​ដោយ​លោក ហេង ឡុង ដោយ​ជាមួយ​គ្នា​លោក​បាន ថ្លែង​អំណរគុណ​របស់​អគ្គនាយក ជីប ម៉ុង​ផង។ “គោរព​ថ្លែង​អំណរ​គុណ​ដល់​អ្នក​ឧកញ៉ា លាង ឃុន អគ្គនាយក​ក្រុមហ៊ុន ជីប ម៉ុង គ្រុប ដែល​បាន​បរិច្ចាគ​ទឹក​ប្រាក់ 10ម៉ឺន​ដុល្លារ ដល់​ពលករ​ដែល​បាន​ស្លាប់​ និង​របួស​ក្នុង​ឧបទ្ទវហេតុ​រលំ​អគារ​នៅ​ក្រុង​ព្រះសីហនុ”។ កាយ​វិការ​នេះ លោក ឡុង បាន​ឲ្យ​ដឹង​ទៀត​ថា គឺ​តប​តាម​ការ​អំពាវ​នាវ​របស់​ សម្ដេច​តេជោ​ ហ៊ុន​ សែន ឲ្យ​ចូល​រួម​ចែក​រំលែក​អ្នក​អ្នក​រងគ្រោះ និង​គ្រួសារ​អ្នក​រង​គ្រោះ។ ជា​លទ្ធផល អ្នក​ឧកញ៉ា វ័យ​ក្មេង បាន​ជួយ ១០ម៉ឺន​ដុល្លារ​អាមេរិក។

គួរ​បញ្ជាក់​ថា នេះ​មិន​មែន​ជា​លើក​ទី​១​ទេ​ដែល​ថ្នាក់​ដឹកនាំ ក៏​ដូច​ជា​ក្រុមហ៊ុន ជីប ម៉ុង គ្រុប បាន​បរិច្ចាគ​ទាន​សប្បុរសធម៌ ពោល​គឺ ឧកញ៉ា លាង ឃុន ក៏​បាន​បរិច្ចាគ ទឹក​ប្រាក់ 1​ឆ្នាំ 5ម៉ឺន​ដុល្លារ​ ជូនមូល​និធិ​សិល្បៈ​ចាស់​ជរា​ របស់​ សមាគម​សិល្បករ​ខ្មែរ​ផង​ដែរ៕

The post អ្នក​ឧកញ៉ា​អគ្គនាយក ជីប ម៉ុង ឧបត្ថម្ភ​ដល់​ពលករ​គ្រោះ​ថ្នាក់​​នៅ​ខេត្ត​ព្រះសីហនុ ១០​ម៉ឺន​ដុល្លារ appeared first on .

មានទីតាំងតាមបណ្តោយផ្លូវម៉ុងរិទ្ធី គម្រោងខុនដូដំបូងបង្អស់របស់ក្រុមហ៊ុន ជីប ម៉ុង លែន គឺជាប្រភេទខុនដូប្រណិតមានកម្ពស់ ២៦ បំពាក់ទៅដោយលក្ខណៈពិសេសជាច្រើនសម្រាប់បំរើដល់ការរស់នៅបែបថ្មីនិងទាន់សម័យ។
 

«ផាក លែន ខុនដូ ធីខេ» គឺជាខុនដូដំបូងបង្អស់នៅកម្ពុជាដែលមានសួនច្បារលើ អាកាសសម្រាប់លម្ហែកាយ  បូករួមជាមួយនឹងផ្លូវសម្រាប់រត់ហាត់ប្រាណលើអាកាស។ ក្រៅពីនេះ ខុនដូនេះ ក៏មានអាងហែលទឹកទំហំធំ៦ម៉ែត្រគុណ៤០ម៉ែត្រ ចំណតរថយន្តកម្ពស់បួនជាន់ សួនកុមារធំទូលាយ ក្លឹបហាត់ប្រាណទំនើប កន្លែងធ្វើការរួមគ្នា (Co-working Space) និងទីលានលើអាកាស (Sky Pavillion) សម្រាប់រៀបចំកម្មវិធីជួបជុំផ្សេងៗ។ 

ថ្លែងក្នុងពិធីបើកការលក់ខាងលើ លោក លាង ហេនរី អគ្គនាយកក្រុមហ៊ុន ជីប ម៉ុង លែន បានមានប្រសាសន៍ថា៖ «ផាក លែន ខុនដូ ធីខេ ត្រូវបានបង្កើតឡើងបន្ថែមពីលើប្រភេទគម្រោងលំនៅដ្ឋានផ្ទះវីឡា និងហ្សបហោស៍ របស់យើងដើម្បីឆ្លើយតបទៅនឹងតម្រូវការ និងនិន្នាការរបស់មនុស្សសម័យថ្មីដែលនិយមជ្រើសយកលំនៅដ្ឋានដែលមានតម្លៃសមរម្យ និងមានផាសុខភាព សុវត្ថិភាព សេវាកម្មចម្រុះ ទីតាំងអំណោយផល និងជាពិសេស ការស្នាក់នៅដែលប្រកបដោយស្តង់ដារ»។

ថ្លែងអំពីការបញ្ចប់ការសាងសង់ក្នុងឆ្នាំ ២០២២ ខាងមុខនេះ លោក លាង ហេនរី ក៏បានបញ្ជាក់ថា «ផាក លែន ខុនដូ ធីខេ» ត្រូវបានសាងសង់ពីស្ថាបត្យកម្មដ៏ល្អឯកដើម្បីផ្តល់លំនៅឋាន ដ៏រឹងមាំ និង ទំនើបទាន់សម័យជូនអតិថិជន។

ជាមួយនឹងការធ្វើបទបង្ហាញយ៉ាងក្បោះក្បាយអំពីព័ត៌មាននៃគម្រោងខាងលើជូនដល់អតិថិជនប្រកបដោយសក្តានុពលរបស់ក្រុមហ៊ុន លោក តេង កុយទ្រី អ្នកគ្រប់គ្រងផ្នែកលក់របស់ជីប ម៉ុង លែន បានឲ្យដឹងថាការសម្រេចចិត្តរបស់ក្រុមហ៊ុនក្នុងការឈានជើងចូលក្នុងទីផ្សារខុនដូគឺដោយសារក្រុមហ៊ុនមើលឃើញឱកាសមួយចំនួនដូចជា១)មនុស្សជំនាន់ក្រោយគឺគាត់ចង់សាកល្បងរស់នៅជីវិតបែបថ្មីក្នុងខុនដូ ២) ទីតាំងល្អ ដែលបច្ចុប្បន្នការផ្គត់ផ្គង់ខុនដូក្នុងខណ្ឌសែន សុនមានត្រឹមប្រមាណជា ១៤ ភាគរយ និង ៣) តម្រូវការលំនៅដ្ឋានសមរម្យសម្រាប់គូស្វាមីភរិយាថ្មី។ 

សម្រាប់ការបើកលក់អគារទីមួយដែលមានជាង ១៣០០ យូនីត ក្រុមហ៊ុននឹងមានការបញ្ចុះតម្លៃពិសេសរហូតដល់ ៥ ភាគរយ និងការផ្តល់ជូនការបង់រំលស់ឥតការប្រាក់រហូតដល់ ២ ឆ្នាំទៀតផង ដោយបង់ត្រឹមតែ ៤៩៩ ដុល្លារអាមេរិក ក្នុងមួយខែ។

The post ក្រុមហ៊ុនជីបម៉ុង​របស់ អ្នកឧកញ៉ា លាងឃុន​ចាប់ផ្តើមបើក​លក់គម្រោង​ខុនដូប្រណិត​ដំបូង​បង្អស់​របស់​ខ្លួន​ហើយ appeared first on .