ពិធីបំពាក់មេដាយនេះ បានធ្វើឡើងនៅក្នុងឱកាសដែលសម្តេចបានអញ្ជើញចូលរួមជាអធិបតីដ៏ខ្ពង់ខ្ពស់ក្នុងពិធីបិទសន្និបាតប្រចាំឆ្នាំលើកទី២ បូកសរុបលទ្ធផលការងារឆ្នាំ២០២៤ និងលើកទិសដៅផែនការ ឆ្នាំ២០២៥ របស់សមាគមឧកញ៉ាកម្ពុជា កាលពីថ្ងៃទី១៤ ខែមីនា ឆ្នាំ២០២៥។

អ្នកឧកញ៉ា លាង ពៅ (ភីធើរ) ជាអគ្គនាយកពហុពាណិជ្ជកម្ម និងសមាជិកក្រុមប្រឹក្សាភិបាល ក្រុមហ៊ុន ជីប ម៉ុង និងជាស្ថាបនិក Rev Up Cambodia។ ចំណែកឯ ឧកញ៉ា លាង ហួង (ហេនរី) ជាអគ្គនាយកពហុពាណិជ្ជកម្ម និងសមាជិកក្រុមប្រឹក្សាភិបាល ក្រុមហ៊ុន ជីប ម៉ុង ផងដែរ។

សូមជម្រាបថា មេដាយជាតូបការ ជាគ្រឿងឥស្សរិយយសប្រភេទមាតុប្រទេស លំដាប់ខ្ពស់ជាងគេបំផុតនៅកម្ពុជា សម្រាប់បំពាក់ជូនចំពោះវរជន ដែលមានគុណដ៏ឧត្តុងឧត្តមក្នុងការបម្រើមាតុប្រទេស ហើយត្រូវបានប្រទានដោយព្រះមហាក្សត្រនៃព្រះរាជាណាចក្រកម្ពុជា តាមរយៈព្រះរាជក្រឹត្យ៕

The post អ្នកឧកញ៉ា ឧកញ៉ា ថ្នាក់ដឹកនាំកំពូលក្រុមហ៊ុន ជីប ម៉ុង ២រូប ទទួលបានការបំពាក់មេដាយ «ជាតូបការ» ពីសម្តេចធិបតី ហ៊ុន ម៉ាណែត appeared first on .

ការអះអាងពីក្ដីរំពឹង និងមហិច្ឆិតា របស់លោកឧកញ៉ា លាង ហួង ជុំវិញការត្រៀមខ្លួនរួចរាល់ ក្នុងការផ្សារភ្ជាប់ពាណិជ្ជកម្ម​ឆ្លងប្រទេសរវាង ក្រុមហ៊ុន ខ្មែរ ប៊ែវើរីជីស ដែលជាក្រុមហ៊ុនខ្មែរ វិនិយោគលើការផលិតភេសជ្ជៈឈានមុខគេនៅកម្ពុជា អស់រយៈពេលជាង ៤០ឆ្នាំ ហើយបាននឹងកំពុងកសាង ពង្រីកបណ្ដាញទីផ្សារក្នុង និងក្រៅប្រទេសបានយ៉ាងរឹងមាំ។

ក្រោយដំណើរទស្សនៈកិច្ច ស្វែងយល់ពីច្រវាក់ផលិតកម្ម និងបច្ចេកវិទ្យា គ្រឿងចក្រទំនើបៗលំដាប់ពិភពលោក ក្នុងរោង​ចក្រ ខ្មែរ ប៊ែវើរីជីស រួចរាល់ ឯកឧត្តម យ៉ សូ មីន ក៏បានបង្ហាញនូវអារម្មណ៍ភ្ញាក់ផ្អើល និងវាយតម្លៃខ្ពស់ ចំពោះរោងចក្រ ខ្មែរ ប៊ែវើរីជីស ដែល ពិតជា ស័ក្តិសមជាក្រុមហ៊ុនផលិតភេសជ្ជៈ និងស្រាបៀរឈានមុខគេនៅកម្ពុជា។

ឯកឧត្ដម ក៏បានបង្ហាញជំហរត្រៀមជួយសម្របសម្រួលលើការសហការពាក់ព័ន្ធ និងសូមលើកទឹកចិត្ត ឱ្យថ្នាក់ដឹកនាំ ក្រុមហ៊ុន ខ្មែរ ប៊ែវើរីជីស ស្វែងរកការសហការសមស្របណាមួយ ជាមួយក្រុមហ៊ុនវិនិយោគិន នៅប្រទេសមីយ៉ាន់ម៉ា តាមលទ្ធភាពដែលអាចធ្វើបាន ដើម្បីឈានឆ្ពោះទៅជំរុញពាណិជ្ជកម្មប្រទេសទាំងពីរ កម្ពុជា មីយ៉ាន់ម៉ាឱ្យកាន់តែកើនឡើង​ទ្វេដងថែមទៀត។

ក្រុមហ៊ុន ខ្មែរ ប៊ែវើរីជីស គឺជាពាណិជ្ជកម្មដ៏លេចធ្លោរមួយ របស់ក្រុមហ៊ុន ជីប ម៉ុង វិនិយោគដោយសហគ្រិនខ្មែរ និងឈរ​ជើងយ៉ាងរឹងមាំក្នុងប្រទេសកម្ពុជា អស់រយៈពេលជាង ៤០ឆ្នាំ កន្លងមកហើយ។ តាមរយៈការនាំចូលវត្ថុធាតុដើម គ្រឿង​ចក្រទំនើបៗពីសហគមន៍អឺរ៉ុប រួមទាំងបច្ចេកវិទ្យាទំនើបចុងក្រោយរបស់ពិភពលោកជាដើម បានជំរុញឱ្យ គ្រប់ផលិតផល​ភេសជ្ជៈ និងស្រាបៀរ ដែលផលិតចេញពីរោងចក្រ ខ្មែរ ប៊ែវើរីជីស សុទ្ធតែមានគុណភាព ស្តង់ដាកម្រិតពិភពលោក។

ជារៀងរាល់ឆ្នាំ ថ្នាក់ដឹកនាំកំពូលក្រុមហ៊ុន ខ្មែរ ប៊ែវើរីជីស តែងតែយកចិត្តទុកដាក់ លើការកសាងទំនាក់ទំនង​ការទូតយ៉ាង​ស្អិតរមួត ជាមួយមន្ត្រីស្ថានទូតនានាប្រចាំប្រទេសកម្ពុជា តាមរយៈការអញ្ជើញមកបំពេញទស្សនកិច្ច​ផ្ទាល់ដល់ក្នុង​រោង​ចក្រ។ ជាលទ្ធផល ក្រុមហ៊ុន វិនិយោគរបស់សហគ្រិនខ្មែរដ៏ល្បីល្បាញមួយនេះ បានឈានទៅចុះអនុស្សរណៈយោគយល់​ភាព​ជាដៃគូ​ពាណិជ្ជកម្ម ជាមួយបណ្ដាប្រទេសជិតខាង និងក្នុងតំបន់អាស៊ានជាបន្តបន្ទាប់។

តួយ៉ាង កាលពីដើមឆ្នាំ​២០២៤ ថ្នាក់ដឹកនាំកំពូល ក្រុមហ៊ុន ខ្មែរ ប៊ែវើរីជីស ក៏ទើបតែចុះហត្ថលេខាលើអនុស្សរណៈ​នៃការ​យោគយល់គ្នា ចាប់ផ្តើមភាពជាដៃគូពាណិជ្ជកម្ម ជាមួយក្រុមហ៊ុនសិង្ហបុរី ក្នុងការនាំចេញផលិតផល CAMBODIA BEER និងភេសជ្ជៈគ្រប់ប្រភេទ ដែលមានគុណភាពស្តង់ដារខ្ពស់ ទៅដាក់លក់បន្ដនៅទីផ្សារសិង្ហបុរី ហើយក៏កំពុងតែ​សិក្សានាំចេញផលិតផលទៅកាន់ប្រទេសនានាជាច្រើនទៀតផងដែរ៕

The post ឧកញ៉ា លាង ហួង បង្ហាញមហិច្ឆិតាគ្រោងនាំចេញផលិតផលស្តង់ដា «Made in Cambodia» របស់ក្រុមហ៊ុន ខ្មែរ ប៊ែវើរីជីស ទៅកាន់សហភាពមីយ៉ាន់ម៉ា appeared first on .

ស្ថានីយ៍ថ្មីនេះ មានសមត្ថភាពច្រោះទឹកកខ្វក់បាន ៥០០០ម៉ែត្រគូបក្នុង១ថ្ងៃ ២៤ម៉ោងលើ២៤ម៉ោង ដោយប្រព័ន្ឋបញ្ជាស្វ័យប្រវត្តិ និងបូមទឹកកខ្វក់ពីស្ថានីយ៍បូមទឹកបឹងត្របែក។ តាមការពិសោធន៍ ទឹកកខ្វក់មុនឆ្លងកាត់ការច្រោះមាន BOD = 80mg/l និងក្រោយឆ្លងកាត់ការច្រោះរួចក្លាយជាទឹកស្អាត គ្មានក្លិនស្អុយ ដែលមាន BOD=11mg/l ប៉ុណ្ណោះ។

សម្ដេចធិបតី ហ៊ុន ម៉ាណែត មានប្រសាសន៍ថា៖ «ក្នុងចំណោមសមិទ្ធផលជាង ៧០គម្រោងដែលបានធ្វើឡើងនៅកម្ពុជាកន្លងមកនេះ ជាសមិទ្ធផលនៃកិច្ចសហប្រតិបត្តិការកម្ពុជា-ជប៉ុន ខណៈការសម្ពោធសមិទ្ធផលស្ថានីយប្រព្រឹត្តកម្មទឹកកខ្វក់ជើងឯក ក៏ជាសមិទ្ធផលថ្មីមួយទៀត នៃខួបទំនាក់ទំនងការទូតរយៈពេល៧០ឆ្នាំកម្ពុជា-ជប៉ុនមុនបំណាច់ឆ្នាំសាកលនេះ»។

ទន្ទឹមនឹងនេះសម្ដេចធិបតីក៏បានថ្លែងអំណរគុណដល់មិត្តជប៉ុន ដែលបានជួយកសាងស្ថានីយប្រព្រឹត្តកម្មទឹកកខ្វក់ ជើងឯក នេះដើម្បីជាប្រយោជន៍ដល់ប្រជាពលរដ្ឋនៅរាជធានីភ្នំពេញ និងជួយដល់បរិស្ថានល្អ ផាសុខភាពរបស់របស់ប្រជាពលរដ្ឋ ខណៈសមិទ្ធផលនេះ ក៏ជាសមិទ្ធផលមួយនៃផែនការគ្រប់គ្រងទឹកកខ្វក់របស់កម្ពុជាផងដែរ។

សម្តេចធិបតី ហ៊ុន ម៉ាណែត បានថ្លែងថា ទំនាក់ទំនងកម្ពុជា-ជប៉ុន នឹងត្រូវបានបន្តពង្រីកបន្ថែមទៀត នៅក្នុងឆ្នាំថ្មីឆ្នាំ២០២៤ ពោលគឺជាខួបទី៧១ឆ្នាំនៃទំនាក់ទំនងការទូតនៃប្រទេសទាំងពីរ ហើយសម្ដេចធិបតី បញ្ជាក់ថា កម្ពុជា និងជប៉ុន នៅមានកិច្ចសហប្រតិបត្តិការ ជាមួយគ្នាជាច្រើនទៀត ដោយឈរលើភាពជាដៃគូយុទ្ធសាស្ត្រគ្រប់ជ្រុងជ្រោយនៃប្រទេសទាំងពីរ។

ជាមួយគ្នានេះ សម្ដេចធិបតីនាយករដ្ឋមន្រ្ដី ក៏បានស្នើដល់រាជរដ្ឋាភិបាល និងប្រជាជនជប៉ុន បន្តគាំទ្រដល់ទំនាក់ទំនងរបស់ប្រទេសទាំងពីរ ឱ្យកាន់តែរឹងមាំទៅមុខបន្ថែមទៀត។

សូមជម្រាបជូនថា ស្ថានីយប្រព្រឹត្តកម្មទឹកកខ្វក់នេះ ត្រូវបានសាងសង់ឡើងលើផ្ទៃដីទំហំ ៣ហិកតា នៅភូមិព្រែកតាគង់១ សង្កាត់ចាក់អង្រែ រាជធានីភ្នំពេញ។ គម្រោងនេះបើកការដ្ឋានសាងសង់ជាផ្លូវការ នៅថ្ងៃទី២២ ខែកុម្ភៈ ២០២២ ក្រោមវត្តមានសម្តេចតេជោ ហ៊ុន សែន នាយករដ្ឋមន្ត្រីអាណត្តិទី៦ និងលោក មីកាមិ ម៉ាសាហ៊ីរុ អតីតឯកអគ្គរដ្ឋទូតជប៉ុនប្រចាំនៅកម្ពុជា៕

The post ស្ថានីយ៍ប្រព្រឹត្តិកម្មទឹកកខ្វក់បឹងជើងឯក តម្លៃជាង ២៤លានដុល្លារដាក់ឲ្យប្រើប្រាស់ជាផ្លូវការ ក្រោយបុរីឧកញ៉ា លាង ហួង appeared first on .

អគ្គនាយកក្រុមហ៊ុន ជីប ម៉ុង លែន ឧកញ៉ា លាង ហួង ហៅ​ ហេនរី បានបន្ថែមទៀតថា អតិថិជននឹងទទួលបានបទពិសោធន៍ នៃការរស់នៅដ៏មានកិត្យានុភាព និងឧត្ដមភាព ក្នុងគម្រោង លែនម៉ាក តំបន់ផ្លូវ ៦០ម៉ែត្រ ជាមួយប្រភេទគេហដ្ឋានចម្រុះដ៏ទំនើប រួមទាំងមុខងារពិសេសៗជាច្រើន ដូចជា ផ្សារទំនើប ជីប ម៉ុង ៦០ម៉ែត្រ សួនឧទ្យាន ព្រមទាំងក្លឹបហោស៍ដ៏ប្រណីត។

ចំណែកលោក Arnaud DUFRESNE អគ្គនាយកក្រុមហ៊ុន ជីប ម៉ុង រីថែល ក៏បានបន្ថែមថា៖ “ជីប ម៉ុង រីថែល បានសហការជាមួយ ជីប ម៉ុង លែន ដើម្បីស្ថាបនាផ្សារទំនើប ជីប ម៉ុង ៦០ម៉ែត្រ ដែលនឹងក្លាយជាផ្សារ ទំនើបបែប សហគមន៍ជំនាន់ថ្មី ផ្ដោតសំខាន់លើទំនិញប្រើប្រាស់ប្រចាំថ្ងៃ ដ៏មាន គុណភាព អាហារនិងភេសជ្ជៈ សេវាកម្ម រួមទាំងការកម្សាន្ត សម្រាប់ អតិថិជន ក្នុងគម្រោង រួមទាំងប្រជាជនក្នុងតំបន់ ៦០ម៉ែត្រទាំងមូល។

ពិធីបើកលក់ជាផ្លូវការគម្រោង លែនម៉ាក ៦០ម៉ែត្រទី២ នឹងប្រព្រឹត្តទៅ រយៈពេលបីថ្ងៃ ចាប់ពីថ្ងៃទី១៨ ដល់ថ្ងៃទី២០ ខែកុម្ភៈ ជាមួយនឹងការផ្ដល់ ជូនដ៏អស្ចារ្យចំនួន៣ រួមមាន៖

១. បង់ប្រាក់ត្រឹមតែ១ភាគរយក្នុង១ខែ ដោយឥតការប្រាក់ និងឥតប្រាក់កក់

២. ការបញ្ចុះតម្លៃពិសេសរហូត ដល់៨ភាគរយភ្លាមៗនិង

៣. កម្ចីទិញផ្ទះពីធនាគារ ជីប ម៉ុង ផ្ដល់ជូន រហូតដល់៩៥ភាគរយនៃតម្លៃផ្ទះ។

ការិយាល័យលក់គម្រោង លែនម៉ាក ៦០ ម៉ែត្រ ដែលស្ថិតនៅតាម បណ្ដោយផ្លូវ៦០ម៉ែត្រ ត្រឹមតែ២នាទីប៉ុណ្ណោះពីផ្សារទំនើបអ៊ីអនមានជ័យ ៕

The post ឧកញ៉ា លាង ហួង៖ Land Mark ផ្លូវ៦០ម៉ែត្រ នឹងក្លាយជាគម្រោងអភិវឌ្ឍន៍លំនៅឋានធំជាងគេបង្អស់ក្នុងតំបន់នោះ appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

នៅពីក្រោយភាពជោគជ័យដ៏ត្រចេះត្រចង់របស់ ជីបម៉ុង លែន ដ៏ល្បីល្បាញ់នាបច្ចុប្បន្ននេះ ក៏មានសហស្ថាបនិកជាច្រើន ក្នុងនោះក៏មានលោកឧកញ៉ា លាង ហួង អគ្គនាយកក្រុមហ៊ុន ជីប ម៉ុង លែន ដែលបានខំខិតលះបង់ដើម្បីនាំមកនូវភាពជោគជ័យមកឲ្យជីបម៉ុង គ្រុប។

ឧកញ៉ា លាង ហួង ដែលគេស្គាល់ឈ្មោះ ហេនរី  អ្នកជំនួញអចលនទ្រព្យលាក់មុខមួយរូបនៅកម្ពុជា និងជាថ្នាក់ដឹកនាំដ៏ឆ្នើម ខណៈដែលលោកកាន់តួនាទីអគ្គនាយកក្រុមហ៊ុន ជីប ម៉ុង លែន ដែលជា​បុត្រ​សម្ព័ន្ធ​របស់​ក្រុមហ៊ុន​ ជីប ម៉ុង​ គ្រុប ជា​​ក្រុមហ៊ុន​​វិនិយោគអចលនទ្រព្យ​ក្នុង​ស្រុក​​ ផ្តល់ជូនគេហដ្ឋានតាមក្តីស្រមៃរបស់មនុស្សគ្រប់គ្នា។ គម្រោងលំនៅឋានរបស់ ជីបម៉ុង លែន សាងសង់ឡើងដោយប្រើប្រាស់សម្ភារៈ ដែលមានគុណភាពខ្ពស់បំផុត និងមានវិញ្ញាបនបត្រ ISO បញ្ជាក់ ដូចជា បេតុង ជីប ម៉ុង ដែកថែបអ៊ីតាលីម៉ាក វី ក្បឿង ជីប ម៉ុង និងទុយោ ជីប ម៉ុង ជាដើម។

ការរចនាម៉ូដទាំងក្នុង និងក្រៅរបស់លំនៅឋាននីមួយៗ ជារចនាបថមិនចេះហួសសម័យ ដែលឆ្លុះបញ្ចាំងពីការគិតគូរយ៉ាងហ្មត់ចត់លើទំនោររបស់មនុស្សគ្រប់សម័យកាល។ លំនៅឋាន ជីបម៉ុង លែន ត្រូវបានបំពាក់ដោយបរិក្ខារទំនើបៗ និងហ៊ុមព័ទ្ធទៅដោយក្លឹបហៅស៍ សួនច្បារ ចំណតរថយន្ត ទីធ្លាកម្សាន្ត និងផ្សារសហគមន៍ ដើម្បីធានាជូនអតិថិជននូវការ «ជឿជាក់ក្នុងការរស់នៅ»។

សូមជម្រាបជូនលោកអ្នកនាងដែលថា គម្រោងដំបូងគេបង្អស់របស់ ជីបម៉ុង លែន គឺ ផាក លែន សែនសុខ ត្រូវបានបញ្ចប់ដោយជោគជ័យ និងបានប្រគល់ជូនអតិថិជននៅក្នុងឆ្នាំ២០១៧។ បច្ចុប្បន្ននេះ ជីបម៉ុង លែន មានគម្រោងចំនួនប្រាំបួនផ្សេងទៀត ដែលស្ថិតក្រោមការសាងសង់៖ គម្រោង លែនម៉ាក ២៧១, គម្រោង លែនម៉ាក ៦០ម៉ែត្រ, គម្រោង ផាក លែន ៥៩៨, គម្រោង ផាក លែន ធី ខេ, គម្រោង ផាក លែន ខុនដូ ធីខេ, គម្រោង ផាក លែន ៦អា, គម្រោង ផាក លែន ៥០ម៉ែត្រ និង គម្រោង លែន រីច ចំការដូង ដែលគម្រោងទាំងអស់នេះផ្តល់ជូននូវលំនៅឋានជាច្រើនប្រភេទរួមមាន វីឡា វីឡាកូនកាត់ ហ្សបហៅស៍ និងខុនដូ ដើម្បីបំពេញតាមតម្រូវការរបស់ប្រជាពលរដ្ឋ ដែលកំពុងមានការកើនឡើងសម្រាប់គេហដ្ឋានដែលមានគុណភាពខ្ពស់ និងមានរចនាបថប្រណីត។

យើងសង្កេតឃើញថា ជីប ម៉ុង លែន បាននឹងកំពុងជ្រើសរើសអភិវឌ្ឍគម្រោងទាំងអស់របស់ខ្លួននៅតំបន់យុទ្ធសាស្ត្រ។ មានសក្តានុពលនៃការអភិវឌ្ឍ ដែលមានផ្លូវចេញចូលឆាប់រហ័ស និងងាយស្រួលបំផុតទៅកាន់ផ្សារទំនើប សាលារៀនរដ្ឋ និងសាលាអន្តរជាតិ ធនាគារ និងមន្ទីរពេទ្យ។

មកដល់ពេលបច្ចុប្បន្ននេះ ជីបម៉ុង លែន មានបុគ្គលិកបម្រើការជាអ្នកឯកទេសជាតិ និងអន្តរជាតិ និងអ្នកជំនាញជាង៤០០០នាក់ ដែលពួកគេទាំងអស់ប្តេជ្ញាចិត្តជួយធ្វើឲ្យការរស់នៅរបស់ប្រជាពលរដ្ឋកម្ពុជាកាន់តែប្រសើរ តាមរយៈសំណង់ដែលមានគុណភាពខ្ពស់ ស្តង់ដាសម្រាប់ការរស់នៅ និងបំពាក់ដោយបរិក្ខារលំនៅឋាន និងសេវាកម្សាន្ត ដែលមានភាពល្អផ្តាច់គេ៕

អត្ថបទទាក់ទង៖

The post មកស្គាល់អ្នកជំនួញអចលនទ្រព្យម្នាក់ ដែលនាំនូវភាពជោគជ័យដ៏អស្ចារ្យមកក្រុមហ៊ុន ជីបម៉ុង លែន appeared first on .