ពិធី​សម្ពោធ​ការិយាល័យ​លក់​តូប​នៅ​ក្នុង​ផ្សារសិនជូរី ផ្លាហ្សា ​​ខាង​លើ​នេះ​ ​មាន​ការ​អញ្ជើញ​​​ពី​សំណាក់​​អាជីវករ និង​ភ្ញៀវ​កិត្តិយស​ជា​ច្រើន​រូប​ផង​ដែរ។ ក្រុមហ៊ុន Han Thong Group ក្រោមការដឹកនាំរបស់លោកឧកញ៉ា លីម លាង និង​ផ្សារ​សិនជូរី ផ្លាហ្សា របស់​អ្នកឧកញ៉ា ចាន់ សុទ្ធា អភិវឌ្ឍន៍គម្រោងដោយក្រុមហ៊ុន JLECC បានចុះអនុស្សរណៈយោគយល់ស្តីពី «ការសហការ​ជាដៃគូ​យុទ្ធសាស្ត្រ» និងបើកលក់ជាន់ផ្ទាល់ដីជាផ្លូវការ ចាប់តាំងពីថ្ងៃទី០១ ខែមករា ឆ្នាំ២០២៤។

ឧកញ៉ា លីម លាង មានទំនុកចិត្ត​ថា ផ្សារសិនជូរី ផ្លាហ្សា ដែលមានប្រវត្តិដំណើរការបានជាង៣០ឆ្នាំមកហើយ នឹងអាច​ជួយឱ្យ​បងប្អូនអាជីវករទាំងអស់ ​ប្រកបអាជីវកម្ម​ដោយស្ថេភាព និង​ទទួលបានប្រាក់ចំណូលខ្ពស់ ហើយ​នឹងក្លាយជា​ចំណែក​មួយដ៏សំខាន់ ក្នុងការជួយជំរុញ​សេដ្ឋកិច្ចជាតិ​កាន់តែលូតលាស់​បន្ថែម​ទៀត។ លោក​ឧកញ៉ា ធ្លាប់​បាន​បញ្ជាក់​យ៉ាង​ដូច្នេះ​ថា៖ “ផ្សារសិនជូរី ផ្លាហ្សា នឹងប្រគល់តូបជូនអតិថិជនក្នុងអំទ្បុងចុងខែមករា ដល់ខែកុម្ភៈ ឆ្នាំ២០២៤នេះ ហើយ​ផ្សារសិនជូរី ផ្លាហ្សា នឹងចាប់ផ្តើមបើកធ្វើអាជីវកម្មនៅខែមេសា​ ឆ្នាំ២០២៤ ឆាប់ៗខាងមុខ”។

សូម​ជម្រាប​ថា ផ្សារទំនើបសិនជូរី ផ្លាហ្សា បាន​សម្ពោធបើកការដ្ឋាន កាលពី​ថ្ងៃទី២៧ ខែវិច្ឆិកា ឆ្នាំ២០១៩ ​​​ក្រោម​អធិបតីភាព​លោក ឃួង ស្រេង អភិបាលរាជធានីភ្នំពេញ និង​អ្នកឧកញ៉ា ចាន់ សុទ្ធា អគ្គនាយិកា​ក្រុមហ៊ុន សិនជូរី គ្រុប។ ផ្សារ​ទំនើប​សេនជូរីផ្លាហ្សា ជាផ្សារប្រពៃណីបោះដុំ និងលក់រាយដ៏ធំជាងគេបំផុត ក្នុងតំបន់ខណ្ឌពោធិ៍សែនជ័យ ដែល​សាងសង់លើផ្ទៃដី ១,១៤០០ម៉ែត្រការ៉េ ស្ថិត​នៅ​លើ​ផ្លូវ​សហព័ន្ធ​រុស្ស៊ី សង្កាត់កាកាបទី១ មានកម្ពស់​៧ជាន់ ផ្នែកខាង​លើ៥ជាន់ និងក្រោមដី២ជាន់។ ផ្សារទំនើបសិនជូរីផ្លាហ្សានេះ នឹងក្លាយជាតំបន់ ឧស្សាហកម្ម ពាណិជ្ជកម្ម សេវាកម្ម និងតំបន់ទេសចរណ៍ដ៏សំខាន់ សម្រាប់បម្រើឱ្យសេចក្ដីត្រូវការរបស់អតិថិជន៕​​​​

The post ឧកញ៉ា លីម លាង បើកសម្ពោធការិយាល័យលក់ «ផ្សារសិនជូរី ផ្លាហ្សា» ជាផ្លូវការ appeared first on .

គីរីផាក រេស៊ីដេន & រីសត ស្ថិតនៅតំបន់កណ្តាលនៃរាជធានីភ្នំពេញ និងខេត្ត​ព្រះសីហនុ ដែលជាទីក្រុងធំទាំងពីរ​ប្រចាំប្រទេសកម្ពុជា ដោយ​ធ្វើ​ដំណើរ​​ត្រឹម​ ៣០នាទីពីក្រុងព្រះសីហនុ និងប្រមាណ ១ម៉ោងកន្លះ​ពីរាជធានី​ភ្នំពេញ។ កត្តាភាពងាយស្រួលក្នុងការធ្វើដំណើរ ​ដោយ​មាន​ផ្លូវ​ល្បឿនលឿន​ភ្នំពេញ-ព្រះសីហនុ​ផង​នោះ​ បាន​ទាក់ទាញភ្ញៀវទេសចរ​មកពីបណ្តាលប្រទេសនានា ទៅ​កម្សាន្ត​យ៉ាងកុះករ។ គីរីផាក រេស៊ីដេន & រីសត ស្ថិតនៅភូមិស្ទឹងឆាយ ឃុំស្ទឹងឆាយ ស្រុកកំពង់សិលា ក្រុងព្រះសីហនុ ជារីសត​មាន​បរិយាកាសស្ងប់ស្ងាត់ ទេសភាពស្រស់ស្អាត ជាកន្លែងលក្ខណៈលំហែកាយ ដែលបានធ្វើឱ្យ​ភ្ញៀវទេសចរ​ដក់ជាប់អារម្មណ៍ និង​ជាតំបន់លំហែកាយដ៏​ពេញនិយមជាងគេមួយនៅកម្ពុជា។

ចំពោះអ្នកដែលចង់ចំណាយពេលវេលា​មិនអាចបំភ្លេចបាន​ភ្ជាប់​ជាមួយ​ធម្មជាតិ​នោះ​ គីរីផាក រេស៊ីដេន & រីសត ពិត​ជាឋានសួគ៌សម្រាប់ការលំហែកាយ និងវិស្សមកាល ព្រោះ​មាននូវរុក្ខជាតិបៃតងខៀវស្រងាត់ អច្ឆរិយៈនៃ​ធម្មជាតិ​ដ៏ស្រស់បំព្រង និងទឹកធ្លាក់ជ្រលងភ្នំ ការដើរកំសាន្តបែបផ្សងព្រេង​ក្នុងបរិយាកាសធម្មជាតិ​ដ៏ស្ងប់ស្ងាត់ ឬ​ការលំហែកាយក្នុងសកម្មភាពជាច្រើនបែបលក្ខណៈគ្រួសារ ជាដើម។

សូម​ជម្រាប​ថា តំបន់​​អភិវឌ្ឍ​បែប​ទេសចរ ​គីរីផាក រេស៊ីដេន & រីសត ជាគម្រោងដ៏ពិសេសមួយ ដែលបង្កើតឡើង​យ៉ាងយកចិត្ត​ទុកដាក់ពី​ក្រុមហ៊ុន Han Thong Group។ មកដល់បច្ចុប្បន្ន ក្រុមហ៊ុន​មួយ​នេះ​ជាគម្រោងអភិវឌ្ឍន៍​អចលនទ្រព្យខ្នាតធំ​ដែលមាន​ទីតាំងនៅលើភ្នំ ​លាតសន្ធឹងលើផ្ទៃដីទំហំ ៣០០​ ហិចតា និងរួមបញ្ចូលយ៉ាងល្អ​ឥតខ្ចោះនូវកត្តាអំណោយផលចំនួនប្រាំមួយ រួមមាន៖ ១)សីតុណ្ហភាព​រស់នៅសមស្រប ២)មធ្យោបាយធ្វើ​ដំណើរ​ងាយស្រួល ៣)បរិយាកាសធម្មជាតិ​ល្អ​សម្រាប់សុខភាព ៤)ប្រព័ន្ធ​អគ្គីសនី​និងទឹកគ្រប់គ្រាន់ ៥)ទេសភាព​ធម្មជាតិស្រស់បំព្រង និង ៦)មូលដ្ឋាន​ហេដ្ឋារចនាសម្ព័ន្ធ​មានភាពទំនើប​គ្រប់គ្រាន់៕

The post មកស្គាល់រីសតលំដាប់ផ្កាយ៥ ដំបូងគេនៅកម្ពុជាអភិវឌ្ឍ​ដោយជនជាតិខ្មែរ របស់ឧកញ៉ា លីម លាង appeared first on .