ឧកញ៉ា លី គឹមហេង កន្លងមកតែងតែចូលរួមឧបត្ថម្ភថវិកាជារៀងរាល់ឆ្នាំ ដល់កាកបាទក្រហមកម្ពុជាសម្រាប់ទិវា ៨ឧសភា។ កន្លងមកនេះ ក៏តែងតែបានចូលរួមឧបត្ថម្ភថវិកា ជួយដល់យុទ្ធនាការផ្សេងៗរបស់ប្រមុខរាជរដ្ឋាភិបាល ព្រមទាំងបានចូលរួមជួយឧបត្ថម្ភដល់កម្មវិធីសប្បុរសជាច្រើនទៀត។

ការចូលរួមឧបត្ថម្ភគាំទ្រជាថវិកា និងសម្ភារៈ តាមរយៈកាកបាទក្រហមកម្ពុជា គឺពិតជាមានគុណតម្លៃណាស់ ក្នុងការលើកកម្ពស់ស្មារតីវប្បធម៌នៃការចែករំលែក ដែលជាការផ្សារភ្ជាប់រវាងសប្បុរសជនជាមួយអ្នកទទួលផល។

គួររម្លឹកថាកាកបាទក្រហមកម្ពុជា ដែលមាន សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ជាព្រះប្រធានកិត្តិយស និង សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន នៅក្នុងឆ្នាំ២០២៤កន្លងទៅ បានជួយប្រជាពលរដ្ឋងាយគ្រោះដោយផ្ទាល់ និងតាមខ្នងផ្ទះ រួមទាំងប្រយោលជាង ២លាននាក់៕

The post ឧកញ៉ា លី គឹមហេង និងលោកជំទាវ បរិច្ចាគថវិកាចំនួន ១,០០០  ដុល្លារអាម៉េរិក ក្នុងឱកាសខួបទី១៦២ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៥ appeared first on .

តាម​រយៈព្រះរាជក្រឹត្យ​លេខ នស/រកត/០៦២៣/១១០៣ ​​ចុះ​ថ្ងៃទី០៨ ខែមិថុនា ឆ្នាំ២០២៣ ​​ព្រះមហាក្សត្រ​​បាន​ត្រាស់បង្គាប់​​ផ្តល់​គោរមងារ លោក លី គឹមហេង និង​លោក ឡាយ ប៊ុនថេត ជា «ឧកញ៉ា»។ លោក លី គឹមហេង ​​ត្រូវ​បាន​គេ​ដឹង​ថា ជា​ម្ចាស់​ក្រុមហ៊ុន គឹមហេង ដែល​ប្រកប​អាជីវកម្ម​​​ដឹកដី​​​​​លក់​តាម​​រថយន្ត​ប្រភេទធំៗ​យីឌុប​រាប់​សិប​គ្រឿង។ រីឯ លោក ឡាយ ប៊ុនថេត ជា​​​​ម្ចាស់បុរី នគរថ្មី មាន​ទីតាំងស្ថិតនៅលើផ្លូវជាតិលេខ៤ ភូមិព្រៃពពេល ឃុំពើក ស្រុកអង្គស្នួល។

លោក លី គឹមហេង និង​លោក ឡាយ ប៊ុនថេត ជារឿយៗ​​តែងតែ​បរិច្ចាគ​ថវិកា​ផ្ទាល់​ខ្លួន​ជួយ​ដល់​អាជ្ញាធរ​មូលដ្ឋាន (រដ្ឋបាលស្រុកអង្គស្នួល) ដូចជា​ការ​ចូលរួម​កាន់បិណ្ឌ និង​ឧបត្ថម្ភ​ដល់ទូក ង ស្រុកអង្គស្នួល ក្នុងការ​ចូលរួម​ប្រណាំង​ទូក​ក្នុង​ឱកាស​ពិធីបុណ្យ​អុំទូក​ ព្រម​ទាំង​ការ​បរិច្ចាគ​ជូន​​កាកបាទក្រហម​​កម្ពុជា​ផង​ដែរ៕

The post អ្នកជំនួញនៅស្រុកអង្គស្នួល ២រូប ទទួលបានគោរមងារ «ឧកញ៉ា» ក្នុងថ្ងៃជាមួយគ្នា appeared first on .