កូនប្រសារអ្នកឧកញ៉ា លី យ៉ុងផាត់ និមន្តព្រះសង្ឃប្រោសព្រំលើករាសីរីជូនបុគ្គលិក

ឧកញ៉ាកោះក្របី — Tue, 11 Jul 2023 05:19:34 +0000

នាយកក្រុមហ៊ុន អិល វ៉ាយ ភី គ្រុប និងជាអគ្គនាយកក្រុមហ៊ុន ភ្នំពេញស៊ួហ្គើ ឧកញ៉ា សេង ញ៉ក់ កូនប្រសារអ្នកឧកញ៉ា លី យ៉ុងផាត់ បាននិមន្តព្រះសង្ឃ ៩អង្គ ប្រោសព្រំលើកជូនរាសីជូនថ្នាក់ដឹកនាំ បុគ្គលិកនៃស្ថានីយ៍ទូរទស្សន៍ PNN គម្រប់ខួប ៨ឆ្នាំបើកដំណើរការអាជីវកម្មសប្រព័ន្ធផ្សព្វផ្សាយរបស់ខ្លួន នៅព្រឹកថ្ងៃទី១១ ខែកក្កដានេះ។

ក្នុងឪកាសនោះ ភរិយារបស់ឧកញ៉ា សេង ញ៉ក់ លោកស្រី លី អាផណ ព្រមទាំងឧកញ៉ាវ័យក្មេង លី ឆូកឆៃ អគ្គនាយកស្ថានីយ៍ទូរទស្សន៍ PNN ជាកូនបង្កើតអ្នកឧកញ៉ា លី យ៉ុងផាត់ ក៏បានអញ្ជើញចូលរួមផងដែរ។

PNN គឺជាស្ថានីយ៍ទូរទស្សន៍ក្នុងស្រុកមួយដែលបោះទុនវិនិយោគដោយអ្នកឧកញ៉ា លី យ៉ុងផាត់ ក្នុងទំហំទឹកប្រាក់សរុបប្រមាណជា៤០លានដុល្លារអាមេរិក បើកដំណើការកាលពីខែមេសា ឆ្នាំ២០១៥។

ដើមឡើយ មេដឹកនាំទូទស្សន៍ PNN ត្រូវបានគេដឹងថា មានលោក Glen Felgate ជាអគ្គនាយកស្ថានីយទូរទស្សន៍PNN។ លោកធ្លាប់មានប្រវត្តិគ្រប់គ្រងទូរទស្សន៍ CTN និងក្រុមហ៊ុនព័ត៌មាននៅប្រទសមីយ៉ាន់ម៉ា។ ក្នុងនោះក៏មាន ជនជាតិថៃ លោក SupitRattichunhachot ក្នុងតំណែងជាអគ្គនាយករងទទួលបន្ទុកផ្នែកផលិតកម្មវិធី, លោក សោម ឆាយ៉ា ដែលធ្លាប់កាន់កាប់ទូរទស្សន៍ CTN ដែរនោះ ត្រូវបានតែងតាំងជាអគ្គនាយករង PNN ទទួលបន្ទុកផ្នែកព័ត៌មាន។ លោក ប៉ែន បូណា អតីតនិពន្ធនាយកវិទ្យុបារាំងអន្តរជាតិ ត្រូវបានតែងតាំងជានិពន្ធនាយកព័ត៌មាននៃ PNN។

ក្រៅពីមេដឹកនាំធំៗនៃ PNN អំឡុងកាលណោះ ការចាប់ផ្តើមស្ថានីយ៍ទូរទស្សន៍មួយនេះ ក៏ធ្វើឲ្យរង្គោះរង្គើផ្អើលដល់វិស័យសារព័ត៌មាន ស្របពេលដែលអ្នកកាសែតរបស់PNNសុទ្ធតែមានបទពិសោធន៍ព័ត៌មានខ្ពស់ ដែលសុទ្ធតែចាក់មកពីវិទ្យុអាស៊ីសេរី, ពីទូរទស្សន៍ហង្សមាស, ពីទូរទស្សន៍ CNC, ពីគេហទំព័រសប្បាយ ពីវិទ្យុស្ត្រី ១០២។ល។

មានទីតាំងក្នុងខណ្ឌជ្រោយចង្វា ជាយរាជធានីភ្នំពេញស្ទីឌីយោរបស់ទូរទស្សន៍ PNN ត្រូវបានសាងសង់ឡើងដោយចំណាយទឹកប្រាក់អស់ជាង១០លានដុល្លារអាមេរិកហើយ១០លានដុល្លារអាមេរិកផ្សេងទៀត ត្រូវបានចំណាយលើផ្នែកបច្ចេកទេស៕

The post កូនប្រសារអ្នកឧកញ៉ា លី យ៉ុងផាត់ និមន្តព្រះសង្ឃប្រោសព្រំលើករាសីរីជូនបុគ្គលិក appeared first on .

កូនមហាសេដ្ឋីកម្ពុជា ២រូប បង្ហាញខ្លួនក្នុងព្រឹត្តិការណ៍រត់ប្រណាំងកម្សាន្តដ៏ធំ តាមបណ្ដោយឆ្នេរតារារះនាទិសនារតី

ឧកញ៉ាតូច — Sun, 29 Jan 2023 02:49:15 +0000

អ្នកឧកញ៉ា សំអាង វឌ្ឍនៈ អគ្គនាយកក្រុមហ៊ុន វឌ្ឍនៈប្រ៊ូវើរី (Vattanac Brewery) និងឧកញ៉ា លី ឆូកឆៃ អគ្គនាយកស្ថានីយ៍ទូរទស្សន៍ភីអិនអិន ដែលជាមិត្តភក្តិដ៏ស្និតស្នាលនឹងគ្នា នាព្រឹកថ្ងៃទី ២៩ ខែមករា នេះ បានចូលរួមក្នុងព្រឹត្តការណ៍រត់ប្រណាំងកម្សាន្តបណ្តាក់ជាក្រុមដ៏ធំ V-Active Fun Run នៅតាមបណ្តោយ ឆ្នេរសមុទ្រ ដ៏ស្រស់ស្អាត នៃតារារះនា ទិសនិរតី ក្នុងខេត្តព្រះសីហនុ ជាមួយអ្នកចូលរួមប្រមាណជិត ៨០០នាក់។

ផ្ដល់បទសម្ភាសន៍ជាមួយ Oknha News ដោយផ្ទាល់ អ្នកឧកញ៉ា សំអាង វឌ្ឍនៈ បង្ហាញអារម្មណ៍រំភើបរីករាយខ្លាំងមែនទែនដែលបានអញ្ជើញមករត់ម៉ារ៉ាតុងនៅថ្ងៃនេះ។ ទន្ទឹមនឹងនេះអ្នកឧកញ៉ាក៏សង្ឃឹមថា ព្រឹត្តការណ៍នេះ នឹងក្លាយទៅជាសារមួយជួយក្រើនរំលឹក ដល់ប្រជាជនឲ្យបន្តនិងចូលរួមហាត់ប្រាណកាន់តែច្រើន។

ការរៀបចំព្រឹត្តការណ៍ រត់ប្រណាំងកម្សាន្តបណ្តាក់ជាក្រុម V-Active Fun Run ស្របពេលដាក់ ដំណើរការជាផ្លូវការ វត្តមាន ភេសជ្ជៈ កីឡា វី-អាកទីវ លើទីផ្សារ បង្ហាញពីឆន្ទះរបស់ក្រុមហ៊ុន វឌ្ឍនៈ ប៊្រូវើរី ក្នុងការបន្តលើកកំពស់វិស័យ កីឡា និងសុខមាលភាពសង្គមតាមរយៈការហាត់ប្រាណ និងលេងកីឡា៕

The post កូនមហាសេដ្ឋីកម្ពុជា ២រូប បង្ហាញខ្លួនក្នុងព្រឹត្តិការណ៍រត់ប្រណាំងកម្សាន្តដ៏ធំ តាមបណ្ដោយឆ្នេរតារារះនាទិសនារតី appeared first on .