ពិធីអាពាហ៍ពិពាហ៍នេះ កូនប្រុសនាម លី ប៊ុនឆៃ ជាកូនប្រុសរបស់ លោកឧកញ៉ា លី ឆេង និងកូនស្រីនាម លី លក្ខណា។ លោក លី ប៊ុនឆៃ បច្ចុប្បន្នមានតួនាទីជា អគ្គនាយករង ប៊ែលធី គ្រុប និងជាប្រធានគណៈគ្រប់គ្រង​នាយក​សាខា នៃសាលា ប៊ែលធី អន្តរជាតិ ហើយត្រូវបានគេស្គាល់ច្បាស់ថាជា លោកគ្រូវិន័យ នៃសាលា ប៊ែលធី អន្តរជាតិ។

សិរីសួស្តីពិធីអាពាហ៍ពិពាហ៍នេះ ធ្វើឡើងក្រោមវត្តមានលោកមេប៉ាតូចធំ​ត្រកូលរាមច្បងទាំងសងខាង​យ៉ាងឱឡារិក​តាមទំនៀមទម្លាប់ខ្មែរ ដោយរៀបចំគ្រឿងភស្តុភាបណ្ណាការ (ជំនូន) ព្រមទាំងការផ្កាភ្ញីស្រស់ៗជាច្រើនរយទង​រំលេចដោយពណ៌ក្រហមស្រស់ និងការរៀបចំតុបតែងក្បាច់រចនាយ៉ាងប្រណិត។

ពិធីមង្គលការរវាងកូនប្រុសស្រីគ្រួសារអភិជនដ៏ធំមួយ នាចុងឆ្នាំ២០២៥នេះ ត្រូវបានអញ្ជើញចូលរួមជាកិត្តិយស​ពីសំណាក់ សម្តេចតេជោ ហ៊ុន សែន ប្រធានព្រឹទ្ធសភា, សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា, សម្តេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា, សម្តេចវិបុលសេនាភក្តី សាយ ឈុំ, សម្តេចអគ្គមហាពញាចក្រី ហេង សំរិន, សម្តេចក្រឡាហោម ស ខេង, សម្ដេចកិត្តិសង្គហបណ្ឌិត ម៉ែន សំអន, សម្តេចពិជ័យសេនា ទៀ បាញ់ ឧត្តមប្រឹក្សាផ្ទាល់ព្រះមហាក្សត្រ ព្រមទាំងថ្នាក់ដឹកនាំ នៃរាជរដ្ឋាភិបាលកម្ពុជា និងអ្នកជំនួញធំៗជាច្រើនរូប​ទៀតផងដែរ៕

រូបភាព៖ The Ring

The post ថ្នាក់ដឹកនាំកំពូលៗ និងសម្តេចច្រើនរូប អញ្ជើញចូលរួមពិធីមង្គលការកូនប្រុសពៅ ឧកញ៉ា លី ឆេង ម្ចាស់សាលា ប៊ែលធី appeared first on .

ពិធីអាពាហ៍ពិពាហ៍នេះ កូនប្រុសនាម លី ប៊ុនឆៃ ជាកូនប្រុសរបស់ លោកឧកញ៉ា លី ឆេង និងកូនស្រីនាម លី លក្ខណា។ លោក លី ប៊ុនឆៃ បច្ចុប្បន្នមានតួនាទីជា អគ្គនាយករង ប៊ែលធី គ្រុប និងជាប្រធានគណៈគ្រប់គ្រង​នាយក​សាខា នៃសាលា ប៊ែលធី អន្តរជាតិ ហើយត្រូវបានគេស្គាល់ច្បាស់ថាជា លោកគ្រូវិន័យ នៃសាលា ប៊ែលធី អន្តរជាតិ។

សិរីសួស្តីពិធីអាពាហ៍ពិពាហ៍នេះ ធ្វើឡើងក្រោមវត្តមានលោកមេប៉ាតូចធំ​ត្រកូលរាមច្បងទាំងសងខាង​យ៉ាងឱឡារិក​តាមទំនៀមទម្លាប់ខ្មែរ ដោយរៀបចំគ្រឿងភស្តុភាបណ្ណាការ (ជំនូន) ព្រមទាំងការផ្កាភ្ញីស្រស់ៗជាច្រើនរយទង​រំលេចដោយពណ៌ក្រហមស្រស់យ៉ាងប្រណិត៕

រូបភាព៖ The Ring

The post មកមើលទិដ្ឋភាពថ្ងៃចូលរោងជ័យ នៃពិធីមង្គលការកូនប្រុសឧកញ៉ា លី ឆេង ម្ចាស់សាលា ប៊ែលធី appeared first on .

ការបញ្ជាក់របស់លោកឧកញ៉ាខាងលើនេះ ធ្វើឡើងក្នុងឱកាសលោកឧកញ៉ាទទួលស្វាគមន៍ លោកជំទាវ និន សាផុន ប្រធានគណៈកម្មការសាធារណការ ដឹកជញ្ជូន អាកាសចរស៊ីវិល ប្រៃសណីយ៍ ទូរគមនាគមន៍ ឧស្សាហកម្ម វិទ្យាសាស្ត្រ បចេ្ចកវិទ្យា នវានុវត្តន៍ រ៉ែ ថាមពល ពាណិជ្ជកម្ម រៀបចំដែនដី នគរូបនីយកម្ម និងសំណង់ នៃរដ្ឋសភា (គណៈកម្មការទី៩) និងឯកឧត្តម លោកជំទាវ សមាជិក សមាជិកា នៃគណៈកម្មការទី៩ នៃរដ្ឋសភា អញ្ជើញ​ទស្សនកិច្ចអគារស្នាក់ការកណ្តាល នៃប៊ែលធី គ្រុប (BELTEI Group Headquarters) នារសៀលថ្ងៃព្រហស្បតិ៍ ទី២៣ ខែតុលា ឆ្នាំ២០២៥។

លោកឧកញ៉ា លី ឆេង បានបញ្ជាក់ថា អគារស្នាក់ការកណ្តាល នៃប៊ែលធី គ្រុប (BELTEI Group Headquarters) មានកម្ពស់ ៣២ជាន់ មានទីតាំងស្ថិតនៅ អគារលេខ១៧១ មហាវិថីនេហ៍រុ (២១៥) សង្កាត់ផ្សារដើមគរ ខណ្ឌ​ទួលគោក រាជធានីភ្នំពេញ ទើបតែបានសាងរួចរាល់ និងបានដាក់ឱ្យប្រើប្រាស់ជាបណ្តើរៗ និងបានបង្ហាញអំពី​សក្តានុពលនៃការអភិវឌ្ឍន៍លើវិស័យអប់រំនៅក្នុងប្រទេសកម្ពុជាផងដែរ។

សូមជម្រាបថា នាព្រឹកថ្ងៃទី២៣ ខែតុលា ឆ្នាំ២០២៥ ឧកញ៉ា លី ឆេង បានរៀបចំពិធីសូត្រមន្ត និងប្រោះព្រំ​ប្រសិទ្ធពរ​ជ័យ សិរីសួស្តី អគារស្នាក់ការកណ្តាល នៃប៊ែលធី គ្រុប និងបាន​និមន្ត ព្រះឧត្តមធម្ម សោម ស៊ីម ព្រះរាជាគណៈថ្នាក់កិត្តិយស ព្រះធម្មធរ អនុគណខណ្ឌព្រែកព្នៅ និងជាព្រះចៅ​អធិការវត្ដប្រាសាទ ដើម្បីសូត្រមន្ត ប្រោះព្រំ លើករាសី ប្រសិទ្ធពរជ័យ សិរីសួស្តី ជូនដល់ថ្នាក់ដឹកនាំ គណៈគ្រប់គ្រង បុគ្គលិកទាំងអស់ នៃប៊ែលធី គ្រុប៕

The post ឧកញ៉ា លី ឆេង៖ អគារស្នាក់ការកណ្តាល ប៊ែលធី គ្រុប កម្ពស់៣២ជាន់ ដែលទើបសាងសង់រួច បានដាក់ឱ្យប្រើប្រាស់​ជាបណ្តើរៗ appeared first on .

តាមរយៈបណ្តាញសង្គម ឧកញ៉ា លី ឆេង បានឱ្យដឹងថា ដើម្បីជួយសម្រាលបន្ទុកនៅក្នុងគ្រួសារ លោកបានផ្តល់អាហារូបករណ៍ ១០០% សិក្សារយៈពេល ១២ឆ្នាំ ដល់ក្មួយស្រី និមល វិជ័យគឹមហេង ដែលត្រូវជាប្អូនស្រីបង្កើតរបស់សពនិស្សិត និមល សុខមិត ឱ្យមានឱកាសបានមកបន្តការសិក្សានៅសាលា ប៊ែលធី អន្តរជាតិ មួយចប់កម្មវិធីសិក្សាទាំងថ្នាក់ចំណេះទូទៅ (ថ្នាក់ទី៨ ដល់ ថ្នាក់ទី១២) និងភាសាអង់គ្លេសទូទៅ (Starter ដល់ Level 12)។ ក្នុងពេលវេលាដ៏សែនក្តុកក្តួលនៃការបាត់បង់កូនប្រុសជាទីស្រឡាញ់ និងដើម្បីចូលរួមរំលែកទុក្ខដ៏សែនក្រៀមក្រំជាមួយក្រុមគ្រួសារនៃសព លោកក៏បានចូលបច្ច័យមួយចំនួនជូនដល់ក្រុមគ្រួសារនៃសពផងដែរ។

សូមជម្រាបជូនថា លោក និមល សុខមីត ជាអតីតនិស្សិតដែលទើបបញ្ចប់ការសិក្សាមកពីមហាវិទ្យាល័យច្បាប់ នៃសាកលវិទ្យាល័យ ប៊ែលធី អន្តរជាតិ។ លោកគឺជានិស្សិតដ៏ល្អមួយរូបដែលគោរពវិន័យសាលាបានយ៉ាងខ្ជាប់ខ្ជួន និងតែងតែខិតខំប្រឹងប្រែងសិក្សារៀនសូត្រជាប្រចាំ រហូតបានបញ្ចប់ការសិក្សាថ្នាក់បរិញ្ញាបត្រ ដោយជោគជ័យតាមក្តីស្រមៃរបស់ខ្លួន។ ប៉ុន្តែជាអកុសល និស្សិតរូបនេះបានជួបឧប្បទ្ទវហេតុគ្រោះថ្នាក់ចរាចរណ៍បណ្តាលឱ្យស្លាប់បាត់បង់ជីវិត កាលពីថ្ងៃទី៥ ខែមិថុនា ឆ្នាំ២០២៥ កន្លងទៅ ក្នុងវ័យត្រឹម ២១ឆ្នាំ។

ដើម្បីសម្រេចក្តីស្រមៃកូនប្រុសជាទីស្រឡាញ់របស់ខ្លួន នៅក្នុងពិធីប្រគល់សញ្ញាបត្រជូននិស្សិតជ័យលាភីរបស់សាកលវិទ្យាល័យ ប៊ែលធី អន្តរជាតិ កាលពីថ្ងៃទី៣ ខែតុលា ឆ្នាំ២០២៥ កន្លងទៅថ្មីៗនេះ លោក ម៉ីន និមល ដែលត្រូវជាឪពុកបង្កើត បានពាក់ឯកសណ្ឋាន និងដៃកាន់រូបថតកូនប្រុស មកចូលរួម និងឡើងទទួលសញ្ញាបត្ររបស់កូន ជាមួយនិស្សិតជ័យលាភីដទៃទៀតផងដែរ៕

The post ឧកញ៉ា លី ឆេង ជួបសំណេះសំណាលជាមួយឪពុកម្តាយនិស្សិតនៃសាកលវិទ្យាល័យ ប៊ែលធី អន្តរជាតិ ដែលទទួលមរណភាព មុនថ្ងៃត្រូវទទួលសញ្ញាបត្រ appeared first on .

ការអញ្ជើញទស្សនាឧបករណ៍ហ្វឹកហាត់សម្រាប់ការហោះហើរក្នុងថ្នាក់រៀននេះ បានធ្វើឡើងក្នុងឱកាស ឯកឧត្តមឧបនាយករដ្ឋមន្ត្រី ហ៊ុន ម៉ានី ផ្តល់កិត្តិយសប្រគល់សញ្ញាបត្រ ដល់និស្សិតជ័យលាភីនៃសាកលវិទ្យាល័យ ប៊ែលធី អន្តរជាតិ ចំនួន ២,៨១៤អង្គ/នាក់។

ឯកឧត្តមឧបនាយករដ្ឋមន្ត្រី ហ៊ុន ម៉ានី បានចូលរួមអបអរសាទរ ដល់និស្សិតជ័យលាភីទាំងអស់ដែលបានបញ្ចប់ការសិក្សាដោយជោគជ័យ និងទទួលសញ្ញាបត្រនៅថ្ងៃនេះ។ ផ្សាភ្ជាប់ជាមួយការអបអរសាទរ ឯកឧត្តមឧបនាយករដ្ឋមន្ត្រី បានថ្លែងទៅកាន់និស្សិតជ័យលាភី ដែលទើបតែបានបញ្ចប់ការសិក្សា ជាប់ជាស្ថាពរ នៅជំនាញដែលបានជ្រើសរើស ដោយមានប្រសាសន៍ជូនពរ និងធ្វើការកោតសរសើរដល់ការខំប្រឹងប្រែង ដោយសង្ឃឹមថា អ្នកទទួលសញ្ញាបត្រនៅថ្ងៃនេះ ទទួលបានជោគជ័យ ក្នុងមាគ៌ាជីវិតជាបន្តបន្ទាប់ នាំកិត្តិយសម្រាប់ខ្លួនឯង នាំការសាទរ កិតិ្តយសសម្រាប់គ្រួសារ និងសូមឱ្យមានការផ្សាភ្ជាប់អ្វី ដែលជាមាគ៌ាជីវិតរបស់ខ្លួន ទៅលើភាពសុខទុក្ខរបស់ប្រទេសជាតិ។

ទន្ទឹមនេះ ឯកឧត្តមឧបនាយករដ្ឋមន្ត្រី ក៏បានលើកឡើងបន្ថែមដែរថា “ប្អូនៗត្រូវដឹងថា ប្អូនៗទាំងអស់គ្នានេះហើយ ដែលនឹងក្លាយជាកម្លាំងចលករ ជំរុញឱ្យមានកំណើនសេដ្ឋកិច្ច ដែលជាដង្ហើមរបស់ជាតិយើង ហើយការបញ្ចប់ការសិក្សារបស់ប្អូនៗនៅពេលនេះ បានបើកឱកាសនៃការប្រកបអាជីព វិជ្ជាជីវៈនានា ដែលនឹងរួមចំណែកយ៉ាងសំខាន់ដល់ការអភិវឌ្ឍកម្ពុជា”។

ឯកឧត្តមឧបនាយករដ្ឋមន្ត្រី បានគូសបញ្ជាក់បន្ថែមថា៖ “ខ្ញុំមានសុទិដ្ឋិនិយមយ៉ាងខ្លាំងថា ប្អូនៗដែលត្រូវទទួលសញ្ញាបត្រនាពេលនេះ ទាំងកម្រិតបរិញ្ញាបត្ររង បរិញ្ញាបត្រ បរិញ្ញាបត្រជាន់ខ្ពស់ និងបណ្ឌិត សុទ្ធសឹងជាបញ្ញវន្ត ប្រកបដោយបញ្ញាញាណ និងជា កម្លាំងស្នូល ពោរពេញដោយបច្ចេកទេស ជំនាញ មានចំណេះដឹង ចំណេះធ្វើពិតប្រាកដ មានសីលធម៌ល្អប្រពៃ និងមានទំនួលខុសត្រូវខ្ពស់ចំពោះការងារ និងប្រើប្រាស់ចំណេះដឹងរបស់ខ្លួន ទៅចូលរួមយ៉ាងសកម្ម ក្នុងការអភិវឌ្ឍសង្គមកម្ពុជា។ ប្អូនៗនៅទីនេះ មានក្តីស្រមៃ ក្តីសង្ឃឹម និងអនាគតដែលប៉ងប្រាថ្នា ដូចនេះ សូមប្អូនៗបន្តខិតខំប្រឹងប្រែង ដើម្បីសម្រេចជោគជ័យរបស់ខ្លួនឱ្យបាន ព្រោះថាភាពជោគជ័យរបស់ប្អូនៗគ្រប់រូប ស្មើនឹងភាពជោគជ័យរបស់ប្រទេសជាតិទាំងមូល”៕

The post ឧកញ៉ា លី ឆេង អមដំណើរឧបនាយករដ្ឋមន្ត្រី ហ៊ុន ម៉ានី ទស្សនាឧបករណ៍ហ្វឹកហាត់សម្រាប់ការហោះហើររបស់អាកាសយានិកក្នុងថ្នាក់រៀន appeared first on .

សាលា ប៊ែលធី អន្តរជាតិ បានផ្ញើសារអបអរសាទរបែបនេះថា តាងនាមឱ្យថ្នាក់ដឹកនាំ គណៈគ្រប់គ្រង បុគ្គលិក សាស្ត្រាចារ្យ និងលោកគ្រូ-អ្នកគ្រូនៃប៊ែលធី គ្រុប យើងខ្ញុំសូមកោតសរសើរ ដោយស្មោះចំពោះការខិតខំប្រឹងប្រែងសិក្សារៀនសូត្ររបស់ប្អូនៗទាំងអស់ ដែលបានចំណាយពេលវេលាសិក្សា រយៈពេល ១២ឆ្នាំ រហូតទទួលបានជោគជ័យប្រឡងជាប់សញ្ញាបត្រមធ្យមសិក្សាទុតិយភូមិ (បាក់ឌុប) នាពេលនេះ ហើយក៏សូមជូនពរប្អូនៗទាំងអស់ឱ្យទទួលបានជោគជ័យក្នុងជីវិត និងបន្តការខិតខំសិក្សារៀនសូត្របន្ថែមទៀតនៅថ្នាក់ឧត្តមសិក្សា ដែលជាភូមិសិក្សាថ្មីសម្រាប់ប្អូនៗទាំងអស់ ទៅតាមមុខជំនាញ តាមមហាវិទ្យាល័យនីមួយៗ ដែលខ្លួនស្រឡាញ់ពេញចិត្ត ដើម្បីសម្រេចក្តីស្រមៃ និងគោលបំណងរបស់ប្អូនៗម្នាក់ៗ ដើម្បីក្លាយខ្លួនជាធនធានមនុស្សប្រកបដោយសមត្ថភាព សីលធម៌ គុណធម៌ខ្ពស់ និងជាទំពាំងស្នង ឫស្សីសម្រាប់បន្តវេន ព្រមទាំងចូលរួមអភិវឌ្ឍប្រទេសជាតិ ឱ្យបានកាន់តែរីកចម្រើនជឿនលឿនបន្ថែមទៀតនាពេលអនាគត។

សូមជម្រាបថា យោងតាមការប្រកាសរបស់ក្រសួងអប់រំ យុវជន និងកីឡា នៅថ្ងៃទី២០ ខែកញ្ញា ឆ្នាំ២០២៥ បានបង្ហាញថា លទ្ធផលនៃការប្រឡងមធ្យមសិក្សាទុតិយភូមិ (បាក់ឌុប) ឆ្នាំ២០២៥ តាមនិទ្ទេសនីមួយៗ មានដូចជា៖ សិស្សទទួលបាននិទ្ទេស A ចំនួន ៣,០០៣ នាក់, និទ្ទេស B ចំនួន ៩,៩០១ នាក់, និទ្ទេស C ចំនួន ២៨,៨០១ នាក់, និទ្ទេស D ចំនួន ៤៥,៨៥៩ នាក់ និងនិទ្ទេស E ចំនួន ៣៤,៩០៩ នាក់៕

The post សិស្សសាលា ប៊ែលធី អន្តរជាតិ របស់ឧកញ៉ា លី ឆេង ចំនួន ២៦៧៩រូប ប្រឡងជាប់បាក់ឌុប ស្មើនឹងជាង ៩៧% នៃសិស្សសរុប appeared first on .

ក្នុងឱកាសនោះដែរ លោកឧកញ៉ា បានប្រគល់ប័ណ្ណអាហារូបករណ៍ពិសេស ១០០% សិក្សារយៈពេល ១២ឆ្នាំ របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និង លោកជំទាវបណ្ឌិត ជូនដល់ចៅៗចំនួន ៣នាក់ រួមមាន៖ ១-ឈ្មោះ សំនៀង វឌ្ឍនៈ ២-ឈ្មោះ សំនៀង សិរីវឌ្ឍន៍ និង ៣-ឈ្មោះ យី សំនៀងបញ្ញាវ័ន្ត ដែលត្រូវជាចៅបង្កើតរបស់វីរយុទ្ធជន ឯកឧត្តម ឧត្តមសេនីយ៍ឯក ដួង សំនៀង ឱ្យមានឱកាសបានមកបន្តការសិក្សានៅសាលា ប៊ែលធី អន្តរជាតិ មួយចប់កម្មវិធីសិក្សា ទាំងថ្នាក់ចំណេះទូទៅ (ថ្នាក់ទី១ ដល់ ថ្នាក់ទី១២) និងភាសាអង់គ្លេសទូទៅ (Starter ដល់ Level 12)។

ចំពោះ អាហារូបករណ៍ពិសេស នេះ រួមមាន៖
១-អាហារូបករណ៍ ១០០% សិក្សាមួយចប់កម្មវិធីទាំងថ្នាក់ចំណេះទូទៅ និងភាសាអង់គ្លេសទូទៅ
២-ឯកសណ្ឋានថ្នាក់ចំណេះទូទៅ ចំនួន ២កំប្លេ និងអាវយឺត ចំនួន ១ ជារៀងរាល់ឆ្នាំ
៣-អាវយឺតថ្នាក់ភាសាអង់គ្លេស ចំនួន ២ ជារៀងរាល់វគ្គ
៤-សៀវភៅពុម្ភសិក្សាថ្នាក់ចំណេះទូទៅ និងភាសាអង់គ្លេសទូទៅ ១ឈុត ជារៀងរាល់វគ្គ/ឆ្នាំ
៥-កញ្ចប់កម្មវិធីសិក្សាបន្ថែមថ្នាក់ចំណេះទូទៅ និងភាសាអង់គ្លេសទូទៅ ជារៀងរាល់វគ្គ/ឆ្នាំ។

ជាមួយគ្នានោះដែរ លោកឧកញ៉ា លី ឆេង ក៏បានចូលបច្ច័យមួយចំនួន និងសូមចូលរួមរំលែកទុក្ខយ៉ាងក្រៀមក្រំបំផុតជាមួយក្រុមគ្រួសារសពចំពោះការពលីរបស់ ឯកឧត្តម ឧត្តមសេនីយ៍ឯក ដួង សំនៀង។ ការពលីរបស់ ឯកឧត្តម ឧត្តមសេនីយ៍ឯក គឺជាការបាត់បង់នូវមេទ័ពដែលពោរពេញដោយសមត្ថភាព បទពិសោធន៍ និងប្រកបដោយភាពក្លាហាន ដែលហ៊ានលះបង់គ្រប់បែបយ៉ាង សូម្បីអាយុជីវិត ដើម្បីបុព្វហេតុការពារជាតិមាតុភូមិ និងទឹកដីរបស់យើងឱ្យបានគង់វង្សសម្រាប់កូនខ្មែរជំនាន់ក្រោយគ្រប់ៗជំនាន់តរៀងទៅ។ ជាពិសេស គឺជាការបាត់បង់នូវ ឧត្តមស្វាមី និងលោកឪពុក-លោកតា ប្រកបដោយព្រហ្មវិហារធម៌ ដែលតែងតែចិញ្ចឹមបីបាច់ ថែរក្សា និងទំនុកបម្រុងក្រុមគ្រួសារគ្រប់ពេលវេលាដោយមិនគិតពីការនឿយហត់។

សូមបួងសួងដល់ដួងវិញ្ញាណក្ខន្ធសព ឯកឧត្តម ឧត្តមសេនីយ៍ឯក ដួង សំនៀង សូមបានទៅកាន់សុគតិភពកុំបីឃ្លៀងឃ្លាតឡើយ៕

The post ឧកញ៉ា លី ឆេង ផ្តល់អាហារូបករណ៍ពិសេស ១០០% រយៈពេល ១២ឆ្នាំ ដល់ចៅប្រុសបង្កើត ៣នាក់ របស់វីរយុទ្ធជនពលី ឧត្តមសេនីយ៍ឯក ដួង សំនៀង នៅសាលា ប៊ែលធី អន្តរជាតិ appeared first on .

លោកឧកញ៉ា លី ឆេង ប្រធានក្រុមប្រឹក្សាភិបាល នៃសាកលវិទ្យាល័យ ប៊ែលធី អន្តរជាតិ បានគូសបញ្ជាក់លើទំព័រហ្វេសប៊ុក កាលពីថ្ងៃពុធថា ដោយទទួលបានការណែនាំដ៏ខ្ពង់ខ្ពស់ពី លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត នៅរសៀលនេះ បានជួបសំណេះសំណាលជាមួយប្អូនស្រី យ៉ុន សុភក្ត្រ ដែលត្រូវជាភរិយារបស់វីរយុទ្ធជន លោកវរសេនីយ៍ត្រី លៀម សំពៅមាស ដែលបានពលីក្នុងបុព្វហេតុការពារបូរណភាពទឹកដីពីការឈ្លានពានរបស់កងទ័ពថៃ កាលពីថ្ងៃទី២៤ – ២៨ ខែកក្កដា ឆ្នាំ២០២៥ និងបានប្រគល់ប័ណ្ណអាហារូបករណ៍ពិសេស ១០០% សិក្សារយៈពេល ១២ឆ្នាំ របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និង លោកជំទាវបណ្ឌិត ជូនដល់ក្មួយស្រី មាស សម្ភស្ស ដែលត្រូវជាកូនស្រីបង្កើតរបស់វីរយុទ្ធជន លោកវរសេនីយ៍ត្រី លៀម សំពៅមាស ឱ្យមានឱកាសបានមកបន្តការសិក្សានៅសាលា ប៊ែលធី អន្តរជាតិ មួយចប់កម្មវិធីសិក្សា ទាំងថ្នាក់ចំណេះទូទៅ (ថ្នាក់ទី១ ដល់ ថ្នាក់ទី១២) និងភាសាអង់គ្លេសទូទៅ (Starter ដល់ Level 12)។

ចំពោះ អាហារូបករណ៍ពិសេស នេះ រួមមាន៖
១-អាហារូបករណ៍ ១០០% សិក្សាមួយចប់កម្មវិធីទាំងថ្នាក់ចំណេះទូទៅ និងភាសាអង់គ្លេសទូទៅ
២-ឯកសណ្ឋានថ្នាក់ចំណេះទូទៅ ចំនួន ២កំប្លេ និងអាវយឺត ចំនួន ១ ជារៀងរាល់ឆ្នាំ
៣-អាវយឺតថ្នាក់ភាសាអង់គ្លេស ចំនួន ២ ជារៀងរាល់វគ្គ
៤-សៀវភៅពុម្ភសិក្សាថ្នាក់ចំណេះទូទៅ និងភាសាអង់គ្លេសទូទៅ ១ឈុត ជារៀងរាល់វគ្គ/ឆ្នាំ
៥-កញ្ចប់កម្មវិធីសិក្សាបន្ថែមថ្នាក់ចំណេះទូទៅ និងភាសាអង់គ្លេសទូទៅ ជារៀងរាល់វគ្គ/ឆ្នាំ។
ក្នុងឱកាសដ៏សែនក្រៀមក្រំចំពោះការពលីរបស់ លោកវរសេនីយ៍ត្រី លៀម សំពៅមាស លោកឧកញ៉ាក៏បានចូលបច្ច័យមួយចំនួន សម្រាប់ការរៀបចំពិធីបុណ្យសព និងចូលរួមរំលែកទុក្ខយ៉ាងសោកសៅបំផុតជាមួយក្រុមគ្រួសារសព ផងដែរ។ ការពលីរបស់ លោកវរសេនីយ៍ត្រី គឺជាការបាត់បង់នូវវីរកងទ័ពដ៏ក្លាហាន ដែលហ៊ានលះបង់គ្រប់បែបយ៉ាង សូម្បីអាយុជីវិត ដើម្បីបុព្វហេតុការពារជាតិមាតុភូមិ និងទឹកដីរបស់យើងឱ្យបានគង់វង្សសម្រាប់កូនខ្មែរជំនាន់ក្រោយគ្រប់ៗជំនាន់តរៀងទៅ។ ជាពិសេស គឺជាការបាត់បង់នូវ ឧត្តមស្វាមី និងលោកឱពុកប្រកបដោយព្រហ្មវិហារធម៌ ដែលតែងតែចិញ្ចឹមបីបាច់ ថែរក្សា និងទំនុកបម្រុងក្រុមគ្រួសារគ្រប់ពេលវេលាដោយមិនគិតពីការនឿយហត់។

ជាចុងក្រោយ ឧកញ៉ា លី ឆេង សូមលើកទឹកចិត្តក្មួយស្រី ត្រូវខិតខំសិក្សារៀនសូត្រ ដើម្បីអនាគតរបស់ក្មួយស្រីផ្ទាល់ ជាពិសេសបំពេញបំណងប្រាថ្នារបស់លោកឪពុក និងតបស្នងសងគុណអ្នកម្តាយ ដែលកំពុងបីបាច់ថែរក្សាក្មួយសព្វថ្ងៃនេះ។

លោកឧកញ៉ា បន្ថែមដូច្នេះថា៖ “សូមក្មួយ កុំបារម្ភ បើទោះបី លោកឪពុករបស់ក្មួយបានពលីក៏ពិតមែន តែក្មួយនៅមាន ម្តាយ ជាពិសេស សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និង សម្តេចកិត្តិព្រឹទ្ធបណ្ឌិត ព្រមទាំង សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី និង លោកជំទាវបណ្ឌិត រួមជាមួយ ថ្នាក់ដឹកនាំ បុគ្គលិក លោកគ្រូ អ្នកគ្រូ នៃសាលា ប៊ែលធី អន្តរជាតិទាំងអស់ ចាំជួយទំនុកបម្រុងក្មួយ រហូតដល់រៀនចប់ចុងចប់ដើម។ សូមបួងសួងដល់ដួងវិញ្ញាណក្ខន្ធសពវីរយុទ្ធជន លោកវរសេនីយ៍ត្រី លៀម សំពៅមាស សូមបានទៅកាន់សុគតិភពកុំបីឃ្លៀងឃ្លាតឡើយ”៕

The post ឧកញ៉ា លី ឆេង ប្រគល់ប័ណ្ណអាហារូបករណ៍ពិសេស ១០០% សិក្សារយៈពេល ១២ឆ្នាំ ដល់កូនស្រីបង្កើតរបស់វីរយុទ្ធជនពលី លោកវរសេនីយ៍ត្រី លៀម សំពៅមាស appeared first on .

កិច្ចប្រជុំរដ្ឋសភាលើកទី៤ នីតិកាលទី៧ ក្រោមអធិបតីភាពដ៏ខ្ពង់ខ្ពស់ សម្តេចមហារដ្ឋសភាធិការធីបតី ឃួន សុដារី ប្រធានដ្ឋសភា ដែលមានវត្តមានសមាជិករដ្ឋសភាចំនួន ១២៥ អង្គ/រូប ក្នុងនោះក៏មានវត្តមាន អ្នកឧកញ៉ា ឧកញ៉ាមួយចំនួនរួមមាន អ្នកឧកញ៉ា សេង ញ៉ក់ សមាជិកគណៈកម្មការទី៨ នៃរដ្ឋសភា និងជាតំណាងរាស្ត្រមណ្ឌលខេត្តកំពង់ស្ពឺ, ឧកញ៉ា លី ឆេង តំណាងរាស្ដ្រមណ្ឌលរាជធានីភ្នំពេញ និង ឧកញ៉ា ភួ ពុយ តំណាងរាស្ត្រមណ្ឌលខេត្តបាត់ដំបង ផងដែរ។

រដ្ឋសភាកម្ពុជា បានបញ្ជាក់ថា ការធ្វើវិសោធនកម្មនេះ ក្នុងគោលបំណងសំខាន់ គឺដើម្បីបើកផ្លូវអនុញ្ញាតឱ្យមានការរៀបចំក្របខណ្ឌច្បាប់ សម្រាប់ដកសញ្ជាតិខ្មែរ ពីប្រជាពលរដ្ឋខ្មែរណា ដែលបានប្រព្រឹត្តអំពើក្បត់ជាតិ ឬការធ្វើសកម្មភាពប៉ះពាល់ធ្ងន់ធ្ងរដល់ផលប្រយោជន៍នៃព្រះរាជាណាចក្រកម្ពុជា និងប្រជាពលរដ្ឋខ្មែរដោយឃុបឃិត ជាមួយបរទេស។ ការធ្វើវិសោធនកម្មមាត្រា៣៣ នៃរដ្ឋធម្មនុញ្ញ ក៏នឹងរួមចំណែកយ៉ាងសំខាន់ ក្នុងការប្រឆាំងនឹងការជ្រៀតជ្រែកពីខាងក្រៅចូលមកក្នុងកិច្ចការផ្ទៃក្នុងរបស់កម្ពុជា ពិសេស ការប្រឆាំងនឹងអំពើក្បត់ជាតិ និងអំពើឃុបឃិតគ្នាជាមួយបរទេស ដែលនឹងធ្វើឱ្យប៉ះពាល់ធ្ងន់ធ្ងរដល់វិស័យសន្តិសុខជាតិ សេចក្ដីសុខសាន្តរបស់ប្រជាជន និងឧត្តមប្រយោជន៍របស់ប្រទេសជាតិ។

សេចក្តីស្នើច្បាប់ធម្មនុញ្ញស្តីពីវិសោធនកម្មមាត្រា៣៣នៃរដ្ឋធម្មនុញ្ញនៃព្រះរាជាណាចក្រកម្ពុជា មានពីរមាត្រា។ មាត្រា៣៣នៃរដ្ឋធម្មនុញ្ញនៃព្រះរាជាណាចក្រកម្ពុជា ត្រូវបានធ្វើវិសោធនកម្ម ដូចតទៅ៖ ប្រជាពលរដ្ឋខ្មែរមិនត្រូវបាននិរទេស ឬចាប់បញ្ជូនខ្លួនទៅឱ្យប្រទេសក្រៅណាមួយឡើយ លើកលែងតែមានកិច្ចព្រមព្រៀងជាមួយគ្នាទៅវិញទៅមក។ ប្រជាពលរដ្ឋខ្មែរដែលកំពុងរស់នៅឯបរទេសត្រូវបានរដ្ឋគំាពារ។ ការទទួលសញ្ជាតិខ្មែរនិងការបាត់សញ្ជាតិខ្មែរ ដោយរួមទំាងការដកសញ្ជាតិខ្មែរត្រូវបានកំណត់ក្នុងច្បាប់។

អង្គរដ្ឋសភាបានពិភាក្សា អនុម័ត សេចក្តីស្នើវិសោធនកម្ម តាមនីតិវិធី ដោយបានពិភាក្សា ផ្តល់យោបល់យ៉ាងល្អិតល្អន់ ពីតំណាងរាស្រ្តហត្ថលេខី តំណាងរាជរដ្ឋាភិបាល គណៈកម្មការជំនាញរបស់រដ្ឋសភា ក៏ដូចជាពីសមាជិកសមាជិការដ្ឋសភា មុនអនុម័តសេចក្តីស្នើច្បាប់ធម្មនុញ្ញស្តីពីវិសោធនកម្មមាត្រា៣៣នៃរដ្ឋធម្មនុញ្ញនៃព្រះរាជាណាចក្រកម្ពុជា ទំាងមូលជាឯកច្ឆន្ទ ដោយសំឡេងគំាទ្រ ១២៥លើ១២៥ សំឡេង។

សូមជម្រាបថា ការដកសញ្ជាតិខ្មែរពីប្រជាពលរដ្ឋរបស់ខ្លួនណាម្នាក់ មិនមែនជារឿងថ្មីនោះទេ។ សម្រាប់កម្ពុជា កាលពីសម័យមុនក៏មានច្បាប់កំណត់អំពីដកសញ្ជាតិខ្មែរ ដូចជា ក្រមរដ្ឋប្បវេណីឆ្នាំ១៩២០ ដែលត្រូវបានធ្វើវិសោធនកម្ម ជាបន្តបន្ទាប់ និងច្បាប់ស្ដីពីការបាត់សញ្ជាតិខ្មែរ ដែលត្រូវបានប្រកាសឱ្យប្រើដោយព្រះរាជក្រមលេខ ៣៧៧/៦៨-ប.រ. ចុះថ្ងៃទី១៦ ខែតុលា ឆ្នាំ១៩៦៨ ជាដើម។

ទន្ទឹមនឹងនេះ នៅបណ្ដាប្រទេសជាង១៥០នៅលើពិភពលោក ទំាងនៅអាស៊ី និងអឺរ៉ុប សុទ្ធតែមានច្បាប់កំណត់អំពីការដកសញ្ជាតិពីពលរដ្ឋរបស់ខ្លួន ជាពិសេស ក្នុងករណីអំពើធ្វើឱ្យប៉ះពាល់ធ្ងន់ធ្ងរដល់ផលប្រយោជន៍របស់ជាតិ ឬអំពើធ្វើឱ្យប៉ះពាល់ដល់វិស័យសន្តិសុខជាតិ។ អឺរ៉ុបដែលមាន២៨ប្រទេស មាន១៨ ប្រទេស មានច្បាប់ដកសញ្ជាតិ ចំណែកនៅតំបន់អាស៊ាន មាន៩ប្រទេសហើយដែលមានច្បាប់ដកសញ្ជាតិ។ ប្រទេសដែលមានច្បាប់ដកសញ្ជាតិមានដូចជា បារាំង អាមេរិក អង់គ្លេស អាល្លឺម៉ង់ អូស្ត្រាលី អុីតាលី ប៊ែលហ្ស៊ិក ឥណ្ឌា កូរ៉េខាងត្បូង និងសិង្ហបុរី ជាដើម៕

The post អ្នកឧកញ៉ា ឧកញ៉ាៗរូបណាខ្លះ ចូលរួមកិច្ចប្រជុំរដ្ឋសភា ពិភាក្សាលើការធ្វើវិសោធនកម្មរដ្ឋធម្មនុញ្ញ នៅព្រឹកថ្ងៃសុក្រនេះ? appeared first on .

ពិធីភ្ជាប់ពាក្យនេះ កូនប្រុសនាម លី ប៊ុនឆៃ ជាកូនប្រុសរបស់លោកឧកញ៉ា លី ឆេង និងកូនស្រីនាម លី លក្ខណា។ លោក លី ប៊ុនឆៃ បច្ចុប្បន្នមានតួនាទីជា អគ្គនាយករង ប៊ែលធី គ្រុប និងជាប្រធានគណៈគ្រប់គ្រង​នាយក​សាខា នៃសាលា ប៊ែលធី អន្តរជាតិ ហើយត្រូវបានគេស្គាល់ច្បាស់ថាជា លោកគ្រូវិន័យ នៃសាលា ប៊ែលធី អន្តរជាតិ។

សិរីសួស្តីពិធីភ្ជាប់ពាក្យ ធ្វើឡើងក្រោមវត្តមានលោកមេប៉ាតូចធំ​ត្រកូលរាមច្បងទាំងសងខាង​យ៉ាងឱឡារិក​តាមទំនៀមទម្លាប់ខ្មែរ ដោយរៀបចំគ្រឿងភស្តុភាបណ្ណាការ (ជំនូន) ព្រមទាំងការផ្កាភ្ញីស្រស់ៗជាច្រើនរយទង​រំលេចដោយពណ៌ក្រហមស្រស់។ ពិសេសនោះ ពិធីភ្ជាប់កូនប្រុសស្រីលោកមេបាទាំងសងខាង ក៏បានរៀបចំ​ក្នុងសណ្ឋាគារដ៏ល្បីមួយនៅរាជធានីភ្នំពេញ ជាមួយនឹងទិដ្ឋភាពដ៏ស្រស់ត្រកាល។

សូមជម្រាបថា ក្នុងពិធីខាងលើនេះ មានការអញ្ជើញចូលរួមពីសំណាក់ឥស្សរជន និងថ្នាក់ដឹកនាំជាច្រើនរូប​ផងដែរ​រួមមាន៖ សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ, សម្តេចមហា​រដ្ឋសភាធិការធិបតី ឃួន សុដារី ប្រធានរដ្ឋសភា, ឯកឧត្ដមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ, ឯកឧត្តម ហ៊ុន ម៉ានី ឧបនាយករដ្ឋមន្រ្តី រដ្ឋមន្រ្តីក្រសួងមុខងារសាធារណៈ, ឯកឧត្តម នាយឧត្តមសេនីយ៍ ម៉ឹង សំផន រដ្ឋលេខាធិការ​ក្រសួងការពារជាតិ ព្រមទាំងភ្ញៀវកិត្តិយសជាច្រើនរូបទៀត៕

រូបភាព៖ The Ring

The post មកមើលទិដ្ឋភាពពិធីភ្ជាប់ពាក្យកូនប្រុសឧកញ៉ា លី ឆេង ម្ចាស់សាលា ប៊ែលធី appeared first on .