កូនប្រសារបស់ លោកអ្នកឧកញ៉ា លី យ៉ុងផាត់ ទទួលបានគោរមងារ «ឧកញ៉ា»

ឧកញ៉ាដែនដី — Sat, 08 Jun 2024 13:27:39 +0000

លោកជំទាវ លីវ ប៉ឆេង ត្រូវជាកូនប្រសាស្រីរបស់ លោកអ្នកឧកញ៉ា លី យ៉ុងផាត់ ប្រធានសមាគមឧកញ៉ាកម្ពុជា ត្រូវបានព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ត្រាស់បង្គាប់ផ្តល់គោរមងារជា «ឧកញ៉ា» តាមសេចក្តីក្រាបបង្គំទូលថ្វាយរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ដោយព្រះរាជក្រឹត្យលេខ នស/រកត/០៥២៤/៤២៩ ចុះថ្ងៃទី០៦ ខែឧសភា ឆ្នាំ២០២៤។

លោកជំទាវ លីវ ប៉ឆេង ជាកូនស្រីអ្នកអភិជនមួយរូបក្នុងរាជធានីភ្នំពេញ។ លោកជំទាវ បានរៀបអាពាហ៍ពិពាហ៍ជាមួយលោកឧកញ៉ា លី ភូនរ៉ាត់ កូនប្រុសរបស់ លោកអ្នកឧកញ៉ា លី យ៉ុងផាត់ កាលថ្ងៃទី១១ ខែមីនា ឆ្នាំ២០២៤ កន្លងទៅថ្មីៗនេះ។

សូមជម្រាបផងដែរថា លោកជំទាវ លី អាផណ ត្រូវជាកូនស្រីរបស់ លោកអ្នកឧកញ៉ា លី យ៉ុងផាត់ ប្រធានសមាគមឧកញ៉ាកម្ពុជា ក៏ត្រូវបានព្រះមហាក្សត្រត្រាស់បង្គាប់ផ្តល់គោរមងារជា «ឧកញ៉ា» កាលថ្ងៃទី១២ ខែមេសា ឆ្នាំ២០២៤ ផងដែរ ខណៈដែល អ្នកឧកញ៉ា លី យ៉ុងផាត់ ខ្លួនឯងផ្ទាល់ ក៏ទទួលបានការផ្តល់គោរមងារលំដាប់ខ្ពស់បំផុត «លោកអ្នកឧកញ៉ា» ពីព្រះមហាក្សត្រ នៅថ្ងៃតែមួយ គឺថ្ងៃទី១២ ខែមេសា ឆ្នាំ២០២៤ ដូចគ្នា៕

The post កូនប្រសារបស់ លោកអ្នកឧកញ៉ា លី យ៉ុងផាត់ ទទួលបានគោរមងារ «ឧកញ៉ា» appeared first on .

តម្លៃនាឡិការបស់កូនអ្នកឧកញ៉ា លី យ៉ុងផាត់ ថ្ងៃរៀបការមួយម៉ូដៗថ្លៃកប់ពពក

ឧកញ៉ាកោះក្របី — Wed, 13 Mar 2024 04:40:00 +0000

កាលពីថ្ងៃចន្ទដើមសប្ដាហ៍កន្លងទៅ ពិធីរៀបមង្គលការដ៏ធំមួយកក្រើកវិស័យជំនួយទាំងមូលនោះ គឺពិធីរៀបអាពាហ៍ពិពាហ៍កូនប្រុសអ្នកឧកញ៉ា លី យ៉ុងផាត់ និងកូនស្រីត្រកូលអភិជនមួយរូបនាទីក្រុងភ្នំពេញ។

ក្រៅពីមានការរៀបចំផ្កាភ្ញី ការសម្អិតសម្អាងជូនកូនកំលោះ-ក្រមុំហើយនោះបានយ៉ាងប្រណីតស័ក្ដិសមនឹងឋានៈមុខមាត់ក្នុងសង្គមរបស់អ្នកទាំង ២ គេសង្កេតឃើញថា នាឡិកាដែលឧកញ៉ា លី ភូនរ៉ាត់ ពាក់នាថ្ងៃមង្គលការមាន ៣ ម៉ូដ ហើយតម្លៃទៀតសោតគឺថ្លៃកប់ពពកតែម្ដង។

– ម៉ូដែលទី១ Rolex Cosmograph Daytona

ឧកញ៉ា លី ភូនរ៉ាត់ បានពាក់នាឡិការបស់ក្រុមហ៊ុន Rolex នៅថ្ងៃចូលរោង ដែលម៉ាកនេះមានតម្លៃចន្លោះពី ៣៨ ០០០ ដុល្លារឡើងទៅ។

– ម៉ូដែលទី២ Patek Philippe 5208R

ម៉ូដែលនេះ ឃើញកូនប្រុសអ្នកឧកញ៉ា លី យ៉ុងផាត់ ពាក់នៅថ្ងៃមង្គលការពេលព្រឹក។ នាឡិកា Patek Philippe 5208R មានតម្លៃចាប់ពី ១ ៤០០ ០០០ ដុល្លារឡើងទៅ។

– ម៉ូដែលទី៣ Patek Philippe 5167R

ចំណែកម៉ូដែលនេះវិញកូនកំលោះបានពាក់នាកម្មវិធីពេលយប់។ បើតាមវិបសាយក្រុមហ៊ុន Patek Philippe បានបញ្ជាក់ថា គិតត្រឹមខែមីនា ឆ្នាំ ២០២៤ តម្លៃជាមធ្យមរបស់ Patek Philippe Aquanaut 5167 Rose Gold (5167R) នៅលើទីផ្សារលក់ឯកជនគឺ ៧០ ៩៣៣ ដុល្លារ ខណៈដែលវាអាចឡើងថ្លៃរហូតដល់ ៧៩ ០០០ ដុល្លារ។ សរុបនាឡិកាទាំង ៣ គ្រឿង ដែលឧកញ៉ា លី ភូនរ៉ាត់ ពាក់ថ្ងៃមង្គលការមានតម្លៃរហូតទៅដល់ជាង ១ លាន ៥ សែន ដុល្លារ ឡើងទៅ៕

The post តម្លៃនាឡិការបស់កូនអ្នកឧកញ៉ា លី យ៉ុងផាត់ ថ្ងៃរៀបការមួយម៉ូដៗថ្លៃកប់ពពក appeared first on .