ថ្ងៃ​នេះ​ ឧកញ៉ា ញូស៍ សូម​ណែនាំ​​ឱ្យ​ស្គាល់​​បុត្រសម្ព័ន្ធ​​​របស់​ក្រុមហ៊ុន លី ហួរ គ្រុប ដូច​ខាង​ក្រោម៖

១. ក្រុមហ៊ុន លី ហួរ អ៊ិចឆេង ឯ.ក (លី ហួរ ប្តូរប្រាក់)៖ បង្កើត​ឡើង​តាំង​ពី​ឆ្នាំ​១៩៨៦ ​​ហើយ​បច្ចុប្បន្ន​ក្លាយ​ជា​​ក្រុមហ៊ុន​នាំ​មុខ​គេ​​ផ្នែក​ទីផ្សារ​ប្តូរ​ប្រាក់​នៅ​ក្នុង​ប្រទេស​កម្ពុជា។

២. លី ហួរ ផនសប ខូអិលធីឌី (លី ហួរ ហាងបញ្ចាំ ខូអិលធីឌី)៖ ជាក្រុមហ៊ុនដែលទទួលបាន​អាជ្ញាប័ណ្ណ​ធ្វើ​អាជីវកម្មទទួលបញ្ចាំចលនទ្រព្យ និងអចលនទ្រព្យគ្រប់ប្រភេទពីក្រសួងសេដ្ឋកិច្ច និងហិរញ្ញវត្ថុ ចុះថ្ងៃទី០៤ ខែមិថុនា ឆ្នាំ២០១០។

៣. បុរីវិមានភ្នំពេញ៖ ជាគម្រោងអភិវឌ្ឍន៍លំនៅឋានរបស់ក្រុមហ៊ុន លី ហួរ គ្រុប ដែលត្រូវបានបង្កើតឡើង និង​ទទួលអាជ្ញាប័ណ្ណ ពីក្រសួងសេដ្ឋកិច្ចនិងហិរញ្ញវត្ថុនៅក្នុងខែតុលា ឆ្នាំ២០១១ ចាប់ផ្តើមគម្រោងទី១​ នៅលើផ្ទៃដី​សាងសង់ចំនួន ១៨ហិកតា ស្ថិតនៅតាម បណ្តោយផ្លូវ៥៩៨ សង្កាត់ច្រាំងចំរេះ១ ខណ្ឌឫស្សីកែវ រាជធានីភ្នំពេញ ព្រះរាជាណាចក្រកម្ពុជា។ ឧកញ៉ា លី ហួរ ជាប្រធានគម្រោង និងអ្នកគ្រប់គ្រងផ្ទាល់លើគម្រោង​អភិវឌ្ឍន៍​លំនៅឋាន​ទាំងអស់របស់ក្រុមហ៊ុន។

៤. គ្រឹះស្ថានមីក្រូហិរញ្ញវត្ថុ លី ហួរ ភីអិលស៊ី៖ ជាក្រុមហ៊ុនមហាជនទទួលខុសត្រូវមានកម្រិត ត្រូវបានបង្កើត​ឡើងនៅចុងឆ្នាំ២០១២ ក្រោម អាជ្ញាប័ណ្ណលេខ Co. ២៤៦KH/២០១២ ចុះថ្ងៃទី៦ ខែសីហា ឆ្នាំ២០១២ ចេញដោយក្រសួងពាណិជ្ជកម្ម ដែលមានដើមទុនសរុប ចំនួន ១៦លាន ដុល្លារអាមេរិក។ គ្រឹះស្ថានបានទទួល​អាជ្ញាប័ណ្ណ នៅថ្ងៃទី០២ ខែតុលា ឆ្នាំ២០១២ ពីធនាគារជាតិនៃកម្ពុជា។ សកម្មភាពចម្បងរបស់គ្រឹះស្ថាន គឺផ្តល់​សេវាមីក្រូហិរញ្ញវត្ថុដល់ប្រជាពលរដ្ឋ ដែលមានប្រាក់ចំណូលទាប និងសហគ្រាសខ្នាតតូច និងមធ្យមតាមរយៈ​ការិយាល័យ​កណ្តាល និងការិយាល័យសាខានៅទូទាំងប្រទេសកម្ពុជា។

៥. ក្រុមហ៊ុន​ ទេពី អាក្រូ វិនិយោគ៖ ត្រូវបានបង្កើតឡើងនៅឆ្នាំ២០១១​។ សកម្មភាពចម្បង របស់ក្រុមហ៊ុន គឺចូលរួមអភិវឌ្ឍវិស័យកសិ-ឧស្សាហកម្មតាមរយៈការដាំកៅស៊ូ និងស្វាយចន្ទី សម្រាប់នាំចេញទៅលក់​ទីផ្សារ​បរទេស ព្រមទាំងផ្គត់ផ្គង់ក្នុងស្រុក។ បច្ចុប្បន្នក្រុមហ៊ុនបានក្លាយជាក្រុមហ៊ុនអភិវឌ្ឍន៍វិស័យកសិ-ឧស្សាហកម្ម ដ៏ធំមួយនៅកម្ពុជា ហើយនឹងក្លាយជាក្រុមហ៊ុនផលិតជ័រកៅស៊ូ និងស្វាយចន្ទីច្រើនជាងគេនៅពេលដ៏ខ្លីខាងមុខ។

៦. ក្រុមហ៊ុន លី ហួរ លីស៊ីង ភីអិលស៊ី៖ ត្រូវបានបង្កើតឡើងនៅដើមឆ្នាំ២០១៥ និងទទួលបានអាជ្ញាប័ណ្ណ​ប្រកប​អាជីវកម្ម​ភតិសន្យាហិរញ្ញវត្ថុ ពីធនាគារជាតិនៃកម្ពុជា នៅថ្ងៃទី៨ ខែមេសា ឆ្នាំ២០១៦។ ក្រុមហ៊ុន លី ហួរ លីស៊ីង មានផ្តល់ជូននូវសេវាភតិសន្យាហិរញ្ញវត្ថុ ដល់អតិថិជននៅទូទាំងប្រទេសកម្ពុជា សម្រាប់ការបង់រំលស់យានយន្ត (រថយន្តម៉ូតូ និងម៉ូតូកង់បី) យកទៅប្រើប្រាស់ក្នុងសកម្មភាពអាជីវកម្មក៏ដូចជាប្រើប្រាស់ផ្ទាល់ខ្លួន។ លើសពីនោះ​ក្រុមហ៊ុនក៏មានលក់រថយន្ត ដែលសុទ្ធសឹងតែមានគុណភាពខ្ពស់ជាមួយនឹងតម្លៃសមរម្យ និងមានផ្តល់ជូនសេវា​ជួលរថយន្តដែលមានលក្ខណៈល្អបំផុតចំពោះអតិថិជន ដែលមានតម្រូវការប្រើប្រាស់រថយន្តក្នុងរយៈពេល​ខ្លី​ផងដែរ។

៧. ក្រុមហ៊ុន លី ហួរ ផេប្រ៉ូ ភីអិលស៊ី៖ ទទួលបានអាជ្ញាប័ណ្ណពីធនាគារជាតិនៃកម្ពុជា ចុះថ្ងៃទី ២០ ខែមករា ឆ្នាំ២០១៦ ដើម្បីដំណើរការប្រតិបត្តិការជាភាគីទីបី ដោយផ្តល់សេវាផ្ទេរប្រាក់ និងសេវាទូទាត់ និងប្រគល់ដោយ​ធនាគារពាណិជ្ជកម្មក្រៅប្រទេសនៃកម្ពុជា (FTB Bank) ។ ក្រុមហ៊ុន លី ហួរ ផេប្រ៉ូ ភីអិលស៊ី មានចក្ខុវិស័យ​ជាយុទ្ធសាស្រ្តច្បាស់លាស់ក្នុងការផ្តល់សេវាផ្ទេរប្រាក់ និងសេវាទូទាត់ប្រាក់ តាមរយៈការសហការភាព​ជាដៃគូ​យូរអង្វែងជាមួយភ្នាក់ងារ និងយុទ្ធសាស្រ្តពង្រីកទៅក្នុងតំបន់អាស៊ីអាគ្នេយ៍ ក្នុងពេលខាងមុខ ដោយប្រើបច្ចេក​វិទ្យា​ទំនើប និងស្តង់ដារ ដើម្បីធានាឱ្យបានទ្វេដងនូវសន្តិសុខ និងទំនុកចិត្ត។

៨. ក្រុមហ៊ុន លី ហួរ អ៊ិនសួរេន ម.ក៖ ត្រូវបានបង្កើតឡើងនៅចុងឆ្នាំ ២០១៧ ដោយបានទទួលអាជ្ញាប័ណ្ណ​ប្រតិបត្តិការអាជីវកម្ម ធានារ៉ាប់រងទូទៅពីក្រសួងសេដ្ឋកិច្ច និងហិរញ្ញវត្ថុ នៅថ្ងៃទី ២២ ខែ ធ្នូ ឆ្នាំ ២០១៧ ។ ក្រុមហ៊ុនមានដើមទុនចុះបញ្ជីសរុប ចំនួន ៧,៧លានដុល្លារអាមេរិក និងបានចាប់ផ្តើមបើកដំណើរការ​ជាផ្លូវការ​នៅថ្ងៃទី២៩ ខែមករា ឆ្នាំ ២០១៨ ។ ក្រុមហ៊ុន បានផ្តល់ជូននូវផលិតផលសេវាធានារ៉ាប់រងទូទៅ និងសេវាកម្ម​ដែល​ត្រឹមត្រូវតាមច្បាប់ ដូចជា ធានារ៉ាប់រងលើទ្រព្យសម្បត្តិ ធានារ៉ាប់រងផ្នែកវិស្វកម្ម ការធានារ៉ាប់រងលើ​យាន​យន្ត ការធានារ៉ាប់រងលើអត្ថប្រយោជន៍និយោជិត និង​ធានារ៉ាប់រងផ្សេងៗទៀត៕

The post ណែនាំឱ្យស្គាល់បុត្រសម្ព័ន្ធក្រុមហ៊ុន LY HOUR GROUP របស់ឧកញ៉ា លី ហួរ appeared first on .

គម្រោងថ្មីនេះ នឹង​កែប្រែតំបន់ ដែលជាទីតាំងដីឡូតិ៍ទុកចោល មិនមានមនុស្សរស់នៅទៅជាសំណង់លំនៅឋានសម្រាប់ប្រជាពលរដ្ឋទិញស្នាក់នៅ និងប្រកបអាជីវកម្ម ធ្វើឲ្យតំបន់នោះក្លាយជាទី ប្រជុំជន មានមនុស្សអូរអរ និងមានហេដ្ឋារចនាសម្ព័ន្ធស្អាតជាដើម។

ចាប់តាំងពីឆ្នាំ២០១១ រហូតមកដល់បច្ចុប្បន្ន ក្រុមហ៊ុន លី ហួរ ឌីវឡបម៉ិន វិមាន ភ្នំពេញបង្កើតបានចំនួន១២ គម្រោងស្ថិតនៅទីតាំងផ្សេងៗគ្នា និងមានផែនការបង្កើតគម្រោងបន្តបន្ទាប់ ទៀតទៅថ្ងៃអនាគត៕

The post ឧកញ៉ាលី ហួរ កែប្រែដីឡូតិ៍ទុកចោល អភិវឌ្ឍ​គម្រោង​បុរី​ថ្មី ក្លាយជាទីប្រជុំជន​ មាន​គ្រប់​​ហេដ្ឋរចនាសម្ព័ន្ធ​ appeared first on .

ការ​ចូលរួម​បរិច្ចាក​ថវិកា ២០ ម៉ឺន​ដុល្លារ​នេះ ក្នុង​ពេលប្រមុខរដ្ឋាភិបាល​ប្រកាស​ទិញ​មន្ទីរពេទ្យ «នគរទេព» មកធ្វើជាសម្បត្តិរដ្ឋ និងបម្រើការព្យាបាលអ្នកជំងឺកូវីដ១៩។

រាជរដ្ឋាភិបាលកម្ពុជា នឹងទិញយកមន្ទីរពេទ្យព្យាបាលជំងឺកូវីដ១៩ឈ្មោះ «នគរទេព» មានទីតាំងស្ថិតក្នុងសង្កាត់ព្រៃស ខណ្ឌដង្កោ រាជធានីភ្នំពេញ ហើយប្តូរឈ្មោះថាជាមន្ទីរពេទ្យ «ហ្លួងម៉ែ» វិញ។

អ្នកឧកញ៉ា លី ហួរ គឺ​ជាម្ចាស់​ក្រុមហ៊ុន  លី  ហួរ  គ្រុប ដែល​មាន​សម្ព័ន្ធ​ក្រុមហ៊ុន​ជា​ច្រើន​ ដូចជា​បុរីវិមាន​ភ្នំពេញ និង​ធនគារ​ផងដែរ៕

The post ឧកញ៉ា​ម្ចាស់បុរី​វិមាន​ភ្នំពេញ បរិច្ចាកថវិកា ២០ ម៉ឺនដុល្លារ​ ជាមួយ​សម្តេច​តេជោ ហ៊ុន សែន​ ទិញមន្ទីរពេទ្យ «នគរទេព» appeared first on .

អំណោយផ្លូវ១ខ្សែនេះកើតឡើងពីការបរិច្ចាករួមគ្នារនូវថវិកាដ៏ច្រើនសន្ធឹកសន្ធាប់មិនតិចជាង១៥លានដុល្លារដោយ ឧកញ៉ាធំៗ៣រូបនៅប្រទេសកម្ពុជាគឺ៖ ឧកញ៉ា លី ហួរ, ឧកញ៉ា លាង ឃុន និង ឧកញ៉ា លី យ៉ុងផាត់ ក្រោមគំនិតផ្តួចផ្តើមដ៏ថ្លៃថ្លារបស់សម្តេចតេជោ ហ៊ុន សែន ប្រមុខ​រាជ​រដ្ឋាភិ​បាល​​កម្ពុជា។ មន្ត្រីសាលារាជធានីភ្នំពេញនិងប្រជាពលរដ្ឋបានចាត់ទុកថា នេះ​គឺជាគម្រូនៃ​ការ​រួម​ចំណែក​របស់វិស័យឯកជនក្នុងការចូលរួមអភិវឌ្ឍរាជធានីភ្នំពេញឲ្យកាន់តែរីកចម្រើន។

ផ្លូវថ្មី១ខ្សែនេះបានធ្វើឡើងក្នុងសង្កាត់ស្វាយប៉ាក ខណ្ឌឬស្សីកែវ រាជធានីភ្នំពេញ។ គេមិនអាចដឹងថា តើឧកញ៉ាទាំង៣រូបខាងលើ ម្នាក់ៗបរិច្ចាកថវិកាផ្ទាល់ខ្លួនចំនួនប៉ុន្មាននោះទេ ប៉ុន្តែការចូល​រួមក​សាង​ផ្លូវ​ដែលមានទំហំធំ និងប្រវែងដ៏វែងនេះ គឺពិតជាត្រូវចំណាយអស់ថវិកាច្រើន។ ឧកញ៉ាទាំង៣រូបត្រូវបានគេគោរពកោតសរសើថា​បានរួមចំណែក​ជាមួយរាជរដ្ឋាភិបាល​ក្នុង​ការបរិច្ចាក​ថវិកាកសាង​សមិទ្ធផលជូនជាតិនិងប្រជាជន៕

ប្រភព៖ swiftnewsdaily

The post បង្ហាញ​ចំនួន​ប្រាក់​ដែល ឧកញ៉ាធំៗ៣រូប រួមគ្នាបរិច្ចាក​ជួយ ស្ថាបនាមហាវិថី១ខ្សែ​នេះ appeared first on .

ពាក់ព័ន្ធនឹងករណីនេះ លោក​ឧកញ៉ា លី ហួរ ជា​ប្រធានសមាគមអ្នកអភិវឌ្ឍន៍លំនៅ​ឋានកម្ពុជា បានចេញ​សារលិខិត​គាំទ្រ​នូវ​សេចក្តីអំពាវនាវ​របស់​ក្រសួង​សេដ្ឋកិច្ច និង​ហិរញ្ញវត្ថុ​ ដោយ​បានដាក់វិធានការ៣ចំណុចរួមមាន៖

១-​លើកទឹកចិត្ត​អតិថិជន​ទូទៅ​ទាំងអស់ ដោយ​បញ្ចុះតម្លៃ​លំនៅឋាន​ពិសេស​ជូន​រហូតដល់ ៧% ទៅតាម​គម្រោង​នីមួយៗ របស់​ក្រុមហ៊ុន ដែលជា​សមាជិកសមាគម​អ្នក​អភិវឌ្ឍន៍​លំនៅឋាន​កម្ពុជា​។​

២-​លើកទឹកចិត្ត​ដល់​អតិថិជន​ទូទៅ ដែល​ទិញ​ផ្ទះ ចាប់ពី​ខែមីនា ឆ្នាំ​២០២០ នេះ​តទៅ ដោយ​ធ្វើ​ការបង់​ផ្តាច់​ទាំងស្រុង ជាមួយ​ក្រុមហ៊ុន ដែលជា​សមាជិកសមាគម​អ្នក​អភិវឌ្ឍន៍​លំនៅឋាន​កម្ពុជា យើងខ្ញុំ​អាច​នឹង​បញ្ចុះតម្លៃ​លំនៅឋាន​ពិសេស​ជូន​រហូតដល់ ៧% បន្ថែមទៀតតាម​គម្រោង​នីមួយៗ​។​

ទី៣-​ក្រុមហ៊ុន​ជា​សមាជិកសមាគម​នឹង​ផ្តល់​ភាពទន់ភ្លន់​អំពី​លក្ខខណ្ឌ​នៃ​ការបង់ប្រាក់​ចំពោះ​ការទិញ​លំនៅឋាន​របស់​កម្មករ​-​និយោជិត ដែល​ទទួលរង​ផលប៉ះពាល់​បាត់បង់​ចំណូល​នៅក្នុង​រយៈពេល​នៃ​វិបត្តិ​នេះ​។​

​ប្រធានសមាគមអ្នកអភិវឌ្ឍន៍លំនៅឋានកម្ពុជារូបនេះ ក៏បានបញ្ជាក់ថា ក្នុងករណី​ចាំបាច់ សមាគម​អ្នក​អភិវឌ្ឍន៍​លំនៅឋាន​កម្ពុជា​យើងខ្ញុំ នឹងដាក់​ចេញ​នូវ​វិធានការ​បន្ថែមទៀត ស្របទៅតាម​គោលនយោបាយ​របស់​រាជ​រដ្ឋាភិបាល​​។

គួរបញ្ជាក់ថា ក្រសួងសេដ្ឋកិច្ច និងហិរញ្ញវត្ថុ កាលថ្ងៃទី០៩ ខែមីនា ឆ្នាំ២០២០កន្លទទៅ បានចេញសេចក្ដីអំពាវនាវដល់ម្ចាស់ក្រុមហ៊ុនអចលនទ្រព្យទាំងឡាយ នូវសំណើមួយ​ចំនួនពាក់ព័ន្ធនឹងការបន្ធូរបន្ថយថ្លៃ ឬបញ្ចុះថ្លៃសមស្របណាមួយសម្រាប់ការ​លក់លំ​នៅឋានជូនកម្មករ និយោជិត ដែលរងផលប៉ះពាល់ដោយសារការព្យួរការងារ។

ក្នុងនោះសំណើរបស់ក្រសួងសេដ្ឋកិច្ចចំពោះម្ចាស់ក្រុមហ៊ុនអចលនទ្រព្យទាំងនោះ រួមមាន៖១៖ ផ្ដល់ភាពទន់ភ្លន់អំពីលក្ខខណ្ឌនៃការបង់ប្រាក់ចំពោះការទិញលំនៅឋានរបស់កម្មករ និយោជិតណា ដែលទទួលរងផលប៉ះពាល់ដូចបានគូសបញ្ជាក់ខាងលើ។ ២៖ បញ្ចុះថ្លៃផ្ទះក្នុងកម្រិតសមស្របណាមួយ ខណៈដែលរាជរដ្ឋាភិបាល​លបានសម្រេច​ផ្ដល់​ការលើកលែងពន្ធប្រថាប់ត្រាលើការផ្ទេរកម្មសិទ្ធិ ឬសិទ្ធិកាន់កាប់អចលនទ្រព្យ (លំនៅឋានគ្រប់ប្រភេទ) ដែលមានតម្លៃស្មើ ឬទាបជាង ៧០,០០០ដុល្លារ ក្នុងរយៈ​ពេល១ឆ្នាំ។

អំឡុងពេលកម្មករ កម្មការិនី ប្រឈមនឹងការផ្អាកការងារបណ្ដោះអាសន្ននេះដែរ លោកនាយករដ្ឋមន្រ្តី ហ៊ុន សែន ក៏បាន ស្ថាប័នមីក្រូហិរញ្ញវត្ថុ គួរលើកលែង​ការប្រាក់​សម្រាប់កម្មករដែលព្យួរការងារ។  បើតាមលោក ហ៊ុន សែន កម្មករមិនដល់២ម៉ឺននាក់ទេ ដែលរងផលប៉ះពាល់ពីកម្ចីហិរញ្ញវត្ថុ។  ក្រៅពីធនាគារម្ចាស់បុរី ដែលកម្មករបង់​រំលោះ​ផ្ទះក៏ត្រូវពន្យាការបង់ការប្រាក់ដែរ៕ អត្ថបទ៖ សិរីការ

The post ក្រុមអ្នកជំនួញ​​អច​​ល​ន​​ទ្រព្យ ​ដាក់​ចេញ​វិធាន​​ការ​​៣ចំ​ណុច​សំខា​ន់ៗ ដើ​ម្បីប​ន្ធូរបន្ថយ​ថ្លៃ​លក់ផ្ទះ​ជូន​កម្ម​ករ appeared first on .

ឧកញ៉ា លីហួរ គឺជា គឺជាអ្នករកស៊ីម្នាក់ដែលមានចិត្តធ្ងន់ មានវិន័យលើខ្លួនឯង និង មានតម្លាភាព​បំផុត​ ហើយទាំងនេះគឺជាស្ពានដែលនាំអោយ មហាជនជឿជាក់លើគាត់។គាត់បានចែករំលែក​អោយ​បានដឹងថា “បើគេទិញមួយឲ្យច្បាស់មួយ ទិញពីរឲ្យច្បាស់ជាពីរ បើគេទិញមួយគីឡូ ឲ្យគេតែ ៩ខាំកន្លះ នេះមិនមានតម្លាភាពនោះទេ។ យើងរកស៊ី ត្រូវធ្វើយ៉ាងម៉េច ឲ្យសមភាព យុត្តិធម៌​ជាមួយ​អតិថនជន មិនបោកប្រាស់ ឬក៏ចំណេញហួសហេតុ។ បើខ្ញុំលក់ក្រណាត់ ម៉ែត្រដឹងតែពីគ្រប់ ខ្ញុំលក់​មាស​ជញ្ជីងត្រូវគ្រប់គីឡូ បើ​ដូរ​លុយ​វិញក៏ត្រូវតែគ្រប់ចំនួន។”

មកទល់ពេលនេះ ឧកញ៉ា លី ហួរ មានក្រុមហ៊ុនចំនួន ៨ ឯណោះ ក្នុងដៃ ដែលមានដូចជា ក្រុមហ៊ុនលីហួរ ប្តូរប្រាក់ និងលក់គ្រឿងអលង្ការ ក្រុមហ៊ុន លីហួរ ហាងបញ្ចាំ ក្រុមហ៊ុន​អភិវឌ្ឍន៍​លំនៅ​ឋាន​បុរីវិមានភ្នំពេញ គ្រឹះស្ថានមីក្រូហិរញ្ញវត្ថុលីហួរ ក្រុមហ៊ុនទេពី (Tepi) វិនិយោគ កសិ-ឧស្សាហកម្មដំណាំកៅស៊ូ ក្រុមហ៊ុន លីហួរ លីស៊ីង (ជួលរថយន្ត) ក្រុមហ៊ុន ផេប្រូ (លី ហួរ វេរលុយ) និង ក្រុមហ៊ុន ធានារ៉ាប់រង លីហួរ។ ថ្មីៗនេះទៀតសោត ក្រុមហ៊ុន SBI Holdings របស់​ជប៉ុន​បាន​ចរចារ​ទិញហ៊ុន 70% នៃ គ្រឹះស្ថានមីក្រូហិរញ្ញវត្ថុលីហួររួចហើយផងដែរ ជាមួយតម្លៃប្រហែល 81.7លាន USD និងត្រៀមផ្លាស់ប្តូរទៅជាធានាគារពាណិជ្ជឈ្មោះ SBI Lyhour Bank Plc វិញ។

សូមសង្កត់ធ្ងន់សារជាថ្មីទៀតថា ជោគជ័យរបស់ ឧកញ៉ា លី ហួរ កើតឡើងដោយសារគាត់តែមាន​គោលការណ៍​ច្បាស់លាស់លើ​ខ្លួន​ឯង តំាងតែពីគាត់មានអាជីវកម្មកម្រិតលក្ខណៈជាគ្រួសារ មិន​ទាន់​បើកជាក្រុមហ៊ុន (ស្តង់ដារ)​នោះ​មក​ម្ល៉េះ។ នេះគឺជាគ្រឹះ ជា គោល ដែលជួយ​អោយអតិថិជន​ជឿ​ជាក់​លើ​ជំនួញ​ទាំងអស់របស់គាត់ ដោយគ្មានភាពសង្ស័យ។

ប្រភព​ផេក៖ CamboFinance

The post ក្រៅ​ពី​របរ​ប្ដូរ​ប្រាក់ ឧកញ៉ា លី ហួរ មាន​មុខ​ជំនួញ​អ្វី​ខ្លះ? appeared first on .