តាមសេចក្តីរាយការណ៍ជាច្រើនបានឲ្យដឹងថា នៅប្រទេសកម្ពុជាបច្ចុប្បន្នមានស្ត្រីកំពុងដឹកនាំអាជីវកម្មជាច្រើនរូបកំពុងទទួលបានជោគជ័យ ក្លាយជាសេដ្ឋីនី ដែលគេនិយមហៅថា «ឧកញ៉ា»។ ក្រុមការីនិពន្ធនៃគេហទំព័រឧកញ៉ាញូស៍ បានធ្វើការស្រាវជ្រាវរកឃើញនូវសេដ្ឋីនីចំនួន ៥រូប ជាស្តេចក្រាញ់ច្រើនឆ្នាំមកហើយក្នុងវិស័យជំនួញ។

១/ អ្នកឧកញ៉ា ជឹង សុភាព ហៅយាយភូ

ជា​សហ​ម្ចាស់​កម្ម​សិទ្ធិ​ក្រុម​ហ៊ុន ​Pheapimex group ដែលជាពាណិជ្ជករចាស់វស្សាដ៏មានឥទ្ធិពលរឹងមាំ ខណៈកូនៗរបស់អ្នកស្រីកំពុងក្តោបក្តាប់ជំនួញប្រាក់ពាន់លានជាច្រើននៅក្នុងដៃ។ កូនស្រី​បង្កើត​របស់​អ្នកស្រី ជឹង សុភាព ដែល​ជា​អគ្គនាយិកា​ក្រុមហ៊ុន​ផលិត​ទឹកបរិសុទ្ធ វីតាល់ ហើយ​ក៏​ជា​អគ្គនាយិកា​ក្រុមហ៊ុន​ផលិត មី​ជាតិ គឺអ្នកឧកញ៉ា​ជឹង សុគន្ធាវី ដែល​ជា​ភរិយា​របស់​ឧត្តមសេនីយ៍​យោធា ឡាវ វ៉ាន់ ត្រូវ​ជា​កូនប្រុស​បង្កើត​ប្រពន្ធ​មុន​របស់​អ្នកឧកញ៉ា ឡាវ ម៉េងឃីន សមាជិក​ព្រឹទ្ធសភា​មកពី​គណបក្ស​ប្រជាជន​កម្ពុជា មុន​ពេល​លោក​បាន​ក្លាយ​ជា​ស្វាមី​លោកស្រី ជឹង សុភាព។

ទី/ ឧកញ៉ា លឹម ឈីវហូរ

ម្ចាស់​ក្រុមហ៊ុន អាត់វោដ អាហរ័ណ នីហរ័ណ (Attwood Import Export Co.) ដែលចូលនាំ​ផលិតផល​ស្រាបៀរថ្លៃៗលក់នៅកម្ពុជា។ អ្នកស្រីពង្រីក​មុខរបរ​ជាច្រើនដូចជា៖ ខាង​សណ្ឋាគារ អចលនទ្រព្យ និង​តំបន់​សេដ្ឋកិច្ច​ពិសេស (special economic zone) នៅ​ជិត​ក្រុង​ភ្នំពេញ ខេត្ត​ព្រះសីហនុ និង​តំបន់​ជាប់​ព្រំដែន​យៀកណាម មាន​បាវិត ខេត្ត​ស្វាយរៀង ជាដើម។ ក្រៅពី​ក្រុមហ៊ុន អាត់វោដ អាហរ័ណ នីហរ័ណ ឧកញ៉ា លឹម ឈីវហូរ គ្រប់គ្រង​ក្រុមហ៊ុន​សំណង់ LCH Construction Co. ជាមួយនឹងដៃគូវិនិយោគចំនួន៣រូបផ្សេងទៀត។

៣/ ឧកញ៉ា សៀង ចាន់ហេង

អ្នកស្រីជានាយិកាក្រុម​ហ៊ុន ហេងអភិវឌ្ឍន៍ គ្រុប ដែលវិនិយោគវិស័យ កសិកម្មឧស្សាហ៍កម្ម គ្រឿង​ចក្រ សំណង់ អចលនទ្រព្យ រោង​ចក្រសហគ្រាស ទេសចរណ៍ និងផ្សារទំនើបជាដើម។ អ្នកស្រី សៀង ចាន់ហេង បច្ចុប្បន្នកំពុងបោះទុនរាប់លានដុល្លារវិនិយោគលើឧទ្យាន រាជនីលង្វែក ស្ថិតនៅក្នុងស្រុក ពញឭ ខេត្តកណ្ដាល។ នៅក្នុងជីវិតអ្នករករស៊ីកន្លងមកអ្នកស្រីហាក់ជួបរងនូវរឿងរ៉ាវក្តីក្តាំជាច្រើនករណី ជាពិេសសក្នុងវិស័យអចលនទ្រព្យតែម្តង។

៤/ អ្នកឧកញ៉ា អ៊ាន អេឡែន

អ្នកស្រី អ៊ាន អេឡែន ប្រធាននាយកប្រតិបត្តិនៃសណ្ឋាគារ SEN HAN HOTEL និងជាម្ចាស់គម្រោងតាមោក ស៊ីធីលែន ដែលជាក្រុមហ៊ុន​អភិវឌ្ឍន៍អចលនទ្រព្យ និងសាងសង់បុរី។ អ្នកស្រីជាភរិយារបស់លោក យិន សារ៉ាន់ អគ្គនាយករងភស្តុភារ ហិរញ្ញវត្ថុ ក្រសួងការពារជាតិ។ អ្នកស្រីក៏មនុស្សមានឥទ្ធិពលមួយរូបក្នុងសមាគមឧកញ៉ាកម្ពុជា ដែលកំពុងកាន់តួនាទីជាអនុប្រធានក្រុមប្រឹក្សាភិបាលផងដែរ។ កន្លងទៅអ្នកស្រីធ្លាប់ទទួលបានផ្ទៃដីបឹងតាមោក ដើម្បីអភិវឌ្ឍន៍គម្រោងមួយឈ្មោះថា តាមោក ស៊ីធីលែន (Tamork City Land) ពីរាជរដ្ឋាភិបាលកម្ពុជា។

៥/ អ្នកឧកញ៉ា ហុង ស៊ួន

អ្នកស្រីជាអគ្គនាយិកាក្រុមហ៊ុន​​ KT PACIFIC GROUP LIMITED ជាក្រុមហ៊ុនអាហរ័ណនីហរ័ណ​ និងក្រុមហ៊ុន BATTAMBANG CONCH CEMENT COMPANY ដែលជារោងចក្រផលិតស៊ីម៉ង់ត៍ដ៏ធំមួយនៅកម្ពុជា។ ក្រៅពីនេះអ្នកស្រីក៏មានមុខជំនួញជាច្រើនផ្សេងទៀតដូចជាសណ្ឋាគារ និងតំបន់សេដ្ឋកិច្ចពិសេស។ អ្នកស្រីបច្ចុប្បន្នជាអនុប្រធានក្រុមប្រឹក្សាភិបាលសមាគមឧកញ៉ាកម្ពុជា ហើយស្វាមីរបស់អ្នកស្រីគឺអ្នកឧកញ៉ាចាស់វស្សា​ ស៊ីវ គង់ទ្រីវ៕

The post មកស្គាល់សេដ្ឋីនី​លំដាប់កំពូលនៅស្រុកខ្មែរទាំង ៥រូប appeared first on .

ដើម្បីអបអរសាទរទិវាសិទ្ធិនារីអន្តរជាតិ ៨មីនា ឆ្នាំ២០២៣នេះ គេហទំព័រឧកញ៉ាញូស៍ សូមបង្ហាញស្ត្រីវស្សាជើងខ្លាំងក្នុងវិស័យជំនួញ ដែលកំពុងដឹកនាំអាណាចក្រជំនួញប្រាក់ពាន់លាននៅក្នុងដៃ ចំនួន៤រូប រួមមាន៖

១/ ស្ថាបនិកក្រុមហ៊ុន ជីប ម៉ុង គ្រុប

អ្នកឧកញ៉ា ភាព ហៀក កំពុងជោគជ័យយ៉ាងសម្បើមគ្រប់គ្រងបុត្រសម្ព័ន្ធក្នុងដៃប្រមាណ ១៣ក្រុមហ៊ុនលើពហុវិស័យ។ ជីបម៉ុង គ្រុប ជោគជ័យមកទល់បច្ចុប្បន្ននេះគេមិនអាចមើលរំលងបានឡើយនូវពាណិជ្ជករវ័យក្មេងដ៏មានសក្តានុពលចំនួន ២រូប គឺអ្នកឧកញ៉ា លាង ឃុន និងអ្នកឧកញ៉ា លាង ម៉េង សហស្ថាបនិក និងជាប្រធានក្រុមអគ្គនាយកក្រុមហ៊ុន ជីបម៉ុង លោកទាំពីរជាកូនបង្កើតអ្នកឧកញ៉ា ភាព ហៀក មានស្រុកកំណើតខេត្តកំពង់ចាម ស្រុកសន្ធរ។

២/ ប្រធានក្រុមប្រឹក្សាភិបាលក្រុមហ៊ុន វឌ្ឍនៈ គ្រុប

អ្នកឧកញ៉ា ឈុន លាង ដែលចាប់ផ្ដើមជំនួញដំបូងពីរបរលក់អំបោះហុង និងគ្រឿងអលង្ការ ជាមួយប្តីគឺអ្នកឧកញ៉ា សំ អាង ស្ថាបនិកក្រុមហ៊ុន វឌ្ឍនៈ គ្រុប ជាក្រុមហ៊ុនក្នុងស្រុកកំពុងវិនិយោគជាច្រើនវិស័យ។ ក្រុមហ៊ុន វឌ្ឍនៈ ក៏មានកូនប្រុសស្រីចំនួន៣រូប កំពុងដឹកនាំផ្នែកយុទ្ធសាស្រ្តសំខាន់ៗផងដែរ។

៣/ អនុប្រធានប្រតិបត្តិនៃក្រុមហ៊ុន លី ហួរ

អ្នកស្រីឧកញ៉ា ស៊ាង លីម ដែលមានស្វាមីជាដឹកនាំកាច់ចង្កូតដ៏ឆ្នើមល្បីល្បាញជើងចាស់ក្នុងពិភពជំនួញប្រទេសកម្ពុជា និងមានសេនាជាទ័ពស្រួចកំពុងគ្រប់គ្រងសម្ព័ន្ធក្រុមហ៊ុន លី ហួរ គ្រុប។ អ្នកស្រីចាប់ផ្តើមអាជីវកម្មដំបូងជាអ្នកលក់សំលៀកបំពាក់ និងក្រណាត់នាំចូលពីវៀតណាម ហើយក្រោយមកចាប់ផ្តើមអាជីវកម្មប្តូរប្រាក់និងលក់មាសក្នុងឆ្នាំ១៩៨៦ រហូតជោគជ័យពេលបច្ខុប្បន្ន។

៤/ អ្នកស្រីឧកញ៉ា លឹម ឈីវហូរ

អគ្គនាយិការក្រុមហ៊ុន អាតវ៉ីត នីហរ័ណ អាហរ័ណ ដែលជាក្រុមហ៊ុនសាជីវកម្មនាំចូលស្រាល្បីៗថ្លៃៗកបពពកមកស្រុកខ្មែរ។ អ្នកស្រីកំពុងគ្រប់គ្រងបុត្រសម្ព័ន្ធក្នុងពហុវិស័យ។ ជាមួយគ្នានេះ ក្រុមហ៊ុនរបស់អ្នកស្រីក៏មានកូនប្រុសម្នាក់ផងដែរមកជួយដឹកនាំបេសកកម្មរបស់ក្រុមហ៊ុន អាតវ៉ូត នីហរ័ណ អាហរ័ណ ពិសេសតំបន់សេដ្ឋកិច្ចពិសេសនានា៕

អត្ថបទ៖ ឧកញ៉ាកោះក្របី

The post កំពូលស្ត្រីឆ្នើមជើងចាស់៤រូប បាននឹងកំពុងកសាងអាណាចក្រជំនួញប្រាក់ពាន់លាននៅកម្ពុជា appeared first on .

ស្រាបៀរ Budweiser នេះទទួលបានលិខិតកត់ត្រាទទួលស្គាល់សិទ្ធិផ្ដាច់មុខ លេខ ១៩១៣ ព.ណ កសប ចុះថ្ងៃទី១៧ ខែសីហា ឆ្នាំ២០២១ ហើយទទួលបានលិខិតប្រគល់សិទ្ធិផ្ដាច់មុខរបស់ក្រុមហ៊ុន ANHEUSER-BUSCH, LLC ចុះថ្ងៃទី ២៦ ខែមេសា ឆ្នាំ២០២១។ ក្នុងនោះដែរក៏ទទួលបានលិខិតប្រគល់សិទ្ធិផ្ដាច់មុខ​របស់​ក្រុមហ៊ុន Anheuser-Busch Inbev Vietnam Brewery Limited ចុះថ្ងៃទី២៤ ខែឧសភា ឆ្នាំ២០២១ ។ Budweiser ទទួលបានការចុះបញ្ជីម៉ាកសាជាថ្មី ដោយលេខចុះបញ្ជី KH/៤៦៦៤០/១៣ ចុះថ្ងៃទី៨ ខែវិច្ឆិកា ឆ្នាំ២០២២។

ក្នុងខ្លឹមសារនៃលិខិតរបស់ក្រសួងពាណិជ្ជកម្ម ចុះថ្ងៃទី២៨ ខែធ្នូ ឆ្នាំ២០២២ ​​បាន​បញ្ជាក់​ឱ្យ​ដឹង​ថា ​​ក្រសួង​ពាណិជ្ជកម្ម​ឯកភាព​បន្ត​សុពលភាព​កត់ត្រា​ទទួល​ស្គាល់​សិទ្ធិ​នាំ​ចូល និង​ចែក​ចាយ​ផ្តាច់មុខ​លើ​ផលិតផល​ស្រាបៀរ​​ម៉ាក​ខាងលើ។ ​​សិទ្ធិ​​ផ្តាច់មុខ​នេះ ​​មាន​សុពលភាព​​ចាប់ពី​ថ្ងៃទី​០៨ ខែ​វិច្ឆិកា ឆ្នាំ២០២២ ​​រហូត​ដល់​ថ្ងៃទី​៣១ ខែ​ធ្នូ ឆ្នាំ២០២៤ ​​ហើយ​អាច​​​នឹង​ត្រូវ​បាត់បង់​សុពលភាព​ជា​ស្វ័យ​ប្រវត្តិ​មុន​កាល​បរិច្ឆេទ​ផុត​កំណត់ ប្រសិន​បើ​មាន​ការ​ជូន​ដំណឹង​អំពី​ការ​បញ្ចប់​សិទ្ធិ​ពី​ក្រុមហ៊ុន ANHEUSER-BUSCH, LLC ដែល​ជា​ម្ចាស់​ម៉ាក។

សូមបញ្ជាក់ផងដែរថា ក្រៅពីនាំចូលស្រាបៀរ Budweiser ផ្ដាច់មុខ ក្នុងប្រទេសកម្ពុជា ​ក្រុមហ៊ុន អ៊ែតវូត អាហរ័ណ នីហរ័ណ របស់​លោកជំទាវ ឧកញ៉ា លឹម ឈីវហូ ក៏​កំពុង​នាំ​ចូល​និង​ចែក​ចាយ​នូវ​ប្រភេទ​ស្រា និង​ស្រាបៀរ​​​ជាង ១០​មុខ​ទៀត​ ដែល​រួម​មាន​ដូចជា Hennessy, Johnnie Walker, Katsuyama, Corona Extra, Budweiser, Moet & Chandon, Glenmorangie, Belvedere Vodka, Terrazas, Chandon, Cloudy Bay (New Zealand), Krug, Becks Ice, Veuve Clicquot, Cheval Andes។ ក្រៅ​ពី​​ប្រភេទ​ស្រា ក្រុមហ៊ុន​ក៏​បាន​ផលិត​ចែក​ចាយ​លក់​ទឹកបរិសុទ្ធ​​យីហោ “ណាវី”។

លោក​ជំទាវឧកញ៉ា លឹម ឈីវហូ ​​ត្រូវ​បាន​គេ​ចាត់​ទុក​ជា​កំពូល​ស្ត្រី​ម្នាក់​​ ដែល​លេច​ធ្លោរ​​​ខ្លាំង​ក្នុង​វិស័យ​ជំនួញ​នៅ​កម្ពុជា។ លោក​ជំទាវ ​បាន​ចាប់​ផ្តើម​អាជីវកម្ម​​​​​ដំបូង​នៅ​ពាក់កណ្តាល​ឆ្នាំ​១៩៩០ ​​និង​បាន​​កសាង​ឈ្មោះ​ក្លាយ​ជា​ថៅកែស្រី ​​រហូត​ដល់​អ្នកជំនួញ​ជាតិ-អន្តរជាតិ ទទួល​ស្គាល់​កេរ្តិ៍ឈ្មោះ​របស់​លោក​ជំទាវ​កាន់​តែ​ច្រើន​ តាមរយៈ​ការ​បោះទុនវិនិយោគ​តំបន់​ពាណិជ្ជកម្ម​ អ៊ែតវូត (ទីតាំង៖ ផ្លូវសហព័ន្ធរុស្ស៊ី សង្កាត់​ទឹកថ្លា ខណ្ឌ​សែនសុខ រាជធានីភ្នំពេញ) និង​តំបន់​មួយចំនួន​ទៀត។ បន្ថែម​ពី​នេះ​ លោក​ជំទាវ ក៏​ជា​ប្រធាន​ក្រុមហ៊ុនមេ LCH Investment Group ដែល​មាន​​ក្រុមហ៊ុន​បុត្រសម្ព័ន្ធ​ជា​ច្រើន​ទៀត​ផង​ដែរ៕

The post ក្រសួងពាណិជ្ជកម្ម អនុញ្ញាតឱ្យឧកញ៉ា លឹម ឈីវហូ នាំចូលចែកចាយស្រាបៀរ Budweiser ផ្ដាច់មុខនៅកម្ពុជា appeared first on .

ក្នុង​ចំណោម​បុគ្គល​ទាំង ៣ រូប​ខាងលើ បងប្អូន​ត្រកូល Chearavanont គឺ​មាន​ដាច់គេ​អស់​រយៈពេល​ជាច្រើន​ឆ្នាំ​មកហើយ ស្របពេល​ប្រវត្តិអាជីវកម្ម​របស់​ស្ដេចត្រាញ់​នេះ​ក៏​ធ្លាប់​ត្រូវបាន​ឧកញ៉ាញូវស៍​ចុះផ្សាយ​រួច​ម្ដង​ដែរ ពោល​ក្រុមហ៊ុន CP Group គឺ​ល្បី​សុះសាយ​ជុំវិញ​តំបន់​អាស៊ី និង​អឺរ៉ុប ហើយ​កម្ពុជា​ក៏​ជា​ប្រទេស​នាំចូល​ផលិតផល CP មក​ចែកចាយ​ក្នុង​ស្រុក​ផង​ដែរ។

ដោយឡែក សម្រាប់​មុខជំនួញ​របស់​លោក Chalerm វិញ​គឺ​ជា​ភេសជ្ជៈប៉ូវកម្លាំង​ដែល​ប្រជាជន​គ្រប់វ័យ​សុទ្ធតែ​បាន​ស្គាល់​គឺ Red Bull ឬ​គេ​និយម​ហៅ​ថា “គោជល់” ក៏​កំពុង​មាន​ចរាចរណ៍​លើ​ទីផ្សារ​ប្រទេស​កម្ពុជា​អស់​រយៈពេល​ជាច្រើន​ឆ្នាំ​មក​ហើយ​ដែរ ដោយ​មាន​ក្រុមហ៊ុន L.Y.P Group របស់​អ្នក​ឧកញ៉ា លី យ៉ុងផាត់​ជា​អ្នកចែកចាយ​ផ្ដាច់មុខ​នៅ​កម្ពុជា។

ចុងក្រោយ​គឺ ផលិតផល​ស្រាបៀ​ឆាង​របស់​អ្នកជំនួញ​មាន​ដុង​ពី​ក្មេង Charoen ដែល​ចាប់ផ្ដើម​រកស៊ី​ជាមួយ​ឪពុក​ពី​ការ​លក់​ទឹកសុទ្ធ​តាម​ចិញ្ចើមផ្លូវ​ រហូត​ដល់​ក្លាយ​ជា​ម្ចាស់​រោងចក្រ​ផលិត​ស្រាបៀ​ធំ​បំផុត​ប្រចាំ​ប្រទេស។

ស្រាបៀ​មាន​និមិត្ត​សញ្ញា​រូប​ដំរី ធ្លាប់ជា​ផលិតផល​នាំចូល​ផ្ដាច់​មុខ​របស់​ក្រុមហ៊ុន Attwood Import and Export របស់​ឧកញ៉ា លឹម ឈីវហូ ដោយ​បាន​ចុះ​កិច្ចព្រមព្រៀង​តាំងពី​ខែមករា ២០១៦ មក​ម៉្លេះ ប៉ុន្តែ​ប៉ុន្មាន​ខែ​មុន​ក្រុមហ៊ុន​ខាងលើ​បាន​បញ្ឈប់​ការ​នាំចូល​ស្រាបៀ​ឆាង​ពី​ប្រទេស​ថៃ។ នេះបើតាមក្រុមហ៊ុន Attwood បានប្រាប់សារព័ត៌មានឧកញ៉ាញូស៍នៅរសៀលថ្ងៃចន្ទ សីហានេះ៕

The post មុខជំនួញធំៗមហាសេដ្ឋីមានបំផុតនៅថៃ ៣ រូប កំពុងវ៉ៃលុកទីផ្សារកម្ពុជា appeared first on .

ដើម្បីពង្រឹងសមត្ថភាពបន្ថែម ក្នុងការទទួលខុសត្រូវលើផលិតផលរបស់ខ្លួន ថ្មីៗនេះក្រុមហ៊ុន អ៊ែតវូត អាហរ័ណ នីហរ័ណ បាននាំមកនូវបច្ចេកវិទ្យាថ្មីមួយប្រភេទទៀត ដើម្បីឲ្យទាន់ការវិវឌ្ឍលើពិភពលោក និង​ងាយស្រួល ប្រកបដោយទំនុកចិត្តបន្ថែមទៀតជូនអតិថិជន ដែលនិយមគាំទ្រផលិតផលរបស់ក្រុមហ៊ុន គឺការសម្ពោធដាក់ឲ្យប្រើប្រាស់នូវតែមមួយប្រភេទថ្មី ដែលបិតលើគម្របដបផលិតផល នោះគឺ តែម ABS ដែលប្រើបច្ចេកវិទ្យា Blockchain ចុងក្រោយបង្អស់ សំរាប់ផ្តល់ភាពងាយស្រួលដល់អតិថិជន ក្នុងការ​ពិនិត្យផលិតផលដោយផ្ទាល់នៅកន្លែងជាវតែម្ដង តាមរយៈ App មួយប្រភេទ ដែលមានម៉ាកល្បីៗជាច្រើន បានប្រើប្រាស់នៅលើពិភពលោកដែរ នោះគឺ App “VeChain Pro” ។

ពិធីនេះធ្វើឡើងនៅរសៀល ថ្ងៃទី២៧ ខែកក្កដា ឆ្នាំ២០២២ នៅសណ្ឋាគារ Hyatt Regency Phnom Penh ដោយមានការចូលរួមពីសំណាក់អ្នកសារព័ត៌មានជាច្រើនរូប ក្រោមអធិបតីភាពលោក តាន់ សែឆាយ អគ្គនាយកក្រុមហ៊ុន និងថ្នាក់ដឹកនាំជាន់ខ្ពស់ជាច្រើនរូបផងដែរ។

ក្នុងឱកាសនោះ លោកបានលើកឡើងពីវឌ្ឍនភាព និងការយកចិត្តទុកដាក់ក្នុងការចែកចាយផលិតផល​គ្រប់​ប្រភេទ ដែលមានការទទួលខុសត្រូវខ្ពស់ និងការវិវឌ្ឍន៍តាមសម័យកាល ពិសេសនោះគឺសម័យកាល​បច្ចេកវិទ្យា​នេះតែម្តង។ ជាឧទាហរណ៍ដូចជាពេលនេះ ក្រុមហ៊ុនបានចំណាយថវិកាជាច្រើន ដើម្បីនាំជូន​ដល់ សម្តេចទ្រង់ ឯកឧត្តម អ្នកឧកញ៉ា លោកឧកញ៉ា លោកជំទាវ លោក លោកស្រីអ្នកនាងកញ្ញាឲ្យកាន់តែ​ងាយ​ស្រួលក្នុងការពិនិត្យរាល់ផលិតផលរបស់ក្រុមហ៊ុន ដែលស្ថិតក្នុងដៃរបស់លោកអ្នកគ្រប់ពេលវេលា និងកន្លែងជាវផ្ទាល់តែម្តង។

ក្នុងពិធីនោះផងដែរ លោក តាន់ សែឆាយ បានពន្យល់បន្ថែម​ពីអត្ថប្រយោជន៍នៃតែមសុវត្ថិភាពប្រភេទថ្មី ABS នេះ ដោយគ្រាន់តែទាញយក App “VeChain Pro” ពី App Store ឬ Google Play ចូលទៅ​ក្នុង​ទូរស័ព្ទដៃរបស់ លោកអ្នកនោះជាការស្រេច។

គួររំឭកផងដែរថា កន្លងមកក្រុមហ៊ុន អ៊ែតវូត តែងតែយកចិត្តទុកដាក់ខ្ពស់ចំពោះអតិថិជនរបស់ខ្លួន ដោយ​ក្រុមហ៊ុនបានបង្កើតតែមសុវត្ថិភាពជាច្រើនប្រភេទបិតលើគម្រប់ដបជាការសម្គាល់ ផលិតផលក្រុមហ៊ុន ហើយជាក់ស្តែងនៅពេលនេះក្រុមហ៊ុន អ៊ែតវូត បានដាក់ឲ្យប្រើប្រាស់នូវតែមសុវត្ថិភាពប្រភេទថ្មីនេះ ដោយ​ប្រើបច្ចេកវិទ្យាខ្ពស់ហៅថា តែមសុវត្ថិភាព ABS (Attwood Blockchain Sticker) ដែលមាន​ភាពងាយ​ស្រួលដល់អតិថិជនធ្វើការត្រួតពិនិត្យដោយផ្ទាល់ តាមរយៈ App “VeChain Pro”។

ខាងក្រោមនេះជារបៀបទាញយក App “VeChain Pro” តាមទូរស័ព្ទវៃឆ្លាត ៖

⦁ ទាញយក ឬ Download ពី App Store ឬ Google Play

⦁ ចុចពាក្យ Try NFC

⦁ ស្កេនលើឡូហ្កោ Attwood

⦁ លោកអ្នកនឹងឃើញពាក្យ ATTWOOD CERTIFIED ៕

The post ក្រុមហ៊ុន អ៊ែតវូត របស់ឧកញ៉ា លឹម ឈីវហូ សម្ពោធឲ្យប្រើប្រាស់តែមសុវត្ថិភាពសម្គាល់ប្រភេទថ្មី appeared first on .

ប្រភេទ​ស្រា និង​ស្រាបៀរ ដែល​ក្រុមហ៊ុន អ៊ែតវូត អាហរ័ណ នីហរ័ណ កំពុង​ចែក​ចាយ​លក់​ពេញ​ ២៥​រាជធានី ខេត្ត នៃ​ប្រទេសកម្ពុជា មាន​ដូចជា Hennessy, Johnnie Walker, Katsuyama, Corona Extra, Budweiser, Chang Beer, Moet & Chandon, Glenmorangie, Belvedere Vodka, Terrazas, Chandon, Cloudy Bay (New Zealand), Krug, Becks Ice, Veuve Clicquot, Cheval Andes។ ក្រៅ​ពី​​ប្រភេទ​ស្រា ក្រុមហ៊ុន​ក៏​បាន​ផលិត​ចែក​ចាយ​លក់​ទឹកបរិសុទ្ធ​​យីហោ “ណាវី”។

សូម​បញ្ជាក់​ថា​ លោក​ជំទាវឧកញ៉ា លឹម ឈីវហូ ​​ត្រូវ​បាន​គេ​ចាត់​ទុក​ជា​កំពូល​ស្ត្រី​ម្នាក់​​ដែល​លេច​ធ្លោរ​​​ខ្លាំង​ក្នុង​វិស័យ​ជំនួញ​នៅ​កម្ពុជា។ លោក​ជំទាវ ​បាន​ចាប់​ផ្តើម​អាជីវកម្ម​​​​​ដំបូង​នៅ​ពាក់កណ្តាល​ឆ្នាំ​១៩៩០ ​​និង​បាន​​កសាង​ឈ្មោះ​ក្លាយ​ជា​ថៅកែស្រី ​​រហូត​ដល់​អ្នកជំនួញ​ជាតិ-អន្តរជាតិ ទទួល​ស្គាល់​កេរ្តិ៍ឈ្មោះ​របស់​លោក​ជំទាវ​កាន់​តែ​ច្រើន​ តាមរយៈ​ការ​បោះទុនវិនិយោគ​តំបន់​ពាណិជ្ជកម្ម​ អ៊ែតវូត (ទីតាំង៖ ផ្លូវសហព័ន្ធរុស្ស៊ី សង្កាត់​ទឹកថ្លា ខណ្ឌ​សែនសុខ រាជធានីភ្នំពេញ) និង​តំបន់​មួយចំនួន​ទៀត។ បន្ថែម​ពី​នេះ​ លោក​ជំទាវ ក៏​ជា​ប្រធាន​ក្រុមហ៊ុនមេ LCH Investment Group ដែល​មាន​​ក្រុមហ៊ុន​បុត្រសម្ព័ន្ធ​ជា​ច្រើន​ទៀត​ផង​ដែរ៕

The post ក្រុមហ៊ុន Attwood របស់ជំទាវឧកញ៉ា លឹម ឈីវហូ កំពុងចែកចាយផ្តាច់មុខស្រាជាង១៥មុខ appeared first on .

ថ្ងៃ​នេះ​ ឧកញ៉ាញូស៍ ​សូម​បង្ហាញ​ជូន​អ្នក​ឧកញ៉ា និង​​ឧកញ៉ាៗ​ ដែល​កំពុង​​វិនិយោគ​​លើ​វិស័យ​អប់រំ​នៅ​កម្ពុជា ​​ដូច​ខាង​ក្រោម៖

១. អ្នក​ឧកញ៉ា គិត ម៉េង៖ អគ្គនាយកក្រុមហ៊ុន Royal Group និង​ជា​ម្ចាស់​សាលា​អន្តរជាតិ Northbridge International School និង​ Southbridge International School។

២. អ្នកឧកញ៉ា គួច ម៉េងលី៖ ប្រធានក្រុមប្រឹក្សាភិបាល និងអគ្គនាយកប្រតិបត្តិ នៃក្រុមហ៊ុន ម៉េងលី ជេ. គួច អេឌ្យូខេសិន និង​ម្ចាស់មជ្ឈមណ្ឌលភាសា អេអាយអាយ (Aii) និងសាលារៀនអន្តរទ្វីប អាមេរិកាំង (AIS)។

៣. ឧកញ៉ា ហេង វ៉ាន់ដា៖ ម្ចាស់វិទ្យាស្ថានវ៉ាន់ដា

៤. ឧកញ៉ា តែ ឡូរិន៖ សាកលវិទ្យាធិការ នៃ​សាកលវិទ្យាល័យ​វេស្ទើន

​​​​

៥. ជំទាវឧកញ៉ា ទេព កូលាប៖ ម្ចាស់និងជាសាកលវិទ្យាធិការ សាកលវិទ្យាល័យភ្នំពេញអន្ដរជាតិ (PPIU)

៦. ឧកញ៉ា ឌួង លាង៖ សាកលវិទ្យាធិការ សាកលវិទ្យាល័យអាស៊ីអឺរ៉ុប

៧. ជំទាវឧកញ៉ា លឹម ឈីវហូ៖ ម្ចាស់សាលាអន្តរជាតិ CAMBODIA SHOUDU BILINGUAL INTERNATIONAL SCHOOL

The post តើឧកញ៉ារូបណាខ្លះ វិនិយោគលើវិស័យអប់រំ នៅកម្ពុជា? appeared first on .

ពិភពជំនួញនៅកម្ពុជាភាគច្រើនកាន់កាប់ ដោយបុរស ប៉ុន្តែនៅប៉ុន្មានឆ្នាំចុងក្រោយតួលេខសហគ្រិនស្រ្តីបាន កើនឡើងជាបន្តបន្ទាប់។ ការកើនឡើងនេះ គេក៏មិនអាចមើលរំលងបានឡើយនូវកំពូលស្ត្រី អ្នកជំនួញ៥រូប ដែលកំពុងដឹកនាំគ្រប់គ្រង និងជាមគ្គុទេស៍មានភាពលេចធ្លោក្នុងមុខជំនួញ។

អ្នកឧកញ៉ា ភាព ហៀក

ជីប ម៉ុង ជាក្រុមហ៊ុនវិនិយោគដោយជនជាតិខ្មែរ ១០០ភាគរយ ដែលមានឥទ្ធិលពលដ៏ខ្លាំងខ្លាមួយនៅកម្ពុជា ខណៈក្រុមហ៊ុនមួយនេះស្ទើតែក្តោបក្តាប់សេដ្ឋកិច្ចកម្ពុជាទាំងមូលហើយ។

អ្នកជំនួញមានឥទិ្ធពល និងកំពុងមានឈ្មោះបោះសំឡេងលើវិថីជំនួញរូបនេះ បានបង្កើតក្រុមហ៊ុនធំៗប្រមាណ១២ និងមានក្រុមហ៊ុន រោងចក្រ ជាបុត្រសម្ព័ន្ធជាច្រើនទៀត។ លោកជំទាវដែលគេចាត់ទុកថា ជាជើងខ្លាំងក្នុងពិភពជំនួញនៅកម្ពុជា មានដៃគូទំនាក់ទំនងពាណិជ្ជកម្មនៅទូទាំងពិភពលោក ដូចជា ទ្វីបអាមេរិក ទ្វីបអឺរ៉ុប និងទ្វីបអាស៊ី ដែលគ្រងទ្រព្យសម្បត្តិប្រមាណ រាប់ពាន់លានដុល្លារសហរដ្ឋអាមេរិក។

លោកជំទាវឧកញ៉ា លឹម ឈីវហូ

អគ្គនាយកក្រុមហ៊ុន Attwood Export Import Co.Ltd និងជាប្រធានក្រុមហ៊ុន LCH INVESTMENT GROUP។ លោកជំទាវឧកញ៉ា គឺជាស្រ្តីអ្នកជំនួញម្នាក់ដ៏លេចធ្លោរបស់កម្ពុជា។ ដោយបានចាប់ផ្តើមអាជីវកម្មនៅពាក់កណ្តាលឆ្នាំ ១៩៩០ ក្រោយមកបានដំណើរការអាជីវកម្មលក់ផលិតផលដែលនាំចូលមកលក់នៅក្នុងទីក្រុងភ្នំពេញ បន្ទាប់ពីមុខជំនួញជោគជ័យ លោកជំទាវបានកសាងកេរ្តិ៍ឈ្មោះល្អ និងជាអ្នកមានឥទ្ធិពលមួយរូប ក្នុងពិភពអ្នកជំនួញ។

ក្រុមហ៊ុនដែលដឹកនាំដោយស្រ្តីមួយនេះ ត្រូវបានគេស្គាល់តាមរយៈការរកស៊ីនាំចូលនូវផលិតផលស្រាម៉ាកល្បីៗ ដែលមានតម្លៃខ្ពស់ មកលក់នៅកម្ពុជា មាន Johnnie Walker, Hennessy, Kickapoo Joy Juice និង Corona ជាដើម។

លោកជំទាវឧកញ៉ា កែវ មុំ

នៅពីក្រោយជោគជ័យនៃសហគ្រាសផលិតនំស្រួយលីលី លោកជំទាវ គឺជាស្រ្តីលេចធ្លោមួយរូប ដែលឆ្លងកាត់ឧបសគ្គស្ទើរាប់មិនអស់ ទើបអាចអភិវឌ្ឍន៍ខ្លួនបានដូចបច្ចុប្បន្ន។ ចាប់ផ្តើមដំបូងមានបុគ្គលិកប្រហែល ២០ នាក់ បច្ចុប្បន្ន សហគ្រាសផលិតនំស្រួយលីលី ដែលបានដំណើរការជាង ២០ឆ្នាំមកនេះ មានបុគ្គលិកបម្រើការងារជាង ៣០០នាក់។ សហគ្រិនល្បីឈ្មោះរូបនេះ តែងប្រកាន់យកទស្សនៈថា គេអាចធ្វើបាន យើងក៏អាចធ្វើបាន។

គិត​មក​ទល់​ពេល​នេះ ក្រុមហ៊ុន​ផលិត​នំ​ស្រួយ លីលី មាន​ផលិត​ទំនិញ​ជាង​៣០​មុខ និង​បាន​ធ្វើការ​នាំចេញ​ទៅ​កាន់​ទីផ្សារ​ជាង ១០​ប្រទេស 

លោកជំទាវឧកញ៉ា សៀង ចាន់ហេង

​ក្រុម​ហ៊ុន ហេងអភិវឌ្ឍន៍ ​បាន​បើកដំណើរការ​ក្នុង​ខែ​មិថុនា ឆ្នាំ​១៩៩៤។ ការ​កើត​ឡើង​នៅ​គ្រា​នោះ គឺ​​មាន​​​​​ការិយាល័យ​ទី​១ ស្ថិត​​នៅ​ក្នុង​​ក្រុង​តាខ្មៅខេត្ត​កណ្តាល។ ចំណែក​​ការិយាល័យ​ទី២ គឺ​ស្ថិត​នៅ​​មហា​វិថី​ព្រះ​​មុនីវង្ស​រាជ​ធានី​ភ្នំពេញ។ ក្រោយមកលោកជំទាវ ចាប់ផ្តើម​​ការ​វិនិយោគ​លើ​ផ្នែក​សិកម្មឧស្សាហ៍កម្ម គ្រឿង​ចក្រ សំណង់ រោង​ចក្រសហគ្រាស សាលា​រៀន កាសែត វិទ្យុនិង​ទស្សនាវដ្តីជាដើម។

លោកជំទាវឧកញ៉ា ជាអគ្គនាយិកាក្រុមហ៊ុនហេងអភិវឌ្ឍន៍ ​និងជាអ្នក​ជំនួញ​ដី​ធ្លី ហើយលោកជំទាវកំពុងក្តោបក្តាប់​មុខ​ជំនួញ​​ជា​ច្រើន​មុខ​ទៀត។

អ្នកឧកញ៉ា ឈុន លាង

លោកជំទាវ បានសាងភាពល្បីល្បាញមកឲ្យកម្ពុជាតាមរយៈគម្រោងមជ្ឈមណ្ឌលពាណិជ្ជកម្មវឌ្ឍនៈកាពីតាល់ (Vattanac Capital) និងសណ្ឋាគារ រ៉ូសវូដ (Rosewood)។

អគារដ៏ខ្ពស់នៅកណ្ដាលទីក្រុងភ្នំពេញនេះ ត្រូវបានដាក់រហ័សនាមថា ចក្កវាឡប្លែកគេ ដែលមានកម្ពស់៣៩ជាន់ ស្មើនឹងកម្ពស់សរុប ១៨៦ ម៉ែត្រ គឺជាអគារពាណិជ្ជកម្ម និងបណ្តុំសេវាកម្ម ចម្រុះជាច្រើន រួមមាន ទីតាំងសម្រាប់ប្រើប្រាស់ធ្វើជាការិយាល័យ ធ្វើសណ្ឋាគារ ភោជនីយដ្ឋាន និងផ្សារទំនើប ព្រមទាំងមាន ហាងលក់ទំនិញ ដែលមានម៉ាកល្បីៗ លំដាប់អន្តរជាតិ ទៀតផង។

សេដ្ឋីខ្មែរ ដែលជាបណ្ណាធិការ នៃធនាគារ វឌ្ឍនៈ និងម្ចាស់ក្រុមហ៊ុន វឌ្ឍនៈថ្មីនេះលោកជំទាវ បានចាប់ផ្តើម ដើម្បីសាងសង់រោងចក្រផលិតស្រាបៀរថ្មីមួយទៀតក្នុងប្រទេស។

ដែលមានឈ្មោះ “VATTANAC BREWERY CO., LTD.” ទីតាំងវិនិយោគស្ថិតនៅភូមិរបោះអង្កាញ់ សង្កាត់ព្រែកឯង ខណ្ឌច្បារអំពៅ រាជធានីភ្នំពេញ។ ទឹកប្រាក់នៃការវិនិយោគមានចំនួន ៨៧លានដុល្លារអាមេរិក និងអាចបង្កើតការងារបានចំនួន ៨៩៩កន្លែង៕

The post កំពូលស្ត្រី ៥រូប កំពុងមានភាពលេចធ្លោក្នុងពិភពជំនួញនៅកម្ពុជា appeared first on .

១.លោកជំទាវឧកញ៉ា លឹម ឈីវហូ

ក្រុមហ៊ុន អ៊ែតវូត អាហរ័ណ នីហរ័ណ Attwood Import Export ក្រោមការដឹកនាំរបស់ស្រ្តីខ្លាំងលោកជំទាវ ឧកញ៉ា លឹម ឈីវហូ តាំងពីទសវត្សរ៍ទី៩០ ក្រុមហ៊ុន អ៊ែតវូត បានបន្តនាំមកនូវកិត្យានុភាព និងការកសាងអាណាចក្រជំនួញរបស់ខ្លួនមិនចាញ់ក្រុមហ៊ុនក្នុងស្រុកផ្សេងទៀត។

ក្រុមហ៊ុនដែលដឹកនាំដោយស្រ្តីមួយនេះ ត្រូវបានគេស្គាល់តាមរយៈការរកស៊ីនាំចូលនូវផលិតផលស្រាម៉ាកល្បីៗ ដែលមានតម្លៃខ្ពស់ មកលក់នៅកម្ពុជា មាន Johnnie Walker, Hennessy, Kickapoo Joy Juice និង Corona ជាដើម។

លោកជំទាវ ឧកញ៉ា លឹម ឈីវហូ គឹជាស្ថាបនិក និងប្រធានក្រុមប្រឹក្សាភិបាលក្រុមហ៊ុន អ៊ែតវូដ។

មិនតែប៉ុណ្ណោះ ក្រុមហ៊ុន អ៊ែតវូត ក៍វិនិយោគលើតំបន់សេដ្ឋកិច្ចពិសេសជាច្រើនកន្លែង ដូចជា តំបន់សេដ្ឋកិច្ចភ្នំពេញ និងតំបន់សេដ្ឋកិច្ចពិសេស ប៉ោយប៉ែត គម្រោងទំាងនេះបានចូលរួមការបង្កើតការងារជាច្រើនដល់ប្រជាពលរដ្ឋខ្មែរផងដែរ។

នាពេលកន្លងមក ក្រុមហ៊ុនល្បីឈ្មោះមួយនេះ បានប្រកាសអំពីគម្រោងវិនិយោគសាងសង់សាលារៀនអន្តរជាតិដ៏ធំមួយទៀត និងគ្រោងវិនិយោគសាងសង់មជ្ឈមណ្ឌលសម្រាប់ទទួលមនុស្សចាស់ជរា។ ក្រុមហ៊ុនគ្រប់គ្រងដោយស្រ្តីជើងខ្លាំងរូបនេះ ក៏មានការធ្វើប្រតិបត្តិការអាជីវកម្មនៅប្រទេសឡាវផងដែរ។

២.អ្នកឧកញ៉ា ភាព ហៀក

ក្រុមហ៊ុន ជីបម៉ុង គ្រុប Chip Mong Group កំពុងកសាងភាពល្បីល្បាញរបស់ខ្លួននាពេលបច្ចុប្បន្ន ដែលបាននិងកំពុងពង្រីកវិសាលភាពកាន់តែធំឡើងៗ។ ក្រុមហ៊ុន នេះបានពង្រីកការវិនិយោគរបស់ខ្លួនលើការសាងសង់គម្រោងលំនៅឋានលំដាប់ខ្ពស់ជាច្រើនកន្លែងនៅភ្នំពេញ។

ប្រធានក្រុមប្រឹក្សាភិបាល ក្រុមហ៊ុន ជីបម៉ុង គ្រុប អ្នកឧកញ៉ា ភាព ហៀក ដែលគ្រប់គ្រងអាណាចក្រជំនួញជាច្រើន និងបានបង្កើតរោងចក្រដ៏ធំចំនួនពីរទៀត សម្រាប់ការផលិតចំណីសត្វ និងស៊ីម៉ងត៍។ មិនមែនមានតែការផលិតរោងចក្រផលិតស្រាបៀរកម្ពុជា និងភេសជ្ជៈជាច្រើនមុខនោះទេ ក្រុមហ៊ុននេះក៍បាននាំចូលផលិតផលគ្រឿងសំណង់ គ្រឿងសម្រាប់តុបតែងលំនៅដ្ឋាន និងនាំចូលផលិតផលចំណីអាហារច្រើនទៀតផងដែរ។

ក្រុមហ៊ុនដឹកនាំដោយស្រ្តីជើងខ្លាំងដែកថែបរូបនេះ កំពុងមានឈ្មោះបោះសំឡេងលើមុខជំនួញ ដោយមានជំនួយការងារពីកូនប្រុសដ៏ល្បីឈ្មោះទាំងពីររបស់អ្នកឧកញ៉ា គឺអ្នកឧកញ៉ា លាង ម៉េង និងអ្នកឧកញ៉ា លាង ឃុន៕

The post កំពូលស្រ្តីអ្នកជំនួញពីររូប ក្ដោបក្ដាប់មុខជំនួញធំៗនៅកម្ពុជា appeared first on .