អំឡុងឆ្នាំ១៩៩៥ មានពាណិជ្ជករ ៤រូប ទទួលបានគោរមងារ«ឧកញ៉ា» ពីព្រះមហាក្សត្រ

ឧកញ៉ាកោះក្របី — Mon, 18 Sep 2023 08:24:03 +0000

ក្រោយឆ្នាំ២០១០ រាជរដ្ឋាភិបាលស្នើសុំគោរមងារឧកញ៉ាពីព្រះមហាក្សត្រ ផ្តល់ជូនសប្បុរសជន និងពាណិជ្ជករដែលបានចូលរួមបរិច្ចាគទ្រព្យធនធានជួយអភិវឌ្ឍន៍ជាតិ គឺមានចំនួនប្រមាណមិនក្រោម១០រូបនោះឡើយក្នុងមួយឆ្នាំ ខណៈកាលអំឡុងឆ្នាំ១៩៩៥ មានអ្នកជំនួញ ៤រូបប៉ុណ្ណោះត្រូវបានផ្តល់គោរមងារ«ឧកញ៉ា»។

បើតាមឯកសារសៀវភៅរាជកិច្ច ឆ្នាំ១៩៩៥ បានឲ្យដឹងថា ក្នុងអំឡុងឆ្នាំ១៩៩៥ មានសប្បុរសជន៤រូបទទួលបានគោរមងារឧកញ៉ា ពីព្រះមហាក្សត្រ។ ទី១/ អ្នកឧកញ៉ា សុខ គង់ ដែលជាអ្នករកស៊ីដ៏មានឥទ្ធិពល ជាម្ចាស់ក្រុមហ៊ុន សូគីម៉ិច គ្រុប នៅថ្ងៃទី១៧ ខែមេសា តាមរយៈព្រះរាជក្រឹត្យលេខ នស/រកត/០៤៩៥/៣៧។

ទី២/ ឧកញ៉ា លឹម ហុងឈាង អគ្គនាយកក្រុមហ៊ុនលឹម ហុងឈាងអ៊ិមផត អិចផត និងជាម្ចាស់គម្រោងមជ្ឈមណ្ឌលពាណិជ្ជកម្មអន្តរជាតិត្រពាំងផ្លុង ជាប់នឹងតំបន់ព្រំដែនកម្ពុជា-វៀតណាម ដែលមានផ្ទៃដីទំហំ៥០ហិកតាស្ថិតនៅស្រុកពញាក្រែក ទទួលបានងារឧកញ៉ា នៅថ្ងៃទី១៧ ខែមេសា តាមរយៈព្រះរាជក្រឹត្រលេខ នស/រកត/០៤៩៥/៣៨ ។

ទី៣/ ឧកញ៉ា ស៊ិន សុខា ម្ចាស់សណ្ឋាគារ តុសិត ស្ថិតនៅខាងលិចផ្សារធំថ្មី ក្រុងភ្នំពេញ និងម្ចាស់បូរី សុខាផល្លី ទទួលបានងារឧកញ៉ានៅថ្ងៃទី១៧ ខែមេសា តាមរយៈព្រះរាជក្រឹត្យលេខ នស/រកត/០៤៩៥/៣៩។

ទី៤/ អ្នកឧកញ៉ា ឡាវ ម៉េងឃីន សមាជិកព្រឹទ្ធសភាមកពីគណបក្សប្រជាជនកម្ពុជា ទទួលគោរមងារឧកញ៉ា នៅថ្ងៃទី ជាស្វាមីលោកស្រី ជឹង សុភាព និងជាឪពុកបង្កើតឧកញ៉ា ឡាវ វ៉ាន់ រដ្ឋលេខាធិការក្រសួងសាធារណការ និងដឹកជញ្ជូន ដែលភរិយាលោកគឺអ្នកឧកញ៉ា ជឹង សុគន្ធាវី អគ្គនាយិកាក្រុមហ៊ុនផលិតទឹកបរិសុទ្ធ វីតាល់ ហើយក៏ជាអគ្គនាយិកាក្រុមហ៊ុនផលិត មីជាតិ៕

The post អំឡុងឆ្នាំ១៩៩៥ មានពាណិជ្ជករ ៤រូប ទទួលបានគោរមងារ«ឧកញ៉ា» ពីព្រះមហាក្សត្រ appeared first on .

ពាណិជ្ជករ ២រូបទទួលបានងារឧកញ៉ា ក្នុងថ្ងៃជាមួយមហាសេដ្ឋីប្រាក់លាន សុខ គង់

ឧកញ៉ាកោះក្របី — Wed, 16 Jun 2021 04:33:56 +0000

ពាណិជ្ជករជើងចាស់ ៣រូប ទទួលបានងារឧកញ៉ាពីព្រះមហាក្សត្រ នៅថ្ងៃទី១៧ ខែមេសា ឆ្នាំ១៩៩៥ ជាមួយគ្នា ខណៈនាពេលបច្ចុប្បន្នកំពុងមានកេរ្តិ៍ឈ្មោះបោះសម្លេង និងមានមុខជំនួញប្រាក់លានជាច្រើនក្នុងដៃ។

សូមចុច Subscribe Telegram oknha_news ដើម្បីទទួលបានព័ត៌មានគ្រប់សកម្មភាពឧកញ៉ា អាជីវកម្ម ចែករំលែក ជោគជ័យ

១. អ្នកឧកញ៉ា សុខ គង់ ជាអ្នកមានឥទ្ធិពលម្នាក់នៅក្នុងការរកស៊ីនៅប្រទេសកម្ពុជា ជាម្ចាស់ក្រុមហ៊ុន ស៊ូគីមិច គ្រុប (Sokimex Group) ដែលមានបុត្តសម្ព័ន្ធក្រុមហ៊ុនជាច្រើនក្នុងវិស័យសំខាន់ៗ។ មុខជំនួញលេចធ្លោជាងគេរបស់លោក គឺក្រុមហ៊ុនលក់ប្រេងឥន្ទនៈ ស៊ូគីមិច ដែលគេស្គាល់ថាគឺជាក្រុមហ៊ុនផ្គត់ផ្គង់ប្រេងឥន្ទនៈឲ្យរដ្ឋាភិបាល ទាំងស្ថាប័នស៊ីវិល និង យោធា ក្រុមហ៊ុនទទួលខុសត្រូវលើការលក់សំបុត្រឲ្យភ្ញៀវទេសចរណ៍នៅប្រាសាទអង្គរវត្ត សណ្ឋាគារ កាស៊ីណូ និង កន្លែងស្នាក់លំហែកាយ ឈ្មោះ ឋានសួគ៌បូកគោ ដោយដាក់ទុន ១ពាន់លានដុល្លារ នៅខេត្តកំពត់ និងសណ្ឋាគារលំដាប់ផ្កាយទល់មុខព្រះបរមរាជវាំង។

លោក សុខ គង់ បានទទួលងារឧកញ៉ា តាមរយៈព្រះរាជក្រឹត្យលេខ០៤៩៥/៣៧។

២. លោកឧកញ៉ា លឹម ហុងឈាង អគ្គនាយកក្រុមហ៊ុនលឹម ហុងឈាងអ៊ិមផត អិចផត និងជាម្ចាស់គម្រោងមជ្ឈមណ្ឌលពាណិជ្ជកម្មអន្តរជាតិត្រពាំងផ្លុង ជាប់នឹងតំបន់ព្រំដែនកម្ពុជា-វៀតណាម ដែលមានផ្ទៃដីទំហំ៥០ហិកតាស្ថិតនៅភូមិត្រពាំងផ្លុង ឃុំត្រពាំងផ្លុង ស្រុកពញាក្រែក ប្រែក្លាយទៅជា «មជ្ឈមណ្ឌលពាណិជ្ជកម្ម អន្តរជាតិត្រពាំងផ្លុង» មានផ្ទះល្វែង អគារតាំងពិព័រណ៍និងសណ្ឋាគារលំដាប់ផ្កាយ៣ ។

លោក ហុងឈាង ទទួលបានងារឧកញ៉ា តាមរយៈព្រះរាជក្រឹត្រលេខ ០៤៩៥/៣៨ ។

៣. ឧកញ៉ា ស៊ិន សុខា ម្ចាស់សណ្ឋាគារ តុសិត ស្ថិតនៅខាងលិចផ្សារធំថ្មី ក្រុងភ្នំពេញ និងម្ចាស់បូរី សុខាផល្លី។ លោកទទួលបានងារឧកញ៉ាតាមរយៈព្រះរាជក្រឹត្យលេខ០៤៩៥/៣៩៕

The post ពាណិជ្ជករ ២រូបទទួលបានងារឧកញ៉ា ក្នុងថ្ងៃជាមួយមហាសេដ្ឋីប្រាក់លាន សុខ គង់ appeared first on .