ជំនួបពាណិជ្ជកម្មខាងលើ ប្រព្រឹត្តិទៅក្រោមអធិបតីភាព ឯកឧត្តម សុខា រ៉ាម អភិបាលរងខេត្តស្វាយរៀង, ឧកញ៉ា សុក រ៉ាដូ ប្រធានសភាពាណិជ្ជកម្មខេត្តស្វាយរៀង, លោក បួយ គ័ងហ៊ឹង អគ្គនាយករងទីភ្នាក់ងារជំរុញពាណិជ្ជកម្មវៀតណាមនៃក្រសួងឧស្សាហកម្ម និងពាណិជ្ជកម្មវៀតណាម អគ្គកុងស៊ុលកម្ពុជាប្រចាំទីក្រុងហូជីមិញ អនុប្រធានមន្ទីរឧស្សាហកម្ម និងពាណិជ្ជកម្មខេត្តអានយ៉ាង អង្គភាពពាក់ព័ន្ធ ពាណិជ្ជករ អាជីវករ វៀតណាម-កម្ពុជា ប្រមាណ ១៣០នាក់។

ជំនួបពាណិជ្ជកម្មនេះ រៀបចំឡើងក្នុងគោលបំណងដើម្បីស្វែងយល់គ្នាទៅវិញទៅមក ក្នុងការពង្រីកឱកាសវិនិយោគឲ្យបានកាន់ច្រើនបន្ថែមទៀត និងដើម្បីសម្របសម្រួលកិច្ចសហប្រតិបត្តិការរវាងពាណិជ្ជករកម្ពុជា និងវៀតណាម តាមរយៈការផ្គូរផ្គង ចាប់ដៃគូពាណិជ្ជកម្ម និងការផ្លាស់ប្ដូរបទពិសោធន៍ក្នុងដំណើរការពាណិជ្ជកម្ម ផលិតកម្ម និងការកែច្នៃ ក៏ដូចជាឱកាសពិសេសមួយក្នុងការដាក់បង្ហាញផលិតផលទៅវិញទៅមករវាងកម្ពុជា-វៀតណាម។

ឯកឧត្តម សុខា រ៉ាម អភិបាលរងខេត្តស្វាយរៀង បានសម្តែងការកោតសរសើរចំពោះសភាពាណិជ្ជកម្មខេត្តស្វាយរៀង និងទីភ្នាក់ងារជំរុញពាណិជ្ជកម្មវៀតណាម ដែលបានសហការរៀបចំឲ្យមានជំនួបដ៏មានសារៈសំខាន់នេះឡើងដើម្បីប្រាស្រ័យទាក់ទង និងស្វែងយល់គ្នារវាងពាណិជ្ជករនៃប្រទេសទាំងពីរ ដែលនឹងនាំទៅដល់ការពង្រឹងនូវកិច្ចសហប្រតិបត្តិការ និងការសហការដើម្បីពង្រីកឱកាសវិនិយោគ ឲ្យបានកាន់តែមានភាពប្រទាក់ក្រឡាស៊ីចង្វាក់គ្នា និងទូលំទូលាយថែមទៀតជាពិសេសនៅក្នុងទឹកដីនៃខេត្តស្វាយរៀង។

ឧកញ៉ា សុក រ៉ាដូ ប្រធានសភាពាណិជ្ជកម្មខេត្តស្វាយរៀង បានលើកឡើងថា ជំនួបពាណិជ្ជកម្មនេះ បានពង្រឹងបន្ថែមកិច្ចសហប្រតិបត្តិការធុរកិច្ច ពាណិជ្ជកម្ម និងកៀងគរការវិនិយោគ តាមរយៈការផ្គូរផ្គង ចាប់ដៃគូពាណិជ្ជកម្ម ក៏ដូចជាការផ្លាស់ប្ដូរបទពិសោធន៍ក្នុងដំណើរការពាណិជ្ជកម្ម ផលិតកម្ម និងការកែច្នៃ ក៏ដូចជាឱកាសពិសេសមួយក្នុងការដាក់បង្ហាញផលិតផលទៅវិញទៅមករវាងកម្ពុជា-វៀតណាម។

លោក បួយ គ័ងហ៊ឹង បានថ្លែងថា កិច្ចសហប្រតិបត្តិការសម្រាប់ភាគីកម្ពុជា-វៀតណាម ពិតជាមានសារៈសំខាន់ក្នុងការបង្រួបបង្រួមស៊ីជម្រៅលើគ្រប់វិស័យ និងនិរន្តរភាពរវាងប្រទេសទាំងពីរ ពោលគឺសហគ្រាសវៀតណាម និងសហគ្រាសក្នុងខេត្តស្វាយរៀង ដែលបានបង្ហាញពីនិន្នាការនៃការអភិវឌ្ឍន៍ និងឆ្លុះបញ្ចាំងពីសក្តានុពល សម្រាប់កិច្ចសហប្រតិបត្តិការរវាងកម្ពុជា និងវៀតណាម។ លោកសង្ឃឹមយ៉ាងមុតមាំថា ជំនួបពាណិជ្ជកម្មនេះ នឹងនាំមកនូវភាពវិជ្ជមានកាន់តែប្រសើរឡើង ក្នុងការចាប់ដៃគូររវាង ពាណិជ្ជករ អាជីវករ វៀតតណាម និងខេត្តស្វាយរៀងឱ្យកាន់តែរឹងមាំ និងទទួលបានជោគជ័យ

សូមជម្រាបថា ជំនួបពាណិជ្ជកម្មខាងលើនេះ បានគូសបញ្ជាក់ឱ្យឃើញពីប្រសិទ្ធភាពក្នុងការផ្សារភ្ជាប់ធុរកិច្ច និងជួយសម្រួលដល់ កិច្ចសហការអន្តរជាតិសម្រាប់វិស័យពាណិជ្ជកម្មនៅខេត្តស្វាយរៀង និងប្រទេសវៀតណាម៕

The post ឧកញ៉ា សុក រ៉ាដូ ដឹកនាំជំនួបពាណិជ្ជកម្មរវាងសភាពាណិជ្ជកម្មខេត្តស្វាយរៀង និងពាណិជ្ជករវៀតណាម appeared first on .

ការ​បោះឆ្នោតជ្រើសរើសសមាជិកជ្រើសតាំង និងប្រធានសភាពាណិជ្ជកម្មខេត្តស្វាយរៀង អាណត្តិទី២ លើកទី១ ត្រូវ​បាន​ធ្វើ​ឡើង​​តាមនិតិវិធីដែលបានគ្រោងទុក ខណៈ​ដែល​ការបើក ការប្រកាសលទ្ធផល និងការបិទកម្មវិធី​ទាំងមូល គឺស្ថិតក្រោមអធិបតីភាព លោក​ សរ ស៊ុនហុន អនុរដ្ឋលេខាធិការក្រសួងពាណិជ្ជកម្ម លោក​ សុខា រ៉ាម អភិបាលរងនៃគណៈអភិបាលខេត្តស្វាយរៀង និង​លោក​ឧកញ៉ា ងួន ម៉េងតិច អគ្គនាយក​សភាពាណិជ្ជកម្ម​កម្ពុជា។

ជាលទ្ធផល​ចំនួនអ្នកមកបោះឆ្នោតសរុបស្មើនឹង ៦១% នៃចំនួនអ្នកចុះឈ្មោះបោះឆ្នោតសរុប ក្នុងនោះ​ជ្រើសរើស​បានសមាជិកជ្រើសតាំងថ្មីចំនួន០៨ រូប ក្នុងចំណោមបេក្ខជនឈរឈ្មោះចំនួន ១១រូប ហើយឧកញ៉ា សុក រ៉ាដូ ត្រូវបានសមាជិកបន្តគាំទ្រជាប្រធានសភាពាណិជ្ជកម្មខេត្តស្វាយរៀង អាណត្តិទី២ លើកទី១ នេះជា​បន្តទៀត។

សូម​ជម្រាប​ជូន​ថា ឧកញ៉ា សុក រ៉ាដូ ក៏​ជា​ប្រធានសភាពាណិជ្ជកម្ម​ខេត្ត​ស្វាយរៀង អាណត្តិ​មុន​ផង​ដែរ។ លោក សុក រ៉ាដូ ត្រូវ​បាន​ព្រះករុណា​ព្រះ​បាទ​សម្ដេច​ព្រះ​បរមនាថ នរោត្តម សីហមុនី ព្រះមហាក្សត្រ នៃ​ព្រះ​រា​ជា​ណាចក្រ​កម្ពុជា​ ប្រោស​ព្រះរាជទាន គោរម​ងារ​ជា​ឧកញ៉ា​​ នៅ​​ថ្ងៃ​ទី២៦ ខែកញ្ញា ​ឆ្នាំ២០២០៕

The post ឧកញ៉ា សុក រ៉ាដូ បន្តជាប់ឆ្នោតជាប្រធានសភាពាណិជ្ជកម្មខេត្តស្វាយរៀង appeared first on .

ដើម្បីបង្កើនសកម្មភាព និងជំរុញការអភិវឌ្ឍវិស័យពាណិជ្ជកម្ម ឧស្សាហកម្ម កសិកម្ម សិប្បកម្ម និងសេវាកម្ម ពិេសេសនោះគៀងគរវិនិយោគិនបរទេសឲ្យមកបណ្តាក់ទុនបន្ថែមទៀត រាជរដ្ឋាភិបាល រយៈសភាពាណិជ្ជកម្មកម្ពុជា ក៏បានបង្កើតសភា​ពាណិជ្ជកម្មមណ្ឌលខេត្តស្វាយរៀងថ្មីមួយបន្ថែមទៀត នៅថ្ងៃទី១៤ ខែមករា ឆ្នាំ២០០៤។

បច្ចុប្បន្ននេះសភាពាណិជ្ជកម្មខេត្តស្វាយរៀងមានឧកញ៉ា សុក រ៉ាដូ ជាប្រធានដែលបាននឹងកំពុងដើរតួនាទី​ដ៏សំខាន់ និងជាយន្តការជួយ​គាំទ្រដល់ការអនុវត្តគោល​នយោបាយកៀរគរការវិ​និយោគរបស់​រាជរដ្ឋាភិ​បាលបានកាន់តែជោគជ័យថែមទៀត ជាពិសេ​សក្នុងការការពារនូវផ​លប្រយោជន៍ជូន​ដល់ឧស្សាហករ ពាណិជ្ជករ អាជីវករ និងកសិករនៅក្នុងខេត្ត។

ឧកញ៉ា សុក រ៉ាដូ ឡើងកាន់ប្រធានសភាពាណិជ្ជកម្មខេត្តស្វាយរៀង នៅថ្ងៃទី​៦ ខែមីនា ឆ្នាំ២០២០ ជំនួសលោក សំ ស៊ីថាយ ដែលត្រូវផុសអាណត្តិ ក្រោមវត្តមាន ម៉ែន​ វិបុល អភិបាលខេត្តស្វាយរៀង និងលោក វ៉េង សុធី រដ្ឋលេខាធិការក្រសួងពាណិជ្ជកម្ម។

សូមជម្រាបថា លោក សុក រ៉ាដូ ត្រូវ​បាន​ព្រះមហាក្សត្រនៃ​កម្ពុជា ​ត្រាស់បង្គាប់គោរម​ងារ​ជា​ «ឧកញ៉ា»​​ ដោយព្រះរាជក្រឹត្យលេខ នស/រកត/០៩២០/១០២៩ ចុះនៅ​ថ្ងៃ​ទី២៦ ខែ កញ្ញា​ ឆ្នាំ ២០២០​៕

The post តើឧកញ៉ារូបណាជាប្រធានសភាពាណិជ្ជកម្មខេត្តស្វាយរៀង? appeared first on .

តាម​ការ​លើក​ឡើង ពី​លោក ឧកញ៉ា ហ៊ួត ជា អំណោយ​ទាំង​នោះ​​សរុប​ជា​ទឹក​ប្រាក់​80000$​ ដោយ​ ក្នុង​មួយ​គ្រួសារៗ​ទទួលបាន៖ អង្ករ មី ទឹកត្រី ទឹកស៉ីអ៉ីវ ទឹកបរិសុទ្ធ និង​ថវិកា​មួយ​ចំនួន។

ក្រុម​លោក​ឧកញ៉ាវ័យក្មេងទាំង៨រូប​នៃ​ក្រុម​ហ៊ុនT.O.I.C Group នោះ​រួម​មាន៖

១- ឧកញ៉ា អ៉ឹង ឃាង ទីប្រឹក្សាសភាពពាណិជ្ជកម្មកម្ពុជា និងជាប្រធានក្រុមប្រឹក្សាភិបាល T.O.I.C Group។

២- ឧកញ៉ា ហួត ជា ទីប្រឹក្សាសភាពាណិជ្ជកម្មកម្ពុជា។

៣- ឧកញ៉ា ភិរម្យ វិចិត្រដារ៉ា សមាជិកអ្នកអភិវឌ្ឍន៍លំនៅឋានកម្ពុជា។

៤- ឧកញ៉ា ឡាយ លន់ ទីប្រឹក្សាសភាពពាណិជ្ជកម្មខេត្តសៀមរាប។

៥- ឧកញ៉ា ចាង ជីវិញ អនុប្រធានសភាពាណិជ្ជកម្មកម្ពុជា និង​ជា​ប្រធាន​សភាពាណិជ្ជកម្ម​ខេត្តកោះកុង។

៦- ឧកញ៉ា សុក រ៉ាដូ អនុប្រធានសភាពាណិជ្ជកម្មកម្ពុជា។ និងជាប្រធាន​សភាពាណិជ្ជកម្ម​ខេត្តស្វាយ​រៀង​។

៧- ឧកញ៉ា ម៉េន កានី ម្ចាស់បុរី GM។

៨- ឧកញ៉ា នួន អក ម្ចាស់រីសតកំពតឋានសួគ៌។

យោងតាមប្រសាសន៍របស់លោកឧកញ៉ា នួន អក ម្ចាស់​រីសតកំពតឋានសួគ៌​បាន​បញ្ជាក់ឲ្យ​ដឹងថា ការ​ចែក​ជូន​អំណោយ​ស្បៀង​អាហារដល់ប្រជាពលរដ្ឋនេះ គឺ​យោង​តាម​អនុសាសន៍​ដ៏​ខ្ពង់​ខ្ពស់​របស់សម្តេចតេជោ ហ៊ុន សែន នាយករដ្ឋមន្ត្រីនៃ​ព្រះរាជាណាច​ក្រ​កម្ពុជា​<<ជួយគ្នា​ក្នុង​គ្រា​មាន​អាសន្ន​>> ទើប​ក្រុម​លោក​ឧកញ៉ាវ័យក្មេងទាំង៨រូប​នៃ​ក្រុមហ៊ុនT.O.I.C Group ចុះ​​នាំ​អំណោយ​មក​​ចែក​ដោយ​ផ្ទាល់​នេះ។

សកម្មភាព​ខាលើ មិន​មែន​ជា​លើក​ទី១ ឡើយ​របស់​ក្រុម​លោក​ឧកញ៉ាវ័យក្មេងទាំង៨រូប​នៃ​ក្រុមហ៊ុនT.O.I.C Group ​នេះ កន្លង​មក​អ្នក​ជំនួញ​វ័យ​ក្មេង​​នៃ ក្រុម​មួយ​នេះ តែង​តែ​ចុះ ធ្វើ​កិច្ចការ​សប្បុរសធម៌​ជា​ច្រើន​លើក​​មក​ហើយ ។​

សូមបញ្ជាក់ថា របាយការណ៍របស់គណៈកម្មាធិការជាតិគ្រប់គ្រងគ្រោះមហន្តរាយ ដែល​បណ្តាញ​សារព័ត៌មាន​ ទទួល​បានបញ្ជាក់ថា គិតចាប់ពីថ្ងៃទី០១ ខែកញ្ញា ដល់ថ្ងៃទី២០ ខែតុលា ឆ្នាំ២០២០ កម្ពុជាបានទទួលរងផលប៉ះពាល់ នៅក្នុង១៩រាធានី-ខេត្ត ក្នុងនោះ​មានប្រជាជនរងផល​ប៉ះពាល់​ចំនួន​ ១០៤,៣៤៨គ្រួសារ ស្មើប្រមាណ ៤១៧,៣៩២នាក់, ប្រជាជន​ត្រូវបានជម្លៀស​មក​ទីទួល​សុវត្ថិភាព​ចំនួន ១០,៥៨៣គ្រួសារ ស្មើប្រមាណ ៤២,៣៣២នាក់ និងប្រជាជនស្លាប់ចំនួន៣៤នាក់។ ចំពោះទិន្នន័យរួមនៃផលប៉ះពាល់ និងខូចខាត នឹងត្រូវធ្វើការប៉ាន់ប្រមាណបូកសរុប បន្ទាប់ពីជំនន់ទឹកភ្លៀងត្រូវបានបញ្ចប់៕

The post ផ្អើល​ខេត្ត​បន្ទាយមានជ័យ ឧកញ៉ា​ទាំង​៨រូប​នេះ​​ចុះ​​ចែក​អំណោយ​ជូន​ពលរដ្ឋ​ព្រឹក​មិញ appeared first on .

អំណោយ​ទាំង​​នោះ រួម​មាន អង្ករ​10តោន​ និង អំពូល​សូឡាចំនួន50ដើម ។ ក្នុង​ពិធី​នោះ​ដែរ ឧកញ៉ា អ៊ឹង ​ ឃាង​ ប្រធាន​ក្រុមប្រឹក្សាភិបាល​ក្រុមហ៊ុន​ T.O.I.C Group តំណាង​ឲ្យ​លោក​ឧកញ៉ា​ទាំង​៧រូប​ទៀត សូម​ថ្លែង​អំណរគុណ​ដល់​ ឯកឧត្ដម​ វ៉ី សំណាង​ អភិបាល​នៃ​គណៈ​អភិបាល​ខេត្ត​កំពង់ស្ពឺ​ ដែល​បាន​ទទួល​ស្វាគមន៍​ក្រុម​ហ៊ុន​យើង​ខ្ញុំ​យ៉ាង​កក់ក្ដៅ​បំផុត ។ លោក​ឧកញ៉ា សង្ឃឹម​ថា អំណោយ​ទាំង​នោះ នឹង​ជួយ​​​សម្រួល​បាន​ខ្លះ ដល់​ពលរដ្ឋ​ដែល​ខ្វះ​ខាត​លើ​ទឹក​ខេត្ត​កំពង់ស្ពឺ​នេះ។ ក្នុង​​នោះ​ដែរ​លោក ឧកញ៉ា​បណ្ឌិត អ៊ឹង ​ ឃាង ក៏​​ជូនពរ​ ឯកឧត្ដម​អភិបាល​ខេត្ត​ ឯកឧត្ដម​អភិបាល​ខេត្ត​រង​ ប្រធាន​មន្ទីរ​ សហការី​ទាំងអស់​ សូម​មាន​សុខភាព​ល្អ​ សុភមង្គល​ ជោគជ័យ​គ្រប់​ភារកិច្ច​ការងារ​ទាំងអស់៕

នេះ​មិន​មែន​ជា​​លើក​ទី​១​ឡើយ សម្រាប់​ការ​​ចូល​រួម​កិច្ចការ​សង្គម T.O.I.C Group កន្លង​មក​ក្រុមហ៊ុន​ដែល​ប្រជុំ​ដោយ​ឧកញ៉ា​ល្បី​ៗ​ឈ្មោះ​បោះ​ទុន​រក​ស៊ី​រួម​គ្នា​នោះ បាន​ធ្វើ​កិច្ចការ​សប្បុរស​ជា​ច្រើន​មក​ហើយ ជា​មួយ​រដ្ឋាភិបាល ។

T.O.I.C Group ជា​ក្រុម​ហ៊ុន​ថ្មី​មួយ ត្រូវ​បាន​គេ​ដឹង​ថា មាន​ឧកញ៉ា​​៨រូប​ចូល​ហ៊ុន​រក​ស៊ី​ជា​មួយ​គ្នា​ ក្នុង​មាន ឧកញ៉ា អ៊ឹង ឃាង ជា​ប្រធាន​ក្រុមប្រឹក្សាភិបាល​ក្រុមហ៊ុន លោក​ឧកញ៉ា នួន អក លោក​ឧកញ៉ា ហ៊ួត ជា លោក​ឧកញ៉ា សុក រ៉ាដូ លោក​ឧកញ៉ា ឡាយ លន់ លោក​ឧកញ៉ា ម៉េន កានី នឹង លោក​ឧកញ៉ា ភិរម្យ វិចិត្រដារ៉ា។

The post ឧកញ៉ា​ល្បីៗ​ច្រើន​រូប នាំ​អំណោយ​ជូន​​ដល់​សាលា​ខេត្ត​កំពង់ស្ពឺ appeared first on .

បន្ទាប់​ពី​មាន​​បង្ហោះ​លើ​បណ្ដាញ​សង្គម​ពី លោក ឧកញ៉ា នួន អក ដែល​ជា​មិត្ត​សម្លាញ់​​ជា​ដៃគូ​​រក​ស៊ី​ជា​មួយ​គ្នា​នោះ គេ​ឃើញ​មាន​​មិត្តភ័ក្ដិ ក៏​ដូច​Fansរបស់​លោក​ឧកញ៉ា បាន​ចូល​រួម អបអរសាទរ​ជា​បន្ត​បន្ទាប់។

លោក ឧកញ៉ា សុក រ៉ាដូ ត្រូវ​បាន​គេ​ស្គាល់​ថា ជា​អ្នក​ជំនួញ​ល្បី​ឈ្មោះ​ម្នាក់​ក្នុង​ខេត្ត ស្វាយរៀង ​ ហើយ​ក៏​ជា​ប្រធាន​សភា​ពាណិជ្ជកម្ម​ ខេត្ត ស្វាយរៀង ផង​ដែរ។ មុន​ទទួល​បាន​គោរមងារ​នេះ លោក ឧកញ៉ា តែង​តែ​ជួយ​ដល់​កិច្ចការ​សង្គម​ជា ច្រើន​នា​ពេល​កន្លង​មក។

ជា​មួយ​​នឹង​ការ​ទទួល​បាន​គោរម​ងារ​ដ៍​ឧត្ដុង្គឧត្ដម​​នេះ គេហទំព័រ​ឧកញ៉ាញូស៍ Oknha news ដែល​តែង​តែ​ធ្វើ​ការងារ​​​ផ្សព្វផ្សាយ​គ្រប់​សកម្មភាព​ជា​មួយ​​​ឧកញ៉ា​ទាំង​អស់​នៅ​ក្នុង​ស្រុក​ខ្មែរ គោរព​ជូន​ពរ​លោក​ឧកញ៉ា ព្រម​ទាំង​ក្រុម​គ្រួសារ ជួបប្រទះ​នូវ​​ពុទ្ធពរ​ទាំង៤ប្រការ កុំបីឃ្លៀងឃ្លាត​ឡើយ៕

The post លោក សុក រ៉ាដូ ត្រូវ​បាន​ព្រះ​មហាក្សត្រ​​តែងតាំង ជា​ឧកញ៉ា appeared first on .