អ្នកឧកញ៉ា សៀង ណាំ ទទួលសញ្ញាបត្របណ្ឌិត ពីសាកលវិទ្យាល័យសហរដ្ឋអាមេរិក

ឧកញ៉ាដែនដី — Mon, 30 May 2022 11:23:51 +0000

អ្នកឧកញ៉ា សៀង ណាំ និងឯកឧត្តមនាយឧត្តមសេនីយ៍ សុខ ភាព បានទទួលសញ្ញាប័ត្របណ្ឌិតកិត្តិយស ពីសកលវិទ្យាល័យ BODHISASTRA UNIVERSITY FLORIDA សហរដ្ឋអាមេរិក កាលពីថ្ងៃទី២៨ ខែឧសភា ឆ្នាំ២០២២។

ឯកឧត្តមបណ្ឌិត អ្នកឧកញ៉ា សៀង ណាំ តំណាងរាស្រ្តមណ្ឌលសៀមរាប និងឯកឧត្តមនាយឧត្តមសេនីយ៍ សុខ ភាព រដ្ឋលេខាធិការក្រសួងការពារជាតិ ត្រូវបានសភា នៃសកលវិទ្យាល័យ BODHISASTRA UNIVERSITY FLORIDA សហរដ្ឋអាមេរិក ប្រគល់ជូនសញ្ញាប័ត្របណ្ឌិតកិត្តិយស កាលពីរសៀលថ្ងៃទី២៨ ឧសភា ឆ្នាំ២០២២ នៅសណ្ឋាគារ City Angkor ខេត្តសៀមរាប។

សញ្ញាបត្របណ្ឌិតកិត្តិយសនេះ គឺជាការទទួលស្គាល់របស់សាកលវិទ្យាល័យ BODHISASTRA UNIVERSITY FLORIDA ជូនចំពោះឯកឧត្តមបណ្ឌិត អ្នកឧកញ៉ា សៀង ណាំ និង ឯកឧត្តមនាយឧត្តមសេនីយ៍ សុខ ភាព ដែលបានបំពេញការងារជាយូរឆ្នាំកន្លងមក ជូនរាជរដ្ឋាភិបាលកម្ពុជា ហើយ បានបំពេញបេសកកម្មរបស់ខ្លួន ចូលរួមវិភាគទានយ៉ាងសំខាន់ និងធំធេងបំផុត ក្នុងការពង្រឹងទំនាក់ទំនងទ្វេភាគី និងរឹតចំណងមិត្តភាពរវាងព្រះរាជាណាចក្រថៃ និងព្រះរាជាណាចក្រកម្ពុជា៕

The post អ្នកឧកញ៉ា សៀង ណាំ ទទួលសញ្ញាបត្របណ្ឌិត ពីសាកលវិទ្យាល័យសហរដ្ឋអាមេរិក appeared first on .

តើឧកញ៉ា សៀង ណាំ មានដន្លងជាមួយគ្រួសារអភិជន និងឥស្សរជនរូបណាខ្លះ?

ឧកញ៉ាកោះក្របី — Tue, 17 May 2022 09:29:05 +0000

ពាណិជ្ជករល្បីឈ្មោះដ៏មានឥទ្ធិពលម្នាក់នៅខេត្តសៀមរាប ឧកញ៉ា សៀង ណាំ ជាអ្នករកស៊ីជោគជ័យមួយរូបដែលស្ថិតក្នុងចំណោមអ្នកជំនួញគ្រាក់ៗមានអំណាចនៅកម្ពុជា។ លោកមានមុខជំនួញប្រាក់ពាន់លានជាច្រើនកន្លែងនៅទឹកដីខេត្តសៀមរាប ដូចជាបុរីលំនៅដ្ឋាន សណ្ឌាគារលំដាប់ផ្កាយ ហើយក៏ជាសប្បុរសជនដែលតែងតែចេញមុខជួយឧបត្ថម្ភសាងសង់ផ្លូវថ្នល់ សាលារៀន មន្ទីរពេទ្យ វត្តអារាម និងហេដ្ឋារចនាសម្ព័ន្ធក្នុងខេត្តជាច្រើនទៀត។

ឧកញ៉ាសៀង ណាំ ក្រៅពីមានតំណែងជាអ្នកតំណាងរាស្ដ្រ និងជាសមាជិករដ្ឋសភាជាតិ លោកក៏ជាម្ចាស់សណ្ឋាគារស៊ីធីអង្គរដ៏ស្កឹមស្កៃនៅកណ្ដាលក្រុងសៀមរាប និងមានដីបុរីចំនួនពីរ គឺបុរីសៀងណាំ១ និងបុរីសៀងណាំ២ ហើយថ្មីៗនេះលោកកំពុងចាប់ផ្តើមបើកគម្រោងថ្មីមួយចំនួនទៀត។

ឧកញ៉ា សៀង ណាំ ក៏ធ្លាប់ទទួលបានគ្រឿងឥស្សរិយយសរបស់ជប៉ុន “The Order of the Rising Sun, Gold Rays with Neck Ribbon” ក្នុងសក្ខីភាពដើម្បីទទួលស្គាល់ការចូលរួមចំណែកដ៏វិសេសវិសាស ក្នុងការរឹតចំនងមិត្តភាពរវាង ជប៉ុននិងកម្ពុជា។

តើឧកញ៉ា សៀង ណាំ មានដន្លងជាមួយគ្រួសារអភិជន និងឥស្សរជនរូបណាខ្លះ?

ប្រភពព័ត៌មានពីទីក្រុងបាងកកបានឱ្យដឹងថា កូនស្រីពៅរបស់លោក ស៊ុមឆាយ វង្សសាវ៉ាត អតីតនាយករដ្ឋមន្ត្រីថៃ និងត្រូវជាក្មួយបង្កើតរបស់លោក ថាក់ស៊ីន ស៊ីណាវ៉ាត្រា អតីតនាយករដ្ឋមន្ត្រីថៃ បានរៀបអាពាហ៍ពិពាហ៍ជាមួយកូនប្រុសឧកញ៉ា សៀង ណាំ នៅសណ្ឋាគារលំដាប់ផ្កាយ៥ផ្លាហ្សា អាតធីនី រ៉ូយ៉ាល់ មេរីឌៀនក្នុងទីក្រុងបាងកក ប្រទេសថៃ កាលពីឆ្នាំ២០១៣។

ចំពោះភ្ញៀវកិត្ដិយសដែលចូលរួមក្នុងពិធីរៀបអាពាហ៍ពិអាហ៍ដ៏ឱឡារិកនៅក្នុងប្រទេសថៃ ដោយភាគីថៃរួមមាន មន្ដ្រីជាន់ខ្ពស់ជាច្រើនរូប ដូចជា រដ្ឋមន្ដ្រីក្រសួងឧស្សាហកម្មរ៉ែ និងថាមពល ,រដ្ឋមន្ដ្រីក្រសួងពាណិជ្ជកម្ម ,មេបញ្ជាការប៉ូលិសជាតិ និងរដ្ឋមន្ដ្រីក្រសួងការបរទេស រួមទាំងកូនប្រុស-ស្រីរបស់លោកថាក់ស៊ីន ស៊ីណាវ៉ាត្រា ផងដែរ។

ដោយឡែកសម្រាប់ភាគីកម្ពុជា ក្រៅពីសម្តេចពិជ័យសេនា ទៀ បាញ់ ឧបនាយករដ្ឋមន្ដ្រី និងជារដ្ឋមន្ដ្រីក្រសួងការពារជាតិ ក៏មានមន្ដ្រីជាន់ខ្ពស់មួយចំនួនទៀត ក៏មានលោក ហ៊ុន ម៉ានី ជាកូនប្រុសរបស់សម្ដេចតេជោ ហ៊ុន សែន ចូលរួមផងដែរក្រោមការរក្សាសន្ដិសុខយ៉ាងតឹងរ៉ឹង ។

កូនស្រីអតីតនាយករដ្ឋមន្ត្រីថៃកូនប្រុសឧកញ៉ាសៀងណាំ ថតរូបនៅថៃ

យោងតាមប្រភពពីអ្នកជិតស្និទ្ធជាមួយឧកញ៉ាសៀង ណាំ បានបង្ហើបឱ្យដឹងថា កូនប្រុសរបស់ឧកញ៉ាសៀង ណាំ ដែលរៀបមង្គលការជាមួយកូនស្រីពៅរបស់ គ្រួសារលោកស៊ុមឆាយ និងជាក្មួយស្រីលោកថាក់ ស៊ីនសីណាវ៉ាត្រានោះមានឈ្មោះ ណាំ លីណាល់ គឺជាកូនទី២ និងជាកូនប្រុសតែមួយក្នុងចំណោមកូនបីនាក់របស់លោក។

កូនប្រុសឧកញ៉ា សៀង ណាំ និងលោកជំទាវ អ៊ុន វុនលី ជាមន្ដ្រីនៅក្រសួងអភិវឌ្ឍន៍ជនបទនៃព្រះរាជាណាចក្រកម្ពុជា ។ ចំណែកកូនក្រមុំបម្រើការងារផ្នែកព្រះរាជអាជ្ញានៅទីក្រុងបាងកក ។ នាងក៏ជាអ្នកចម្រៀងល្បីឈ្មោះម្នាក់ដែរ តែមិនចាប់អាជីពស្ថិតនៅក្នុងវង់តន្ដ្រីរបស់នាងផ្ទាល់ គឺវង់តន្ដ្រី«ហ្វាយអីុនធើរធេនមែន» ហើយបានចេញអាល់ប៊ុមចម្រៀងជាច្រើនដូចជា «ឈើរីស៊ីគ្រេតស៊ី»ជាដើមដែលសុទ្ធសឹងជាបទពេញនិយមនៅប្រទេសថៃ។

កូនស្រីអតីតនាយករដ្ឋមន្ត្រីថៃកូនប្រុសឧកញ៉ាសៀងណាំ ថតរូបនៅថៃ

ឧកញ៉ាសៀង ណាំ មានកូនបីនាក់ កូនច្បងស្រី ឈ្មោះណាំ លីណែត បានរៀបការជាមួយលោកទា កុសល ឯកអគ្គរាជទូតកម្ពុជាប្រចាំនៅអង្គការសហប្រជាជាតិ និងមានកូនបីនាក់ ។ កូនទីពីរឈ្មោះ ណាំ លីណាល់ ដែលរៀបការជាមួយកូនស្រីលោកអតីតនាយករដ្ឋមន្ដ្រីថៃ និងកូនស្រីពៅឈ្មោះណាំ លីណា រៀបការជាមួយកូនប្រុសលោកឧបនាយករដ្ឋមន្ដ្រីយឹម ឆៃលី ប្រធានក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ និងជាប្រធាន ក្រុមការងាររាជរដ្ឋាភិបាលចុះជួយមូលដ្ឋានខេត្តកំពង់ចាម៕

The post តើឧកញ៉ា សៀង ណាំ មានដន្លងជាមួយគ្រួសារអភិជន និងឥស្សរជនរូបណាខ្លះ? appeared first on .

ឧកញ៉ា សៀង ណាំ

អ្នកឧកញ៉ា សៀង ណាំ ទទួលសញ្ញាបត្របណ្ឌិត ពីសាកលវិទ្យាល័យសហរដ្ឋអាមេរិក

តើឧកញ៉ា សៀង ណាំ មានដន្លង​ជាមួយ​គ្រួសារអភិជន និងឥស្សរជនរូបណាខ្លះ?

តើឧកញ៉ា សៀង ណាំ មានដន្លងជាមួយគ្រួសារអភិជន និងឥស្សរជនរូបណាខ្លះ?