ឧកញ៉ា សេង ញ៉ក់

កូនប្រសារអ្នកឧកញ៉ាប្រធានគណៈកម្មាធិការហិរញ្ញវត្ថុគណបក្សប្រជាជន ចូលរួមបើកយុទ្ធនាការឃោសបោះឆ្នោតសមាជិកព្រឹទ្ធសភា

ឧកញ៉ាកោះក្របី — Sat, 10 Feb 2024 06:39:28 +0000

កូនប្រសារអ្នកឧកញ៉ា លី យ៉ុងផាត់ ប្រធានគណៈកម្មាធិការហិរញ្ញវត្ថុ នៃគណៈកម្មាធិការកណ្តាលគណបក្សប្រជាជនកម្ពុជា គឺឧកញ៉ា សេង ញ៉ក បានចូលរួមបើកយុទ្ធនាការឃោសនាបោះឆ្នោត ជ្រើសតាំងសមាជិកព្រឹទ្ធសភា នីតិកាលទី៥ ឆ្នាំ ២០២៤ កាលព្រឹកថ្ងៃទី ១០ ខែកុម្ភៈ នៅខេត្តកំពង់ស្ពឺ។

ពិធីបើកយុទ្ធនាការឃោសនាបោះឆ្នោត ជ្រើសតាំងសមាជិកព្រឹទ្ធសភា នីតិកាលទី៥ ឆ្នាំ២០២៤ មានការចូលរួមពីសមាជិកាព្រឹទ្ធសភា រដ្ឋសភា និងបេក្ខជនឈរឈ្មោះបោះឆ្នោតជ្រើសតាំងរដ្ឋសភា ក្រុមការងារចុះជួយក្រុង ស្រុក មេឃុំ ចៅសង្កាត់ និងសមាជិកឃុំក្រុមប្រឹក្សាឃុំសង្កាត់ មេភូមិ សរុបប្រមាណ ៥០០ នាក់។

មានអាយុ ៤៤ឆ្នាំ ឧកញ៉ា សេង ញ៉ក ជាអ្នកនយោបាយវ័យក្មេង បានជាប់ឆ្នោតជាតំណាងរាស្ត្រ នៅមណ្ឌលខេត្តកំពង់ស្ពឺមកពីខាងគណបក្សប្រជាជនកម្ពុជា។ ឧកញ៉ា សេង ញ៉ក ជាសមាជិកគណៈកម្មាធិការហិរញ្ញវត្ថុ នៃគណៈកម្មាធិការកណ្តាលគណបក្សប្រជាជនកម្ពុជា, ជានាយកក្រុមហ៊ុន L.Y.P Group និងជាអគ្គនាយកក្រុមហ៊ុន ភ្នំពេញស៊ួហ្គើ។

លោកជាស្វាមីរបស់លោកស្រី លី អាផណ កូនស្រីរបស់អ្នកឧកញ៉ា លី យ៉ុងផាត់ សមាជិកព្រឹទ្ធសភា, ទីប្រឹក្សាផ្ទាល់នាយករដ្ឋមន្ដ្រី, ប្រធានសមាគមឧកញ៉ាកម្ពុជា និងជាអគ្គនាយកក្រុមហ៊ុន អិល វ៉ាយ ភី គ្រុប៕

ឆ្វេង៖ ឧកញ៉ា សេង ញ៉ក ពាក់អាវស កំពុងពិនិត្យឯកសារ

The post កូនប្រសារអ្នកឧកញ៉ាប្រធានគណៈកម្មាធិការហិរញ្ញវត្ថុគណបក្សប្រជាជន ចូលរួមបើកយុទ្ធនាការឃោសបោះឆ្នោតសមាជិកព្រឹទ្ធសភា appeared first on .

កូនប្រសារអ្នកឧកញ៉ា លី យ៉ុងផាត់ និមន្តព្រះសង្ឃប្រោសព្រំលើករាសីរីជូនបុគ្គលិក

ឧកញ៉ាកោះក្របី — Tue, 11 Jul 2023 05:19:34 +0000

នាយកក្រុមហ៊ុន អិល វ៉ាយ ភី គ្រុប និងជាអគ្គនាយកក្រុមហ៊ុន ភ្នំពេញស៊ួហ្គើ ឧកញ៉ា សេង ញ៉ក់ កូនប្រសារអ្នកឧកញ៉ា លី យ៉ុងផាត់ បាននិមន្តព្រះសង្ឃ ៩អង្គ ប្រោសព្រំលើកជូនរាសីជូនថ្នាក់ដឹកនាំ បុគ្គលិកនៃស្ថានីយ៍ទូរទស្សន៍ PNN គម្រប់ខួប ៨ឆ្នាំបើកដំណើរការអាជីវកម្មសប្រព័ន្ធផ្សព្វផ្សាយរបស់ខ្លួន នៅព្រឹកថ្ងៃទី១១ ខែកក្កដានេះ។

ក្នុងឪកាសនោះ ភរិយារបស់ឧកញ៉ា សេង ញ៉ក់ លោកស្រី លី អាផណ ព្រមទាំងឧកញ៉ាវ័យក្មេង លី ឆូកឆៃ អគ្គនាយកស្ថានីយ៍ទូរទស្សន៍ PNN ជាកូនបង្កើតអ្នកឧកញ៉ា លី យ៉ុងផាត់ ក៏បានអញ្ជើញចូលរួមផងដែរ។

PNN គឺជាស្ថានីយ៍ទូរទស្សន៍ក្នុងស្រុកមួយដែលបោះទុនវិនិយោគដោយអ្នកឧកញ៉ា លី យ៉ុងផាត់ ក្នុងទំហំទឹកប្រាក់សរុបប្រមាណជា៤០លានដុល្លារអាមេរិក បើកដំណើការកាលពីខែមេសា ឆ្នាំ២០១៥។

ដើមឡើយ មេដឹកនាំទូទស្សន៍ PNN ត្រូវបានគេដឹងថា មានលោក Glen Felgate ជាអគ្គនាយកស្ថានីយទូរទស្សន៍PNN។ លោកធ្លាប់មានប្រវត្តិគ្រប់គ្រងទូរទស្សន៍ CTN និងក្រុមហ៊ុនព័ត៌មាននៅប្រទសមីយ៉ាន់ម៉ា។ ក្នុងនោះក៏មាន ជនជាតិថៃ លោក SupitRattichunhachot ក្នុងតំណែងជាអគ្គនាយករងទទួលបន្ទុកផ្នែកផលិតកម្មវិធី, លោក សោម ឆាយ៉ា ដែលធ្លាប់កាន់កាប់ទូរទស្សន៍ CTN ដែរនោះ ត្រូវបានតែងតាំងជាអគ្គនាយករង PNN ទទួលបន្ទុកផ្នែកព័ត៌មាន។ លោក ប៉ែន បូណា អតីតនិពន្ធនាយកវិទ្យុបារាំងអន្តរជាតិ ត្រូវបានតែងតាំងជានិពន្ធនាយកព័ត៌មាននៃ PNN។

ក្រៅពីមេដឹកនាំធំៗនៃ PNN អំឡុងកាលណោះ ការចាប់ផ្តើមស្ថានីយ៍ទូរទស្សន៍មួយនេះ ក៏ធ្វើឲ្យរង្គោះរង្គើផ្អើលដល់វិស័យសារព័ត៌មាន ស្របពេលដែលអ្នកកាសែតរបស់PNNសុទ្ធតែមានបទពិសោធន៍ព័ត៌មានខ្ពស់ ដែលសុទ្ធតែចាក់មកពីវិទ្យុអាស៊ីសេរី, ពីទូរទស្សន៍ហង្សមាស, ពីទូរទស្សន៍ CNC, ពីគេហទំព័រសប្បាយ ពីវិទ្យុស្ត្រី ១០២។ល។

មានទីតាំងក្នុងខណ្ឌជ្រោយចង្វា ជាយរាជធានីភ្នំពេញស្ទីឌីយោរបស់ទូរទស្សន៍ PNN ត្រូវបានសាងសង់ឡើងដោយចំណាយទឹកប្រាក់អស់ជាង១០លានដុល្លារអាមេរិកហើយ១០លានដុល្លារអាមេរិកផ្សេងទៀត ត្រូវបានចំណាយលើផ្នែកបច្ចេកទេស៕

The post កូនប្រសារអ្នកឧកញ៉ា លី យ៉ុងផាត់ និមន្តព្រះសង្ឃប្រោសព្រំលើករាសីរីជូនបុគ្គលិក appeared first on .

មកស្គាល់អ្នកជំនួញ ១៦រូប ឡើងងារជាឧកញ៉ាក្នុងខែមករា ឆ្នាំ២០១៦

ឧកញ៉ាកោះក្របី — Mon, 31 May 2021 02:00:12 +0000

អ្នកជំនួញស្រីប្រុស ១៦រូប ត្រូវបានព្រះករុណាព្រះបាទ ព្រះបរមនាថ នរោត្តម សីហមុនី ព្រះមហាក្សត្រ ប្រោសប្រទានគោរមងារជា”ឧកញ៉ា” ក្នុងខែមករា ឆ្នាំ២០១៦។ នេះបើតាមសៀវភៅព្រះរាជកិច្ចដែលបានចេញផ្សាយសម្រាប់ឆ្នាំ២០១៦។

អ្នកជំនួញទាំងនោះរួមមាន៖ លោក សេង សុជាតិ, លោក កៅ ក្វេងហុង, លោក ឡាយ កុកលាង, លោក សេង ញ៉ក់, លោក លី ឆូកឆៃ, លោក សិទ្ធិ បញ្ញាឫទ្ធិ, លោក ហុក ជ្រា, លោក ប៉ែន នួន, លោក កោះ ភារៈ, លោក ស ពិសិដ្ឋ, លោក ស៊ុយ គីមលី, លោក នី សម្បត្តិ, លោក គុត ចាន់វាសនា, លោកស្រី លី គាង, លោក ចាន់ សេងហេង និងលោកស្រី កែវ ស៊ួយឆេង។

ការទទួលគោរមងារជា ឧកញ៉ា ដល់ពាណិជ្ជករទាំង ១៦រូប ធ្វើឡើងតាមសំណើរបស់នាយករដ្ឋមន្ត្រី។ ជាមួយគ្នានោះ អ្នកជំនួញដែលទទួលងារឧកញ៉ា លុះត្រាតែបានចូលរួមបរិច្ចាគធនធានជាថវិកា និងសម្ភារៈដែលមានតម្លៃចាប់ពី៥០ម៉ឺនដុល្លារឡើងទៅ។

យ៉ាងណា បើទោះពីកម្ពុជាមានឧកញ៉ាច្រើនក៏ដោយ ឧកញ៉ាមួយចំនួនប៉ុណ្ណោះដែលត្រូវគេស្គាល់ច្រើនក្នុងការរកស៊ី ក្នុងនោះរួមមានអ្នកឧកញ៉ា គិត ម៉េង អ្នកឧកញ៉ា ទ្រី ភាព អ្នកឧកញ៉ា សុខ គង់ អ្នកឧកញ៉ា លី យ៉ុងផាត់ អ្នកឧកញ៉ា ម៉ុង ឫទ្ធី អ្នកឧកញ៉ា ពុង ឃាវសែ អ្នកឧកញ៉ា កុក អាន អ្នកឧកញ៉ា ឡេង ណាវ៉ាត្រា អ្នកឧកញ៉ា ភាព ហៀក អ្នកឧកញ៉ា លាង ឃុន អ្នកឧកញ៉ា លាង ម៉េង អ្នកឧកញ៉ា សឿ ឬទ្ធី អ្នកឧកញ៉ា ហេង សិទ្ធី អ្នកឧកញ៉ា លី ហួរ ឧកញ៉ា ថៃ ជាហួត ជាដើម៕

The post មកស្គាល់អ្នកជំនួញ ១៦រូប ឡើងងារជាឧកញ៉ាក្នុងខែមករា ឆ្នាំ២០១៦ appeared first on .