ឧកញ៉ា សេង សុវីរដ្ឋា

តើស្វាមីឧកញ៉ា សេង សុវីរដ្ឋា ទទួលភារកិច្ចជួយរដ្ឋមន្ត្រីក្រសួងរៀបចំដែនដី លើការងារអ្វីខ្លះ?

ឧកញ៉ាដែនដី — Fri, 27 Oct 2023 05:11:33 +0000

លោក ហេង ឡាលីន រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ ដែលជាស្វាមីរបស់លោកស្រីឧកញ៉ា សេង សុវីរដ្ឋា ត្រូវបានថ្នាក់ដឹកនាំប្រគល់ភារកិច្ចជូនលើការងារសំខាន់ៗមួយចំនួន កាលពីពេលថ្មីៗនេះ។

តាមរយៈសេចក្តីសម្រេចលេខ ០៨១ សសរ របស់ក្រសួងរៀបចំដែនដី កាលថ្ងៃទី០៩ ខែតុលា ឆ្នាំ២០២៣ បានសម្រេចកំណត់ និងប្រគល់ភារកិច្ចជូនថ្នាក់ដឹកនាំក្រសួងរៀបចំដែនដី សំដៅធានាការដឹកនាំ និងអនុវត្តកិច្ចការរបស់ក្រសួង។ ក្នុងនោះដែរ លោក ហេង ឡាលីន រដ្ឋលេខាធិការ ទទួលភារកិច្ចជួយលោកឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី លើការងារ៖ ១)អភិវឌ្ឍអចលនទ្រព្យ ២)ហិរញ្ញប្បទានលើវិស័យអចលនទ្រព្យ ៣)ការងារសម្បទានដីសង្គមកិច្ច ៤)ចូលរួមដឹកនាំការរៀបចំនិងអនុវត្តគោលនយោបាយ និងយុទ្ធសាស្ត្រ ក្នុងវិស័យរៀបចំដែនដី នគរូបនីយកម្ម និងសំណង់ ៥)ផែនការទម្រង់ទិសការរៀបចំដែនដី ផ្សារភ្ជាប់ប៉ូលសេដ្ឋកិច្ច នៅរាជធានីភ្នំពេញ។

លោក ហេង ឡាលីន ត្រូវបានព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ត្រាស់បង្គាប់តែងតាំងមុខតំណែង ជារដ្ឋលេខាធិការ ក្រសួងរៀបចំដែនដី នគរូបនីយកម្ម និងសំណង់ នៅថ្ងៃទី០៤ ខែសីហា ឆ្នាំ២០២៣ និងទទួលការតែងតាំងជាថ្មី សម្រាប់អាណត្តិរាជរដ្ឋាភិបាលថ្មីនេះ កាលពីថ្ងៃទី២២ ខែសីហា ឆ្នាំ២០២៣។

មុនទទួលបានការតែងតាំងជារដ្ឋលេខាធិការ លោក ហេង ឡាលីន ធ្លាប់ជានាយទាហានជាន់ខ្ពស់មួយរូប ដោយមានឋានន្តរស័ក្តិ ឧត្តមសេនីយ៍ទោ (ផ្កាយ២) និងមានតួនាទីជាមេបញ្ជាការរង នៃកងពលតូចលេខ៧០។ លោកជាស្វាមី របស់លោកស្រី សេង សុវីរដ្ឋា ដែលជាពាណិជ្ជករវ័យក្មេងមួយរូប និងបានរៀបអាពាហ៍ពិពាហ៍ជាមួយគ្នា កាលពីដើមខែមីនា ឆ្នាំ២០១៩៕

The post តើស្វាមីឧកញ៉ា សេង សុវីរដ្ឋា ទទួលភារកិច្ចជួយរដ្ឋមន្ត្រីក្រសួងរៀបចំដែនដី លើការងារអ្វីខ្លះ? appeared first on .

ស្វាមីលោកជំទាវឧកញ៉ា សេង សុវីរដ្ឋា ទទួលការតែងតាំងជា «រដ្ឋលេខាធិការ» ក្រសួងរៀបចំដែនដី

ឧកញ៉ាដែនដី — Sat, 05 Aug 2023 02:38:40 +0000

ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា បានត្រាស់បង្គាប់តែងតាំងមុខតំណែង លោក ហេង ឡាលីន ជារដ្ឋលេខាធិការ ក្រសួងរៀបចំដែនដី នគរូបនីយកម្ម និងសំណង់ នៅថ្ងៃទី០៤ ខែសីហា ឆ្នាំ២០២៣។

មុនទទួលបានការតែងតាំងនេះ លោក ហេង ឡាលីន ជានាយទាហានជាន់ខ្ពស់មួយរូប ដោយមានឋានន្តរស័ក្តិ ឧត្តមសេនីយ៍ទោ (ផ្កាយ២) និងមានតួនាទីជាមេបញ្ជាការរង នៃកងពលតូចលេខ៧០។ លោកជាស្វាមី របស់លោកស្រី សេង សុវីរដ្ឋា ដែលបានរៀបអាពាហ៍ពិពាហ៍ជាមួយគ្នា កាលពីដើមខែមីនា ឆ្នាំ២០១៩។ លោកស្រី សេង សុវីរដ្ឋា ជាពាណិជ្ជករវ័យក្មេងមួយរូប ដែលតែងតែបរិច្ចាគថវិកាជួយការងារសង្គមជាញឹកញាប់ និងត្រូវបានព្រះមហាក្សត្រផ្តល់គោរមងារជា «ឧកញ៉ា» កាលពីថ្ងៃទី០៤ ខែកុម្ភៈ ឆ្នាំ២០២៣៕

The post ស្វាមីលោកជំទាវឧកញ៉ា សេង សុវីរដ្ឋា ទទួលការតែងតាំងជា «រដ្ឋលេខាធិការ» ក្រសួងរៀបចំដែនដី appeared first on .

ពាណិជ្ជករវ័យក្មេង ភរិយាមន្ត្រីយោធាផ្កាយ២ ទទួលបានគោរមងារ «ឧកញ៉ា»

ឧកញ៉ាដែនដី — Mon, 13 Feb 2023 04:10:57 +0000

កាលពីថ្ងៃទី៤ កុម្ភៈ ឆ្នាំ២០២៣ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ បានត្រាស់បង្គាប់ផ្តល់គោរមងារ «ឧកញ៉ា» ជូនដល់លោកស្រី សេង សុវីរដ្ឋា តាមរយៈព្រះរាជក្រឹត្យលេខ នស/រកត/០២២៣/២៦១។

ការសម្រេចចេញព្រះរាជក្រឹត្យផ្តល់គោរមងារឧកញ៉ា ជូនលោកស្រី សេង សុវីរដ្ឋា នៅពេលនេះ ធ្វើឡើងតាមសេចក្តីក្រាបបង្គំទូលថ្វាយរបស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។

សូមជម្រាបជូនថា លោកស្រី សេង សុវីរដ្ឋា ជាពាណិជ្ជករវ័យក្មេងមួយរូប ដែលតែងតែបរិច្ចាគថវិកាជួយការងារសង្គមជាញឹកញាប់។ លោកស្រី គឺជាឧត្តមភរិយារបស់លោកឧត្តមសេនីយ៍ទោ ហេង ឡាលីន មេបញ្ជាការរង នៃកងពលតូចលេខ៧០ ដែលបានរៀបអាពាហ៍ពិពាហ៍ជាមួយគ្នា កាលពីដើមខែមីនា ឆ្នាំ២០១៩៕

The post ពាណិជ្ជករវ័យក្មេង ភរិយាមន្ត្រីយោធាផ្កាយ២ ទទួលបានគោរមងារ «ឧកញ៉ា» appeared first on .

ពាណិជ្ជករវ័យក្មេងម្នាក់ ទទួលបានគោរមងារ «ឧកញ៉ា»

ឧកញ៉ាកោះក្របី — Sun, 12 Feb 2023 14:21:20 +0000

ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ ត្រាស់បង្គាប់ផ្តល់គោរមងារ «ឧកញ៉ា» ជូនដល់លោកស្រី សេង សុរីរដ្ឋា នៅថ្ងៃទី៤ កុម្ភៈ ឆ្នាំ២០២៣ តាមរយៈព្រះរាជក្រឹត្យលេខ នស/រកត/០២២៣/២៦១។

ការដែលសម្រេចផ្តល់គោរមងារឧកញ៉ា ជូនលោកស្រី សេង សុវីរដ្ឋា នៅពេលនេះ ធ្វើឡើងតាមសេចក្តីក្រាបបង្គំទូលថ្វាយរបស់សម្តេចតេជោ ហ៊ុន សែន នាយករដ្ឋមន្ត្រីកម្ពុជា៕

The post ពាណិជ្ជករវ័យក្មេងម្នាក់ ទទួលបានគោរមងារ «ឧកញ៉ា» appeared first on .