ឧកញ៉ា ស៊ន សុខណា

ណែនាំឱ្យស្គាល់ឧកញ៉ា ១រូប ជាម្ចាស់វិទ្យាស្ថានហិរញ្ញវត្ថុកម្ពុជា

ឧកញ៉ាដែនដី — Fri, 12 Jan 2024 02:52:15 +0000

វិទ្យាស្ថានហិរញ្ញវត្ថុកម្ពុជា (Financial Institute of Cambodia) ត្រូវបានបង្កើតឡើងនៅក្នុងឆ្នាំ២០០៩ ដោយលោកឧកញ៉ា ស៊ន សុខណា ក្នុងគោលបំណងដើម្បីលើកកម្ពស់ទីផ្សារមូលបត្រកម្ពុជា ដោយផ្តល់ការអប់រំនិងការបណ្តុះបណ្តាល ដល់អ្នកពាក់ព័ន្ធទាំងអស់របស់ទីផ្សារ ដោយអ្នកជំនាញអន្តរជាតិ និងគ្រូមានបទពិសោធន៍ក្នុងតំបន់។

វិទ្យាស្ថានហិរញ្ញវត្ថុកម្ពុជា ត្រូវបានទទួលស្គាល់ដោយក្រសួងអប់រំ យុវជន និងកីឡា ហើយវិទ្យាស្ថាននេះ បានបើកវគ្គបណ្តុះបណ្តាល ចាប់ពីបរិញ្ញាបត្ររងឡើង រហូតដល់ទៅថ្នាក់អនុបណ្ឌិត ដោយមាននាយកដ្ឋានចំនួនបីគឺនាយកដ្ឋានពាណិជ្ជកម្ម, នាយកដ្ឋានសេដ្ឋកិច្ច និងនាយកដ្ឋានគ្រប់គ្រងបច្ចេកវិទ្យាពត័មានវិទ្យា។ វិទ្យាស្ថានហិរញ្ញវត្ថុកម្ពុជា មានកិច្ចសហប្រតិបត្តិការជាមួយគណៈកម្មាការកម្ពុជា (SECC) និងវិទ្យាស្ថានមូលបត្រក្រុងហុងកុង (HKSI) ដើម្បីផ្តល់នូវការបណ្តុះបណ្តាលមូលបត្រនៅប្រទេសកម្ពុជា។ វិទ្យាស្ថានហិរញ្ញវត្ថុកម្ពុជា មានទីតាំងស្ថិតនៅផ្លូវព្រះមុនីវង្ស សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ។

សូមជម្រាបថា ឧកញ៉ា ស៊ន សុខណា គឺជាស្ថាបនិក និងជាប្រធានក្រុមប្រឹក្សាភិបាលក្រុមហ៊ុន សូណាត្រាគ្រុប ដែលមានក្រុមហ៊ុនបុត្រសម្ពន្ធ័ ដូចជាវិទ្យាស្ថានហិរញ្ញវត្ថុកម្ពុជា, សូណាត្រាមីក្រូហិរញ្ញវត្ថុភីអិលស៊ី, សូណាត្រាកសិកម្ម សូណាត្រាសំណង់ ក្រុមហ៊ុនអចលនទ្រព្យ សូណាត្រាលែន ក្រុមហ៊ុនអ៊ីសវិង សវនកម្មនិងប្រឹក្សាយោបល់ ក្រុមហ៊ុនបុរីសូណាត្រា និងភោជនីយដ្ឋានជប៉ុនជាច្រើនសាខា និងអាគារអាផាតមែនសំរាប់ជួលផងដែរ៕

The post ណែនាំឱ្យស្គាល់ឧកញ៉ា ១រូប ជាម្ចាស់វិទ្យាស្ថានហិរញ្ញវត្ថុកម្ពុជា appeared first on .

ដឹងអត់ថា ឧកញ៉ា ស៊ន សុខណា មានភាគហ៊ុនប៉ុន្មាន% នៅក្នុងគ្រឹះស្ថានមីក្រូហិរញ្ញវត្ថុ សូណាត្រា?

ឧកញ៉ាដែនដី — Tue, 26 Sep 2023 00:30:00 +0000

គ្រឹះស្ថានមីក្រូហិរញ្ញវត្ថុ សូណាត្រា ភីអិលស៊ី (សូណាត្រា) ទទួលបានអាជ្ញាបណ្ណសម្រាប់ធ្វើប្រតិបត្តិការ ពីធនាគារជាតិនៃកម្ពុជា នៅដើមឆ្នាំ២០១១ ហើយបានចាប់ផ្តើមធ្វើប្រតិបត្តិការផ្តល់ឥណទានទូទាំងរាជធានីភ្នំពេញ និងបច្ចុប្បន្នកំពុងពង្រីកប្រតិបត្តិការរបស់ខ្លួន ឱ្យពាសពេញផ្ទៃប្រទេសកម្ពុជា។ គ្រឹះស្ថានមីក្រូហិរញ្ញវត្ថុ សូណាត្រា ភីអិលស៊ី ដែលមានលោកឧកញ៉ា ស៊ន សុខណា ជាប្រធានក្រុមប្រឹក្សាភិបាល និងជាអគ្គនាយក គឺមានម្ចាស់ភាគហ៊ុនចូលរួមចំនួន ៧រូប។

តាមរបាយការណ៍របស់គ្រឹះស្ថានមីក្រូហិរញ្ញវត្ថុ សូណាត្រា ដែលផ្តល់ជូនធនាគារជាតិនៃកម្ពុជា បានបង្ហាញឱ្យដឹងថា គ្រឹះស្ថានមីក្រូហិរញ្ញវត្ថុមួយនេះ មានម្ចាស់ភាគហ៊ុនធំជាងគេគឺ លោកឧកញ៉ា ស៊ន សុខណា ភាគទុនិក ៣១,៦៧% បន្ទាប់មកគឺមាន លោកជំទាវ ឡាវ សុខហ៊ុយ ចំនួន ១៧,២៣%, ក្រុមហ៊ុន Hao Holdings Limited ចំនួន ១៤,២៩%, លោក តេតស៊ូជី ណាហ្គាតា ចំនួន ១៣,៦៧%, ក្រុមហ៊ុន Grand Co., Ltd ចំនួន ១២,៨៦%, លោក ហ្លូង ចាន់ហ៊ុយ ចំនួន ៥,១៤% និងលោក ថម គឹមសុន ចំនួន ៥,១៤%។

គ្រឹះស្ថានមីក្រូហិរញ្ញវត្ថុ សូណាត្រា មានបេសកកម្មចូលរួមចំណែក ក្នុងការលើកកម្ពស់កម្រិតជីវភាព និង ជួយកាត់បន្ថយភាពក្រីក្ររបស់ប្រជាជនកម្ពុជា និងមានគោលដៅក្លាយខ្លួនជាគ្រឹះស្ថានមីក្រូហិរញ្ញវត្ថុ ដែលឈានមុខគេក្នុងការផ្តល់ឥណទាន ជូនទៅដល់រូបវន្តបុគ្គល ដែលមានប្រាក់ចំណូលទាប និងសហគ្រាសធុនតូច និងមធ្យម ដែលមិនអាចទទួលបានសេវាហិរញ្ញវត្ថុ ពីធនាគារពាណិជ្ជមួយចំនួន ដើម្បីបន្ថែមដើមទុនសម្រាប់អាជីវកម្ម របស់ខ្លួន។

បច្ចុប្បន្ន គ្រឹះស្ថានមីក្រូហិរញ្ញវត្ថុ សូណាត្រា មានការិយាល័យកណ្តាលមួយនៅរាជធានីភ្នំពេញ និងមានសាខាសរុបចំនួន ៩ទៀត ដែលសាខាចំនួន៣នៅរាជធានីភ្នំពេញ មានសាខាកោះក្របី សាខាផ្សារទួលទំពូង និងសាខាបុរីទឹកថ្លា។ ចំណែកឯ ៦សាខាទៀតនៅតាមបណ្តាខេត្តមួយចំនួន រួមមាន ខេត្តសៀមរាប ព្រៃវែង កំពត កំពង់ចាម បាត់ដំបង និងសាខាខេត្តកំពង់ធំ៕

The post ដឹងអត់ថា ឧកញ៉ា ស៊ន សុខណា មានភាគហ៊ុនប៉ុន្មាន% នៅក្នុងគ្រឹះស្ថានមីក្រូហិរញ្ញវត្ថុ សូណាត្រា? appeared first on .

ឧកញ៉ា ស៊ន សុខណា មានកូនស្រីស្រស់ស្អាត៣នាក់ កាន់តួនាទីធំៗនៅក្រុមហ៊ុន សូណាត្រា គ្រុប

ឧកញ៉ាដែនដី — Sat, 16 Jul 2022 04:58:32 +0000

ឧកញ៉ា ស៊ន សុខណា ជាអ្នកជំនួញដែលមានឥទ្ធិពលមួយរូប ក្នុងពិភពលោកជំនួញនៅប្រទេសកម្ពុជា ឈរលំដាប់លេខរៀងទី១ ជាអនុប្រធានសភាពាណិជ្ជកម្មកម្ពុជា ពីឆ្នាំ១៩៩៩មក និង ឈរលេខរៀងពីក្រោយអ្នកឧកញ៉ា គិត ម៉េង។ លោកឧកញ៉ា ជាពាណិជ្ជករដ៏ឆ្នើម និងជាថ្នាក់ដឹកនាំមួយរូបមានទស្សនវិស័យវែងឆ្ងាយ ដែលបច្ចុប្បន្ននេះលោកមានក្រុមហ៊ុនបុត្រសម្ព័ន្ធចំនួន១០ ស្ថិតនៅក្រោមក្រុមហ៊ុនមេ សូណាត្រា គ្រុប។

ភាពជោគជ័យលើមុខជំនួញ ក្នុងក្រុមហ៊ុនជាច្រើន ក៏មានការរួមចំណែកជួយជ្រោមជ្រែងពីកូនស្រីទាំង៣រូបរបស់លោកឧកញ៉ាផងដែរ។ ថ្ងៃនេះ ឧកញ៉ាញូ៉ស៍ សូមណែនាំឱ្យស្គាល់កូនស្រីទាំង៣ របស់ឧកញ៉ា ស៊ន សុខណា ដូចខាងក្រោម៖

១. លោកជំទាវ សុខណា រចនា

លោកជំទាវ សុខណា រចនា ជានាយករងនៃក្រុមហ៊ុនមូលបត្រ សូណាត្រា ហើយជាប្រធានភ្នាក់ងារជួញដូរមូលបត្រនៃក្រុមហ៊ុនមូលបត្រដែលទទួលស្គាល់ដោយគណៈកម្មការមូលបត្រកម្ពុជា ហើយលោកជំទាវក៏ជាសាស្ត្រាចារ្យនៅវិទ្យាស្ថានហិរញ្ញវត្ថុកម្ពុជា និងជាសាស្ត្រាចារ្យ នៅសាកលវិទ្យាល័យបញ្ញាសាស្ត្រផងដែរ។ លោកជំទាវ បានធ្វើការឱ្យក្រុមហ៊ុនហិរញ្ញវត្ថុជាច្រើន និងធ្លាប់មានបទពិសោធន៍នៅក្នុងការគ្រប់គ្រងហិរញ្ញវត្ថុ និងដីធ្លីនៅក្នុងទីក្រុង Melbourne ប្រទេសអូស្ត្រាលី។

លោកជំទាវ សុខណា រចនា បានបញ្ចប់ការសិក្សាបរិញ្ញាបត្រផ្នែកកិច្ចការរដ្ឋបាលពាណិជ្ជកម្ម ហើយក័ជាសិស្សពូកែនៅសាកលវិទ្យាល័យ Royal Melbourne ប្រទេសអូស្ត្រាលី។ លោកជំទាវ បានបញ្ចបថ្នាក់អនុបណ្ឌិតផ្នែកហិរញ្ញវត្ថុ អនុវត្តពីសាកលវិទ្យាល័យ Monash ក្នុងទីក្រុង Melbourne។ បច្ចុប្បន្ននេះ លោកជំទាវ គឺជាប្រធានគណៈកម្មាធិការតែងតាំង នៃគ្រឹះស្ថានមីក្រូហិរញ្ញវត្ថុ សូណាត្រា។

២. លោកជំទាវ សុខណា កុឡាបបុផ្ផា

លោកជំទាវ សុខណា កុឡាបបុផ្ផា ជានាយក និងជាអគ្គនាយករងនៃគ្រឹះស្ថានមីក្រូហិរញ្ញវត្ថុ សូណាត្រា ភីអិលស៊ី។ លោកជំទាវ បានចូលក្នុងស្ថាប័ននេះចាប់តាំងពីឆ្នាំ២០១០ ហើយបានដឹកនាំស្ថាប័ននេះរហូតដល់បច្ចុប្បន្ន។ ចាប់ពីឆ្នាំ២០១០ ដល់ឆ្នាំ២០១៥ លោកជំទាវ បានបម្រើការងារនៅវិទ្យាស្ថានហិរញ្ញវត្ថុកម្ពុជា ជាប្រធានហិរញ្ញវត្ថុ ហើយក៏ជាស្ថាបនិកនៃក្រុម Soben Hostel ផងដែរ។

ចាប់ពីឆ្នាំ១៩៩៥ ដល់ឆ្នាំ២០០៣ លោកជំទាវ សុខណា កុឡាបបុផ្ផា បានសិក្សាថ្នាក់បឋមសិក្សា និងមធ្យមសិក្សា Dunman ក្នុងប្រទេសសិង្ហបុរី។ ក្រោយមកលោកជំទាវ បានផ្លាស់ទៅនៅប្រទេសអូស្ត្រាលី ដើម្បីសិក្សានៅមហាវិទ្យាល័យវ៉េសលីដែល ជាកន្លែងដែលលោកជំទាវបានបញ្ចប់ថ្នាក់វិទ្យាល័យអន្តរជាតិ។ បន្ទាប់មក លោកជំទាវបានបន្តថ្នាក់បរិញ្ញាបត្រ ជំនាញគណនេយ្យ ធនាគារ ហិរញ្ញវត្ថុ ពីសាកលវិទ្យាល័យ Monash ក្នុងប្រទេសអូស្ត្រាលី។

អំឡុងពេលដែលលោកជំទាវវិលត្រឡប់មករស់នៅប្រទេសកម្ពុជា លោកជំទាវ សុខណា កុឡាបបុផ្ផា បានចូលរួមយ៉ាងសកម្មនៅក្នុងសកម្មភាពសង្គម។ ក្នុងឆ្នាំ២០១៣ លោកជំទាវ ត្រូវបានតែងតាំងដោយព្រះមហាក្សត្រ ជាទីប្រឹក្សារបស់អនុប្រធានទី២ នៃរដ្ឋសភា (ឋានៈស្មើ អនុរដ្ឋលេខាធិការ)។ នៅឆ្នាំ២០១៦ លោកជំទាវ បានទទួលមេដាយរាជវង្ស (ព្រះរាជាណាចក្រកម្ពុជា – មហាសេនា)។

៣. លោកស្រី សុខណា សុជាតា

លោកស្រី សុខណា សុជាតា ជាប្រធានប្រតិបត្តិការ នៃគ្រឹះស្ថានមីក្រូហិរញ្ញវត្ថុ សូណាត្រា ភីអិលស៊ី និងជាជំនួយការប្រធានផ្នែកប្រតិបត្តិ នៃក្រុមហ៊ុន មូលបត្រ សូណាត្រា។ លោកស្រី ក៏ជាប្រធានផ្នែករដ្ឋបាល នៃវិទ្យាស្ថានហិរញ្ញវត្ថុកម្ពុជា ដែលជាបុត្រសម្ព័ន្ធរបស់ក្រុមហ៊ុន សូណាត្រា គ្រុប និងជាអ្នកចាត់ការទូទៅ ផ្នែករដ្ឋបាលនិងហិរញ្ញវត្ថុ នៃក្រុមហ៊ុនសូណាត្រា ខនស្ត្រាក់សិន ខូអិលធីឌីផងដែរ។

លោកស្រី សុខណា សុជាតា បានបញ្ចប់ការសិក្សាបរិញ្ញាបត្រ ផ្នែកជំនួញនិងពាណិជ្ជកម្ម (ហិរញ្ញវត្ថុនិងទីផ្សារ) ពីសាកលវិទ្យាល័យ Monash នៅទីក្រុង Melbourne ប្រទេសអូស្ត្រាលី ក្នុងឆ្នាំ២០១៣។ លោកស្រី បានសិក្សាចប់ថ្នាក់វិទ្យាល័យនៅទីក្រុង Melbourne ប្រទេសអូស្ត្រាលី កាលឆ្នាំ២០០៩ និងបានសិក្សាថ្នាក់បឋម (ថ្នាក់ទី១-ថ្នាក់ទី៦) នៅប្រទេសសិង្ហបុរី។ លោកស្រី ចេះនិយាយបាន៣ភាសាយ៉ាងស្ទាត់ជំនាញ គឺភាសាខ្មែរ ភាសាអង់គ្លេស និងភាសាចិន៕

The post ឧកញ៉ា ស៊ន សុខណា មានកូនស្រីស្រស់ស្អាត៣នាក់ កាន់តួនាទីធំៗនៅក្រុមហ៊ុន សូណាត្រា គ្រុប appeared first on .

ឧកញ៉ា ស៊ន សុខណា ប្រកាសបើកគម្រោងអភិវឌ្ឍបុរីនៅកោះក្របី មានការចូលរួមពីអភិបាលក្រុងភ្នំពេញ

ឧកញ៉ាសម្រែ — Mon, 17 Jan 2022 07:44:59 +0000

ឧកញ៉ា ស៊ន សុខណា ប្រធានក្រុមប្រឹក្សាភិបាលក្រុមហ៊ុនសូណាត្រា គ្រុប បានប្រកាសបើកគម្រោងអភិវឌ្ឍបុរីនៅតំបន់ភូមិកោះក្របី ក្នុងទឹកដីខណ្ឌច្បារអំពៅ។

លោក ឃួង ស្រេង អភិបាលរាជធានីភ្នំពេញ បានអបអរសាទរ ហើយមើលឃើញគម្រោងអភិវឌ្ឍន៍លំនៅឋានរបស់បុរីសូណាត នឹងក្លាយជាជម្រើសថ្មីបន្ថែមទៀត សម្រាប់បំពេញតម្រូវការទីផ្សារអចលនទ្រព្យ ជូនដល់ពាណិជ្ជករ ធុរជន វិនិយោគិន ជនបរទេស ភ្ញៀវទេសចរណ៍ជាតិ និងអន្តរជាតិ ព្រមទាំងប្រជាពលរដ្ឋខ្មែរ ស្របពេលដែល ប្រទេសជាតិយើង បានបើកដំណើរការសកម្មភាពសេដ្ឋកិច្ច-សង្គម ពេញលេញឡើងវិញលើគ្រប់វិស័យ។

លោក ឃួន ស្រេង បានបន្តទៀតថា គម្រោងនេះក៏ឆ្លុះបញ្ចាំងឱ្យឃើញនូវភាពជោគជ័យថ្មីមួយទៀតរបស់កម្ពុជា ក្នុងការទាក់ទាញ ការវិនិយោគទាំងក្នុង និងក្រៅប្រទេស មកបណ្តាក់ទុន ធ្វើអាជីវកម្មនៅកម្ពុជា កាត់បន្ថយភាពក្រីក្រ និងអភិវឌ្ឍរាជធានីភ្នំពេញឱ្យកាន់តែរីកចម្រើនបន្ថែមទៀត។

ក្នុងពិធីបើកការដា្ឋនសាងសង់ និងបើកលក់ជាផ្លូវការនូវគម្រោងលំនៅឋានរបស់បុរីសូណាត្រា ដែលមានទីតាំងស្ថិតនៅភូមិកោះក្របី សង្កាត់ព្រែកថ្មី ខណ្ឌច្បារអំពៅ កាលពីម្សិលមិញនេះ លោកឧកញ៉ា ស៊ន សុខណា ប្រធានក្រុមប្រឹក្សាភិបាល ក្រុមហ៊ុនសូណាត្រា គ្រុប បានលើកឡើងថា ការបើកការដា្ឋនសាងសង់និងបើកលក់ជាផ្លូវការគម្រោងលំនៅឋាននេះ ជាការបង្ហាញពីជ្រុងមួយនៃការរីកចំរើនរបស់កម្ពុជា។

លោកឧកញ៉ាបានវាយតម្លៃខ្ពស់ចំពោះវិធានការរបស់អាជ្ញាធររាជធានីភ្នំពេញ និងរាជរដ្ឋាភិបាល ដែលបានខិតខំប្រឹងប្រែងក្នុងការទប់ស្កាត់កូវីដ-១៩ រហូតបានបិទបញ្ចប់ព្រឹត្តិការណ៍សហគមន៍ ២០កុម្ភៈ ដែលបានធ្វើឲ្យក្រុមហ៊ុនអាចបើកការដា្ឋនសាងសង់ និងបើកលក់ជាផ្លូវការនៅថ្ងៃនេះ។

ក្រុមហ៊ុនសូណាត្រាគ្រុប បង្កើតឡើងដោយលោកឧកញ៉ា ស៊ន សុខណា នៅក្នុងឆ្នាំ 2010។ សូណាត្រាគ្រុប មានក្រុមហ៊ុនបុត្រសម្ព័ន្ធដែលផ្តោតលើវិស័យជាច្រើនដូចជាផ្នែកអប់រំ សំណង់ និងហិរញ្ញវត្ថុដែលមានបុគ្គលិកបម្រើការងាររាប់ពាន់នាក់៕

The post ឧកញ៉ា ស៊ន សុខណា ប្រកាសបើកគម្រោងអភិវឌ្ឍបុរីនៅកោះក្របី មានការចូលរួមពីអភិបាលក្រុងភ្នំពេញ appeared first on .

ឧកញ៉ានិយមមិនសូវបង្ហាញមុខសាធារណៈរូបនេះ មានមុខជំនួញមិនក្រោម ១០ក្នុងដៃ

ឧកញ៉ាកោះក្របី — Sat, 10 Jul 2021 01:16:39 +0000

ឧកញ៉ា ស៊ន សុខណា មិនមានមនុស្សច្រើនប៉ុន្មានទេបានស្គាល់លោក ប៉ុន្តែបើនិយាយឈ្មោះក្រុមហ៊ុន សូណាត្រា គ្រុប ប្រិយមិត្តប្រាកដជាធ្លាប់បានស្គាល់ លោកជាអ្នកជំនួញដែលមានឥទ្ធិពលមួយរូបក្នុងពិភពលោកជំនួញនៅប្រទេសកម្ពុជា ឈរលំដាប់លេខរៀងទី១ ជាអនុប្រធានសភាពាណិជ្ជកម្មកម្ពុជា ពីឆ្នាំ១៩៩៩មក ឈរលេខរៀងពីក្រោយអ្នកឧកញ៉ា គិត ម៉េង។

តើស្ថាបនិកក្រុមហ៊ុន សូណាត្រា គ្រុប ជានរណា? មានបទពិសោធន៍ការងារយ៉ាងដូចម្តេច?

គឺគ្មាននរណាក្រៅពីឧកញ៉ា ស៊ុន សុខណា នោះទេ ដែលជាស្ថាបនិកបង្កើតក្រុមហ៊ុន សូណាត្រា គ្រុប នៅក្នុងឆ្នាំ២០១០។ លោកជាសហស្ថាបនិក និងជាអនុប្រធាននៃក្រុមហ៊ុន Sokimex Group ជាមួយនឹងអ្នកឧកញ៉ា សុខ គង់ ពីឆ្នាំ ១៩៩២ ដល់ឆ្នាំ ២០០៩ ខណៈលោកជាម្ចាស់ភាគហ៊ុនសំខាន់នៃសណ្ឋាគារ សុខា ជាមួយនឹងមានបទពិសោធជាអ្នកគ្រប់គ្រងសណ្ឋាគារសុខាអង្គរ រមណីយដ្ឋានសុខា រមណីយដ្ឋានឆ្នេរខេត្តព្រះសីហនុផងដែរ។

លោកមានតួនាទីជាអនុប្រធានសភាពាណិជ្ជកម្មកម្ពុជា ចាប់តាំងពី ឆ្នាំ ១៩៩៩ និងជាអនុប្រធានទី១នៃសភាវិជ្ជាជីវៈនិងសហគ្រាសខ្នាតតូចកម្ពុជា តាំងពីឆ្នាំ២០០៦។ មិនតែប៉ុណ្ណោះក៏ជាសមាជិកមួយរូបនៃក្រុមប្រឹក្សាផ្តល់យោបល់ពាណិជ្ជកម្ម អាស៊ាន (ASEAN BAC)។

ក្នុងឆ្នាំ២០០៣ ឧកញ៉ា ស៊ន សុខណា ទទួលបានសញ្ញាបត្រអនុបណ្ឌិតគ្រប់គ្រងពាណិជ្ជកម្ម ផ្នែកហិរញ្ញវត្ថុពីសាកលវិទ្យាល័យ Charles Sturt ប្រទេសអូស្រា្តលី។ ឆ្នាំ១៩៩៤ ទទួលបានសញ្ញាបត្រអនុបណ្ឌិតសេដ្ឋកិច្ចពីសាកលវិទ្យាល័យ The Russain Academy of Econmics- GV. Plekhanova។

លោកបានចូលជាសមាជិកនៃអង្គការវិស្វកម្មសហព័ន្ធអាស៊ាន តាំងពីឆ្នាំ ២០០៤ ក្នុងប្រទេសសិង្ហបុរី។ លោកគឺជាវិស្វករអាជីពនៃគណៈវិស្វករកម្ពុជាក្នុងឆ្នាំ ២០០៣ ហើយក៏ត្រូវបានផ្តល់ឋានៈជា វិស្វករអាស៊ាន ដោយគណៈកម្មការអង្គការវិស្វកម្មសហព័ន្ធអាស៊ាន(AFEO) ក្នុងឆ្នាំ ២០០៣ នាទីក្រុងកូឡាឡាំពួរ ប្រទេស ម៉ាឡេស៊ី។

ឧកញ៉ា ស៊ន សុខណា គឺជាពាណិជ្ជករដ៏ឆ្នើម និងជាថ្នាក់ដឹកនាំមួយរូបមានទស្សនវិស័យវែងឆ្ងាយ ដែលបានខិតខំប្រឹងប្រែងបង្កើតក្រុមហ៊ុនមូលបត្រ និងចូលរួមនៅក្នុងកិច្ចដំណើរការអភិវឌ្ឍទីផ្សារមូលបត្រក្នុងប្រទេសកម្ពុជាតាំងពីពេលចាប់ផ្តើមដំបូងមកម្លេះ។ ក្រៅពីវិនិយោគក្នុងវិស័យមូលបត្រ លោកក៏បានវិនិយោគទៅលើវិស័យ ហិរញវត្ថុ កសិកម្ម សំណង់ ផ្នែកព័ត៌មានវិទ្យា និងបច្ចេកវិទ្យា សេវាកម្មប្រព័ន្ធចំណតរថយន្ត អប់រំនិងបណ្តុះបណ្តាល។

ខាងក្រោមនេះ គឺជាអាណាចក្រជំនួញធំៗរបស់ឧកញ៉ា ស៊ន សុខណា តាមរយៈគម្រោងវិនិយោគលើក្រុមហ៊ុនទាំងអស់នេះ លោកបានចូលរួមចំណែកយ៉ាងធំធេងក្នុងការអភិវឌ្ឍន៍សេដ្ឋកិច្ច និងបង្កើតការងារឲ្យប្រជាពលរដ្ឋរាប់ពាន់នាក់។

១.គ្រឹះស្ថានមីក្រូហិរញ្ញវត្ថុ សូណាត្រា ភី.អិល.ស៊ី

នៅដើមខែមករា ឆ្នាំ ២០១១ ធនាគារជាតិនៃកម្ពុជា National Bank of Cambodia ផ្តល់អាជ្ញាប័ណ្ណឲ្យគ្រឹះស្ថានមីក្រូហិរញ្ញវត្ថុ សូណាត្រា ដើម្បីធ្វើប្រតិបត្តិការរបស់ខ្លួន លើប្រាក់កម្ចីទៅឱ្យអតិថិជន ក្នុងតំបន់រាជធានីភ្នំពេញ ដែលមានប្រាក់ចំណូលទាប និងសហគ្រាសធុនតូច និងមធ្យម ដែលមិនអាចទទួលបានសេវាហិរញ្ញវត្ថុពីធនាគារ ក្នុងការស្វែងរកទុនបន្ថែមដើម្បីបង្កើនអាជីវកម្ម។

បន្ទាប់ទទួលបានជោគជ័យក្នុងវិស័យហិរញ្ញវត្ថុ មីក្រូហិរញ្ញវត្ថុ សូណាត្រា បានពង្រីកខ្លួនមានសាខាតាមបណ្តាលខេត្តមួយចំនួននៅប្រទេសកម្ពុជា។

ក្រៅពីការផ្តល់សេវា ប្រាក់កម្ចីបានទាន់ពេលវេលា គ្រឹះស្ថានមីក្រូហិរញ្ញវត្ថុ សូណាត្រា ក៏បានផ្តល់នូវការប្រឹក្សាយោបល់អាជីវកម្មដល់អតិថិជន ដើម្បីជួយធានាថា អាជីវកម្មរបស់ពួកគេអាចដំណើរការប្រកបដោយប្រសិទ្ធភាពខ្ពស់។

២.ក្រុមហ៊ុន មូលបត្រ សូណាត្រា

មូលបត្រសូណាត្រា ជាក្រុមហ៊ុនមូលបត្រដែលទទួលបានអាជ្ញាប័ណ្ណពីគណៈកម្មការមូលបត្រកម្ពុជា (SECC) ដើម្បីផ្តល់សេវាជើងសាមូលបត្រជូនដល់អតិថិជនដែលជារូបវន្តបុគ្គលជាវិនិយោគិននិងសាធារណជនទូទៅ។ គោលបំណងនៃការបង្កើតមូលបត្រសូណាត្រា គឺដើម្បីក្លាយទៅជាក្រុមហ៊ុនជើងសាមួយឈានមុខគេក្នុងការផ្តល់សេវាកម្មល្អប្រសើរនិងកន្លែងជួញដូរ ដូចជាក្លាយជាអ្នកចូលរួមដ៏សំខាន់នៅក្នុងវិស័យមូលបត្រដើម្បីធានាឱ្យមានការអភិវឌ្ឍសេដ្ឋកិច្ចនៅក្នុងប្រទេសកម្ពុជា។

ក្រុមហ៊ុនរបស់ឧកញ៉ា ស៊ន សុខណា មួយនេះក៏បានប្រជុំគ្នាជាក្រុមសហគ្រិន ជាមួយអ្នកវិភាគហិរញ្ញវត្ថុ សាជីវកម្មនិងអ្នកជំនាញ ដែលមានបទពិសោធន៍យ៉ាងទូលំទូលាយនៃការវិនិយោគមូលបត្រដើម្បីធ្វើការសម្រាប់មូលបត្រសូណាត្រា ភីអិលស៊ី។

៣.វិទ្យាស្ថានហិរញ្ញវត្ថុកម្ពុជា

វិទ្យាស្ថានហិរញ្ញវត្ថុកម្ពុជា (FIC) ត្រូវបានបង្កើតឡើងនៅក្នុងឆ្នាំ ២០០៩ ដើម្បីលើកកម្ពស់ទីផ្សារមូលបត្រកម្ពុជា ដោយផ្តល់ការអប់រំនិងការបណ្តុះបណ្តាល ដល់អ្នកពាក់ព័ន្ធទាំងអស់របស់ទីផ្សារដោយអ្នកជំនាញអន្តរជាតិ និងគ្រូមានបទពិសោធក្នុងតំបន់។ វិទ្យាស្ថានហិរញ្ញវត្ថុកម្ពុជា (FIC) ត្រូវបានទទួលស្គាល់ដោយក្រសួងអប់រំយុវជន និងកីឡានៃប្រទេសកម្ពុជា។

ជម្រាបផងថា FIC បណ្តុះបណ្តាចាប់ពីថ្នាក់បរិញ្ញាបត្ររងឡើងរហូតដល់ថ្នាក់អនុបណ្ឌិត ដោយមាននាយកដ្ឋានចំនួន ៣ គឺ នាយកដ្ឋានពាណិជ្ជកម្ម
នាយកដ្ឋានសេដ្ឋកិច្ច និងនាយកដ្ឋានគ្រប់គ្រងបច្ចេកវិទ្យាព័ត៌មានវិទ្យា។ ទន្ទឹមនឹងនេះ វិទ្យាស្ថានក៏មានកិច្ចសហប្រតិបត្តិការជាមួយគណៈកម្មការមូលបត្រកម្ពុជា (SECC) និងវិទ្យាស្ថានមូលបត្រក្រុងហុងកុង (HKSI) ផងដែរ។

៤.ក្រុមហ៊ុន អុីសវិង គ្រុប

ក្រុមហ៊ុន អ៉ីសវិង ត្រូវបានបង្កើតឡើងនៅក្នុងប្រទេសជប៉ុនដោយលោកអនុបណ្ឌិត Tetsuji Nagata ក្រោយមកបានចាប់ដៃគូជាមួយលោក Michael ស្ថិតនៅកោះ CPA នៃប្រទេសសិង្ហបុរី ដើម្បីផ្តល់សេវាកម្មគ្រប់គ្រងទ្រព្យសកម្មអាជីវកម្ម និងសវនកម្មមីក្រូហិរញ្ញវត្ថុ សេវាម្ហូបអាហារនិងការផ្តល់ប្រឹក្សារ។ គិតមកដល់ពេលបច្ចុប្បន្ននេះ អ៉ីសវីង ធ្វើប្រតិបត្តិការ ៥ប្រទេសហើយ គឺប្រទេសកម្ពុជា ជប៉ុន ម៉ាឡេស៊ី សិង្ហបុរី និងវៀតណាម។

៥.ក្រុមហ៊ុន ស៊ីបាទូ សូណាត្រា គ្រុប

Shibatu Sonatra Co., Ltd សិ្ថតនៅក្នុងគម្រោងវិនិយោគរួមគ្នារវាង ស៊ីបាទូគ្រុប និងសូណាត្រាគ្រុប ដើម្បីបំពេញតម្រូវការនៃដំណោះស្រាយផ្នែកព័ត៌មានវិទ្យា និងបច្ចែកវិទ្យាក្នុងប្រទេសកម្ពុជា។

៦.ក្រុមហ៊ុន សូណាត្រា ខនស្ត្រាក់សិន ខូអិលធីឌី

គឺជាអ្នកបង្កើតឱកាសវិនិយោគនៅក្នុងតំបន់ឥណ្ឌូចិន ដែលមានក្រុមជំនាញសម្បូរទៅដោយបទពិសោធន៍ រឹងមាំជាមួយអ្នកម៉ៅការ និងក្រុមអ្នកអភិឌ្ឍន៍សំណង់ជាមួយរាជរដ្ឋាភិបាល។ សូណាត្រា ខនស្ត្រាក់សិន បានប្តេជ្ញាចិត្តគ្រប់គ្រងគម្រោងដោយតម្លាភាពប្រសិទ្ធភាព ដើម្បីបំពេញតម្រូវការអ្នកវិនិយោគិន និងអ្នកអភិវឌ្ឍន៍របស់ប្រទេសជប៉ុន។

៧.ក្រុមហ៊ុន សូណាត្រា ខូអិលធីឌី

ផ្តល់សេវាកម្មប្រាក់កម្ចីសម្រាប់ទិញម៉ូតូ និងទំនិញអេឡិត្រូនិច ជាមួយនឹងលក្ខខណ្ឌ ឯកសារតម្រូវងាយៗ

៨.ក្រុមហ៊ុន សូណាត្រាខាលីង ខូអិលធីឌី

ចំនួនរថយន្តនៅរាជធានីភ្នំពេញបានកើនឡើងទ្វេដង បញ្ហាមិនមានកន្លែងគ្រប់គ្រាន់សម្រាប់ចំណតបានក្លាយជាបញ្ហាធ្ងន់ធ្ងរនៅប៉ុន្មានឆ្នាំចុងក្រោយនេះ។ សូណាត្រាខាលីង បាននាំចូលប្រព័ន្ធចតរថយន្តមេកានិច រក្សានិងប្រតិបត្តិការចំណតរថយន្តដែលជាសេវាកម្មលើកដំបូងនៅក្នុងប្រទេសកម្ពុជា ដែលសហការជាមួយក្រុមហ៊ុន Japan Parking Technology Co., Ltd. និងShanghai Carling Electronic Technology Co., Ltd ជា ក្រុមហ៊ុនមានបទពិសោធន៍នៃការអភិវឌ្ឍការផលិត និងលក់ផលិតផលសម្រាប់ចំណតរថយន្ត ព្រមទាំងការគ្រប់គ្រងនិងថែរក្សាចំណតរថយន្តចំនួនជតផងដែរ។

៩.ក្រុមហ៊ុន សូណាត្រា ហ្វាម ខូអិលធីឌី

១០.ក្រុមហ៊ុន សូណាត្រា អ៊ីហ្សីម៉ានី

The post ឧកញ៉ានិយមមិនសូវបង្ហាញមុខសាធារណៈរូបនេះ មានមុខជំនួញមិនក្រោម ១០ក្នុងដៃ appeared first on .