ក្នុង​ជំនួប​រវាង​លោក​អភិបាលក្រុង​ សហការី ​ជាមួយ​នឹង​លោក​ឧកញ៉ា ស្រី ចន្ធូ ​​​បាន​ពិភាក្សា​យ៉ាង​​លម្អិត​អំពី​ការ​គ្រប់គ្រង អនាម័យ បរិស្ថាន​ ​សំរាម និងសំណល់រឹង​គ្រប់ប្រភេទ ក្នុងមូលដ្ឋានក្រុងអរិយក្សត្រ ខេត្តកណ្តាល។ ជាលទ្ធផល ផ្សារហនុមាន នឹងរៀបចំកន្លែងទុកដាក់សំរាមរបស់អាជីករលក់ដូរក្នុងផ្សារទាំងអស់ ជាមួយនឹង​រថយន្ត​ដឹកសំរាមចេញឱ្យបានទៀងទាត់ តាមកម្មវិធី ដើម្បីមិនឱ្យមានការកកស្ទះសំរាមនាំឱ្យប៉ះពាល់​ដល់​បរិស្ថាន និង​សោភណ្ឌភាពទីក្រុង។

សូមជម្រាប​ថា កាលពីថ្ងៃទី០៧ ខែឧសភា ឆ្នាំ២០២៣ កន្លងទៅ លោក ចាន់ តារា អភិបាល​ក្រុងអរិយក្សត្រ និងមន្ត្រី-អាជ្ញាធរ​ពាក់ព័ន្ធបានចុះទៅពិនិត្យ និងហាមឃាត់មិនឱ្យ​បងប្អូនប្រជាពលរដ្ឋ​យកសំរាមទៅ​ចាក់ចោល​នៅ​​ទីតាំងចាក់សំរាម ដែល​ស្ថិតនៅសង្កាត់អរិយក្សត្រ ក្រុងអរិយក្សត្រ​ទៀត​នោះ​ទេ ព្រោះវាធ្វើឱ្យប៉ះពាល់​ដល់​សុខភាព សុខមាលភាពប្រជាពលរដ្ឋ និងបរិស្ថានទាំងមូល រួមទាំងមុខមាត់ក្រុងអរិយក្សត្រ។

ឧកញ៉ា ស្រី ចន្ធូ ម្ចាស់ផ្សារហនុមាន គឺជា​អគ្គនាយករងក្រុមហ៊ុន 7 NG និងជា​ម្ចាស់កសិដ្ឋានចិញ្ចឹមគោ i7 ដែល​ស្ថិតនៅ​ឃុំវិហារសួគ៌ ស្រុកខ្សាច់កណ្តាល ខេត្ត​កណ្តាល​ផង​ដែរ៕

The post ឧកញ៉ា ស្រី ចន្ធូ ម្ចាស់ផ្សារហនុមាន ជួបអភិបាលក្រុងអរិយក្សត្រ ពិភាក្សាលើរឿងការគ្រប់គ្រងសំរាម appeared first on .

អភិបាលខេត្តកណ្ដាល លោក គង់ សោភ័ណ្ឌ បានថ្លែងអំណរគុណដ៏ជ្រាលជ្រៅបំផុត ចំពោះទឹកចិត្តប្រកបដោយសប្បុរស ពោរពេញដោយសទ្ធាជ្រះថ្លារបស់ លោកឧកញ៉ា ក៏ដូចជាក្រុមគ្រួសារ 7NG ដែលបានចំណាយនៅថវិកា និងទ្រព្យសម្បត្តិផ្ទាល់ខ្លួន ក្នុងការជួយដល់សង្គមជាតិ តាមរយៈរដ្ឋបាលខេត្តកណ្ដាល ដែលនេះគឺជាកាយវិការឆ្លុះបញ្ចាំងពី គុណធម៌ សប្បុរសធម៌ ការចេះជួយគ្នាក្នុងគ្រាលំបាក ពិសេសបានទាន់ពេលវេលា។

គួររម្លឹកថា  លោកឧកញ៉ា ស្រី ចន្ធូ ឧបត្ថម្ភថវិកាចំនួន ១០,០០០ ដុល្លារដល់សមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) ដើម្បីផ្តល់លទ្ធភាពឱ្យសមាគមផ្តល់សេវាពិនិត្យ និងព្យាបាលប្រជាពលរដ្ឋដោយឥត គិតថ្លៃនៅក្នុងបេសកកម្មមនុស្សធម៌របស់សមាគមនៅទូទាំងប្រទេស៕

The post ឧកញ៉ា ស្រី ចន្ធូ នាំយកគ្រឿងឧបភោគបរិភោគ និងថវិកា ជូនដល់រដ្ឋបាលខេត្តកណ្ដាល សម្រាប់ប្រយុទ្ធប្រឆាំងជំងឺកូវីដ-១៩ appeared first on .

ការប្រៀបធៀបនេះ ធ្វើឱ្យលោកឧកញ៉ា យល់យ៉ាងច្បាស់ ពីសុខទុក្ខ និងផលលំបាក របស់ក្រុមគ្រូពេទ្យឈុតស របស់កម្ពុជា ដែលសព្វថ្ងៃកំពុងឈរជើងប្រយុទ្ធប្រឆាំង ទប់ស្កាត់ស្ថានភាពកូវីដ១៩ នៅប្រទេសកម្ពុជាដ៏អាក្រក់នេះ។

លោកឧកញ៉ាបន្ថែមថា៖ «ខ្ញុំពិតជាស្ងប់ស្ងែងកោតសរសើរខ្លាំងណាស់ ហើយថែមទាំងមានមោទនភាពបំផុត ចំពោះការលះបង់ដ៏ធំធេង របស់បងប្អូនក្រុមគ្រូពេទ្យទាំងអស់ ដោយមិនគិតពីពេលវេលា ឬក្តីសុខផ្ទាល់ខ្លួន ដើម្បីចុះជួយដល់បងប្អូនប្រជាពលរដ្ឋរបស់យើង និងទប់ស្កាត់នូវការរីករាលដាលនៃជម្ងឺកូវីត១៩ ដ៏កាចសាហាវមួយនេះ..ខ្ញុំសូមលើកទឹកចិត្ត និងជូនពរដល់បងប្អូនក្រុមគ្រូពេទ្យទាំងអស់មានសុខភាពល្អ និងជោគជ័យចំពោះបេសកកម្មមួយនេះ»។

ចំពោះបងប្អូនប្រិយមិត្តអ្នកអានវិញ មានអារម្មណ៍ និងយោបល់បែបណាដែរ ចំពោះវីរៈភាពរបស់ក្រុមកងទ័ពឈុតសរបស់ប្រទេសជាតិយើង ដែលកំពុងតស៊ូក្រាញននៀលជាមួយសត្រូវអត់ស្រមោលកូវីដ១៩នេះ?

The post ពាក់អាវកៅស៊ូបិទលើមុខជិតត្រឹម៣០នាទីសោះលោកឧកញ៉ា ស្រី ចាន់ថន យល់អារម្មណ៍គ្រូពេទ្យជួរមុខក្នុងយុទ្ធនាការប្រឆាំងកូវីដ១៩ភ្លាម appeared first on .

លោកវរៈសេនីយ៍ឯក ហេង សុផល អធិការនគរបាលស្រុកល្វាឯម ក៏សូមថ្លែងអំណរអរគុណ ដល់លោកឧកញ៉ា ស្រី ចន្ធូ និងសហការីទាំងអស់ ដែលមានទឹកចិត្ត អាណិតស្រលាញ់ ស្តែងចេញពីសេចក្តីស្រឡាញ់បងប្អូនប្រជាពលរដ្ឋ ក្នុងនាមឈាមជ័រខ្មែរដូចគ្នា ខ្មែរស្រឡាញ់ខ្មែរ ខ្មែររួបរួមគ្នាតែមួយ អនាគតតែមួយ។

សូមបញ្ជាក់ថា លោកឧកញ៉ា ស្រី ចន្ធូ និងលោកស្រីអគ្គនាយករងក្រុមហ៊ុន 7NG និងសហការី តែងតែចូលរួមចំណែកយ៉ាងសកម្ម ជាមួយរដ្ឋាភិបាល ក្នុងសកម្មភាពមនុស្សធម៌ផ្សេងៗ។

ជាក់ស្ដែងកាលពីពេលថ្មីៗនេះ លោកឧកញ៉ា ក៏បានបរិច្ចាគថវិកា ជូនរាជរដ្ឋាភិបាលកម្ពុជា ចំនួន១ម៉ឺនដុល្លារ សម្រាប់ប្រើប្រាស់ក្នុងយុទ្ធនាការ ទប់ស្កាត់និងប្រយុទ្ធ នឹងជំងឺកូវីដ១៩ រួមទាំងបានចូលរួមជូនកាកក្របាទក្រហមកម្ពុជា១ម៉ឺនដុល្លារ ជូនសាខាកាកក្របាទក្រហមកម្ពុជា ខេត្តកណ្តាលផងដែរ៕

ប្រភព៖ .freshnewsasia.com

The post ឧកញ៉ា ស្រី ចន្ធូ ផ្តល់រថយន្ត១គ្រឿង ជូនអធិការដ្ឋាននគរបាលស្រុកល្វាឯម appeared first on .

នេះបើតាមការបង្ហាញឯកសារពាក្យបណ្តឹងរបស់ឧកញ៉ា ស្រី ចន្ធូ ក្នុងសន្និសីទកាសែតមួយ នាព្រឹកថ្ងៃទី៧ ខែកញ្ញា នេះ ។

ក្នុងពាក្យបណ្តឹង ដែលបានដាក់ចូលព្រះរាជអាជ្ញាអមសាលាដំបូងរាជធានីភ្នំពេញ កាលពីរសៀលថ្ងៃទី៦ ខែកញ្ញា ម្សិលមិញនេះ ឧកញ៉ា ស្រី ចន្ធូ បានបង្ហាញចំនួន៥ចំណុចក្នុងការប្តឹងលោកស្រី ឈុន ណារី និងបានសំណូមពរចំនួន៣ចំណុច ដោយទី១ស្នើអោយព្រះរាជអាជ្ញាចោទប្រកាន់លោកស្រី ឈុន ណារី ពីបទល្មើសព្រហ្មទណ្ឌ , ទី២ ស្នើសុំអោយលោកស្រី ឈុន ណារី ចុះផ្សាយតាមរយៈប្រព័ន្ធសង្គមហ្វេសប៊ុកសុំទោសឧកញ៉ា ស្រី ចន្ធូ , និងទី៣ ស្នើសុំការខូចខាតគ្រប់បែបយ៉ាងចំនួន ៧.៧៧៧.៧៧៧ដុល្លារអាមេរិក ។

បន្ថែមពីលើនេះ ឧកញ៉ា ស្រី ចន្ធូ អះអាងក្នុងសន្និសីទសារព័ត៌មានថា មូលហេតុនៃការប្តឹងលោកស្រី ឈុន ណារី វិញនេះ ដោយសារអតិថិជនរូបនេះ បានប្តឹងផ្តល់ឳពុករបស់លោក គឺឧកញ៉ា ស្រី សុធា ដែលមិនមានការពាក់ព័ន្ធ និងធ្វើអោយខូចកេរ្តិ៍ឈ្មោះក្រុមហ៊ុន 7NG ។

ជាមួយគ្នានេះ មានរបាយការណ៍មួយពីលោក ម៉េង ឃាងហេង មេឃុំវិហារសួគ៌ ក៏បានបំភ្លឺរឿងនេះផងដែរ ។

បណ្តឹងដែលឧកញ៉ា ស្រី ចន្ធូ នេះ ធ្វើឡើងបន្ទាប់ពីលោក កែវ សុធា ព្រះរាជអាជ្ញាអមសាលាដំបូងរាជធានីភ្នំពេញ ចោទប្រកាន់ឧកញ៉ា ស្រី ចន្ធូ និងឧកញ៉ា ស្រី សុធា ពីបទឆបោក ដោយយោងតាមពាក្យបណ្តឹងរបស់លោកស្រី ឈុន ណារី និងប្តីឈ្មោះ ជឹម សុជាតា ។

សូមបញ្ជាក់ថា លោក កែវ សុធា ព្រះរាជអាជ្ញានៃអយ្យការសាលាដំបូងរាជធានីភ្នំពេញ សម្រេចចោទប្រកាន់ឧកញ៉ា ស្រី សុធា អាយុ៦១ឆ្នាំ ជាប្រធានក្រុមប្រឹក្សាភិបាលក្រុមហ៊ុន 7NG និង ឧកញ៉ា ស្រី ចន្ធូ អាយុ៣៨ឆ្នាំ ជានាយកក្រុមហ៊ុន 7NG ពីបទឆបោក ពាក់ព័ន្ធការលក់ដីខ្យល់ទំហំ១ហិកតា ស្ថិតនៅភូមិព្រែកចាស់ ឃុំវិហារសួគ៌ ស្រុកខ្សាច់កណ្តាល ខេត្តកណ្តាល តាមមាត្រា៣៧៧ និង មាត្រា៣៧៨ នៃក្រមព្រហ្មទណ្ឌ ប្រព្រឹត្តកាលពីកំឡុងឆ្នាំ២០០៨ដល់ឆ្នាំ២០១៩ ពោលគឺរយៈពេល១១ឆ្នាំមកហើយ ។

យោងតាមដីកាសន្និដ្ឋានបញ្ជូនរឿងអោយស៊ើបសួរ កាលពីថ្ងៃទី១៦ ខែសីហា ឆ្នាំ២០១៩ កន្លងទៅ , លោកព្រះរាជអាជ្ញា កែវ សុធា បានគូសសញ្ញា “ធិធ” ដាក់អោយ (ជនត្រូវចោទទាំង២នាក់) ស្ថិតនៅក្រោមការឃុំខ្លួនបណ្តោះអាសន្ន ដើម្បីបង្ការ ឬ បញ្ចប់បទល្មើស កុំអោយកើតឡើងជាថ្មី និង ធានារក្សាជនត្រូវចោទទុកជូនតុលាការចាត់ការតាមនីតិវិធី ។ ប៉ុន្តែបច្ចុប្បន្ននេះ ជនត្រូវចោទទាំង២នាក់ កំពុងស្ថិតនៅក្រៅឃុំ ។

តាមអង្គហេតុ បញ្ជាក់ថា កាលពីថ្ងៃទី១៨ ខែមីនា ឆ្នាំ២០០៨ ឈ្មោះ ឈុន ណាវី ភេទស្រី អាយុ៣៨ឆ្នាំ បានទិញដីទំហំ១ហិកតា ស្ថិតនៅភូមិព្រែកចាស់ ឃុំវិហារសួគ៌ ស្រុកខ្សាច់កណ្តាល ខេត្តកណ្តាល ដែលជាដីរបស់ក្រុមហ៊ុន 7NG ពីឈ្មោះស្រី សុធា គឺ “មានឯកសារត្រឹមតែលិខិតផ្ទេរសិទ្ធិកាន់កាប់ដីតែប៉ុណ្ណោះ” ។

នៅដើមឆ្នាំ២០១៩ នេះ ឈ្មោះ ឈុន ណាវី មានបំណងធ្វើរបងថ្ម ជុំវិញដីរបស់ខ្លួន ស្រាប់តែឈ្មោះ ស្រី សុធា និង ឈ្មោះ ស្រី ចន្ធូ ពុំមានដីដូចទីតាំងខាងលើអោយឈ្មោះ ឈុន ណាវី ឡើយ ។

កាលពីពេលកន្លងទៅ ក៏មានការផ្ទុះការតវ៉ាដល់ទីស្នាក់ការក្រុមហ៊ុន 7NG ផងដែរ ប៉ុន្តែឧកញ៉ា ស្រី សុធា បានចេញមុខសម្របសម្រួលដោយសន្យាថា នឹងប្រគល់ដីជូនអតិថិជនចាប់ពីថ្ងៃទី២៩ ខែមេសា ឆ្នាំ២០១៩ រហូតដល់ថ្ងៃទី៣០ ខែធ្នូ ឆ្នាំ២០១៩ ជាកំហិត ។

ប្រជាពលរដ្ឋ សាទរចំពោះការធានាអះអាងរបស់ឧកញ៉ា ស្រី សុធា តែកុំបានតែសន្យាខ្យល់ដូចរាល់ដងទៀត ។

ក្នុងលិខិតធានាអះអាង ចុះថ្ងៃទី២៩ ខែមេសា ឆ្នាំ២០១៩ នេះ ឧកញ៉ា ស្រី សុធា បានសន្យាចំនួន៨ចំណុចដល់អតិថិជន ដោយនៅចំណុចទី១ សរសេរថា “ក្រុមហ៊ុននឹងធ្វើការប្រគល់ដីឬសំណង់ជូនអតិថិជន ឱ្យអស់រួចរាល់ចាប់ពីថ្ងៃជូនដំណឹងនេះតទៅ រហូតដល់ថ្ងៃទី៣០ ខែធ្នូ ឆ្នាំ២០១៩ ជាកំហិត”។

ឧកញ៉ា ស្រី សុធា បន្តថា ក្នុងករណីដល់ថ្ងៃកំណត់ខាងលើ បើសិនជាក្រុមហ៊ុនមិនមានដីជូនអតិថិជននោះទេ ក្រុមហ៊ុននឹងធ្វើការទូទាត់ប្រាក់ថ្លៃទិញលក់ដីទៅតាមទីផ្សារដែលកំណត់ដោយក្រុមហ៊ុនវាយតម្លៃអចលនទ្រព្យ ៕








ប្រភព៖www.cpc-news.com

The post ឧកញ៉ា ស្រី ចន្ធូ ប្តឹងបកអតិថិជនវិញ ទាមទារសំណងចំនួនជាង ៧លានដុល្លារ appeared first on .