ពិធីមង្គលការលំដាប់អភិជនដ៏ធំ កូនកំលោះនាម ថៃ គីមឃុន និងកូនក្រមុំនាម ជា សង្ឃធីតា ដែលជាកូនស្រី របស់ ឯកឧត្តម ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា។ ពិធីសិរីមង្គលគូស្វាមីភរិយាថ្មីនេះ គេឃើញមានវត្តមានដ៏ខ្ពង់ខ្ពស់ពីឥស្សរជនថ្នាក់ដឹកនាំជាតិដូចជា សម្តេចក្រឡាហោម ស ខេង ឧត្តមប្រឹក្សាផ្ទាល់ព្រះមហាក្សត្រ, ឯកឧត្តម ជា សុផារ៉ា ឧត្តមប្រឹក្សាផ្ទាល់ព្រះមហាក្សត្រ, សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា, ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ក្រុមប្រឹក្សាអភិវឌ្ឍន៍កម្ពុជា, ឯកឧត្តមសន្តិបណ្ឌិត នេត សាវឿន ឧបនាយករដ្ឋមន្រ្តី ព្រមទាំងមានវត្តមាន លោកអ្នកឧកញ៉ា លី យ៉ុងផាត់ ប្រធានសមាគមឧកញ៉ាកម្ពុជា, ឧកញ៉ា ហៀង ប៊ុនប៉េង អនុប្រធានក្រុមហ៊ុន បុរី ប៉េង ហួត គ្រុប និងអ្នកមុខអ្នកការធុរជនជាច្រើនរូបទៀតផងដែរ៕

រូបភាព៖ The Ring

The post ឥស្សរជន លោកអ្នកឧកញ៉ា និងឧកញ៉ាៗច្រើនរូប អញ្ជើញជាភ្ញៀវកិត្តិយសពិធីមង្គលការកូនស្រី ឯកឧត្តម ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា appeared first on .

ការចូលរួមបរិច្ចាគថវិការបស់ថ្នាក់ដឹកនាំក្រុមហ៊ុន ប៉េង ហួត គ្រុប និងកម្មវិធីរត់សប្បុរសធម៌ដើម្បីមន្ទីរពេទ្យកុមារអង្គរ ដើម្បីផ្សព្វផ្សាយ និងកៀរគរថវិកា គឺសម្រាប់បន្តការឧបត្ថម្ភគាំទ្រដល់សេវាពិនិត្យ ព្យាបាល និងថែទាំសុខភាពប្រកបដោយមេត្តាករុណា និងគុណភាពខ្ពស់ សម្រាប់កុមារនៅក្នុងមន្ទីរពេទ្យកុមារអង្គរ។ ជាមួយគ្នានេះ បងប្អូនដែលបានចូលរួមក្នុងកម្មវិធីរត់សប្បុរសធម៌ ក៏បានចូលរួមថវិកាប្រមាណ ២ពាន់ដុល្លារទៀតផងដែរ ដែលការចូលរួមទាំងនេះ គឺជាការជួយដល់អនាគតកុមារកម្ពុជា និងសង្គមជាតិ។

កម្មវិធី “រត់សប្បុរសធម៌ដើម្បីមន្ទីរពេទ្យកុមារអង្គរ” ត្រូវបានរៀបចំឡើង កាលពីរសៀលថ្ងៃអាទិត្យ ទី១៥ ខែធ្នូ ឆ្នាំ២០២៤ នៅសួន អេកូ ផាក ហ្គ្រេនស្តា ផ្លាទីនីម បុរី ប៉េង ហួត ខណ្ឌច្បារអំពៅ រាជធានីភ្នំពេញ ដោយរត់មួយជុំនៃផ្លូវម៉ារ៉ាតុង ចម្ងាយ ២.២ គម។

ក្រុមហ៊ុន ប៉េង ហួត គ្រុប ត្រូវបានគេស្គាល់ថាជាក្រុមហ៊ុនអភិវឌ្ឍន៍គម្រោងលំនៅឋានប្រណីត និងបែបអេកូ បានកើតចេញពីឈ្មោះបងប្អូនពីរនាក់គឺ ឧកញ៉ា ហៀង ប៊ុនប៉េង និង អ្នកឧកញ៉ា ថៃ ជាហួត។ អ្នកឧកញ៉ា និងឧកញ៉ា ព្រមទាំងបងប្អូនបង្កើតផ្សេងទៀត បានចូលរួមវិនិយោគជាមួយគ្នា និងដឹកនាំក្រុមហ៊ុន បុរី ប៉េង ហួត រហូតបានបង្កើតទៅជាក្រុមហ៊ុន ប៉េង ហួត គ្រុប នៅក្នុងឆ្នាំ២០១៦។ បច្ចុប្បន្នក្រុមហ៊ុន ប៉េងហួត គ្រុប មាន អ្នកឧកញ៉ា ថៃ ជាហួត ជាប្រធានក្រុមប្រឹក្សាភិបាល និងឧកញ៉ា ហៀង ប៊ុនប៉េង ជាអនុប្រធានក្រុមប្រឹក្សាភិបាល ព្រមទាំងមានអគ្គនាយក អគ្គនាយករង និងបុគ្គលិករាប់ពាន់នាក់៕

The post អ្នកឧកញ៉ា ថៃ ជាហួត បរិច្ចាគថវិកាចំនួន ៥០,០០០ដុល្លារ ជូនដល់មន្ទីរពេទ្យកុមារអង្គរ appeared first on .

ឧកញ៉ា ហៀង ប៊ុន ប៉េង ជាអនុប្រធានក្រុមហ៊ុន បុរី ប៉េង ហួត គ្រុប ដែលជាប្រភេទអាជីវកម្ម អចលនទ្រព្យ (អភិវឌ្ឍន៍លំនៅដ្ឋាន)។ ក្រុមហ៊ុន ប៉េង ហួត គេស្គាល់ជាទូទៅជាក្រុមហ៊ុនអភិវឌ្ឍគម្រោងលំនៅឋានប្រណីត និងបែបអេកូ បានកើតចេញពីឈ្មោះបងប្អូនពីរនាក់គឺ ឧកញ៉ា ហៀង ប៊ុនប៉េង និង អ្នកឧកញ៉ា ថៃ ជាហួត។ អ្នកឧកញ៉ា និងឧកញ៉ា ព្រមទាំង​បងប្អូនបង្កើតផ្សេងទៀត បានចូលរួមវិនិយោគជាមួយគ្នា និងដឹកនាំក្រុមហ៊ុន បុរី ប៉េង ហួត រហូតបានបង្កើតទៅជាក្រុមហ៊ុន ប៉េង ហួត គ្រុប នៅក្នុងឆ្នាំ២០១៦។ បច្ចុប្បន្នក្រុមហ៊ុន ប៉េងហួត គ្រុប មាន អ្នកឧកញ៉ា ថៃ ជាហួត ជាប្រធានក្រុមប្រឹក្សាភិបាល និងឧកញ៉ា ហៀង ប៊ុនប៉េង ជាអនុប្រធាន​ក្រុមប្រឹក្សាភិបាល ព្រមទាំងមានអគ្គនាយក អគ្គនាយករងចំនួន ២រូប ជាមួយនឹងបុគ្គលិក រាប់ពាន់នាក់។

សភាពាណិជ្ជកម្មកម្ពុជា ត្រូវ​បាន​បង្កើត​ឡើង​ក្នុង​ឆ្នាំ​១៩៩៥ ដោយមានទំនាក់ទំនងនៅទូទាំងប្រទេស ព្រមទាំង​ដៃគូកម្រិតតំបន់ និងពិភពលោក។ បច្ចុប្បន្ន មានសភាពាណិជ្ជកម្មកម្ពុជា មានសភាពាណិជ្ជកម្មរាជធានី-ខេត្ត ចំនួនសរុប១៨ ដែលស្ថិតនៅក្រោមសភាពាណិជ្ជកម្មកម្ពុជា។

សូមជម្រាបថា សភាពាណិជ្ជកម្ម​ គឺ​​ជា​ស្ថាប័នគ្រឹះស្ថានសាធារណៈមួយនៅក្រោមអាណាព្យាបាល​ក្រសួង​ពាណិជ្ជកម្ម​ មិនសំដៅ​រកប្រាក់​ចំណេញ ​ដែល​សមាជិក​ភាព​មាន​លក្ខណៈ​ស្ម័គ្រ​ចិត្ត​ និង​ជា​ស្ថាប័ន​តំណាងការពារ​ផល​ប្រយោជន៍ជូន​វិស័យ​ឯកជន​​​លើ​ផ្នែក​ពាណិជ្ជកម្ម​ ឧស្សាហកម្ម សិប្បកម្ម​ សេវាកម្ម​ និង​កសិកម្ម ដោយ​ធ្វើ​សកម្ម​ភាព​បម្រើ​ឱ្យ​សេដ្ឋកិច្ចជាតិ ​ក្នុង​ដែន​សមត្ថកិច្ច​របស់​ខ្លួន​​នៅ​ទូទាំង​ប្រទេស និងនៅក្នុងក្របខ័ណ្ឌអន្តរជាតិ៕

The post ឧកញ៉ា ហៀង ប៊ុនប៉េង ក្លាយជាសមាជិកថ្មីសភាពាណិជ្ជកម្មកម្ពុជា appeared first on .

ពិធីសិរីមង្គល​ភ្ជាប់ពាក្យ​​ដ៏​ធំ​មួយ​នេះ កូនប្រុសនាម ហៀង ជិហុង ​ជា​កូនប្រុស​ឧកញ៉ា ហៀង ប៊ុនប៉េង សហស្ថាបនិក និង​ជា​អនុប្រធាន​ក្រុមប្រឹក្សា​ភិបាល ក្រុមហ៊ុន ប៉េង ហួត គ្រុប និងកូនស្រីនាម ថៃ ដារ៉ានី ដែល​​បាន​ប្រព្រឹត្តទៅ នាថ្ងៃចន្ទ ទី២២ ខែឧសភា ឆ្នាំ២០២៣ នៅ​ក្នុង​អគារសន្និបាត និងសាលប្រារព្ធពិធីមង្គលការ PH Grand Hall​ នៃ​បុរី ប៉េង ហួត។

កម្មវិធី​ភ្ជាប់ពាក្យ​ ដែល​មាន​ការៀបចំ​ប្រកបដោយ​ភាព​ប្រណិត រំលេចដោយក្បូរក្បាច់​តុបតែងតាមរចនាបទ​​ដ៏​អស្ចារ្យ​មួយ​នេះ គេ​​ឃើញ​មាន​ការ​អញ្ជើញ​ចូល​រួម​ពី​អ្នកឧកញ៉ា ឧកញ៉ា គ្រាក់ៗ​ជា​ច្រើន​រូប​ រួម​មាន អ្នកឧកញ៉ា គិត ម៉េង អគ្គនាយកក្រុមហ៊ុន រ៉ូយ៉ាល់ គ្រុប, ឧកញ៉ា ថៃ ជាហួត ប្រធានក្រុមប្រឹក្សាភិបាល ក្រុមហ៊ុន ប៉េង ហួត គ្រុប, អ្នកឧកញ៉ា ភាព ហៀក ស្ថាបនិក​ក្រុមហ៊ុន ជីប ម៉ុង គ្រុប, អ្នកឧកញ៉ា លាង ឃុន សហស្ថាបនិក​ក្រុមហ៊ុន ជីប ម៉ុង គ្រុប, អ្នកឧកញ៉ា សៀ ឫទ្ធី ប្រធានក្រុមប្រឹក្សាភិបាលក្រុមហ៊ុន វើលដ៏ប្រ៊ីដ គ្រុប, អ្នកឧកញ៉ា លី យ៉ុងផាត់ អគ្គនាយកក្រុមហ៊ុន វ៉ាយអិលភី គ្រុប, អ្នកឧកញ៉ា ហុង ពីវ អគ្គនាយក បុរី ពិភពថ្មី, អ្នកឧកញ៉ា លី ហួរ ប្រធានក្រុមប្រឹក្សាភិបាលក្រុមហ៊ុន លី ហួរ គ្រុប, ជំទាវឧកញ៉ា ម៉ៅ ម៉ាល័យ និង ​អ្នកឧកញ៉ា ហ៊ុន តូ ​ផង​ដែរ។

លើស​ពី​នេះ ក៏​មាន​ការ​អញ្ជើញ​ចូល​រួម​ពី​ឥស្សរជន​ជាន់ខ្ពស់​រាជរដ្ឋាភិបាល​មួយ​ចំនួន​ អ្នកជំនួញ​ធំៗ ​រួម​ទាំង​ភ្ញៀវ​កិត្តិយស ​អ្នកមុខ​អ្នកការ ជា​ច្រើន​រូប​ទៀត។

សូម​ទស្សនា​វីដេអូ​ខាង​ក្រោម៖

The post អ្នកឧកញ៉ា ឧកញ៉ា កំពូលៗច្រើនរូប ចូលរួមកម្មវិធីភ្ជាប់ពាក្យកូនឧកញ៉ា ម្ចាស់បុរី ប៉េង ហួត appeared first on .