ឧកញ៉ា ហេង លីហុង

ឧកញ៉ា ហេង លីហុង ចូលជាសមាជិក នៃសមាគមឧកញ៉ាកម្ពុជា

ឧកញ៉ាដែនដី — Fri, 17 Apr 2026 07:23:26 +0000

ឧកញ៉ា ហេង លីហុង អគ្គនាយកក្រុមហ៊ុន C.C.L.H AGRICULTURAL PRODUCTS IMPORT EXPORT CO.,LTD និង BANLUNG VILLA ចូលរួមជា «សមាជិកទ្រទ្រង់» នៃសមាគមឧកញ៉ាកម្ពុជា។ នេះបើតាមការប្រកាសរបស់សមាគមឧកញ៉ាកម្ពុជា នៅថ្ងៃទី៨ ខែមេសា ឆ្នាំ២០២៦។

លោកឧកញ៉ា ហេង លីហុង ត្រូវបានគេស្គាល់ថា ជាប្រធានសហព័ន្ធសហគ្រាសធុនតូច និងមធ្យម (SME) ប្រចាំខេត្តរតនគិរី, ប្រធាន ក្រុមហ៊ុន CCLH AGRICULTURAL PRODUCTS IMPORT EXPORT CO., LTD និងជាប្រធានក្រុមហ៊ុន បានលុង វីឡា។ លោកត្រូវបានព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ចេញព្រះរាជក្រឹត្យត្រាស់បង្គាប់ផ្តល់គោរមងារជា «ឧកញ៉ា» នៅថ្ងៃទី២៨ ខែកក្កដា ឆ្នាំ២០២៣។

សូមជម្រាបជូនថា សមាគមឧកញ៉ាកម្ពុជា ត្រូវបានបង្កើតឡើង និងទទួលស្គាល់ជាផ្លូវការដោយក្រសួងមហាផ្ទៃ នៃព្រះរាជាណាចក្រកម្ពុជា តាមរយៈលិខិតលេខ ៥៩៧៩ ប្រ.ក. ចុះថ្ងៃទី២៥ ខែតុលាឆ្នាំ២០២២ ស្តីពីការសុំចុះឈ្មោះសមាគមឧកញ៉ាកម្ពុជា ក្នុងបញ្ជីសមាគមនិងអង្គការមិនមែនរដ្ឋាភិបាល និងព្រះរាជក្រឹត្យលេខ នស/រកត/១០២៤/១៣០៩ ចុះថ្ងៃទី២៣ ខែតុលា ឆ្នាំ២០២៤ ស្តីពីគោរមងារឧកញ៉ា។

សមាគមឧកញ៉ាកម្ពុជា ជាស្ថាប័នតែមួយគត់ ដែលតំណាងឱ្យគោរមវន្តទាំងអស់នៅក្នុងព្រះរាជាណាចក្រកម្ពុជា និងបានចែងអំពីតួនាទី ភារកិច្ច ព្រមទាំងសិទ្ធិនិងកាតព្វកិច្ចរបស់សមាគម ដើម្បីរក្សានិងលើកកម្ពស់គុណតម្លៃ និងឧត្ដមភាពដ៏ឧត្ដុង្គឧត្ដម នៃគោរមងារឧកញ៉ា ដែលជាព្រះរាជទានដ៏ខ្ពង់ខ្ពស់បំផុតរបស់ ព្រះមហាក្សត្រ នៃព្រះរាជាណាចក្រកម្ពុជា តាំងពីបុរាណកាលរៀងមក ជាពិសេសការពង្រឹងសាមគ្គីភាព និងការគោរពច្បាប់ជាធរមានរបស់គោរមវន្ត ដើម្បីរួមចំណែកថែរក្សា និងការពារវប្បធម៌ ប្រពៃណី និងទំនៀមទម្លាប់ដ៏ល្អផូរផង់របស់ជាតិ ក៏ដូចជាសន្ដិសុខ សណ្ដាប់ធ្នាប់សាធារណៈ និងការអភិវឌ្ឍសេដ្ឋកិច្ចនិងសង្គម៕

The post ឧកញ៉ា ហេង លីហុង ចូលជាសមាជិក នៃសមាគមឧកញ៉ាកម្ពុជា appeared first on .

ឧកញ៉ា ហេង លីហុង ផ្ញើសារអបអរសាទរ ឧកញ៉ា ម៉េត តារាម៉ូវ ក្នុងឱកាសដែលត្រូវបានព្រះមហាក្សត្រផ្ដល់គោមងារ «អ្នកឧកញ៉ា»

ឧកញ៉ាដែនដី — Wed, 16 Aug 2023 05:32:39 +0000

លោកឧកញ៉ា ហេង លីហុង ប្រធានសហព័ន្ធសហគ្រាសធុនតូច និងមធ្យម (SME) ប្រចាំខេត្តរតនគិរី និងជាប្រធានក្រុមហ៊ុន CCLH AGRICULTURAL PRODUCTS IMPORT EXPORT CO., LTD សូមចូលរួមអបអរសាទរ លោកឧកញ៉ា ម៉េត តារាម៉ូវ អគ្គនាយករង ក្រុមហ៊ុន ECON Group ក្នុងឱកាសដែលលោកឧកញ៉ា ត្រូវបានព្រះមហាក្សត្រ ទ្រង់ត្រាស់បង្គាប់ចេញព្រះរាជក្រឹត្យ ផ្តល់គោរមងារជា «អ្នកឧកញ៉ា» នៅថ្ងៃទី ១៥ ខែសីហា ឆ្នាំ២០២៣។

ព្រះរាជទានត្រាស់បង្គាប់ផ្តល់គោរមងារ អ្នកឧកញ៉ា នេះ ពិតជាកិត្តិយសដ៏ឧត្តុង្គឧត្តម និងជាសក្ខីភាពឆ្លុះបង្ហាញអំពី កិច្ចខិតខំប្រឹងប្រែងលះបង់ ទាំងពេលវេលា និងថវិការផ្ទាល់ខ្លួន របស់អ្នកឧកញ៉ា ក្នុងការជួយជ្រោមជ្រែងរាល់សកម្មភាពមនុស្សធម៌ និងចូលរួមបរិច្ចាគជូនដល់កាកបាទក្រហមកម្ពុជា ក៏ដូចជាកិច្ចការមនុស្សធម៌ជាច្រើន ដែលនេះសបញ្ជាក់ពីឆន្ទៈ និងការលះបង់ ចូលរួមចំណែកជាមួយនឹងរាជរដ្ឋាភិបាល ដល់ការអភិវឌ្ឍសេដ្ឋកិច្ចប្រទេសជាតិ និងជាឧត្តមប្រយោជន៍ជូន សាធារណៈជន និងប្រជាពលរដ្ឋកម្ពុជា។

នាឱកាសប្រកបដោយក្ដីសោមនស្សរីករាយនេះ យើងខ្ញុំ ក៏សូមបួងសួងដល់គុណបុណ្យ ព្រះរតនត្រ័យ កែវទាំងបី វត្ថុស័ក្ដិសិទ្ធិក្នុងលោក និងទេវតាឆ្នាំថ្មី សូមប្រោះប្រទានពរជ័យជូនចំពោះ អ្នកឧកញ៉ា ម៉េត តារាម៉ូវ និងក្រុមគ្រួសារ សូមមានសុខភាពល្អបរិបូរណ៍ បញ្ញាញាណវាងវៃ អាយុយឺនយូរ និងសម្រេចបានជោគជ័យបន្ថែមទៀត ដើម្បីចូលរួមចំណែកជួយអភិវឌ្ឍប្រទេសកម្ពុជាលើគ្រប់វិស័យ និងសូមជួបប្រទះនូវពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ ជានិច្ចនិរន្តរ៍៕

The post ឧកញ៉ា ហេង លីហុង ផ្ញើសារអបអរសាទរ ឧកញ៉ា ម៉េត តារាម៉ូវ ក្នុងឱកាសដែលត្រូវបានព្រះមហាក្សត្រផ្ដល់គោមងារ «អ្នកឧកញ៉ា» appeared first on .

ព្រះមហាក្សត្រ ត្រាស់បង្គាប់ផ្តល់គោរមងារ «ឧកញ៉ា» ជូនប្រធានសហព័ន្ធសហគ្រាសធុនតូច និងមធ្យម ប្រចាំខេត្តរតនគិរី

ឧកញ៉ាដែនដី — Sat, 29 Jul 2023 06:27:29 +0000

ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា បានចេញព្រះរាជក្រឹត្យត្រាស់បង្គាប់ផ្តល់គោរមងារ លោក ហេង លីហុង ជា «ឧកញ៉ា» នៅថ្ងៃទី២៨ ខែកក្កដា ឆ្នាំ២០២៣។

ព្រះរាជក្រឹត្យផ្តល់គោរមងារ «ឧកញ៉ា» ជូនលោក ហេង លីហុង លេខ នស/រកត/០៧២៣/១៦៥៨ នេះ ត្រូវបានធ្វើឡើងតាមសេចក្តីក្រាបបង្គំទូលថ្វាយរបស់សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា។

The post ព្រះមហាក្សត្រ ត្រាស់បង្គាប់ផ្តល់គោរមងារ «ឧកញ៉ា» ជូនប្រធានសហព័ន្ធសហគ្រាសធុនតូច និងមធ្យម ប្រចាំខេត្តរតនគិរី appeared first on .