ពិធី​ការបោះឆ្នោតជ្រើសរើសសមាជិកជ្រើសតាំង និងប្រធានសភាពាណិជ្ជកម្មមណ្ឌលខេត្តកំពង់ធំ-ព្រះវិហារ អាណត្តិទី២ លើកទី២ ​បាន​​ប្រារព្វ​ធ្វើ​​ឡើង​ក្រោម​អធិបតីភាព​លោក​ គឹម មាសសុខសីហា អនុរដ្ឋលេខាធិការ​ក្រសួងពាណិជ្ជកម្ម, លោក​ឧកញ៉ា ងួន ម៉េងតិច អគ្គនាយកសភាពាណិជ្ជកម្មកម្ពុជា និងជាអនុប្រធាន​គណៈកម្មការរៀបចំការបោះឆ្នោតជ្រើសរើសសមាជិកជ្រើសតាំងសភាពាណិជ្ជកម្មកម្ពុជា និងសភាពាណិជ្ជកម្ម​រាជធានី-ខេត្ត សម្រាប់អាណត្តិថ្មី និងអាណត្តិបន្ត, លោក​ ងួន រាសី អភិបាលរង នៃគណៈអភិបាលខេត្តកំពង់ធំ ព្រមទាំងលោក លោកស្រីប្រធានមន្ទី អង្គភាពពាក់ព័ន្ធ​ក្នុងខេត្ត ដែលមានបេក្ខជនឈរឈ្មោះបោះឆ្នោត​ចំនួន ០៨រូប និងអាជីវករចុះឈ្មោះអ្នកបោះឆ្នោតចំនួនន ៧០៤រូប។​​

ជាលទ្ធផល មានអ្នកអញ្ជើញមកចូលរួមបោះឆ្នោតសរុបចំនួន ៥៣៤ នាក់ ដែលស្មើរនឹង ៧៥.៨៥%។ ជាមួយ​គ្នា​នោះ​ គណៈ​កម្មការៀបចំការបោះឆ្នោតជ្រើសរើសបានសមាជិកជ្រើសតាំងចំនួន ៧រូប ដើម្បីបំពេញបន្ថែម​សមាជិកចាស់ ដែលនៅក្នុងអាណត្តិចំនួន៨រូប បង្គ្រប់ចំនួន១៥រូប។ យ៉ាងណាមិញ ដោយមើលឃើញនូវការ​ដឹកនាំ​ដ៏ឈ្លាសវៃ និងត្រឹមត្រូវរបស់ ឧកញ៉ា ហេង សំណាង ក្នុង​បីអាណត្តិកន្លងមក ឧកញ៉ាត្រូវបានសមាជិក សមាជិកាបោះឆ្នោតគាំទ្រជាប្រធានសភាពាណិជ្ជកម្មមណ្ឌលខេត្តកំពង់ធំ-ព្រះវិហារ សម្រាប់អាណត្តិទី២ លើកទី២នេះ ជាបន្តទៀតដោយសម្លេងគាំទ្រ ១៥លើ ១៥សម្លេង ស្មើ១០០%។

សូមជម្រាបជូនថា លោកឧកញ៉ា ហេង សំណាង បច្ចុប្បន្នជាប្រធានក្រុមហ៊ុន វិស្វកម្ម សំណាង ខនស្រ្តាក់សិន ដែលមានទីស្នាក់ការកណ្តាលនៅភូមិក្រចាប់ សង្កាត់អាចារ្យលាក់ ក្រុងស្ទឹងសែន ខេត្ត​កំពង់ធំ ហើយលោកឧកញ៉ា ក៏ជាអនុប្រធានសភាពាណិជ្ជកម្មកម្ពុជា ផងដែរ៕

The post ឧកញ៉ា ហេង សំណាង ជាប់ឆ្នោតជាប្រធានសភាពាណិជ្ជកម្ម មណ្ឌលខេត្តកំពង់ធំ-ព្រះវិហារ appeared first on .