នេះបើតាមទំព័រហ្វេកប៊ុករបស់មូលនិធិគីណាល់ ​​បាន​ឱ្យ​ដឹង​ថា ពិធី​ប្រគល់​អំណោយ​ជា​ថ្នាំពេទ្យ​នេះ​ គឺ​ធ្វើ​ឡើង​ក្នុង​ឱកាស​ដែល​លោក​ឧកញ៉ា ហៃ លីអ៊ាង អញ្ជើញ​ចូលជួប​សម្តែងការ​គួរសម និង​ពិភាក្សា​ការងារ​ជាមួយ​​លោក នេត្រ ភក្ត្រា រដ្ឋមន្ត្រីក្រសួងព័ត៌មានផ្ទាល់ នៅទីស្តីការក្រសួងព័ត៌មាន។

ប្រភពដដែល បាន​​បញ្ជាក់​ថា អំណោយដែលបានប្រគល់ជូននេះ ជាផលិតផលខ្មែរ ១០០% ផលិតដោយសហគ្រាស​ផលិតឱសថប៉េប៉េអឹម មានដូចជា ថ្នាំក្អក Carbotoux 5% sans sucre, ថ្នាំលាបបំបាត់មុន Sanoxyl, វីតាមីនចម្រុះ Polivit, ថ្នាំបំបាត់ការឈឺចាប់ Kinal Ibu, ថ្នាំជួយបង្កើនចំណង់អាហារ Appetine និងឱសថប្រចាំគ្រួសារ Kinal Medication Familly។

ក្នុងឱកាសទទួលអំណោយនេះផងដែរ លោក នេត្រ ភក្ត្រា បានឱ្យដឹងថា អំណោយទាំងនេះ នឹងត្រូវចែកជូនមន្ត្រីនៃ​ក្រសួងពត៌មាន និងមួយចំណែកទៀត នឹងចែកជូន ដល់មន្ទីរពេទ្យ មណ្ឌលសុខភាព និងប្រជាពលរដ្ឋក្នុងខេត្តក្រចេះ។

គួរបញ្ជាក់ថា លោកឧកញ៉ាឱសថបណ្ឌិត ហៃ លីអ៊ាង ជាម្ចាស់សហគ្រាសផលិតឱសថដ៏ធំ ដែលបាននាំចេញឱសថ​កម្ពុជាជាង ២០០មុខ ទៅកាន់ ១៥ប្រទេស។ បច្ចុប្បន្នលោកឧកញ៉ា កំពុងផលិតឱសថចេញពីរុក្ខជាតិជាច្រើនមុខទៀត ដើម្បីផ្គត់ផ្គង់តម្រូវការក្នុងស្រុក និងនាំចេញ​​ទៅ​កាន់​ទីផ្សារ​អន្តរជាតិ៕

The post ឧកញ៉ា ហៃ លីអ៊ាង ជូនអំណោយថ្នាំពេទ្យផលិតផលខ្មែរជាង ៥,៤០០ប្រអប់ សម្រាប់ចែកជូនមន្ត្រីក្រសួងព័ត៌មាន និងពលរដ្ឋក្រីក្រ appeared first on .

ការ​​ប្រកួត​ប្រជែង​សហគ្រិនថ្នាក់​​ជាតិ​ឆ្នាំ ២០២១ ជយលាភី​លេខ ១ បានទៅលើ​ឧកញ៉ា ហៃ លីអ៊ាង ម្ចាស់អាជីវកម្ម ខនហ្វីរេល មកពីរាជធានីភ្នំពេញ។

ឧកញ៉ា​ហៃ លី​អ៊ា​ង ស្ថាបនិក​ក្រុមហ៊ុន​ឱសថ PPM និង​ក្រុមហ៊ុន​ផលិតផល​សរីរាង្គ Confirel ​ជា​សហគ្រិន​ខ្មែរ​ដ៏​ឆ្នើម​មួយ​រូប​ដែល​មាន​ផលិតផល​ប្រមាណ​ជាង ៤០០ ប្រភេទ រាប់​ចាប់ពី​ផលិតផល​ចំណីអាហារ​រហូត​ដល់​ថ្នាំពេទ្យ កំពុង​វាយលុក​ទីផ្សារ​ជាតិ​និង​អន្តរជាតិ​យ៉ាង​ខ្លាំងក្លា។

នេះជាលើកទី២ ដែលសហគ្រិនខ្មែរ និងវិទ្យាស្ថានជាតិសហគ្រិនភាព និងនវានុវត្តន៍ បានរួមគ្នាបង្កើតឱ្យមានកម្មវិធីប្រកួតប្រជែងនេះឡើង ក្នុងគោលបំណងលើកកម្ពស់វិស័យ សហគ្រិនភាពនៅកម្ពុជា តាមរយៈការយល់ដឹងជាសាធារណៈអំពីតួនាទីរបស់សហគ្រិនក្នុងការគ្រប់គ្រង សហគ្រាសធុនតូច និងមធ្យម ព្រមទាំងដើម្បីពង្រឹង និងពង្រីកភាពជាដៃគូររវាងវិស័យសាធារណៈ និង វិស័យឯកជន។

តាមរយៈការប្រកួតប្រជែងយ៉ាងស្វិតស្វាញក្នុងវគ្គផ្ដាច់ព្រ័ត្រ នៅចំពោះមុខគណៈកម្មការទាំង៧រូប ជាលទ្ធផលកម្មវិធីបានស្វែងរកឃើញម្ចាស់ជ័យលាភីពានរង្វាន់សហគ្រិនថ្នាក់ជាតិឆ្នាំ២០២១ទំាង៤រូប ជាស្ថាពរ។

ខាងក្រោមជា​ជយលាភីទាំង ៤ សម្រាប់ការ​ប្រកួត​សហគ្រិន​ជាតិ​ឆ្នាំ​២០២១ នេះ។

• ម្ចាស់ជយលាភីលេខ៤ បានទៅលើ លោកស្រី រី ថានី (ម្ចាស់អាជីវកម្ម នរា អង្គរ ហេនឌីក្រាហ្វ ឯ.ក មកពីខេត្តសៀមរាប)
• ម្ចាស់ជយលាភីលេខ៣ បានទៅលើ លោក យិន សុភាព (ម្ចាស់អាជីវកម្ម សាលារៀនគ្រូយើង មកពីខេត្ត រតនៈគិរី)
• ម្ចាស់ជយលាភីលេខ២ បានទៅលើ លោកស្រី ឆាប៉ូច អឹប៉េពណ៍រេណាថាលីម៉ារី (ម្ចាស់អាជីវកម្ម ឡាផ្លេនថេសិន មកពីខេត្តកំពត)
• ម្ចាស់ជយលាភីលេខ១ បានទៅលើ លោក ហៃ លីអ៊ាង (ម្ចាស់អាជីវកម្ម ខនហ្វីរេល មកពីរាជធានីភ្នំពេញ) ។

The post អាជីវកម្ម​ឧកញ៉ា ហៃ លីអ៊ាង ជាប់ជយលាភី​លេខ ១ ប្រកួត​សហគ្រិន​ថ្នាក់​ជាតិ​ឆ្នាំ​២០២១ appeared first on .

លោក ​លឹម ប៊ុនណា ឡើងងារឧកញ៉ា តាមព្រះរាជ​ក្រឹត្យ នស/រកត/០១១១/០៤៨ និងលោក ឈុន សែ តាមព្រះរាជ​ក្រឹត្យ នស/រកត/០១១១/០៥២ ចុះថ្ងៃទី១៤។ លោក សុខ ផេង ទទួលបានងារឧកញ៉ា តាមព្រះរាជ​ក្រឹត្យ នស/រកត/០១១១/០៣៣ ចុះថ្ងៃទី១១។ លោក ងៃ ហេនរី​ខៃ​ស៊ឹង និងលោក លី ចេក​ម៉េង ឡើងងារឧក​ញ៉ា តាមព្រះរាជ​ក្រឹត្យ នស/រកត/០១១១/០២១ ចុះថ្ងៃទី៨។ លោក ហៃ លី​អ៊ាង ឡើងងារ ឧកញ៉ា​ តាមព្រះរាជ​ក្រឹត្យ នស/រកត/០១១១/០១៥ ចុះថ្ងៃទី៦។ លោកស្រី ម៉ី សីឡា ទទួលបានងារឧកញ៉ា តាមព្រះរាជក្រឹត្យ នស/រកត/០៣០១១១/០០៥ ចុះថ្ងៃទី៣។

សូមជម្រាបជូនថា អ្នករកស៊ី និងសប្បុរសជនដែលបាន​​ធ្វើ​អំណោយ​ចូល​រដ្ឋ​លើស​ពី​ ៥០ ម៉ឺន​ដុល្លារ​ទើប​ទទួល​បាន​​ងារ​ជា​ឧកញ៉ា​ ខណៈ​បច្ចុប្បន្ន​អ្នក​ដែល​ទទួល​បាន​គោរមងារ​ជា​ឧកញ៉ា​ត្រូវ​បាន​គេ​ប៉ាន់​ប្រមាណ​ថា​អាច​មាន​រហូត​ដល់​​ជាង ១០០០ ​នាក់​៕

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

The post បង្ហាញបញ្ជីឈ្មោះពាណិជ្ជករ ០៧រូប ត្រូវបានតែងតាំងជាឧកញ៉ា ក្នុងខែមករាឆ្នាំ២០១១ appeared first on .