តាមរយៈសារនយោបាយពិសេសនេះ សម្តេចតេជោ ហ៊ុន សែន បានប្រកាសថា ឯកឧត្តមបណ្ឌិត ហ៊ុន ម៉ាណែត នឹងក្លាយជានាយករដ្ឋមន្ត្រីថ្មីនៅល្ងាចថ្ងៃទី២២ ខែសីហា ឆ្នាំ២០២៣ខាងមុខ។

យើងខ្ញុំទាំងអស់គ្នា សូមប្រកាសគាំទ្រទាំងស្រុងចំពោះការសម្រេចចិត្តដ៏ត្រឹមត្រូវរបស់សម្តេចតេជោ ហ៊ុន សែន និងសូមប្រកាសគាំទ្រទាំងស្រុងចំពោះឯកឧត្តមបណ្ឌិត ហ៊ុន ម៉ាណែត សម្រាប់កាន់តួនាទីជានាយករដ្ឋមន្រ្តីថ្មី សម្រាប់អាណត្តិទី៧នេះ ដើម្បីបន្តដឹកនាំប្រទេសកម្ពុជា ពង្រឹងសុខសន្តិភាពកាន់តែរឹងមាំ, ប្រទេសជាតិកាន់តែ​មានការ​អភិវឌ្ឍរីកចំរើន និងមានមោទនភាព ហើយប្រជាជនកាន់តែមានជីវភាពធូរធារ និងរស់នៅប្រកបដោយ​សេចក្តីសុខសាន្តបន្តទៀត។

ក្នុងឱកាសដ៏ប្រសើរថ្លៃថ្លានេះ យើងខ្ញុំទាំងអស់គ្នា សូមលើកហត្ថប្រណមបួងសួង ដល់គុណបុណ្យព្រះរតនត្រ័យ គុណកែវទាំងបី ព្រមទាំងវត្ថុស័ក្តិសិទ្ធិក្នុងលោក សូមតាមជួយថែរក្សា ការពារ និងប្រោះព្រំប្រទានពរជ័យ​បវរ​សួស្តី ជ័យមង្គល និងវិបុលសុខគ្រប់ប្រការ ជូនចំពោះសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន, ឯកឧត្តមបណ្ឌិត ហ៊ុន ម៉ាណែត និងលោកជំទាវព្រមទាំងបុត្រា បុត្រី ចៅប្រុស ចៅស្រី។

សូមសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន, លោកបណ្ឌិត ហ៊ុន ម៉ាណែត ព្រមទាំងបុត្រា បុត្រី ចៅប្រុស ចៅស្រី បានសមប្រកបតែនឹងពុទ្ធពរទាំងបួនប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕

The post ឧកញ៉ា ហ៊ុយ សុងឃីម ប្រកាសគាំទ្រប្រសាសន៍សម្តេចតេជោ ហ៊ុន សែន និងគាំទ្រឯកឧត្តមបណ្ឌិត ហ៊ុន ម៉ាណែត ជានាយករដ្ឋមន្រ្តីថ្មី នីតិកាលទី៧ នៃរដ្ឋសភា appeared first on .

ព្រះរាជទានត្រាស់បង្គាប់ផ្តល់គោរមងារ អ្នកឧកញ៉ា នេះ ពិតជាកិត្តិយសដ៏ឧត្តុង្គឧត្តម និងជាសក្ខីភាព​ឆ្លុះបង្ហាញ​អំពី កិច្ចខិតខំប្រឹងប្រែងយកអស់ពីកម្លាំងកាយចិត្ត ប្រាជ្ញាស្មារតី លះបង់ ដោយមិនខ្លាចនឿយហត់ ដោយ​ចំណាយ ទាំងពេលវេលា និងថវិការផ្ទាល់ខ្លួន របស់អ្នកឧកញ៉ា ក្នុងការជួយជ្រោមជ្រែងរាល់សកម្មភាពមនុស្សធម៌ និងតែងតែកៀរគរសប្បុរសជន ដើម្បីចូលរួមបរិច្ចាគជូនដល់កាកបាទក្រហមកម្ពុជា និងកិច្ចការមនុស្សធម៌​ជា​ច្រើន ដែលជាការចូលរួមចំណែកជាមួយនឹងរាជរដ្ឋាភិបាល ដល់ការអភិវឌ្ឍន៍សេដ្ឋកិច្ចប្រទេសជាតិ និងជាឧត្តម​ប្រយោជន៍ជូន សាធារណៈជន និងប្រជាពលរដ្ឋកម្ពុជា។

នាឱកាស​ប្រកបដោយក្ដីសោមនស្សរីករាយនេះ យើងខ្ញុំសូមបួងសួងដល់គុណបុណ្យ ព្រះរតនត្រ័យ កែវទាំងបី វត្ថុស័ក្ដិសិទ្ធិក្នុងលោក និងទេវតាឆ្នាំថ្មី សូមប្រោះប្រទានពរជ័យជូនចំពោះ អ្នកឧកញ៉ា ពុង ឃាវសែ និង​ក្រុមគ្រួសារ​ សូមមានសុខភាពល្អបរិបូរណ៍ បញ្ញាញាណវាងវៃ អាយុយឺនយូរ និង​សម្រេចបានជោគជ័យ​​បន្ថែមទៀត ដើម្បី​ចូល​រួម​ចំណែក​ជួយ​អភិវឌ្ឍ​ប្រទេសកម្ពុជា​លើ​គ្រប់វិស័យ និង​សូម​ជួប​ប្រទះ​នូវ​ពុទ្ធពរ​ទាំង​បួន​ប្រការ​គឺ អាយុ វណ្ណៈ សុខៈ ពលៈ ជានិច្ច​និរន្តរ៍។

ទន្ទឹមនឹងការអបអរសាទរ ស្ថាបនិកក្រុមហ៊ុន OCIC នេះដែរ លោក ឧកញ៉ា ហ៊ុយ សុងឃីម សមាជិក​សមាគម​មូលនិធិ សម្តេចតេជោ ដើម្បីអភិវឌ្ឍន៍​សហគ្រាស​ធនតូច និង​មធ្យម​នៅ​កម្ពុជា​ ក៏សូមថ្លែង​អំណរគុណ​យ៉ាង​ជ្រាល​ជ្រៅ ដល់អ្នកឧកញ៉ា ពុង ឃាវសែ ដែលបានសហការ ក្នុងនាមជាដៃគូរ សហការ​ពាណិជ្ជកម្មយ៉ាងស្អិត​រមួត​ជាមួយគ្នា អស់រយៈពេលជាច្រើនឆ្នាំកន្លងមកនេះ៕

The post ឧកញ៉ា ហ៊ុយ សុងឃីម អបអរសាទរ អ្នកឧកញ៉ា ពុង ឃាវសែ ក្នុងឱកាសទទួលបានគោរមងារជា «អ្នកឧកញ៉ា» appeared first on .

យុវជន ហ៊ុយ ឆៃរតនៈ មានវ័យ ១៩ឆ្នាំ ជាកូនប្រុសច្បង ក្នុងចំណោមបងប្អូន ៣នាក់ ទើបបញ្ចប់ការសិក្សាថ្នាក់ទី១២ ពីសាលាអន្តរជាតិភ្នំពេញ (ISPP) នៅកម្ពុជា។ កាលពីពេលថ្មីៗនេះ យុវជន កើតក្នុងឆ្នាំ ២០០២ រូបនេះ ទើបតែទទួលដំណឹងល្អ បានទិដ្ឋការពីស្ថាន ទៅបន្តការសិក្សាលើមុខជំនាញទីផ្សារ (Marketing) នៅស្រុករបស់ប្រធានាធិបតីអាមេរិក លោកចន បៃដិន ក្នុងរដ្ឋកាលីហ្វញ៉ា សហរដ្ឋអាមេរិក។

ក្នុងនាមជាអាណាព្យាបាល លោក ឧកញ៉ា ហ៊ុយ សុងឃីម និងជំទាវ ម៉េង សុខណាង បានបញ្ជាក់ថា ពួកគាត់ និងគ្រួសារ ពិតជាត្រេកអរ និងរំភើបខ្លាំងណាស់ ត្បិតកូនប្រុសតែមួយក្នុងចំណោម កូនទាំង ៣នាក់ របស់ពួកគាត់ បានទទួលវីសាទៅបន្តការសិក្សាលើមុខជំនាញដែលគាត់ (រតនៈ) ស្រលាញ់ចូលចិត្ត និងជាក្ដីស្រមៃរបស់គាត់តាំងពីដើមមក។

លោកឧកញ៉ា បន្តថា ក្នុងនាមជាឳពុកម្ដាយ ពួកគាត់តែងតែនៅពីក្រោយ និងជំរុញលើកទឹកចិត្ត ដល់ការសិក្សារបស់កូនៗជានិច្ច។ ហើយការចេញដំណើរទៅបន្តការសិក្សារបស់កូនលោកពេលនេះ លោកសង្ឃឹមថា នឹងបានផ្លែផ្កា ដូចការំពឹងទុក ក្រោយបញ្ចប់ការសិក្សារយៈពេល ៤ឆ្នាំ ក្នុងឆ្នាំ ២០២៥ ខាងមុខ។

ដោយឡែក យុវជន ឆៃរតនៈ បានបង្ហាញឆន្ទៈ និងការប្ដេជ្ញាចិត្តខ្ពស់ថា នេះជាការចាប់ផ្ដើមជំហានថ្មី និងជារបត់ជីវិតដ៏ថ្មីសន្លាងសម្រាប់ខ្លួន ក្នុងការរៀនរស់នៅដោយឯករាជ ឆ្ងាយពីក្រុមគ្រួសារ និងត្រូវប្រឹងប្រែងឱ្យអស់ពីលទ្ធភាព ដើម្បីឈានទៅបញ្ចប់ថ្នាក់បរិញ្ញាបត្រពីសាកលវិទ្យាល័យដ៏ល្បីឈ្មោះ CALIFORNIA STATE UNIVERSITY ។

ប្អូនប្រុស ឆៃរតនៈ បន្ថែមថា ជំនាញទីផ្សារនេះ ជាអ្វីដែលខ្លួនស្រលាញ់ចូលចិត្តតាំងពីដើម ហើយខ្លួនមានការតាំងចិត្តខ្ពស់ និងសង្ឃឹមយ៉ាងមុតមាំថា នឹងមិនធ្វើឱ្យប៉ាម៉ាក់ រួមទាំងក្រុមគ្រួសារខកបំណងឡើយ។ ក្រោយបញ្ចប់ការសិក្សា ខ្លួននឹងនាំយកចំណេះជំនាញដែលទទួលបាន មកជួយអភិវឌ្ឍន៍វិស័យពាក់ព័ន្ធក្នុងប្រទេសកម្ពុជាវិញជាក់ជាមិនខាន។

CALIFORNIA STATE UNIVERSITY គឺជាសាកលវិទ្យាល័យសាធារណៈដ៏ល្បីល្បាញ និងធំជាងគេមួយ ស្ថិតនៅទីក្រុងឡុងប៊ិច រដ្ឋកាលីហ្វ័រញ៉ា សហរដ្ឋអាមេរិក។ សាលានេះបើកដំណើរការតាំងពីឆ្នាំ ១៩៤៩ មកម្ល៉េះ។ ជារៀងរាល់ឆ្នាំ CALIFORNIA STATE UNIVERSITY (CSU) មាននិស្សិតមកពីជុំវិញពិភពលោកដាក់ពាក្យចូលរៀន។ កាលពីឆ្នាំ២០២០ កន្លងទៅ CSU មាននិស្សិតថ្នាក់បរិញ្ញាបត្រចុះឈ្មោះចូលរៀនប្រមាណ ជាង ៥ម៉ឺននាក់ និងថ្នាក់បរិញ្ញាបត្រជាន់ខ្ពស់ជិត ២ម៉ឺននាក់។

ដោយសារតែជាសាលាល្បីឈ្មោះលំដាប់អន្តរជាតិ និងមានប្រព័ន្ធសិក្សាអប់រំយ៉ាងតឹងរ៉ឹង ជារៀងរាល់ឆ្នាំ គិតជាមធ្យម មាននិស្សិតត្រឹមតែ ៦៧.៥ភាគរយ ប៉ុណ្ណោះដែល មានសមត្ថភាពអាចប្រឡងបញ្ចប់ការសិក្សាជាប់ពីសាលាល្បីឈ្មោះមួយនេះ៕

The post លោក ឧកញ៉ា ហ៊ុយ សុងឃីម បញ្ជូនកូនប្រុសច្បងទៅបន្តការសិក្សានៅមហាវិទ្យាល័យល្បីឈ្មោះមួយនៅអាមេរិក appeared first on .