ឧកញ៉ា ឡូវ ហ៊ឹង

មង្គលការកូនស្រីឧកញ៉ា ឡូវ ហ៊ឹង គឺឧកញ៉ា ឡូវ ហ្គេចម៉ី និងស្វាមី ជំនូនបណ្ដាការមានទាំងគ្រឿងពេជ្រ

រ៉េត សុកធា — Tue, 19 Mar 2024 06:34:27 +0000

មង្គលការដ៏ធំរបស់កូនឧកញ៉ាស្រុកខ្មែរមួយទៀតហើយនាថ្ងៃនេះ គឺកូនស្រីឧកញ៉ា ឡូវ ហ៊ឹង ដែលជាឧកញ៉ាជើងចាស់មួយរូប។ មង្គលការនេះ ទទួលបានភាពភ្ញាក់ផ្អើលខ្លាំង ព្រោះមានទាំងគ្រឿងមាសពេជ្រ ហែរមកជាមកជំនូននំចំណីផ្លែឈើ។

កូនស្រីឧកញ៉ា ឡូវ ហ៊ឹង គឺឧកញ៉ា ឡូវ ហ្គេចម៉ី និងកូនកំលោះ យឺន ឌីណារ័ត្ន នៅ PH Grand Hall ថ្ងៃនេះមិនត្រឹមភ្ញៀវជាជំនួញច្រើនកុះករនោះទេ មានទាំងជំនូននំចំណីផ្លែឈើស្រស់ហូរហៀរ។ អ្វីដែលកាន់តែភ្ញាក់ផ្អើលគឺគ្រឿងពេជ្រទាំងឈុតសម្រាប់គូស្វាមីភរិយាថ្មីថ្មោងនេះតែម្ដង គ្រាន់តែឃើញហើយភ្ញៀវលាន់មាត់គ្រប់គ្នា។

សម្រាប់កូនក្រមុំដ៏ស្រស់សោភាមានគ្រឿងពេជ្រជានាឡិកាម៉ាក Rolex ជាគូជាមួយស្វាមី និងចិញ្ចៀន ក្រវិលត្បូងពេជ្រពណ៌បៃតង មកុដ ខ្សែក កងដៃ ដាំត្បូងភ្លឺផ្លេកចែងចាំងភ្នែកតែម្ដង។ សម្រាប់នាឡិកា Rolex Daytona 116503 តម្លៃជិត ៣ ម៉ឺនដុល្លារ ហើយមួយគ្រឿងទៀតម៉ូដរបស់ក្រុមហ៊ុន Rolex មួយដែរ មានតម្លៃជាង ១ ម៉ឺនដុល្លារ។ រួមទាំងចិញ្ចៀនពេជ្រគូស្នេហ៍របស់ម៉ាក cartier ដែលគេដឹងថារាប់ម៉ឺនដុល្លារឯណោះ។

មង្គលការមួយនេះរៀបចំឡើងយ៉ាងប្រណីតទាំងផ្កាភ្ញី រោងពិធីផ្សេងៗ ហើយអ្វីដែលកាន់តែពិសេសភ្ញៀវពន្លឺចូលរួម សុទ្ធតែតុបតែងខ្លួនបានស្រស់ស្អាតស័ក្ដិសមចូលរួមក្នុងពិធីមង្គលការដ៏ធំនេះមែន៕

The post មង្គលការកូនស្រីឧកញ៉ា ឡូវ ហ៊ឹង គឺឧកញ៉ា ឡូវ ហ្គេចម៉ី និងស្វាមី ជំនូនបណ្ដាការមានទាំងគ្រឿងពេជ្រ appeared first on .

ថៅកែស្រី ឧកញ៉ា ឡូវ ហ្គេចម៉ី បង្ហាញថ្ងៃចូលរោងជ័យនៃពិធីមង្គលការរបស់ខ្លួនជាផ្លូវការ

ឧកញ៉ាដែនដី — Fri, 01 Mar 2024 04:28:04 +0000

ថៅកែស្រី ឡូវ ហ្គេចម៉ី ម្ចាស់ហាង ជីអ៊ឹម សំអាងការ នៅព្រឹកថ្ងៃទី០១ ខែមីនា ឆ្នាំ២០២៤នេះ បានបង្ហាញថ្ងៃចូលរោងជ័យនៃពិធីមង្គលការរបស់ខ្លួនជាផ្លូវការ ជាមួយនឹងកូនកំលោះឈ្មោះ យិត ឌីណារ័ត្ន នៅថ្ងៃទី១៨-១៩ ខែមីនា ឆ្នាំ២០២៤ ខាងមុខនេះ។

លោកស្រីឧកញ៉ាវ័យក្មេង បានលើកឡើងលើទំព័រហ្វេសប៊ុក នៅព្រឹកថ្ងៃសុក្រនេះ ដូច្នេះថា៖ “ពេលវេលាកាន់តែខិតជិតទៅដល់ថ្ងៃ ដែលយើងទាំង២នាក់ មិនអាចភ្លេច Dynaroat Yit & Ghechmey Lov។ ១៨-១៩.០៣.២០២៤”។ តាមការបង្ហាញពីទំព័រហ្វេសប៊ុក GM Embellishment បានឱ្យដឹងទៀតថា ឆ្នាំនេះជាឆ្នាំពិសេសមួយ ដែលថៅកែស្រីរបស់ខ្លួន នឹងរៀបចំសំអាងសម្រាប់ពិធីមង្គលការខ្លួនឯងតែម្តង។

គួររំឭកថា កាលថ្ងៃទី០៨ ខែមេសា ឆ្នាំ២០២៣ លោកស្រីឧកញ៉ា ឡូវ ហ្គេចម៉ី បានរៀបចំពិធីឡើងគេហដ្ឋានដ៏ធំស្កឹមស្កៃមួយ។ ក្នុងពិធីនោះ លោកស្រីឧកញ៉ា បានលើកឡើងថា លោកស្រីមានគ្រប់យ៉ាងមកដល់ពេលនេះ ដោយសារមានលោកប៉ា អ្នកម៉ាក់ ជាបង្គោលដ៏រឹងមាំ និងមានបងប្អូន បងថ្លៃប្អូនថ្លៃល្អៗជាកម្លាំងចិត្ត។

សូមជម្រាបថា លោកស្រីឧកញ៉ា ឡូវ ហ្គេចម៉ី ជាកូនស្រីពាណិជ្ជករ និងជាឥស្សរជនជាន់ខ្ពស់ម្នាក់គឺ ឧកញ៉ា ឡូវ ហ៊ឹង ទីប្រឹក្សាសម្តេចតេជោ ហ៊ុន សែន ប្រធានក្រុមឧត្តមប្រឹក្សាផ្ទាល់ព្រះមហាក្សត្រ និងជាប្អូនស្រីរបស់លោក ឡូវ សុខសាន អភិបាលស្រុកកៀនស្វាយ ខេត្តកណ្តាល។ ម្ចាស់ហាង ជីអ៊ឹម សំអាងការ រូបនេះ ត្រូវបានព្រះមហាក្សត្រ ចេញព្រះរាជក្រឹត្យត្រាស់បង្គាប់ផ្តល់គោរមងារជា «ឧកញ៉ា» នៅថ្ងៃទី២០ ខែមេសា ឆ្នាំ២០២២៕

The post ថៅកែស្រី ឧកញ៉ា ឡូវ ហ្គេចម៉ី បង្ហាញថ្ងៃចូលរោងជ័យនៃពិធីមង្គលការរបស់ខ្លួនជាផ្លូវការ appeared first on .

ឧកញ៉ា ឡូវ ហ៊ឺង រួមជាមួយឧកញ៉ា អែល សារ៉ុម ផ្លូវផ្លូវ១ខ្សែជូនពលរដ្ឋ ស្រុកស្រីសន្ធរ

កូនចៅឧកញ៉ា — Sun, 02 Aug 2020 10:11:09 +0000

ក្នុងគោលបំណងចូលរួមការពារ និងទប់ស្កាត់ជម្ងឺកូវីដ១៩ ស្រមតាមការណែនាំរបស់ប្រមុខរាជរដ្ឋាភិបាលនិងស្តាប់តាមការណែនាំរបស់ក្រសួងសុខាភិបាល ជាក់ស្តែងនាព្រឹកថ្ងៃអាទិត្យ ទី១៩ ខែកក្កដា ឆ្នាំ២០២០ ឧកញ៉ា ឡូវ ហ៊ឺង ទីប្រឹក្សាសម្តេចអគ្គមហាសេនាបតីតេជោ ហ៊ុន សែន និងឧកញ៉ា អែល សារ៉ុម អគ្គនាយកក្រុមហ៊ុន K E P Group និងលោក ប៊ុន វត្ថា អគ្គនាយកក្រុមហ៊ុន S-Auto បាននាំនូវ គ្រឿងឧបភោគ បរិភោគ គ្រឿងភេសជ្ជះ ម៉ាស ថ្នាំពេទ្យ និងថវិកាមួយចំនួនជាអំណោយរបស់ឯកឧត្ដម ឧត្តមសេនីយ ហ៊ុន ម៉ាណែត ផ្តល់ជូនកងវិស្វកម្មដែលកំពុងឈរជើង បើកការដ្ឋានស្ថាបនាផ្លូវលំ០១ខែ្សរ ឃុំទងត្រឡាច ស្រុកស្រីសន្ធរ ខេត្តកំពង់ចាម។

យោងតាមការគូសបញ្ជាក់របស់ លោក ចាស់ ជឿន មេឃុំទងត្រឡាច បានអោយដឹងថា ប្រជាពលរដ្ឋទូទាំងឃុំទងត្រឡាច និង ឧកញ៉ា ឡូវ ហ៊ឹង សូមចងចាំទុកជាប្រវត្តសាស្រ្ត ចំពោះប្រមុខរាជរដ្ឋាភិបាលសម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា និងសម្តេចគតិព្រឹទ្ធបណ្ឌិត ប៊ុន រ៉ានី ហ៊ុន សែន ដែលផ្តល់អំណោយដ៍ថ្លៃថ្លាដោយជួយឧបត្ថម្ភការកសាងផ្លូវបេតុង១ខ្សែប្រវែងជិត៧គីឡូម៉ែត្រ និងទទឹង៧តភ្ជាប់ទៅផ្លូវជាតិលេខ៨នៅក្នុងឃុំទងត្រឡាច។

ឆ្លៀតនាឧកាសនោះដែរ ឧកញ៉ា ឡូវ ហ៊ឹង ជំរាបជូនប្រជាពលរដ្ឋនៅតាមមួលដ្ឋាន ថា ផ្លូវបេតុងនេះក្រោយពីស្ថាបនារួច មិនត្រឹមជួយសំរួលការធ្វើដំណើររបស់ប្រជាពលរដ្ឋប៉ុណ្ណោះទេ គឺវានឹងធ្វើអោយដីនិងលំនៅដ្ឋានរបស់ប្រជាពលរដ្ឋតំបន់នេះមានតម្លៃ ពិសេសដីនិងលំនៅដ្ឋានប្រជាពលរដ្ឋដែលនៅអមសង្ខាងផ្លូវ និងទាក់ទាញដៃគូវិនិយោគផងដែរ លើសពីនេះទៀត ផ្លូវបេតុងនឹងស្ថាបនារួចរាល់លិចចេញរូបរាងនាពេលខាងមុខនិងមានការរៀបចំ ការសាងសង់បង្គោលភ្លើងបំភ្លឺផ្លូវដោយបំពាក់ប្រព័ន្ធស៊ុលឡា ក្នុងគោលបំណងអោយបងប្អូនប្រជាពលរដ្ឋកាន់តែងាយស្រួលក្នុងការធ្វើដំណើរ។

ឧកញ៉ា ឡូវ ហ៊ឺង បានប្រសាសន៍ សូមបងប្អូនដែលកំពុងរស់នៅក្នុងភូមិនិងសហគមន៍ សូមចងចាំនិងបង្កើនការប្រុងប្រយ័ត្នជាប់ខ្លួនជានិច្ច គឺត្រូវពាក់ម៉ាសការពារ មានទឹកអាល់កុលនិងជែលសម្អាតមេរោគនិងបាក់តេរីផ្សេងៗ ចៀសវាងការចម្លងរោគពីម្នាក់ទៅ ម្នាក់ដោយសារខ្វះការប្រុងប្រយ័ត្នឬគិតស្រាលៗ ពោលការរស់នៅប្រចាំថ្ងៃ ត្រូវអនាម័យរស់នៅល្អ ដើម្បីសុខភាពនិងអាយុជិវិតរស់នៅបានយូរអង្វែង។

ជាចុងក្រោយ ឧកញ៉ា ឡូវ ហ៊ឺង សំណូមពរអោយសូមអោយបងប្អូនប្រជាពលរដ្ឋសូមមានការថែទាំសុខភាពត្រូវអនាម័យជាប់ជាប្រចាំក្នុងការចូលរួមទប់ស្កាត់ការរីករាលដាលមេរោគ Covid19 ដែលជាជម្ងឺមួយដែលឆ្លងជាសកល និងបានកំពុងសម្លាប់មនុស្សពីមួយថ្ងៃទៅថ្ងៃ ក្នុងពិភពលោកយើងនេះ។ អំណោយរបស់ឯកឧត្តម ឧត្តមសេនីយ ហ៊ុន ម៉ាណែត រួមមានគ្រឿងឧបភោគ បរិភោគ គ្រឿងភេសជ្ជះ ម៉ាស ថ្នាំពេទ្យ និងថវិកាមួយចំនួនផ្តល់ជូន កងវិស្វកម្មប្រមាណ៥០នាក់ និងប្រជាពលរដ្ឋប្រមាណ២៥០គ្រួសារទទួលបានថ្នាំពេទ្យនិងថវិកាមួយចំនួនផងដែរ ដោយឡែក សីម៉ង១០តោនសម្រាប់ចាក់សាបចិញ្ចើមផ្លូវ គឺជាការឧបត្ថម្ភរបស់ ឯកឧត្តម គតិបណ្ឌិត ហ៊ីង ប៊ុនហៀង និងលោកជំទាវ៕

The post ឧកញ៉ា ឡូវ ហ៊ឺង រួមជាមួយឧកញ៉ា អែល សារ៉ុម ផ្លូវផ្លូវ១ខ្សែជូនពលរដ្ឋ ស្រុកស្រីសន្ធរ appeared first on .

ឧកញ៉ា ឡូវ ហ៊ឹង ឧបត្ថម្ភប្រាក់ មួយចំនួនធំ ដល់ពលរដ្ឋ នៅភូមិត្រឡាច

កូនចៅឧកញ៉ា — Mon, 26 Aug 2019 02:23:27 +0000

កាលពីថ្ងៃទី ២៥ខែសីហា ឆ្នាំ ២០១៩ ឯកឧត្តម ឧកញ៉ា ឡូវ ហ៊ឹង ទីប្រឹក្សាសម្ដេចអគ្គមហាសេនាបតីតេជោហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជា និងជាប្រធានក្រុមការងារថ្នាក់ជាតិចុះជួយឃុំទងត្រឡាចអមដំណើរដោយ លោក ស៊ីម គង់ អភិបាលនៃគណៈអភិបាលស្រុកស្រីសន្ធរ បានអញ្ជើញជួបសំណេះសំណាល ជាមួយប្រជាពលរដ្ឋ នៅភូមិត្រឡាច ឃុំទងត្រឡាច ចំនួន ២៣៧នាក់ នោះឯកឧត្តមបានឧបត្ថម្ភ ថវិកាមួយចំនួនធំចំនួនធំ ដល់ពលរដ្ឋក៏ដូចជា អាជ្ញាធរ។

បើតាមឲ្យឲ្យដឹងពីផេក”រដ្ឋបាលសាលាស្រុកស្រីសន្ធរ” លោក ឧកញ៉ា ឡូវ ហ៊ឹង បានឧបត្ថម្ភ ដូចខាងក្រោម៖
-ជួយកសាងសាលាបឋមសិក្សាខ្ទឹងថវិកាចំនួន ១០លានរៀល

-ជួសជុលអគារអនុសាខាកាកបាទក្រហមស្រុកចំនួន ១២៥០$

-ជួយអ្នកជំងឺវះកាត់ ៦នាក់ក្នុងម្នាក់១០ម៉ឺនរៀល

-អ្នកជំងឺ៧នាក់ក្នុងម្នាក់១០ម៉ឺនរៀល

-ប្រជាការពារ៤នាក់ស្មើ១០ម៉ឺនរៀល

-ជួយធ្វើបុណ្យសព១នាក់ ១លានរៀល

-ចូលបុណ្យសព ៦នាក់ក្នុង១នាក់ ២៥ម៉ឺនរៀល

-អ្នកចូល២៣៧នាក់ក្នុង១នាក់ប្រហុក១គីឡូក្រាម ថ្នាំពេទ្យ៣កញ្ចប់និងថវិកា១ម៉ឺនរៀល។

-គ្រួសារក្រីក្រ១គ្រួសារ ថវិកា១២ម៉ឺនរៀល

-កុមារតូចៗ ១០០នាក់ក្នុងម្នាក់៣០០០រៀល

-ចំណាយកម្មវិធី២០ម៉ឺនរៀល។

សរុបថវិកា ១៦,៨៩០,០០០រៀលនិង១២៥០ដុល្លា៕

The post ឧកញ៉ា ឡូវ ហ៊ឹង ឧបត្ថម្ភប្រាក់ មួយចំនួនធំ ដល់ពលរដ្ឋ នៅភូមិត្រឡាច appeared first on .

កូនប្រុសឧកញ៉ា ម្នាក់កំពុងដើរតាមគន្លងឪពុក លើកិច្ចការសប្បុរសធម៌…

កូនចៅឧកញ៉ា — Tue, 02 Jul 2019 05:14:13 +0000

លោក ឡូវ ហេង ដែលត្រូវបានគេស្គាល់ថា គឺកូនប្រុសរបស់ លោក ឧកញ៉ា ឡូវ ហ៊ឹង នៅព្រឹកនេះបានរៀបចំនំបញ្ចុកជូនអ្នកភូមិពិសា១ភូមិតែម្ដង សកម្មភាពសប្បុរសធម៌នេះ ត្រូវបានគេមើលឃើញថា លោកកំពុងតែដើរតាមគន្លងឪពុកលោកតែម្ដង ដោយឪពុករបស់លោកកន្លងមកតែងតែចុះជួយដល់ពលរដ្ឋតាមមូលដ្ឋានជានិច្ច។

ពិធីរៀបចំនំបញ្ចុកជូនអ្នកភូមិពិសា បានធ្វើឡើងនៅ ភូមិ សំរោង ឃុំ មានជ័យ ស្រុក ស្រីសន្ធរ ខេត្ត កំពង់ចាម។ អ្នកភូមិដែលបានចូលរួមសម្ដែង ភាពសប្បាយរីករាយជាខ្លាំងនៅពេលដែល មន្ត្រីថ្នាក់លើ តែងតែយកចិត្តទុកដាក់ដល់ពួកគាត់យ៉ាងដូចនេះ ម្នាក់បានពិសាដោយទឹងមុខរីករាយ ប្រកបដោយភាពស្និទ្ធស្នាលបំផុត។

ជាមួយគ្នានោះដែរ លោក ឡូវ ហេង និង លោកស្រី ក៏បានជួយរួមចំណែកបង្ហើយបន្ទាប់ទឹកចំនួនជួយជាស៊ីម៉ង់ ព្រមទាំងចែក ដល់ប្រាក់ ដល់កងកម្លាំង ជាដើម ដោយត្រូវចំណាយប្រាក់អស់ជាង២០០០ ដុល្លារ។

នេះមិនមែនជា កិច្ចការសប្បុរសធម៌លើកដំបូងរបស់ លោក ឡូវ ហេង ឡើយ កន្លែងមកកូនប្រុស លោក ឧកញ៉ា ឡូវ ហ៊ឹង ម្នាក់នេះ តែងតែធ្វើកិច្ចការសប្បុរសធម៌ជាមួយសង្គមជាច្រើន ដូចជាចែកទានដល់ជនក្រីក្រ ចាស់ជរា ជាដើម៕

The post កូនប្រុសឧកញ៉ា ម្នាក់កំពុងដើរតាមគន្លងឪពុក លើកិច្ចការសប្បុរសធម៌… appeared first on .

ឧកញ៉ា ឡូវ ហ៊ឹង

មង្គលការកូនស្រីឧកញ៉ា ឡូវ ហ៊ឹង គឺឧកញ៉ា ឡូវ ហ្គេចម៉ី និងស្វាមី ជំនូនបណ្ដាការមានទាំងគ្រឿងពេជ្រ

ថៅកែស្រី ឧកញ៉ា ឡូវ ហ្គេចម៉ី បង្ហាញថ្ងៃចូលរោងជ័យនៃពិធីមង្គលការរបស់ខ្លួនជាផ្លូវការ

ឧកញ៉ា ឡូវ ហ៊ឺង រួម​ជា​មួយ​ឧកញ៉ា អែល សារ៉ុម ផ្លូវ​ផ្លូវ​១ខ្សែ​ជូន​ពលរដ្ឋ ស្រុកស្រីសន្ធរ

ឧកញ៉ា ឡូវ ហ៊ឹង ​​ឧបត្ថម្ភ​ប្រាក់ មួយ​ចំនួន​ធំ ដល់​ពលរដ្ឋ នៅ​ភូមិត្រឡាច

កូន​ប្រុស​ឧកញ៉ា ម្នាក់​កំពុង​ដើរ​​តាម​គន្លង​ឪពុក លើ​កិច្ចការ​សប្បុរសធម៌…

ឧកញ៉ា ឡូវ ហ៊ឺង រួមជាមួយឧកញ៉ា អែល សារ៉ុម ផ្លូវផ្លូវ១ខ្សែជូនពលរដ្ឋ ស្រុកស្រីសន្ធរ

ឧកញ៉ា ឡូវ ហ៊ឹង ឧបត្ថម្ភប្រាក់ មួយចំនួនធំ ដល់ពលរដ្ឋ នៅភូមិត្រឡាច

កូនប្រុសឧកញ៉ា ម្នាក់កំពុងដើរតាមគន្លងឪពុក លើកិច្ចការសប្បុរសធម៌…