កូនស្រីឧកញ៉ា ឡូវ ហ៊ឺង៖ អ្នកប្រៀបអ្វីប្រៀបបាន តែកុំប្រៀបធៀបទ្រព្យសម្បត្តិ

ឧកញ៉ាដែនដី — Mon, 05 Sep 2022 13:40:16 +0000

កញ្ញា ឡូវ ស្រីពៅ ដែលជាកូនស្រីរបស់ឧកញ៉ា ឡូវ ហ៊ឺង បានលើកឡើងថា យើងអាចប្រៀបអ្វីប្រៀបបាន តែកុំប្រៀបទ្រព្យសម្បត្តិ ព្រោះវាមិនមែនជារបស់អមតៈ ដែលអាចឱ្យយើងមានមោទនភាពនោះទេ ហើយជីវិតមានតែមួយ ត្រូវតែរៀនស្វែងរកខ្លឹមសារ “សេចក្តីសុខ” ឱ្យជីវិត ទើបជារឿងប្រសើរ។

យុវតីដ៏ស្រស់ស្អាត ម្ចាស់ប្រេនផលិតផលថែរក្សាសម្រស់ Luxury រូបនេះ បានលើកឡើងតាមរយៈទំព័រហ្វេសប៊ុក កាលពីថ្ងៃទី៣០ ខែសីហា ឆ្នាំ២០២២ ថា សង្គមនេះមនុស្សជាអ្នកបង្រៀនមនុស្ស។ ដាក់ខ្លួនឱ្យទាប តែកុំដាក់តម្លៃឱ្យអន់។ អំពើល្អសាងមករាប់ខែឆ្នាំ បើទាស់ចិត្តគេបន្តិច គឺយើងប្រែទៅជាមនុស្សអត់ចិត្តភ្លាម។ អួតថាអួត មិនអួតថាអន់ ចាប់ផ្តើមកើតគំនិតប្រៀបធៀបភ្លាម។

កញ្ញា ស្រីពៅ បានបន្តថា ថ្ងៃនេះគេល្អដាក់យើង តែមិនប្រាកដថាថ្ងៃក្រោយ គេនៅតែល្អទេ។ សម័យនេះ ប្រយ័ត្នឱ្យបានគ្រប់ចំណុច អ្នកចាំជាន់ច្រើនជាងអ្នកអបអរ។ ជាចុងក្រោយ កញ្ញាបានផ្តាំផ្ញើថា យើងអាចប្រៀបអ្វីប្រៀបបាន តែកុំប្រៀបទ្រព្យ ព្រោះវាមិនមែនជារបស់អមតៈ ដែលអាចឱ្យយើងមានមោទនភាពនោះទេ។ ជីវិតមានតែមួយ ត្រូវរៀនស្វែងរកខ្លឹមសារ “សេចក្តីសុខ” អោយជីវិត។

សូមបញ្ជាក់ថា កញ្ញា ឡូវ ស្រីពៅ ជាកូនស្រីពាណិជ្ជករ និងជាឥស្សរជនជាន់ខ្ពស់ម្នាក់គឺ ឧកញ៉ា ឡូវ ហ៊ឺង ទីប្រឹក្សាសម្តេចតេជោ ហ៊ុន សែន នាយករដ្ឋមន្ត្រី។ កញ្ញា មានបងស្រីឈ្មោះ ឡូវ ហ្គេចម៉ី ម្ចាស់ហាង ជីអ៊ឹម សំអាងការ ដែលបានទទួលគោរមងារជាឧកញ៉ា កាលពីថ្ងៃទី២០ ខែមេសា ឆ្នាំ២០២២ និងមានបងប្រុសឈ្មោះ ឡូវ សុខសាន ទើបទទួលបានការតែងតាំងជាអភិបាលស្រុកកៀនស្វាយ កាលពីថ្ងៃទី៣០ ខែមិថុនា ឆ្នាំ២០២២ ថ្មីៗនេះផងដែរ៕

The post កូនស្រីឧកញ៉ា ឡូវ ហ៊ឺង៖ អ្នកប្រៀបអ្វីប្រៀបបាន តែកុំប្រៀបធៀបទ្រព្យសម្បត្តិ appeared first on .

ថៅកែស្រី ឧកញ៉ាវ័យក្មេង ទិញឡានលំដាប់អភិជន Lexus LX600..Surprise ខ្លួនឯង

ឧកញ៉ាដែនដី — Tue, 28 Jun 2022 13:07:33 +0000

ថៅកែស្រី ឡូវ ហ្គេចម៉ី ម្ចាស់ហាង ជីអ៊ឹម សំអាងការ ដែលជាឧកញ៉ាវ័យក្មេងដ៏ស្រស់ស្អាតម្នាក់ បានទិញរថយន្តទំនើបលំដាប់អភិជន Lexus LX 600 ស៊េរីឆ្នាំ២០២២ ដើម្បីជាការលើកទឹកចិត្តខ្លួនឯង និងរៀបចំ Surprise ខ្លួនឯង កាលពីថ្ងៃទី២៣ ខែមិថុនា ឆ្នាំ២០២២។

ឧកញ៉ា ឡូវ ហ្គេចម៉ី បានបង្ហោះសារលើបណ្តាញសង្គមហ្វេសប៊ុកថា៖ “Shareខ្លួនឯង រស់ខ្លួនឯង លេីកទឹកចិត្តខ្លួនឯង រៀបចំ surprise ជូនខ្លួនឯង និយាយពាក្យ congrats ឲ្យខ្លួនឯង… ធ្វេីម៉េចបេីយេីងមិនសូវមានសំណាង មានអ្នក surprise ឱ្យដូចគេ! Thanks for going so far GM”។

រីឯទំព័រហ្វេសប៊ុក GM Embellishment បានរៀបរាប់ថា៖ “បង្អែមជីវិតរបស់ថៅកែស្រី ជី អុឹម សំអាងការ។ រស់ជាខ្លួនឯង រៀនរស់ រៀនឈរ រៀនរឹងមាំ រៀនស្គាល់ខ្លួនឯង រៀនលេីកទឹកចិត្តខ្លួនឯង រៀនប្រាប់ខ្លួនឯងថា គេធ្វេីបាន យេីងក៏អាចធ្វេីបានដូចគ្នា គ្រាន់តែមុនហេីយហ្នឹងក្រោយតែប៉ុណ្ណោះ។ រៀនទំលាប់ស្រមៃគិតតែរឿងល្អៗ នោះជីវិតយេីងហ្នឹងបានជួបតែរឿងល្អៗ ជាក់ជាមិនខាន។ ផ្តល់កំលាំងចិត្ត ដល់ស្ត្រីរឹងមាំគ្រប់គ្នាណា”។

Lexus LX600 2022 ជាឡានដំបូងបំផុតរបស់ប្រភេទLX ដែលមានម៉ាសុីនV6 twin turbo និងបំពាក់មកជាមួយនូវការរចនាខាងក្នុងបែបទំនើបលំដាប់អភិជន (VVIP)។ រថយន្តស៊េរីទំនើបនេះ នៅកម្ពុជាសរុបទាំងថ្លៃពន្ធ គឺចន្លោះពី ៣០០,០០០-៤០០,០០០ដុល្លារអាមេរិក។

សូមបញ្ជាក់ថា ថៅកែស្រី ឡូវ ហ្គេចម៉ី ជាកូនស្រីពាណិជ្ជករ និងជាឥស្សរជនជាន់ខ្ពស់ម្នាក់គឺ ឧកញ៉ា ឡូវ ហ៊ឺង ទីប្រឹក្សាសម្តេចតេជោ ហ៊ុន សែន នាយករដ្ឋមន្ត្រី។ ម្ចាស់ហាង ជីអ៊ឹម សំអាងការ រូបនេះ បានទទួលគោរមងារជាឧកញ៉ា កាលពីថ្ងៃទី២០ ខែមេសា ឆ្នាំ២០២២៕

The post ថៅកែស្រី ឧកញ៉ាវ័យក្មេង ទិញឡានលំដាប់អភិជន Lexus LX600..Surprise ខ្លួនឯង appeared first on .