ពិធីបើកពិព័រណ៍អន្តរជាតិស្តីពីបច្ចេកវិទ្យាកែច្នៃ និងវេចខ្ចប់ នៅទីក្រុងហូជីមិញនេះ មានការចូលរួមពីតំណាងក្រុមហ៊ុន សហគ្រាស សមាគមធុរកិច្ចរបស់វៀតណាម និងធុរជន និងក្រុមហ៊ុនល្បីៗមកពីទូទាំងពិភពលោក។

ProPak វៀតណាម ២០២៦ គឺជាព្រឹត្តិការណ៍ពាណិជ្ជកម្មអន្តរជាតិ ដែលផ្តោតលើឧស្សាហកម្មកែច្នៃ និងវេចខ្ចប់ ដែលមានការវិវត្តយ៉ាងឆាប់រហ័សនៅក្នុងប្រទេសវៀតណាម និងអន្តរជាតិ។ ការតាំងពិព័រណ៍ប្រចាំឆ្នាំនេះ គឺជាវេទិកាសំខាន់សម្រាប់អ្នកផ្តល់បច្ចេកវិទ្យាឈានមុខគេលើវិស័យកែច្នៃ និងវេចខ្ចប់ម្ហូបអាហារ ភេសជ្ជៈ និងឱសថ ក៏ដូចជាដំណោះស្រាយ ដើម្បីភ្ជាប់ទំនាក់ទំនងជាមួយអ្នកដឹកនាំឧស្សាហកម្ម អ្នកជំនាញ និងអ្នកពាក់ព័ន្ធរាប់ពាន់នាក់មកពីទូទាំងខ្សែសង្វាក់ផ្គត់ផ្គង់។

សូមបញ្ជាក់ថា ក្រៅពីចូលរួមពិព័រណ៍អន្តរជាតិ គណៈប្រតិភូសភាពាណិជ្ជកម្មកម្ពុជា នឹងអញ្ជើញចូលរួមកិច្ចប្រជុំ វេទិកាចែករំលែក និងទស្សនកិច្ចរោងចក្រ សហគ្រាសផលិត និងជំនួបពាណិជ្ជកម្ម និងចាប់ដៃគូជាមួយក្រុមហ៊ុនអន្តរជាតិល្បីៗផងដែរ៕

The post ឧកញ៉ា ឡេង សុខគា ដឹកនាំគណៈប្រតិភូសភាពាណិជ្ជកម្មកម្ពុជា ចូលរួមពិធីបើកជាផ្លូវការពិព័រណ៍អន្តរជាតិ ស្តីពីបច្ចេកវិទ្យាកែច្នៃ និងវេចខ្ចប់ នាមជ្ឈមណ្ឌលពិព័រណ៍ និងសន្និបាតសៃហ្គន នៅទីក្រុងហូជីមិញ appeared first on .

បើតាមសភាពាណិជ្ជកម្មកម្ពុជា ក្នុងឱកាសនៃទស្សនកិច្ចពាណិជ្ជកម្មនេះ គណៈប្រតិភូសភាពាណិជ្ជកម្មកម្ពុជា នឹងអញ្ជើញចូលរួមព្រឹត្តិការណ៍សំខាន់ៗជាច្រើន រួមមាន៖ ១.ចូលរួមពិព័រណ៍ស្តីពីបច្ចេកវិទ្យាកែច្នៃ និងវេចខ្ចប់ ក្នុងវិស័យម្ហូបអាហារ ភេសជ្ជៈ ថ្នាំពេទ្យ គ្រឿងសម្អាង និងសម្ភារៈប្រើប្រាស់ទូទៅ (PROPAK VIETNAM 2026)។ ២.ចូលរួមកិច្ចប្រជុំ វេទិកាចែករំលែក និងទស្សនកិច្ចរោងចក្រ សហគ្រាសផលិត។ ៣.នួបពាណិជ្ជកម្ម និងចាប់ដៃគូជាមួយក្រុមហ៊ុនអន្តរជាតិល្បីៗ។

គួររំលឹកផងដែរថា សភាពាណិជ្ជកម្មកម្ពុជា ដែលមានអ្នកឧកញ៉ា គិត ម៉េង ជាប្រធាន បានធ្វើការយ៉ាងសកម្មជាមួយដៃគូ និងអង្គភាពអន្ដរជាតិនានា ដើម្បីពង្រឹងបន្ថែមកិច្ចសហប្រតិបត្តិការធុរកិច្ច ពាណិជ្ជកម្ម និងការវិនិយោគ។ កន្លងទៅនេះ សភាពាណិជ្ជកម្មកម្ពុជា តែងតែរៀបចំកម្មវិធីទស្សនកិច្ចពាណិជ្ជកម្ម ព្រមទាំងបានរៀបចំកម្មវិធីជំនួបអាជីវកម្ម (B2B) និងចាប់ដៃគូវិនិយោគទៅកាន់ប្រទេសនានាក្នុងតំបន់ និងអន្តរជាតិ៕

The post ឧកញ៉ា ឡេង សុខគា ដឹកនាំគណៈប្រតិភូសភាពាណិជ្ជកម្មកម្ពុជា ៣៦រូប បំពេញទស្សនកិច្ចពាណិជ្ជកម្មទៅកាន់ទីក្រុងហូជីមិញ appeared first on .

សភាពាណិជ្ជកម្មខេត្តកំពង់ស្ពឺ បានឱ្យដឹងថា បន្ទាប់ពីឯកឧត្តមបណ្ឌិត អភិបាលខេត្ត បានជម្រាបជូនពីសក្តានុពលរបស់ខេត្តរួចមក តំណាងប្រតិភូបានថ្លែងអំណរអរគុណចំពោះឯកឧត្តមបណ្ឌិតដែលបានអនុញ្ញាតជួបសម្តែងការគួរសម ហើយអ្វីដែលក្រុមហ៊ុនបាននិងកំពុងធ្វើនិងពេញចិត្តនោះគឺ វិស័យកសិកម្ម និងឋាមពលអគ្គិសនី (សូឡា) ដែលគ្រោងវិនិយោគទុនប្រមាណ៥០០លានដុល្លារ នៅក្នុងខេត្តកំពង់ស្ពឺ។

ក្នុងឱកាសនោះដែរ ឯកឧត្តមអភិបាលនៃគណៈអភិបាលខេត្ត បានថ្លែងអំណរគុណដល់ក្រុមហ៊ុន ដែលបានយកខេត្តកំពង់ស្ពឺជាចំណុចគោលដៅ និងបានសន្យាគាំទ្រនូវគម្រោងដែលបានរៀបរាប់ខាងលើ។

ខេត្តកំពង់ស្ពឺ ជាខេត្តមួយមានសក្តានុពល ព្រមទាំងមានវត្តមានឧស្សាហកម្មដ៏រឹងមាំរួចហើយ ដោយមានរោងចក្រ និងសហគ្រាសជាង ៤០០ ដែលផ្តល់ការងារជាង ២០ម៉ឺនកន្លែង។ រោងចក្រទាំងនេះ បានស្រូបយកកម្លាំងពលកម្មយ៉ាងសំខាន់ពីខេត្តជុំវិញ ដែលជួយពង្រឹងសេដ្ឋកិច្ចក្នុងតំបន់បន្ថែមទៀតផងដែរ។

សូមជម្រាបថា កាលខែធ្នូ ឆ្នាំ២០២៤ ឯកឧត្តមបណ្ឌិត ជាម ច័ន្ទសោភ័ណ អភិបាលខេត្តកំពង់ស្ពឺ បានធ្វើដំណើរទស្សនកិច្ចទៅកាន់ទីក្រុងហុងកុង ដោយបានជួបជាមួយអ្នកតំណាងមកពីក្រុមហ៊ុនជាច្រើន ពាក់ព័ន្ធនឹងឧស្សាហកម្មវាយនភណ្ឌ និងកាត់ដេរ។ បន្ទាប់មក នៅខែមករា ឆ្នាំ២០២៥ ឯកឧត្តមអភិបាលខេត្ត បានបង្ហើបឱ្យដឹងថា ក្រុមហ៊ុនចិនប្រមាណ ៥០ មកពីឧស្សាហកម្មផ្សេងៗគ្នា បានបង្ហាញពីគម្រោងចង់បោះទុនវិនិយោគនៅខេត្តកំពង់ស្ពឺ ក្នុងទំហំទឹកប្រាក់សរុបប្រមាណ ២ពាន់លានដុល្លារអាម៉េរិក នាពេលខាងមុខនេះ៕

The post ឧកញ៉ា ឡេង សុខគា ដឹកនាំគណ:ប្រតិភូវិនិយោគមកពីទីក្រុងសៀងហៃ ជួបសម្តែងការគួរសមអភិបាលខេត្តកំពង់ស្ពឺ ពិភាក្សាគម្រោងវិនិយោគលើទុន ៥០០លានដុល្លារ appeared first on .

ការ​បោះឆ្នោតជ្រើសរើសសមាជិកជ្រើសតាំង និងប្រធានសភាពាណិជ្ជកម្មខេត្តកំពង់ស្ពឺ អាណត្តិទី៣ លើកទី១ តាមនិតិវិធី​ដែលបានគ្រោងទុក ការបើក ការប្រកាសលទ្ធផល និងការបិទកម្មវិធីទាំងមូលគឺស្ថិតក្រោម​អធិបតី​ភាព លោក​ បួន សារៈមុនី រដ្ឋលេខាធិការក្រសួងពាណិជ្ជកម្ម, លោក ស្រ៊ុន ស្រ៊ន់ អភិបាលរងនៃគណៈអភិបាល​ខេត្ត​កំពង់ស្ពឺ ឧកញ៉ា ងួន ម៉េងតិច អគ្គនាយកសភាពាណិជ្ជកម្មកម្ពុជា។

លទ្ធផលឧកញ៉ា ឡេង សុខគា ត្រូវបានសមាជិកបន្តគាំទ្រជា​ប្រធានសភាពាណិជ្ជកម្មខេត្តកំពង់ស្ពឺ អាណត្តិទី៣ លើកទី១ នេះជាបន្តទៀត ព្រមទាំង​អនុប្រធានសភាពាណិជ្ជកម្ម​ខេត្ត ​​ចំនួន​៨​រូប​ រួម​មាន៖ ឧកញ៉ា ជៀម កាក់ លោក ឡេង ដារ៉ា លោក មឿង សុវណ្ណ លោក សាន ម៉ៅ លោក ផេង ប៊ុនថន លោក ណាំ អៀវហួត លោក យ៉ោក សីហា និង​លោកស្រី ឈិន ចំរើន។

សូម​ជម្រាប​ថា លោក ទ្បេង សុខគា អនុប្រធានសភាពាណិជ្ជកម្មកម្ពុជា, ​ប្រធានសភាពាណិជ្ជកម្ម​ខេត្ត​កំពង់ស្ពឺ និង​ជា​អគ្គនាយកក្រុមហ៊ុន​ផ្គត់ផ្គង់​អគ្គិសនី លីម ម៉ូវ ខូអិលធីឌី ត្រូវ​បាន​ព្រះករុណា ព្រះមហាក្ស​ត្រ​នៃព្រះរាជា​ណាចក្រ​កម្ពុជា សព្វព្រះរាជហឫទ័យ ប្រទាន​គោរមងារ​ជាឧកញ៉ា​ ​កាល​ពីថ្ងៃពុធ ទី០៣ ខែកក្កដា ឆ្នាំ២០១៩៕

The post ឧកញ៉ាម្ចាស់ក្រុមហ៊ុនផ្គត់ផ្គង់អគ្គិសនី ជាប់ឆ្នោតជាប្រធានសភាពាណិជ្ជកម្មខេត្តកំពង់ស្ពឺ appeared first on .