ក្រុមហ៊ុនបច្ចេកវិទ្យានេះ គ្រប់គ្រងដោយលោកស្រី តាំង វួចឡាយ ដែលកាន់តួនាទីជាអគ្គនាយិការង។ លោកស្រីត្រូវបានមនុស្សទូទៅស្គាល់ថា ជាស្រ្តីវ័យក្មេងដ៏កម្រដែលមានសមត្ថភាពខាងផ្នែកបច្ចេកវិទ្យា ព័ត៌មានវិទ្យា ដែលឈរជើងក្នុងពិភពជំនួញនៅប្រទេសកម្ពុជាជាង ២ទស្សវត្សរ៍។

លោកស្រីបានចូលរួមត្រួសត្រាយផ្លូវសម្រាប់វិស័យច្ចេកវិទ្យា ព័ត៌មានវិទ្យានៅកម្ពុជា ខណៈដែលនៅប៉ុន្មានឆ្នាំចុងក្រោយនេះបច្ចេកវិទ្យា ព័ត៌មានវិទ្យាបានដើរតួនាទីសំខាន់ក្នុងការជំរុញអភិវឌ្ឍន៍ក្រុមហ៊ុន និយាយជារួម និយាយដោយឡែក កុំព្យុទ័រ ក៏បានចូលរួមចំណែកយ៉ាងធំធេងសម្រាប់ដំណើរអាជីវកម្មឲ្យទទួលជោគជ័យ។

លោកស្រី តាំង វួចឡាយ បានចូលរួមដឹកនាំ និងកាច់ចង្កួតដោយផ្ទាល់ទៅលើក្រុមហ៊ុន ភីធីស៊ី ជាមួយស្វាមីលោកស្រី​ គឺឧកញ៉ា អ៉ឹង សែ អគ្គនាយកក្រុមហ៊ុន PTC Computer Co., Ltd  ជាអ្នកជំនួញជោគជ័យរាប់សិបឆ្នាំមកហើយនៅក្នុងវិស័យមួយនេះ ខណៈពេលបច្ចុប្បន្នលោកក៏កំពុងកាក់កប់ជាមួយក្រុមហ៊ុន Rose Plastics ដែលដើរតួជាចំបងក្នុងវិស័យឧស្សាហកម្មនៃការផលិតទុយោទឹកស្អាតនៅកម្ពុជា។

ភាពជោគជ័យយ៉ាងសម្រើមរបស់ក្រុមហ៊ុន ភីធីស៊ី ក៏មិនអាចមើលរំលងបានឡើយនៅសហគ្រិនដ៏ចំណាន ហើយប៉ិនប្រសព្វក្នុងការជួយជ្រុមជ្រែងនាំភាពជោគជ័ដ៏អស្ចារ្យ គឺលោកស្រី តាំង វួចឡាយ អគ្អនាយិការងក្រុមហ៊ុន ភី ធី ស៊ី កុំព្យូទ័រ។

តាមរយៈក្រុមហ៊ុន ភីធីស៊ី លោកស្រី​បាននាំចូល និងចែកចាយផលិតផលម៉ាកល្បីៗជុំវិញពិភពលោក ដូចជា៖ Computer, Motitors+Displays, Computer Components, Computer Accessories, Projectors, Printer& Cartridges, Servers& Storage, Networking, Telephone System, Camera Security, Battery & Power Backup, Software, and Shop By Brands៕

The post ស្រ្តីវ័យក្មេងម្នាក់នេះនៅក្រោយភាពជោគជ័យដ៏សម្បើមនៃក្រុមហ៊ុន PTC Computer appeared first on .

បើនិយាយដល់បច្ចេកវិទ្យាព័ត៌មានវិទ្យា ប្រិយមិត្តដែលធ្វើការងារក្នុងការិយាល័យប្រាដកជាស្គាល់ក្រុមហ៊ុន  ភីធីស៉ី កុំព្យូទ័រ ជាក្រុមហ៊ុនធំជាងគេបំផុត ក្នុងការផ្គត់ផ្គង់សម្ភារៈបច្ចេកវិទ្យាព័ត៌មានវិទ្យា និងសេវាកម្ម បច្ចេកវិទ្យាព័ត៌មានវិទ្យាចាប់តាំងពីឆ្នាំ ១៩៩៦ មកម្លេះ គិតមកដល់ឆ្នាំ ២០២១ នេះ។ 

ឧកញ៉ាញូស៍ សូមនាំប្រិយមិត្តមកស្គាល់ម្ចាស់ក្រុមហ៊ុន  ភីធីស៉ី កុំព្យូទ័រ ដែលវិនិយោគលើវិស័យបច្ចេកវិទ្យាព័ត៌មានវិទ្យាជាង ២៥ឆ្នាំនៅប្រទេសកម្ពុជា លោកឧកញ៉ា អ៉ឹង សែ អគ្គនាយកក្រុមហ៊ុន PTC Computer Co., Ltd  ជាអ្នកជំនួញជោគជ័យរាប់សិបឆ្នាំមកហើយនៅក្នុងវិស័យមួយនេះ ខណៈពេលបច្ចុប្បន្នលោកក៏កំពុងកាក់កប់ជាមួយក្រុមហ៊ុន Rose Plastics ដែលបានដើរតួជាចំបងក្នុងវិស័យឧស្សាហកម្មនៃការផលិតទុយោទឹកស្អាតនៅកម្ពុជា។

ក្រុមហ៊ុន ភី ធី ស៊ី កុំព្យូទ័រ ខូអិលធីឌី គឺជាក្រុមហ៊ុនដ៏ធំមួយដែលទទួលបានសិទ្ធិចែកចាយផលិតផលម៉ាកល្បីៗជុំវិញពិភពលោក ដូចជា៖ Computer, Motitors+Displays, Computer Components, Computer Accessories, Projectors, Printer& Cartridges, Servers& Storage, Networking, Telephone System, Camera Security, Battery & Power Backup, Software, and Shop By Brands។

 ក្នុងរយៈពេល ២៥ ឆ្នាំមកនេះ ភី ធី ស៊ី បានផ្គត់ផ្គង់ដល់អតិថិជននូវផលិតផលដែលមានគុណភាពខ្ពស់ថ្មីសុទ្ធ 100% ព្រមទាំង មានការធានាត្រឹមត្រូវពីរោងចក្រ និងផ្តល់សេវាកម្មយ៉ាងល្អប្រសើរបំផុត ដោយមានការយកចិត្តទុកដាក់ពីក្រុមការងារ ជំនាញយ៉ាងពិតប្រាកដ ដែលស្របទៅតាមបាវចនារបស់ខ្លួនគឺ ” ភី ធី ស៊ី តែងតែឈានមុខគេជានិច្ច ទាំងគុណ ភាព និងសេវាកម្ម។

ក្រុមហ៊ុន PTC បាននាំភាពជោគជ័យ និងកិត្តិនាមល្បាញល្បីរាប់ទស្សវត្ស៍មកហើយឲ្យលោកឧកញ៉ា អ៉ឹង សែ ជាថ្នាក់ដឹកនាំដ៏កំពូលដែលតែងតែមានចក្ខុវិស័យវែងឆ្ងាយក្នុងការគ្រប់គ្រង និងដឹកនាំមុខជំនួញដើម្បីប្រកួតប្រជែងលើទីផ្សារ ក្នុងការចូលរួមអភិវឌ្ឍន៍នៅប្រទេសកម្ពុជា ឲ្យប្រែក្លាយជាប្រទេសជឿនលឿនដូចបណ្តាលប្រទេសមួយចំនួនផងដែរ។ មិនតែប៉ុណ្ណោះ លោកក៏មានជំនួយការផ្ទាល់ដ៏ចំណាន ហើយប៉ិនប្រសព្វក្នុងការជួយជ្រុមជ្រែងនាំភាពជោគជ័ដ៏អស្ចារ្យ គឺលោកជំទាវ តាំង វួចឡាយ អគ្អនាយិការងក្រុមហ៊ុន ភី ធី ស៊ី កុំព្យូទ័រ និងជាឧត្តមភរិយារបស់លោកឧកញ៉ា។

ក្រោយទទួលបានជោគជ័យក្តោបក្តាប់មុខជំនួញប្រាក់លាននៅក្នុងដៃ លោកតែងតែចូលរួមបរិច្ចាគនូវថវិកានិងសម្ភារៈជាច្រើនដល់រាជរដ្ឋាភិបាលកម្ពុជា ដើម្បីធ្វើការអភិវឌ្ឋន៍ហេដ្ឋារចនាសម្ព័ន្ធ សាលារៀន ផ្លូវថ្នល់ជាដើម។ តាមរយៈការចូលរួមឧបត្ថម្ភជាទឹកប្រាក់ និងសម្ភារៈវាល់លាននេះហើយ ជាហេតុបណ្តាលឲ្យលោកទទួលបានគោរមងារឧដ្តុងឧត្តមជា “ឧកញ៉ា” តាមព្រះរាជក្រឹត្យ​លេខ នស​/​រកត​/០៦០៨/៧៣៣ ចុះថ្ងៃទី១៤ ខែមិថុនា ឆ្នាំ២០០៨។

បន្ទាប់ពីឈរជើងរឹងមាំក្នុងពិភពជំនួញនៅប្រទេសកម្ពុជា ហើយដោយមើលឃើញតម្រូវការទីផ្សារមានការកើនឡើងខ្ពស់ក្នុងវិស័យសំណង់ ប្រព័ន្ធធារាសាស្រ្ត វិស័យកសិកម្ម និងការប្រើប្រាស់សម្ភារៈសំណង់នៅទូទាំងប្រទេស លោកឧកញ៉ា អ៊ឹង សែ សម្រេចចិត្តបង្កើតរោងចក្ររោងចក្រ រ៉ូសផ្លាស្ទិក ឡើងក្នុងឆ្នាំ២០១៩ ក្នុងគោលដៅច្បាស់លាស់ ដើម្បីផ្គត់ផ្គង់តម្រូវការក្នុងស្រុក និងនាំចេញទៅទីផ្សារអន្តរជាតិ ស្របតាមការអភិវឌ្ឍឧស្សាហកម្មក្នុងស្រុក និងក្នុងតំបន់ ក៏ដូចជាលក្ខណៈសាកល។ អ្វីដែលកាន់ងតែពិសេស រោងចក្រនេះ ដាក់ឲ្យប្រើប្រាស់បច្ចេកវិទ្យាថ្មីចុងក្រោយ ដែលហៅថា ឧស្សាហកម្ម ៤.០ ដើម្បីផលិតទុយោស្របតាមស្តង់ដា។ 

រោងចក្ររ៉ូសផ្លាស្ទីក ខេមបូឌា ជាការវិនិយោគរបស់លោកឧកញ៉ា អ៉ឹង សែ រួមចំណែកជាមួយរាជរដ្ឋាភិបាលក្នុងការអភិវឌ្ឍសេដ្ឋកិច្ចជាតិ។ រោងចក្រផលិតទុយោទឹកសម្រាប់ប្រើប្រាស់ក្នុងការផ្គត់ផ្គង់ទឹកស្អាត និងបំរើឲ្យវិស័យកសិកម្ម និងឧស្សាហកម្មសំណង់នៅកម្ពុជា។ រោងចក្រនេះ បានបើកដំណើរ និងដាក់សម្ពោធជាផ្លូវការ ក្រោមអធិបតីភាពលោកបណ្ឌិត ហ៊ុន ម៉ាណែត  អគ្គមេបញ្ជាការរងកងយោធពលខេមរភូមិន្ទ និងជាមេបញ្ជាការកងទ័ពជើងគោក អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា លោកឧកញ៉ា អ៊ឹង សែ ស្ថាបនិករោងចក្ររ៉ូផ្លាស្ទិក រួមនិងភ្ញៀវកិត្តិយសជាតិ និងអន្តរជាតិជាច្រើនរូប។

ក្រុមហ៊ុន Rose Plastics បាន ក្លាយខ្លួនទៅជាក្រុមហ៊ុនដែលឈានមុខនៅក្នុងទីផ្សារ។ សម្រាប់ទីផ្សារក្នុងសុ្រកយើង នាពេលឥឡូវនេះត្រូវបានគេស្គាល់ថា​ ជាក្រុមហ៊ុនដែលមានជំនាញច្បាស់លាស់ ក្នុងការផលិត ទុយោទឹកស្អាតនិង​ ទុយោកសិកម្ម រួមមាន ទុយោទឹកស្អាត HDPE, ទុយោទឹក PVC-U, ទុយោទឹក PVC, ទុយោទឹកត្រជាក់ និង ទឹកក្តៅ PPR, ទុយោខែ្សភ្លើង PVC, ហ្គេនខ្សែភ្លើង PVC, និង ប្រអប់ខ្សែ ភ្លើង PVC។

គួរបញ្ជាក់ដែរថា រោងចក្រ រ៉ូសផ្លាស្ទីក ខេមបូឌា មានអាស័យដ្ឋាន ផ្លូវជាតិលេខ ៣ សង្កាត់ពងទឹក ខណ្ឌដង្កោ រាជធានីភ្នំពេញ៕

The post តើម្ចាស់ក្រុមហ៊ុនធំជាងគេបំផុតក្នុងការផ្គត់ផ្គង់សម្ភារៈបច្ចេកវិទ្យាព័ត៌មានវិទ្យា ភីធីស៊ី ជាអ្នកនរណា? appeared first on .