តាមការបង្ហាញនៅលើទំព័រហ្វេសប៊ុករបស់លោកឧកញ៉ា បន្តោងខ្សែកមាសថ្មីនេះ បានបង្ហាញសម្រស់យ៉ាងលេចធ្លោរ ដោយម្ខាងមានរូបរាងជាផែនទីព្រះរាជាណាចក្រកម្ពុជា រូបប្រាសាទអង្គរវត្ត ជាមួយនឹងផ្ទៃក្រឡាប្រទេសកម្ពុជាមានចំនួន ១៨១ ០៣៥ គីឡូម៉ែត្រការ៉េ។ ចំណែកឯម្ខាងទៀត មានរូបផ្ការំដួល ដែលជាផ្កាតំណាងឱ្យប្រទេសកម្ពុជា អក្សរ UPP និង TLL ជាក្រុមហ៊ុនរបស់លោកឧកញ៉ា និងពាក្យថា «ឧកញ៉ាគួរអោយស្រលាញ់»។

លោកឧកញ៉ា បានបង្ហោះរូបភាព ភ្ជាប់ជាមួយនឹងសារបែបនេះថា៖ “បន្តោងរូបផែនទីទម្ងន់ ១គីឡូក្រាម គួរឱ្យស្រលាញ់ណាស់ អញ្ចឹងបានចោរសៀមឈ្លានពានយើង”។

គួររំឭកថា កាល៣ឆ្នាំមុន លោកឧកញ៉ា អុឹង គីមហុង បានទទួលកាដូខ្សែកមាសសុទ្ធទម្ងន់សរុប ១,៥ គីឡូក្រាម ពីភរិយារបស់លោក គឺលោកជំទាវឧកញ៉ា សុខ ស្រីអូន ដែលជាកាដូដ៏ពិសេស និងមានតម្លៃមិនអាចកាត់ថ្លៃបាន ក្នុងឱកាសថ្ងៃគម្រប់ខួប ២០ឆ្នាំ នៃចំណងអាពាហ៍ពិពាហ៍។ ខ្សែកមាសដែលធំប្លែកខុសពីខ្សែកធម្មតានេះ មានលក្ខណៈពិសេសដោយច្នៃចេញជាម៉ូដក្បូរក្បាច់ជុំវិញយ៉ាងស្រស់ស្អាត ដោយនៅខាងលើបន្តោង គេឃើញមានរំលេចពាក្យមួយឃ្លា ដែលជារហ័សនាមហៅក្រៅ របស់លោកឧកញ៉ា គឺពាក្យថា “ឧកញ៉ាគួរអោយស្រលាញ់” និងនៅខាងក្រោមគេក៏ឃើញមាន រូប Logo តំណាងក្រុមហ៊ុន TLL ផងដែរ៕

The post ឧកញ៉ា អុឹង គឹមហុង បង្ហាញបន្តោងខ្សែកមាសថ្មី រូបផែនទីកម្ពុជា ទម្ងន់ ១គីឡូក្រាម appeared first on .

ថ្លែងប្រាប់គេហទំព័រឧកញ៉ាញូស៍កាលពីពេលថ្មីៗនេះ លោកជំទាវឧកញ៉ា សុខ ស្រីអូន បានឱ្យដឹងថា កន្លងមកលោកជំទាវតែងតែចូលរួមជាមួយនឹងកម្មវិធីសប្បុរសធម៌នានាមិនថានៅតាមបណ្ដារខេត្ដ ក៏ដូចជាក្នុងរាជធានីភ្នំពេញនោះ គឺក្នុងគោលបំណងចែករំលែកក្ដីស្រឡាញ់ សម្ភារៈសិក្សា ថវិកា និងចែករំលែកពីបទពិសោធន៍នៃការខិតខំប្រឹងប្រែងតាំងពីនៅក្រលំបាកមិនសូវមានរបស់ហូបរហូតទទួលបានជោគជ័យដល់សព្វថ្ងៃនេះ។

តាមរយៈការងារសប្បុរសធម៌កន្លងមក លោកជំទាវឧកញ៉ា រួមជាមួយឧត្ដមស្វាមី លោកឧកញ៉ា អ៊ឹង គីមហុង បានចុះតាមបណ្ដារខេត្ដជាច្រើនរួមមានខេត្ដបន្ទាយមានជ័យ ខេត្ដកំពង់ស្ពឺ ជាដើម ដើម្បីចុះទៅជួបផ្ទាល់ មើលស្ថានភាពជាក់ស្ដែងផ្ទាល់ចំពោះសាលានៅជនបទដាច់ស្រយាល ដោយឧបត្ថម្ភគាំទ្រ សម្ភារៈសិក្សា កង់ ថវិកាជូនដល់លោកគ្រូ អ្នកគ្រូ និងសិស្សានុសិស្សទាំងអស់។

ក្រៅពីនោះដើម្បីជំរុញនិងលើកស្ទួយអំណាននៅកម្ពុជា លោកជំទាវក៏បានឧបត្ថម្ភដល់ទេសចរអំណាចតាមរថយន្ដរបស់លោក អុក វណ្ណដេត ដោយផ្ដល់ជាសម្ភារៈសិក្សា សៀវភៅអានល្អៗ ថវិកា និងការគាំទ្រជាច្រើនទៀតដល់ដំណើរការទេសចរអំណាននេះ។

លោកជំទាវគូសបញ្ជាក់ថា ការធ្វើការងារសប្បុរសធម៌ទាំងនេះលោកជំទាវ និងស្វាមីមិនដែលបង្ហាញតាមបណ្ដាញសង្គមឱ្យគេឃើញនោះទេ ព្រោះថាជាការងារសប្បុរស ធ្វើដោយស្មគ្រចិត្ដ ធ្វើដោយក្ដីស្រឡាញ់។ ដោយឆ្លងកាត់ការលំបាកជាច្រើនកាលនូវកុមារភាព តស៊ូរហូតបានជោគជ័យមកដល់ពេលនេះ លោកជំទាវមិនដែលភ្លេចជួយដល់អ្នកក្រីក្រខ្សត់ និងលើកកម្ពស់ការអប់រំនៅកម្ពុជានោះទេ។

ទន្ទឹមនឹងការងារសប្បុធម៌ខាងលើនេះ លោកជំទាវឧកញ៉ា សុខ ស្រីអូន និងឧត្ដមស្វាមី ឧកញ៉ា អ៊ឹង គីមហុង តែងតែចូលរួមបរិច្ចាគធនធានផ្ទាល់ខ្លួនជាមួយរាជរដ្ឋាភិបាល ជួយដល់សង្គមជាហូរហែ។ ក្នុងនោះក៏បានដឹកនាំក្រុមការងារបរិច្ចាគឈាម និងចែកអង្ករ គ្រឿងបរិភោគជាច្រើននៅពេលកម្ពុជាជួបវិបត្ដិ កូវីដ-១៩។ ពិសេសគេសង្កេតឃើញឧកញ៉ាទាំងពីររូប តែងចែករំលែកម្ហូបអាហារដល់អ្នកខ្វះខាត នៅមុខភូមិគ្រឹះផ្ទាល់ខ្លួនផងដែរ។

សូមជម្រាបជូនថា ក្រៅពីជួយជ្រោមជ្រែងស្វាមីលើវិស័យអចលនទ្រព្យ លោកជំទាវឧកញ៉ា សុខ ស្រីអូន ក៏ជាអគ្គនាយិកាក្រុមហ៊ុន យូភីភី សាឡន & ខូសស្មិចតិច ដែលជាម្ចាស់ហាងលក់ផលិតគ្រឿងសម្អាងរបស់កូរ៉េ និងលក់កាបូបនារីម៉ាកល្បីៗ។ លោកជំទាវទើបតែត្រូវបានព្រះមហាក្សត្រនៃព្រះរាជាណាចក្រកម្ពុជា ប្រោសព្រះរាជទានត្រាស់បង្គាប់ផ្តល់គោរមងារ «ឧកញ៉ា» នៅថ្ងៃទី២៦ ខែមិថុនា ឆ្នាំ២០២៤៕

The post មកដឹងពីការងារសប្បុរសធម៌ជាច្រើនដែលលោកជំទាវឧកញ៉ា សុខ ស្រីអូន ភរិយាឧកញ៉ា អ៊ឹង គីមហុង បានធ្វើកន្លងមក appeared first on .

នៅក្នុងកម្មវិធីសិរីមង្គលអាពាហ៍ពិពាហ៍កូនប្រុសរបស់ឧកញ៉ា លីម ប៊ុណ្ណា និងកូនស្រីឯកឧត្តម ឃួង ស្រេងនេះ សង្កេតឃើញថាមានការអញ្ជើញផ្តល់កិត្តិយសដ៏ខ្ពង់ខ្ពស់ចូលរួមពីសំណាក់ សម្ដេច ឯកឧត្ដម លោកជំទាវ ជាឥស្សរជនថ្នាក់ដឹកនាំ មន្ត្រីរាជការ និងអ្នកមុខអ្នកការជាច្រើនរូប។

ក្រៅពីវត្តមានរបស់ឥស្សរជនជាន់ខ្ពស់ ក៏មានវត្តមានរបស់ លោកអ្នកឧកញ៉ា អ្នកឧកញ៉ា ឧកញ៉ាៗជាច្រើនរូបផងដែរ។ ក្នុងនោះយើងសង្កេតឃើញថា ភរិយារបស់ឧកញ៉ា អ៊ឹង គីមហុង គឺលោកជំទាវឧកញ៉ា សុខ ស្រីអូន បានតុបតែងខ្លួនចូលរួមកម្មវិធីនេះយ៉ាងស្រស់ស្អាត រំលេចទៅដោយគ្រឿងអលង្ការពេជ្រ រួមទាំងសម្លៀកបំពាក់ចាំងប្រណិតផងដែរ។

តាមការបញ្ជាក់ពីលោកជំទាវឧកញ៉ា សុខ ស្រីអូន នៅលើបណ្ដាញសង្គមតិកតុករបស់ខ្លួន បានឱ្យដឹងថា គ្រឿងអលង្ការពេជ្រ សម្លៀកបំពាក់ របស់ខ្លួននិងស្វាមីពាក់ចូលរួមពិធីមង្គលការការកូនឧកញ៉ា លីម ប៊ុណ្ណា គឺមានតម្លៃរហូតដល់ជិត២លានដុល្លារឯណោះ។ ដែលគ្រឿងអលង្ការទាំងអស់រួមមាន៖ រ៉ូបតម្លៃ៤០០ដុល្លារ, កាបូបយួរដៃពណ៌ផ្កាឈូក ជាង៩០០០ដុល្លារ, នាឡិកាដៃពីរគ្រឿង ជិត៧០ម៉ឺនដុល្លារ, ចិញ្ចៀនពេជ្រ៣វង់ជាង៥០ម៉ឺនដុល្លារ, កងដៃពេជ្រស្រោមដោយត្បូងពណ៌ក្រហម ជាង២ម៉ឺនដុល្លារ, ខ្សែកពេជ្រ ជាង២ម៉ឺនដុល្លារ, ​ក្រវិលពេជ្រជាង៧០០០ដុល្លារ និងខ្សែកមាសរំលេចដោយឈ្មោះបុរី TLL ១គីឡូកន្លះ។

សូមជម្រាបជូនថា លោកជំទាវឧកញ៉ា សុខ ស្រីអូន គឺជា​ភរិយា​របស់​លោកឧកញ៉ា អ៊ឹង គីមហុង រហ័សនាម «ឧកញ៉ាគួរឱ្យស្រឡាញ់» ម្ចាស់បុរី TLL គឺជាអគ្គនាយិកា​ក្រុមហ៊ុន យូភីភី សាឡន & ខូសស្មិចតិច ដែល​ជាម្ចាស់ហាង​លក់​ផលិត​គ្រឿង​សម្អាង​របស់​កូរ៉េ និង​លក់​កាបូប​នារី​ម៉ាក​ល្បីៗ។​ លោកជំទាវទើបតែត្រូវបានព្រះមហាក្សត្រ នៃព្រះរាជាណាចក្រ​កម្ពុជា ប្រោសព្រះរាជទានត្រាស់បង្គាប់ផ្តល់គោរមងារ «ឧកញ៉ា» នៅ​ថ្ងៃទី២៦ ខែមិថុនា ឆ្នាំ២០២៤កន្លងទៅនេះ៕

The post មកដឹងពីតម្លៃគ្រឿងពេជ្រ និងសម្លៀកបំពាក់ ភរិយាឧកញ៉ា អ៊ឹង គីមហុង ពាក់ចូលរួមកម្មវិធីមង្គលការកូនប្រុសឧកញ៉ា លីម ប៊ុណ្ណា appeared first on .

លោកឧកញ៉ា អុឹង គីមហុង បានបញ្ជាក់ថា ស្បែងជើងទាំងអស់នេះគឺជាស្បែកជើងរបស់លោកផ្ទាល់ មានទាំងស្បែកជើងសម្រាប់ពាក់ធ្វើការ និងស្បែកជើងលេងកីឡា។ ក្រៅពីនោះ ក៏មានស្បែកជើងរបស់ភរិយាលោក និងស្បែកជើងកូនៗរបស់លោកផងដែរ ហើយស្បែកជើងទាំងអស់នេះ គឺគ្រួសាររបស់លោកបានប្រើប្រាស់តិចតួចមែនទែន និងឈប់ប្រើប្រាស់ តែគុណភាពនៅស្ទើរតែដូចថ្មី ដូច្នេះទើបលោកយកមកបរិច្ចាគជូនបងប្អូនអ្នកដំណើរឆ្លងកាត់ភូមិគ្រឹះរបស់លោក។

នេះមិនមែនជាលើកទីមួយនោះទេ ដែលឧកញ៉ា អុឹង គីមហុង ធ្វើការបរិច្ចាគនៅមុខភូមិគ្រឹះរបស់លោក។ កន្លងមក លោកឧកញ៉ា និងភរិយា ក៏ធ្លាប់បានបរិច្ចាគនូវផ្លែឈើ និងបន្លែធម្មជាតិ ជូនដល់បងប្អូនអ្នកដំណើរ និងអ្នករត់ម៉ូតូកង់បីផងដែរ។

សូមជម្រាបថា លោកឧកញ៉ា អុឹង គីមហុង អគ្គនាយកក្រុមហ៊ុនអចលនទ្រព្យ TLL និងលោកជំទាវឧកញ៉ា សុខ ស្រីអូន មានបុត្រាបុត្រីគួរឱ្យស្រលាញ់ចំនួន ៤នាក់ (កូនស្រី១ និងកូនភ្លោះប្រុស ៣)។ ក្រៅពីនេះ លោកឧកញ៉ា និងលោកជំទាវឧកញ៉ា ក៏មានមុខជំនួញជាច្រើននៅក្នុងដៃថែមទៀត។ លោកឧកញ៉ា និងភរិយា បានរៀបចំពិធីឡើងភូមិគ្រឹះថ្មីមានឈ្មោះថា «ភូមិគ្រឹះ ឧកញ៉ាគួរឱ្យស្រលាញ់» តម្លៃជិត ៥លានដុល្លារ កាលពីថ្ងៃទី១៣ ខែវិច្ឆិកា ឆ្នាំ២០២៣ ដែលស្ថិតនៅផ្លូវ២០០៤ សង្កាត់កាកាប ខណ្ឌពោធិ៍សែនជ័យ រាជធានីភ្នំពេញ៕

The post ឧកញ៉ា អុឹង គីមហុង ចែកស្បែកជើងជូនដល់ពលរដ្ឋដែលជិះកាត់ភូមិគ្រឹះរបស់ខ្លួន appeared first on .

លោកឧកញ៉ា ម្ចាស់បុរី TLL និងហាងម៉ូតូ Honda រូបនេះ បាន​បង្ហោះរូបភាព​ពាក់ខ្សែក​មាស​ទម្ងន់​ជាង​ ១,៥គីឡូក្រាម ភ្ជាប់ជាមួយ​សារ​លើ​ទំព័រហ្វេសប៊ុក កាលពី​ថ្ងៃទី១២ ខែកញ្ញា ឆ្នាំ២០២៤ ដូច្នេះថា៖ “ប៉ុន្មានឆ្នាំ​មុន​ ជំទាវតូចទិញខ្សែកមាសឱ្យ​ទម្ងន់៤២តម្លឹង ១តំឡឹង តម្លៃ ១១៥០$ ឥឡូវឡើង ៣០០០$ជាង បើលក់វិញ ដឹងតែក្លាយជាអ្នកមានហើយ។ ឧកញ៉ាគួរអោយស្រឡាញ់បុរី TLL”។

គួររំឭកថា កាល២ឆ្នាំមុន លោកជំទាវឧកញ៉ា សុខ ស្រីអូន បាន Surprise​ លោកឧកញ៉ា អុឹង គីមហុង ដោយ​ទិញ​ជូនកាដូ​ខ្សែកមាសសុទ្ធទម្ងន់សរុប ដល់ទៅជាង​មួយគីឡូកន្លះ តម្លៃប្រមាណ​ជាង ៩ម៉ឺនដុល្លារ គឺជាកាដូដ៏​ពិសេស និងមានតម្លៃមិនអាច​កាត់ថ្លៃបាន ក្នុងឱកាស​ថ្ងៃគម្រប់ ២០ឆ្នាំ នៃចំណងអាពាហ៍ពិពាហ៍។ ខ្សែក​មាស​ដែល​ធំ​ប្លែក​ខុស​ពី​ខ្សែក​ធម្មតានេះ មានលក្ខណៈពិសេស​ដោយ​ច្នៃចេញជាម៉ូដក្បូរក្បាច់ជុំវិញយ៉ាងស្រស់ស្អាត ដោយ​នៅខាងលើបន្តោង គេឃើញមានរំលេចពាក្យមួយឃ្លា ដែលជារហ័សនាមហៅក្រៅ របស់លោកឧកញ៉ា គឺពាក្យថា “ឧកញ៉ាគួរអោយស្រលាញ់” និង​នៅខាងក្រោមគេ​ក៏ឃើញមាន រូប Logo តំណាងក្រុមហ៊ុន TLL។

សូមជម្រាបថា ចំណងអាពាហ៍ពិពាហ៍ជាង​ ២០ឆ្នាំ លោកឧកញ៉ា អគ្គនាយកក្រុមហ៊ុនអចលនទ្រព្យ TLL និងលោកជំទាវឧកញ៉ា​ សុខ ស្រីអូន គិតមកទល់ពេលនេះ អ្នកទាំងពីរ​មានបុត្រាបុត្រីគួរឱ្យស្រលាញ់ចំនួន ៤នាក់ (កូនស្រី១ និងកូនភ្លោះប្រុស ៣)។ ក្រៅពីនេះ លោកឧកញ៉ា និងលោកជំទាវឧកញ៉ា​ ក៏មានមុខជំនួញជាច្រើននៅ​ក្នុងដៃ​ថែមទៀតផងដែរ៕

The post ខ្សែករមាស៤២តម្លឹង របស់ឧកញ៉ា អុឹង គីមហុង ទិញប៉ុន្មានឆ្នាំមុន ឥឡូវបើលក់ចំណេញកប់ក្ដោង appeared first on .

ក្រៅពីជួយជ្រោមជ្រែងស្វាមី​លើ​វិស័យ​អចលនទ្រព្យ លោកស្រី សុខ ស្រីអូន ក៏​ជា​អគ្គនាយិកា​ក្រុមហ៊ុន យូភីភី សាឡន & ខូសស្មិចតិច ដែល​ជាម្ចាស់ហាង​លក់​ផលិត​គ្រឿង​សម្អាង​របស់​កូរ៉េ និង​លក់​កាបូប​នារី​ម៉ាក​ល្បីៗ។

លោក​ឧកញ៉ា អុឹង គីមហុង និង​លោកស្រី សុខ ស្រីអូន បាន​ស្គាល់​គ្នា​និង​ចាប់ដៃ​គ្នា​កសាង​គ្រួសារ​មួយ​​​​ ​រយៈពេល​ជា​ច្រើន​ឆ្នាំ​មក​ហើយ។ កាលខែវិច្ឆិកា ឆ្នាំ២០២៣ ឧកញ៉ា អុឹង គីមហុង និង​ភរិយា​ បាន​​ធ្វើ​​ពិធី​ឡើង​ភូមិគ្រឹះ​ថ្មី តម្លៃ​ជិត ៥លាន​ដុល្លារ នៅ​លើ​ផ្លូវ​២០០៤ ខណ្ឌ​ពោធិ៍សែនជ័យ។ លោកឧកញ៉ា និងភរិយា តែងតែ​​​ចូលរួម​បរិច្ចាគ​ធនធាន​ផ្ទាល់​ខ្លួន​ជាមួយ​រាជរដ្ឋាភិបាល ជួយ​ដល់​សង្គម​ជា​ហូរហែ ពិសេស​គេ​​សង្កេត​ឃើញ​ឧកញ៉ា​ទាំង​ពីររូប តែងចែក​រំលែក​ម្ហូបអាហារ​ដល់​អ្នក​​ខ្វះខាត នៅមុខភូមិគ្រឹះ​ផ្ទាល់ខ្លួន​ផងដែរ៕

The post លោកស្រី សុខ ស្រីអូន ភរិយាឧកញ៉ា អុឹង គីមហុង ទទួលបានគោរមងារ «ឧកញ៉ា» appeared first on .

ថ្មីៗនេះ លោកស្រី សុខ ស្រីអូន បានបង្ហោះវីដេអូមួយជិត១៣នាទីនៅលើបណ្ដាញសង្គមផ្ទាល់ខ្លួន ដោយលោកស្រី បានរៀបរាប់ពីខ្សែជីវិត ប្រវត្ដិនៃការតស៊ូ ខិតខំប្រឹងប្រែងរបស់ប្អូនស្រីបង្កើត គឺឧកញ៉ា សុខ មុយលី ទម្រាំដើរដល់ចំណុចមួយជាឧកញ៉ាវ័យក្មេងសព្វថ្ងៃ។

លោកស្រី សុខ ស្រីអូន បានលើកឡើងថា «នៅក្នុងសង្គមបច្ចុប្បន្នតែងតែមានគេនិយាយថា គាត់ជាកូនអ្នកមាន ថ្ងៃនេះខ្ញុំចង់ប្រាប់ថា គាត់ជាប្អូនអ្នកមាន មិនមែនជាកូនរបស់អ្នកមាននោះទេ ខ្ញុំចិញ្ចឹមកូនខ្ញុំ, ខ្ញុំមិនអាចចិញ្ចឹមគាត់ពីតូចដល់ធំបាននោះទេ គាត់មានដៃមានជើងរកខ្លួនឯងហើយ អ៊ីចឹងខ្ញុំអត់មានត្រូវផ្គត់ផ្គង់គាត់ទៀតនោះទេ»។

លោកស្រីបន្ថែមថា « អ្វីដែលគាត់មានបានមកដល់សព្វថ្ងៃ ជាការខិតខំប្រឹងប្រែងរបស់គាត់ ការព្យាយាមរបស់គាត់ បានគាត់ជាក្មេងល្អ បានល្អ រស់នៅក្នុងសង្គមល្អ ហើយគាត់ជាឧកញ៉ាវ័យក្មេងមួយរូបដែលកើតចេញពីខ្លួនឯងផ្ទាល់ ខ្ញុំអត់មានជួយទំនុកបម្រុងអីទាំងអស់»។

ទន្ទឹមនឹងនោះ លោកស្រី សុខ ស្រីអូន ក៏បានលើកឡើងផងដែរពីគំនិតចេញរកស៊ីដំបូងរបស់ប្អូនស្រី ដែលចង់បើក ហាងលក់កាហ្វេ amazon តែត្រូវបានលោកស្រីឃាត់មិនឱ្យរកស៊ី ព្រោះគិតថាជារបរអ្នកមាន កូនអ្នកក្រមិនអាចរកស៊ីលើរបរនេះនោះទេ ទើបលោកស្រី សុខ មុយលី សម្រេចរកស៊ីមុខរបរផ្សេងដែលបងស្រីណែនាំ រហូតទទួលបានជោគជ័យមកទល់ពេលបច្ចុប្បនេះ។

សូមជម្រាបជូនថា ឧកញ៉ា សុខ មុយលី បច្ចុប្បន្នជា នាយកប្រតិបត្តិក្រុមហ៊ុន ធីអិលអិល រៀល អ៊ីស្ទេត ឯ.ក. ដែលជាក្រុមហ៊ុន ទិញលក់ និងជួលអចលនទ្រព្យ និងមានជំនួញផ្ទាល់ខ្លួនជាច្រើនទៀតនៅក្នុងដៃ។ លោកស្រី ឧកញ៉ា មានស្រុកកំណើតនៅរាជធានីភ្នំពេញ និងជាកូនកំព្រាឪពុក រស់នៅជាមួយម្ដាយ ជាស្រ្តីមេផ្ទះ និងបងស្រីបង្កើតដែលមានឈាមជ័រជាអ្នករកស៊ី គឺលោកស្រី សុខ ស្រីអូន៕

The post ភរិយាឧកញ៉ា អ៊ឹង គីមហុង ចេញមកលាតត្រដាងការពិតចំពោះភាពជោគជ័យរបស់ ឧកញ៉ា សុខ មុយលី appeared first on .

លោកស្រី ម្ចាស់ហាង​លក់​ផលិត​គ្រឿង​សម្អាង​របស់​កូរ៉េ និង​លក់​កាបូប​នារី​ម្នាក់​ល្បីៗ​រូប​នេះ ​​បាន​បង្ហោះសារ​ភ្ជាប់​ជាមួយ​នឹង​រូបថត​ចាស់ៗ​​របស់​លោកស្រី​និង​ស្វាមី ពេល​​ជួប​គ្នា​ដំបូង​កាល​ជាង​ ២០​ឆ្នាំ​មុន​​ថា៖ “​​សំណាង​បំផុត​របស់មនុស្សស្រី បានជួប​មនុស្សម្នាក់​ដែលស្រលាញ់យើង​គ្រប់ពេលវេលា ​ទោះមួយជំហាន ក៏មិនដែលភ្លេច គិត​ដល់សុខទុក្ខ​យើង មនុស្សម្នាក់ដែលមិនព្រមទុកឱ្យ​យើង​ជួបការលំបាកតែម្នាក់ឯង មនុស្សម្នាក់ដែលខ្លាចបាត់បង់​យើងបំផុត។ រីករាយថ្ងៃដែលស្គាល់គ្នា​ដំបូង១៨/១០/២០០១ – ១៨/១០/២០២៣។ ២២ឆ្នាំ​ហើយ”។

លោក​ឧកញ៉ា អ៊ឹង គីមហុង និង​លោកស្រី សុខ ស្រីអូន បាន​ស្គាល់​គ្នា​និង​ចាប់ដៃ​គ្នា​កសាង​គ្រួសារ​មួយ​​​​ ​រយៈពេល​ជា​ច្រើន​ឆ្នាំ​មក​ហើយ ខណៈ​ដែល​អ្នកទាំងពីរ​​តែងតែ​បង្ហាញ​ភាព​ផ្អែមល្អែមជាប្រចាំ ទោះបី​​មមាញឹកមាន​មុខជំនួញ​​ក្នុង​ដៃ​រៀងៗខ្លួន។ ឧកញ៉ា អ៊ឹង គីមហុង ជា​ម្ចាស់​បុរី TLL និង​ជា​ម្ចាស់ក្រុមហ៊ុន​​លក់​ម៉ូតូហុងដា​ដ៏​ធំ​ផង​ដែរ។ កាលពី​សប្តាហ៍​មុន ​លោកឧកញ៉ា និង​ភរិយា​ ក៏​ទើប​តែ​ធ្វើ​​ពិធី​ឡើង​ភូមិគ្រឹះ​ថ្មី តម្លៃ​ជិត ៥លាន​ដុល្លារ នៅ​លើ​ផ្លូវ​២០០៤ ខណ្ឌ​ពោធិ៍សែនជ័យ៕

The post ភរិយាឧកញ៉ា អ៊ឹង គីមហុង៖ សំណាងបំផុតរបស់មនុស្សស្រី គឺបានជួបមនុស្សម្នាក់ដែលស្រលាញ់ខ្លួនគ្រប់ពេលវេលា appeared first on .

កម្មវិធី​ដ៏​​ធំ​ដែល​មាន ​អ្នកឧកញ៉ា ឧកញ៉ា និង​ភ្ញៀវកិត្តិយស​​ជា​ច្រើន​ប្រមាណ​ជិត ៤០០នាក់​ បាន​ចូល​រួម​កាលពី​ល្ងាច​​ម្សិល​មិញ​នេះ ​ធ្វើ​ឡើង​នៅ​ភូមិគ្រឹះ​ថ្មី​របស់​លោក​ផ្ទាល់ ស្ថិត​នៅ​ផ្លូវ​២០០៤ សង្កាត់​កាកាប ខណ្ឌ​ពោធិ៍សែនជ័យ រាជធានីភ្នំពេញ។ កម្មវិធី​នេះ​ ក៏ត្រូវបានរៀបចំឡើង​ចំ​ថ្ងៃ​ខួប​កំណើត​​កូន​ស្រី​របស់​លោក ដែល​មាន​វ័យ ៧​ឆ្នាំ​ផង​ដែរ។ ​

សូម​ជម្រាប​ថា នៅ​​ដើម​ឆ្នាំ២០២១ លោក​ឧកញ៉ា អ៊ឹង គីមហុង​ ​និង​ភរិយា លោកស្រី សុខ ស្រីអូន អគ្គនាយិកា​ក្រុមហ៊ុន យូភីភី សាឡន & ខូសស្មិចតិច បាន​ចាប់​ផ្តើម​សាងសង់​ភូមិគ្រឹះ​ផ្ទាល់​ខ្លួន​​​ដ៏​ស្កឹមស្កៃ​មួយ នៅ​ផ្លូវ​២០០៤ មាន​ឈ្មោះ​ថា «ភូមិគ្រឹះ ឧកញ៉ា​គួរ​ឱ្យ​ស្រលាញ់» ​ចំណាយ​ប្រាក់​អស់​​ប្រមាណ​ជិត ៥​លាន​ដុល្លារ ដោយ​មិន​គិត​ថ្លៃ​ដី ​​និង​បាន​សាងសង់​រួច​រាល់​ ១០០% កាលខែ​មេសា ឆ្នាំ២០២៣៕

The post ឧកញ៉ា អ៊ឹង គីមហុង រៀបចំពិធីឡើងភូមិគ្រឹះថ្មីដ៏ស្កឹមស្កៃ តម្លៃជិត ៥លានដុល្លារ appeared first on .

កត្តាសេដ្ឋកិច្ច​សកល​របស់​ពិភពលោក​មាន​ការ​ធ្លាក់ចុះ ការ​បន្ត​សង្គ្រាម​​រវាង​ប្រទេស​រុស្ស៊ី-អ៊ុយក្រែន បញ្ហា​​ជំងឺ​កូវីដ-១៩ អូស​បណ្តាយ​ជា​ច្រើន​ឆ្នាំ សង្គ្រាម​ពាណិជ្ជកម្ម​អាមេរិក-ចិន ព្រម​ទាំង​កត្តា​គ្រោះ​ធម្មជាតិ​​មួយ​ចំនួន​ទៀត បាន​ធ្វើ​ឱ្យ​ប្រទេស​កម្ពុជា មិន​អាច​បញ្ចៀស​ហានិភ័យ​ពី​វិបត្តិសេដ្ឋកិច្ច​បាន​ទាំង​ស្រុង​នោះ​ទេ។ ជាពិសេស មួយ​រយៈ​ចុង​ក្រោយ​នេះ​ វិស័យ​អចលនទ្រព្យ ​​​​​បាន​ជួប​ហានិភ័យ​គួរ​ឱ្យ​កត់​សម្គាល់ ​​សម្រាប់​អ្នកវិនិយោគ​ក្នុង​ស្រុក​មួយ​ចំនួន ដែល​ពុំ​មាន​ដើមទុន​​​ទាំង​ស្រុង។ ចំពោះ​បញ្ហា​នេះ លោក​ឧកញ៉ា អ៉ឹង គីមហុង ​ដែលជាអ្នកជំនួញលើវិស័យអចលនទ្រព្យជាច្រើនឆ្នាំ បាន​លើក​ឡើង​នៅ​ព្រឹក​ថ្ងៃ​ពុធ​នេះ​ យ៉ាង​ដូច្នេះ​ថា៖ “វិស័យអចលនទ្រព្យ មានដើមទុន ១០០% ទើបអត់ហានិភ័យ”។

គួរ​រំឭក​​ថា កាលពី​ថ្ងៃទី០៦ ខែកក្កដា ឆ្នាំ២០២៣ ធនាគារ​ជាតិ​នៃ​កម្ពុជា ​​បាន​ចេញ​សេចក្តីប្រកាសព័ត៌មាន​មួយ​​ថា កម្ពុជា​រំពឹង​មានកំណើនសេដ្ឋកិច្ច ៥,៥ភាគរយ ក្នុងឆ្នាំ២០២៣។ ជាមួយនឹងកំណើននេះ​ សេដ្ឋកិច្ចកម្ពុជា​​ក៏ប្រឈមនូវហានិភ័យមួយចំនួនផងដែរ។ ជាពិសេស គឺហានិភ័យខាងក្នុងប្រទេស​ ដែលអាចកើតមានឡើង​ពី​វិស័យអចលនទ្រព្យ។

សេចក្តីប្រកាសព័ត៌មាន​ដដែល​បាន​បញ្ជាក់​ថា ក្នុងរយៈពេលប្រមាណ១០ឆ្នាំមុនវិបត្តិកូវីដ-១៩ផ្ទុះឡើង វិស័យ​អចលនទ្រព្យនៅកម្ពុជា មានការរីកចម្រើនយ៉ាងឆាប់រហ័ស។ ប៉ុន្តែ ការធ្លាក់ចុះសេដ្ឋកិច្ចពិភពលោក និងក្នុង​ស្រុក​ដោយសារវិបត្តិកូវីដ-១៩ រួមទាំងការងើបឡើងក្នុងស្ថានភាពមិនប្រាកដប្រជា បានធ្វើឱ្យតម្រូវការ​ក្នុងវិស័យនេះ​ធ្លាក់ជាលំដាប់។ ស្ថានភាពនេះទាមទារឱ្យមានការតាមដានយ៉ាងប្រយ័ត្ន ជាពិសេសលើការ​ផ្តល់ឥណទានទៅ​កាន់​វិស័យអចលនទ្រព្យ ព្រមទាំងពង្រឹងកិច្ចសហការ​យ៉ាងជិតសិ្នតរវាងអាជ្ញាធរព័ន្ធពាក់​ ដើម្បីគ្រប់គ្រង​ហានិភ័យ​ដែលអាចកើតមានឡើង និងឥទ្ធិពលរាលដាលទៅកាន់វិស័យផ្សេងទៀត៕
​

The post ឧកញ៉ា អ៉ឹង គីមហុង៖ វិស័យអចលនទ្រព្យ មានដើមទុន ១០០% ទើបអត់ហានិភ័យ appeared first on .