ពិធីបើកការដ្ឋានស្ថាបនា​​ផ្លូវថ្មីស្រឡាងដ៏ធំមួយខ្សែទៀត​នេះ​ ក៏​មានការចូលរួមពី​លោក​ ឃួង ស្រេង អភិបាល​រាជធានីភ្នំពេញ ឧកញ៉ា អ៊ឹង ប៊ុនហ៊ូវ និងលោកជំទាវ ហេង ​សុខា ព្រមទាំងរដ្ឋបាលខណ្ឌ កងកម្លាំង មន្រ្តីរាជការ សមាគមយុវជន និងប្រជាពលរដ្ឋ សរុបប្រមាណ ៣,៤០០នាក់។

ផ្លូវមួយខ្សែនេះគឺជាផ្លូវមេទី៣ ក្នុងគម្រោងអភិវឌ្ឍន៍ទីក្រុង ING City នៅក្នុងចំណោម បណ្តាញផ្លូវសរុបចំនួន ៦១ខ្សែ គឺបន្ទាប់ពីផ្លូវមេទី១ គឺមហាវិថីសម្តេច ហ៊ុន សែន និងផ្លូវមេទី២ គឺមហាវិថីអ្នកឧកញ៉ាមហាភក្តី​សប្បុរិស​ភោគាធិបតី ហ៊ុន នាង។ ផ្លូវ១ខ្សែនេះ ត្រូវបានរាជរដ្ឋាភិបាលប្រសិទ្ធនាមថា មហាវិថី “ឈុន គង់”។ មហាវិថី ឈុន គង់ ជាមហាវិថីមួយខ្សែស្ថិតនៅចំកណ្ដាលទទឹងនៃតំបន់អភិវឌ្ឍន៍ទីក្រុងរណប ING City តភ្ជាប់ពីផ្លូវជាតិ​លេខ២ ក្នុងសង្កាត់ចាក់អង្រែក្រោម ឆ្ពោះទៅកាន់ផ្លូវជើងឯក(ផ្លូវលេខ២១៧) មានប្រវែង ៤.០០០ម៉ែត្រ គិត​ត្រឹមព្រំប្រទល់នៃតំបន់អភិវឌ្ឍន៍ និងមានលំហផ្លូវប្រវែង៥០ម៉ែត្រ ក្នុងនោះទំហំ៣០ម៉ែត្រជាតួផ្លូវ សម្រាប់យាន​ជំនិះ និងចិញ្ចើមផ្លូវទំហំ ១០ម៉ែត្រសងខាង។

សូម​ជម្រាប​ថា មហាវិថីមួយនេះ នឹងដើរតួនាទីយ៉ាងសំខាន់ជួយដោះស្រាយភាពកកស្ទះចរាចរណ៍ សម្រួល​ដល់​ការ​ដឹកជញ្ជូនទំនិញ ពិសេសជួយឲ្យប្រជាពលរដ្ឋចំណេញពេលវេលា និងថវិកាជាច្រើន។ គួរបញ្ជាក់​ដែរ​ថា ផ្សារទំនើប អ៊ីអនមានជ័យ (AEON) គឺ​ស្ថិតនៅចំណុចប្រសព្វនៃមហាវិថីសម្តេច ហ៊ុន សែននិង មហាវិថី ឈុន គង់៕

The post ឧកញ៉ា អ៊ឹង ប៊ុនហ៊ូវ បើកការដ្ឋានស្ថាបនាផ្លូវមេទី៣ ក្នុងគម្រោងអភិវឌ្ឍន៍ទីក្រុង ING City appeared first on .

ការផ្ដល់គ្រឿងឥស្សរិយយស «ជាតូបការ» ដែលជាមេដាយខ្ពស់បំផុត​របស់​ប្រទេសកម្ពុជា​ជូន ឧកញ៉ា អ៊ឹង ប៊ុនហូវ នាពេលនេះ គឺដើម្បីឆ្លើយតបនឹងគុណបំណាច់របស់ លោក​ឧកញ៉ា ដែលជារឿយៗ តែងតែលះបង់​ទាំង​ពេលវេលា និងធនធានថវិកា ជួយក្នុងសកម្មភាព​សប្បុរធម៌​នានាជូនជាតិ ប្រជាជន និងរាជរដ្ឋាភិបាលកម្ពុជា ដូចជា បរិច្ចាគទឹកប្រាក់ ២០ម៉ឺនដុល្លារ ជូនដល់រាជរដ្ឋាភិបាលកម្ពុជា ដើម្បីដោះស្រាយបញ្ហាមីន, ឧបត្ថម្ភ​ថវិកា​ចំនួន ១០,០០០ ដុល្លារ ដើម្បីរួមចំណែកជាមួយសមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) ក្នុងការចុះពិនិត្យ និងព្យាបាលជំងឺជូនប្រជាពលរដ្ឋក្រីក្រទូទាំងប្រទេសដោយឥតគិតថ្លៃ ​​​ព្រម​ទាំង​ការ​ចូល​រួម​បរិច្ចាគ​ជួយ​​សកម្មភាព​មនុស្សធម៌​ជា​ច្រើន​ទៀត៕

The post ឧកញ៉ា អ៊ឹង ប៊ុនហូវ ទទួលការបំពាក់គ្រឿងឥស្សរិយយស «ជាតូបការ» ពីសម្តេចតេជោ ហ៊ុន សែន appeared first on .

ស្ថាបនិក​របស់​ក្រុមហ៊ុន អាយអិនជី ហូលឌីង ​​គឺ​ឧកញ៉ា អ៊ឹង ប៊ុនហូវ, ឧកញ៉ា លឹម រស់ និង​ឧកញ៉ា លឹម ប៊ុនសួរ។ លោកឧកញ៉ាទាំង​បី​រូប​នេះ​ ​​បាន​ចូលហ៊ុន​គ្នា​បង្កើត​ក្រុមហ៊ុន​រួម​គ្នា តាំងពី​ឆ្នាំ១៩៩៣ ហើយ​ច្រើន​ឆ្នាំ​កន្លង​មក ​​ក្រុមហ៊ុន​មាន​ការ​រីកចម្រើន​ជា​បន្ត​បន្ទាប់ រហូត​បង្កើត​បាន​ជា​សម្ព័ន្ធ​ក្រុមហ៊ុន​មួយ​​ឈ្មោះ​ថា AZ Group។

លុះ​ដល់ឆ្នាំ២០០៥ ​​លោក​ឧកញ៉ា​ទាំង​បី​រូប​ ​បាន​បង្កើត​ក្រុមហ៊ុន​ អាយអិនជី ហូលឌីង (I.N.G Holding) ​​នេះ​ឡើង ដោយ​ផ្តោត​សំខាន់​លើ​​គម្រោង​អភិវឌ្ឍន៍ធំៗ​​លើ​ទីតាំង​៤ ​សំខាន់ៗ​គឺ ភាគ​ខាង​ត្បូង​រាជធានីភ្នំពេញ ភាគ​ខាង​កើត​រាជធានីភ្នំពេញ ខេត្តសៀមរាប ​និង​ខេត្ត​ព្រះសីហនុ នៅ​លើ​ផ្ទៃដី​ប្រមាណ ២៥៧២ ហិកតា។

​​​​​​​គម្រោង​អភិវឌ្ឍ​មជ្ឈមណ្ឌល​ពាណិជ្ជកម្ម​ទំនើប​មួយ​ ដែល​កំពុង​ដំណើរការ ​គឺ​​នៅ​ភាគ​ខាង​ត្បូង​រាជធានីភ្នំពេញ ​មាន​ឈ្មោះថា ទីក្រុង​នាគ ស្ថិត​នៅ​ក្នុង​ទីក្រុង​រណប​តំបន់​បឹងទំពុន និង​ជើងឯក​ ដែល​សហការ​ជាមួយ​ក្រុមហ៊ុន ខូសវ៉េបេ គ្រុប និង​ក្រុមហ៊ុន ស៊ីណូ បេ ខន់ស្ត្រាក់សិន អ៊ីនវេសមេន មកពី​ទីក្រុង​ហុងកុង។ ជាមួយ​គ្នា​នេះ Garden City Movement ​ត្រូវ​បាន​បង្កើត​ឡើង​អមដោយ​ធម្មជាតិ​ស្រស់​បំព្រង ហើយ​ក្នុង​គម្រោង​នេះ​ រួម​មាន​ទាំង​លំនៅឋាន ផ្ទះ​អាជីវកម្ម ផ្សារ​ទំនើប និង​ផ្នែក​ឧស្សាហកម្ម​ផងដែរ។

​ក្រុមហ៊ុន ហូលឌីង នឹង​ជួយ​ជំរុញ​ឱ្យ​រាជធានីភ្នំពេញ ​កាន់​តែ​មាន​ភាព​ប្រសើរ​ឡើង​ នាពេល​អនាគត តាម​រយៈការជួយ​​អ្នក​ជំនួញ​ក្នុង​ប្រទេស ឱ្យ​ប្រកប​មុខជំនួញ, រាជរដ្ឋាភិបាល​បង្កើត​បាន​នូវ​មជ្ឈមណ្ឌល​កណ្តាល, ​បង្កើត​ឱកាស​​ឱ្យ​អ្នក​វិនិយោគ​បរទេស ព្រម​ទាំង​​ជួយ​លើកកម្ពស់​ជីវភាព​ប្រជាជន និង​លើក​កម្ពស់​សេដ្ឋកិច្ច​​​ជាតិ។

គួរ​រម្លឹកថា ការអភិវឌ្ឍ​ទីក្រុង​រណប អ៊ីង​ ស៊ីធី (ING City) ​បាន​ចាប់ផ្តើម​កាលពី​ឆ្នាំ​ ២០០៧ ហើយ​មហាវិថី​សម្តេច​តេជោ ហ៊ុន សែន ដែល​លាតសន្ធឹង​ប្រវែង ៩,១ ​គីឡូម៉ែត្រ​ត្រូវ​បាន​ដាក់​ឱ្យ​ប្រើប្រាស់​ជា​សាធារណៈ​កាលពី​ខែ​មេសា ឆ្នាំ​ ២០១៧។ ការអភិវឌ្ឍ​តំបន់​បឹងទំពុន និង​ជើងឯក​ គឺ​ដើរ​ស្រប​គ្នា​នឹង​ចក្ខុវិស័យ​ដ៏វែងឆ្ងាយ​របស់​សម្តេច​តេជោ​ ហ៊ុន សែន នាយក​រដ្ឋមន្ត្រី​​ ដែល​​ចង្អុល​បង្ហាញ​ពី​យុទ្ធសាស្ត្រ​ពង្រីក​ទីក្រុង​ទៅ​ភាគ​ខាង​ត្បូង​រាជធានី​ភ្នំពេញ៕

The post មកដឹងពីប្រវត្តិក្រុមហ៊ុន ING Holding Group ដែលមានឧកញ៉ា ៣រូប ជាសហស្ថាបនិក appeared first on .

ក្រុមហ៊ុន ដូនពេញ បានឲ្យដឹងថា ផែនការអភិវឌ្ឍធនធានមនុស្ស គឺជាផែនការអទិភាពមួយក្នុងចំណោមផែនការយុទ្ធសាស្ត្រ ថ្មីៗដែលត្រូវបានកំណត់ដោយគណៈគ្រប់គ្រងរបស់ ក្រុមហ៊ុន ដូនពេញ (ខេមបូឌា) គ្រុប។ វគ្គបណ្តុះបណ្តាល ស្ដីអំពី «ជំនាញគ្រប់គ្រងធនធានមនុស្ស» ត្រូវបានរៀបចំឡើងក្នុងគោលបំណងបង្កើនសមត្ថភាពការគ្រប់គ្រងធនធានមនុស្សឲ្យកាន់តែមានប្រសិទ្ធិភាព និងអាចសម្រេចបាននូវសមិទ្ធផលថ្មីៗបន្ថែមទៀត ដោយមានការចូលរួមពីថ្នាក់គ្រប់គ្រងគ្រប់នាយកដ្ឋាន។

ថ្នាក់គ្រប់គ្រងគ្រប់នាយកដ្ឋាន សរុប ៧២នាក់ ដែលកំពុងបំពេញការងារនៅក្រុមហ៊ុន ដូនពេញ (ខេមបូឌា) គ្រុប, ក្រុមហ៊ុន អាយអិនជី ហូលឌីង, ធនាគាឯកទេស ដូនពេញ, ក្រុមហ៊ុន ធានារ៉ាប់រង ភិភល&ផាតនើ, ក្រុមហ៊ុន ដូនពេញ ត្រេដឌីង និងក្រុមហ៊ុន ដូនពេញ ព្រីខាស់ផ្លេន ដែលមានរយៈពេល ៣ថ្ងៃ ចាប់ពីថ្ងៃទី១៦ ថ្ងៃទី១៨ និងថ្ងៃទី២៧ ខែកក្កដា ឆ្នាំ២០២២ នៅសណ្ឋាគារ ពូលូវៃ៕

The post ក្រុមហ៊ុនឧកញ៉ាជើងចាស់ អ៉ឹង ប៊ុនហូវ ហៅបុគ្គលិកមករៀនសូត្រ appeared first on .

លោកជាសហគ្រិនចាស់វស្សាមានគ្រឹះដ៏រឹងមាំក្នុងពិភពមុខជំនួញនៅក្នុងប្រទេសកម្ពុជា។ លោកមានទំនាក់ទំនងស៊ីជម្រៅ និងចាប់ដៃជាមួយនឹងសហគ្រិនគ្រាក់ៗកំពូលៗនៅកម្ពុជាក្នុងការសហការរកស៊ី ដូចជា អ្នកឧកញ៉ា ពុង ឃាវសែ អគ្គនាយកក្រុមហ៊ុន OCIC និងឧកញ៉ា អ៊ឹង ប៊ុនហូវ អគ្គនាយកក្រុមហ៊ុន ING Group បោះទុនអភិវឌ្ឍសាជីវកម្ម និងគម្រោងអភិវឌ្ឍធំៗនៅភ្នំពេញ។

លោក លឹម ប៊ុនសួរ ទទួលបានគោរមងារ​ឧកញ៉ា​ទី​៩៣ ដែល​ប្រទាន​ដោយ​ព្រះមហាក្សត្រ ​នា​ថ្ងៃ​ទី​១៤ ខែ​ធ្នូ ឆ្នាំ​២០០០ តាមរយៈ​ព្រះរាជក្រឹត្យ​លេខ​១២០០/២១៨ ចុះថ្ងៃទី១៤ ខែធ្នូ ឆ្នាំ២០០០។

ដំណែងនៅក្នុងសាជីវកម្មរបស់ក្រុមហ៊ុនបុត្រសម្ព័ន្ធអ្នកឧកញ៉ា ពុង ឃាវសែ ឧកញ៉ា លឹម ប៊ុនសួរ ជាសមាជិកក្រុមប្រឹក្សាភិបាលនៃធនាគារ ពាណិជ្ជក្រៅប្រទេសនៃកម្ពុជា FTB និងជាអនុប្រធាន​ក្រុមប្រឹក្សាភិបាល​ក្រុមហ៊ុន ING Group របស់ឧកញ៉ា អ៊ឹង ប៊ុនហូវ។ ខណៈដែលមហាសេដ្ឋីទាំងពីរូបនេះ បានឈរក្នុងពិភពជំនួញយ៉ាងរឹងមាំបំផុតនៅកម្ពុជារាប់ទស្សវត្សរ៍មកហើយ។

ឧកញ៉ា លឹម ប៊ុនសួរ គឺជាពាណិជ្ជករ នៅក្រោយគម្រោង​អភិវឌ្ឍ​មជ្ឈមណ្ឌល​ពាណិជ្ជកម្ម​ទំនើប​មួយ​ ឈ្មោះថា ទីក្រុង​នាគ ស្ថិត​នៅ​ក្នុង​ទីក្រុង​រណប​តំបន់​បឹងទំពុន និង​ជើងឯក​ជាមួយ​ក្រុមហ៊ុន ខូសវ៉េបេ គ្រុប និង​ក្រុមហ៊ុន ស៊ីណូ បេ ខន់ស្ត្រាក់សិន អ៊ីនវេសមេន មកពី​ទីក្រុង​ហុងកុង​។

​អភិវឌ្ឍ​ទីក្រុង​នាគ​នៅក្នុង​តំបន់​បឹងទំពុន និង​ជើងឯក​លើ​ផ្ទៃដី ៥,៤ ​ហិកតា​តាម​បណ្តោយ​មហាវិថី​សម្តេច​តេជោ ហ៊ុន សែន ដែល​ចាប់ផ្តើម​ក្នុង​ឆ្នាំ​ ២០២០ ប៉ុន្តែមកទល់ពេលបច្ចុប្បន្នគម្រោងនេះមិនទាន់ឃើញមានវឌ្ឍនភាពលេចចេញជារូបរៀងនៅឡើយ​។ ប្រសិនបើមិនមានអ្វីប្រែប្រួលទេ គម្រោង​នេះ​នឹង​ពង្រីក​គ្របដណ្តប់​លើ​ផ្ទៃដី​រហូត​ដល់ ២៥ ​ហិកតា​។

គួរ​រម្លឹកថា ការអភិវឌ្ឍ​ទីក្រុង​រណប អ៊ីង ស៊ីធី (ING City) ​បាន​ចាប់ផ្តើម​កាលពី​ឆ្នាំ​ ២០០៧ ហើយ​មហាវិថី​សម្តេច​តេជោ ហ៊ុន សែន ដែល​លាតសន្ធឹង​ប្រវែង ៩,១ ​គីឡូម៉ែត្រ​ត្រូវ​បាន​ដាក់​ឲ្យ​ប្រើប្រាស់​ជា​សាធារណៈ​កាលពី​ខែ​មេសា ឆ្នាំ​ ២០១៧​។ ការអភិវឌ្ឍ​តំបន់​បឹងទំពុន និង​ជើងឯក​គឺ​ដើរ​ស្រប​គ្នា​នឹង​ចក្ខុវិស័យ​ដ៏វែងឆ្ងាយ​របស់​សម្តេច​តេជោ​ ហ៊ុន សែន នាយក​រដ្ឋមន្ត្រី​​ដែល​​ចង្អុល​បង្ហាញ​ពី​យុទ្ធសាស្ត្រ​ពង្រីក​ទីក្រុង​ទៅ​ភាគ​ខាង​ត្បូង​រាជធានី​ភ្នំពេញ​៕

The post តើឧកញ៉ា លឹម ប៊ុនសួរ មានទំនាក់ទំនងស៊ីជម្រៅកម្រិតណាជាមួយមហាសេដ្ឋីកម្ពុជាទាំងពីរូប? appeared first on .

ការចូលរួមបរិច្ចាគថវិកានេះ បានធ្វើឡើងបន្ទាប់ពីសម្តេចតេជោ ហ៊ុន សែន អំពាវនាវដល់វិស័យឯកជននានា ដែលមានបំណងចូលរួមជាមួយរាជរដ្ឋាភិបាល ដើម្បីបោសសំអាតមីននៅកម្ពុជា។ សម្តេចតេជោ ហ៊ុន សែន បានថ្លែងអំណរគុណដល់សប្បុរសជនទាំងអស់ ដែលបានចូលរួមបរិច្ចាគថវិកានេះ។

ការអំពាវនាវរបស់សម្តេចធ្វើឡើងបន្ទាប់ពី សម្តេចទទួលបានរបាយការណ៍ពីស្ថានភាព នៃការគំរាមកំហែងយ៉ាងខ្លាំងដោយគ្រាប់មីនចំពោះប្រជាពលរដ្ឋ ក្នុងឱកាសសម្តេចអញ្ជើញលែងកូនត្រី នៅឃុំប៉ោយចារ ស្រុកភ្នំស្រុក ខេត្តបន្ទាយមានជ័យ នៅព្រឹកថ្ងៃទី០១ ខែកក្កដា ឆ្នាំ២០២២៕

The post ឧកញ៉ាថៅកែក្រុមហ៊ុន ING Group បរិច្ចាគទឹកប្រាក់ ២០ម៉ឺនដុល្លារ ចូលរួមដោះស្រាយបញ្ហាមីន appeared first on .

ការដែលប្រកាសឧបត្ថម្ភទឹកប្រាក់របស់លោកឧកញ៉ា ជូនដល់សមាគមTYDA មិនមែនជាលើកទីមួយនោះទេ ជារឿយៗលោកតែងបរិច្ចាគបន្តបន្ទាប់ ក្នុងពេលដែលក្រុមគ្រូពេទ្យស័្មគ្រចិត្តសម្តេចតេជោ TYDA បំពេញបេសកកម្មប្រឆាំងកូវីដ-១៩ ជាង២ឆ្នាំកន្លងទៅ។

ទន្ទឹមនឹងនោះ លោកឧកញ៉ា ត្រូវបានគេចាត់ទុកថាជាសប្បុរសជនមួយរូបដែលបង្ហាញវត្តមានចូលរួមជាមួយរដ្ឋាភិបាលកម្ពុជា ដូចជាបរិច្ចាគប្រាក់ប្រយុទ្ធប្រឆាំងកូវីដ និងទិញវ៉ាក់សាំងបង្ការកូវីដ-១៩ជាដើម។

លើសពីនេះ ក្រុមគ្រូពេទ្យស្ម័គ្រចិត្ត TYDA ក៏បានចូលរួមពិនិត្យព្យាបាលជំងឺទូទៅជូនប្រជាពលរដ្ឋដល់មូលដ្ឋានដោយផ្ទាល់ផងដែរ៕

The post ថៅកែក្រុមហ៊ុន ING Group ឧបត្ថម្ភទឹកប្រាក់ ១ម៉ឺនដុល្លារដល់សមាគមលោក ហ៊ុន ម៉ាណែត appeared first on .

តើឧកញ៉ា អ៊ឹង ប៊ុនហូវ ចាប់ផ្តើមចេញរកស៊ីពីពេណា និងជួបព្យុះភ្លៀងយ៉ាងដូចម្តេចខ្លះ សូមតាមដានជាមួយសារព័ត៌មានឧកញ៉ាញូស៍ដូចតទៅ៖

លោកបានបង្កើតក្រុមហ៊ុន AZ Group នៅឆ្នាំ១៩៩៣ ជាមួយនឹងសហការីជាន់ខ្ពស់ ២រូប គឺឧកញ៉ា លឹម រស់ ឧកញ៉ា លឹម ប៊ុនសួរ។ លោក ជានាយក​ក្រុមហ៊ុន​ AZ​ Distribution​ Co.,​ Ltd.​ ជា​ក្រុមហ៊ុន​ទទួល​បម្រើ​សេវា​យក​លុយ​ពី​ផ្លូវជាតិ​លេខ​ ៤ ​រយៈពេល​​ ៣៥ ​​ឆ្នាំ។ ក្រោយជោគជ័យបង្កើតទ្រព្យសម្បត្តិលោកក៏ត្រូវបានព្រះមហាក្សត្រ​​តែងតាំង​ជា​ឧកញ៉ា​ដោយ​ព្រះរាជក្រឹត្យ​ចុះ​ថ្ងៃ​ទី​ ២៦​ ខែ​វិច្ឆិកា​ ឆ្នាំ​​ ១៩៩៦ ​។

នៅឆ្នាំ២០០៥ ឧកញ៉ា អ៊ឹង ប៊ុនហូវ បានវិនិយោគបន្ថែមទៅលើក្រុមហ៊ុន ING Holding Co.,LTD ដែលផ្តោតលើគម្រោងអភិវឌ្ឍន៍ដីធំៗនៅភាគខាងត្បូង និងខាងកើតនៃរាជធានីភ្នំពេញ រួមនឹងទំហំដីដ៏សន្ធឹកសន្ធាប់នៅខេត្តសៀមរាប និងព្រះសីហនុ សុទ្ធសឹងតែជាកន្លែងមានសក្តានុពលសេដ្ឋកិច្ចសម្រាប់ប្រទេសកម្ពុជា ឬអាចនិយាយបានថា ដង្ហើមសេដ្ឋកិច្ចសំខាន់ៗនៃការលើកមុខមាត់កម្ពុជានៅឆាកអន្តរជាតិ។

លោក​ធ្លាប់​បាន​ឈរ​ឈ្មោះ​ជា​អ្នក​តំណាងរាស្ត្រ​ពេញ​សិទ្ធិ​គណបក្ស​ប្រជាជន​កម្ពុជា​ លំដាប់​លេខរៀង​ទី​ ៦​ នៅ​មណ្ឌល​ខេត្ត​តាកែវ​ នា​អាណត្តិ​​ទី​ ៤ ហើយ​ក៏​បាន​ជាប់​ឆ្នោត​ជា​​អ្នក​តំណាងរាស្ត្រ​ ប៉ុន្តែ​​ឧកញ៉ា​រូប​នេះ​បាន​ដក​ខ្លួន មិន​​ធ្វើ​ជា​អ្នក​តំណាងរាស្ត្រ​ទេ​ លោក​ក៏​ត្រូវ​បាន​តែងតាំង​ជា​រដ្ឋលេខាធិការ​ក្រសួង​សាធារណការ​ និង​ដឹកជញ្ជូន​ ដោយ​​​​ព្រះរាជក្រឹត្យ​ចុះ​ថ្ងៃ​ទី​ ២៥​ ខែ​កញ្ញា​ ឆ្នាំ​ ២០០៨ ​។

ឧកញ៉ា ប៊ុនហ៊ូវ ក៏​​​ជា​សមាជិក​គណៈកម្មាធិការ​កណ្តាល​កាកបាទ​ក្រហម​កម្ពុជា​ អាណត្តិ​ទី​ ៤​ ដោយ​​អនុក្រឹត្យ​របស់​រាជរដ្ឋាភិបាល​ ចុះ​ថ្ងៃ​ទី​ ៤​ ខែ​កញ្ញា​ ២០០៦​។​ ប៉ុន្តែ​នៅក្នុង​ការ​បោះឆ្នោត​ជ្រើស​តាំង តំណាងរាស្ត្រ​នីតិកាល​​ទី​ ៥ លោក​ត្រូវ​បាន​គណបក្ស​​ប្រជាជន​កម្ពុជា​សម្រេច​ឲ្យ​ឈរ​ឈ្មោះ​​ជា​បេក្ខជន តំណាងរាស្ត្រ​បម្រុង​លំដាប់​លេខរៀង​​​ទី​ ២​ នៅ​​មណ្ឌល​ខេត្ត​កំពង់ឆ្នាំង​វិញ​ ប៉ុន្តែ​​លោក​​មិន​​បាន​ជាប់​ឆ្នោត​ជា​អ្នក​តំណាងរាស្ត្រ​ទេ​។

ឧកញ៉ា អ៊ឹង ប៊ុនហ៊ូវ ដែល​ជា​​នាយក​ក្រុមហ៊ុន​ AZ Distribution Co.,​ Ltd. ក៏ធ្លាប់ត្រូវបានបញ្ចប់ពី​​​មុខ​តំណែងទីប្រឹក្សា​រាជរដ្ឋាភិបាល​មាន​ឋានៈ​ស្មើ​រដ្ឋមន្ត្រី​ពុំ​ទទួល​ប្រាក់​បៀវត្សរ៍​ តាម​​ព្រះរាជក្រឹត្យ ចុះ​តាំងពី​ថ្ងៃ​ទី​​ ៦​ ខែ​មេសា​ ឆ្នាំ​​ ២០១៥ ដែល​​ចុះហត្ថលេខា​ដោយ​សម្តេច​ ជា ស៊ីម ប្រមុខ​រដ្ឋ​ស្តីទី​បាន​លើក​ឡើង​ថា បញ្ចប់​មុខ​តំណែង​លោក​ អ៊ឹង ប៊ុនហ៊ូវ ពី​ទីប្រឹក្សា​រាជរដ្ឋាភិបាល​​កម្ពុជា​ មាន​ឋានៈ​ស្មើ​រដ្ឋមន្ត្រី​ពុំ​ទទួល​ប្រាក់​បៀវត្សរ៍​ តាម​សំណើ​របស់​​សាម៉ី​ខ្លួន​។

នៅថ្ងៃទី២១ ខែឧសភា ឆ្នាំ២០១៩ ទីស្ដីការគណៈរដ្ឋមន្រី្ត បានចេញនូវលិខិតមោឃភាពប័ណ្ឌសម្គាល់សិទ្ធកាន់កាប់អចលទ្រព្យរបស់ក្រុមហ៊ុន ING Holding របស់ឧកញ៉ា អ៊ឹង ប៊ុនហូវ នៅតំបន់បឹងជើងឯក ដោយការមោឃភាពនេះ គឺដោយសារតែក្រុមហ៊ុនមិនអនុវត្តតាមការសម្រេចរបស់រដ្ឋាភិបាលពាក់ព័ន្ធ និងការស្ថាបនាហេដ្ឋារចនាសម្ព័ន្ធក្នុងផ្ទៃបឹងជើងឯក ស្ថិតនៅខណ្ឌមានជ័យ ខណ្ឌដង្កោ រាជធានីភ្នំពេញ និងក្រុងតាខ្មៅ ខេត្តកណ្តាល។

ទោះជាមានការដកហូតគម្រោងនេះក៏ដោយ ប៉ុន្តែក្រុមហ៊ុននេះនៅតែបន្តនូវគម្រោងថ្មីៗ និងគ្មានការប៉ះពាល់អ្វីធំដំឡើយដល់ការបង្កើតគម្រោងថ្មីៗ។ ដោយឡែកកាលពីពេលថ្មីៗនេះ ក្រុមហ៊ុនរបស់ឧកញ៉ា អ៊ឹង ប៊ុនហូវ បានធ្វើកិច្ចព្រមព្រៀងសហប្រតិបត្តិការ នឹងចងសម្ព័ន្ធក្រុមហ៊ុនកម្ពុជា និងក្រុងហុងកុង ដើម្បីរួមកម្លាំងអភិវឌ្ឍទីក្រុងនាគ នៅក្នុងតំបន់បឹងទំពុន និងជើងឯក លើផ្ទៃដី៥.៤ហិកតា តាមបណ្តោយមហាវិថីសម្តេច ហ៊ុន សែន ហើយគម្រោងនេះនឹងពង្រីកគ្របដណ្តប់លើផ្ទៃដីរហូតដល់២៥ហិកតា។

ប្រធានក្រុមប្រឹក្សាភិបាល ក្រុមហ៊ុន អាយអិនជី ហូលឌីង ឧកញ៉ា អ៊ឹង ប៊ុនហ៊ូវ បានលើកឡើងថា «ក្រុមហ៊ុន ING Horlding បានទទួលគោលការណ៍ពីរាជរដ្ឋាភិបាល ដើម្បីអភិវឌ្ឍការពង្រីកទីក្រុងមកភាគខាងត្បូង ដែលត្រូវបានគេស្គាល់ថាទីក្រុង អ៊ឹង ស៊ីធី (ING City)»។
ការអភិវឌ្ឍទីក្រុងរណប អ៊ឹង ស៊ីធី (ING City) បានចាប់ផ្តើមកាលពីឆ្នាំ២០០៧ ហើយមហាវិថីសម្តេច ហ៊ុន សែន ដែលលាតសន្ធឹងប្រវែង ៩,១គីឡូម៉ែត្រ ត្រូវបានដាក់ឲ្យប្រើប្រាស់ជាសាធារណៈកាលពីខែ មេសា ឆ្នាំ២០១៧។

ក្រុមហ៊ុនសំណង់ អាហ្សែត ជាម្ចាស់គម្រោងទីក្រុងរណប ING City ដែលមានតម្លៃគម្រោងចុះបញ្ជីទុនវិនិយោគ ២ពាន់លានដុល្លារអាមេរិក និងមានផ្ទៃក្រឡាសាងសង់ជាង ២,៥០០ហិកតា។ បន្ថែមទៀតនោះ លោកក៏ជាម្ចាស់ពាណិជ្ជកម្មទំនើបមួយឈ្មោះថា ទីក្រុងនាគ ស្ថិតនៅក្នុងទីក្រុងរណបតំបន់បឹងទំពុន និងជើងឯក ដែលវិនិយោគជាមួយក្រុមហ៊ុន Causeway Bay Group និងក្រុមហ៊ុន SINO Bay Construction Investment មកពីទីក្រុង ហុងកុង។

ពិធីចុះហត្ថលេខាធ្វើឡើងនៅសណ្ឋាគារសូហ្វីតែល ភូកេត្រា ភ្នំពេញ ក្រោមវត្តមានលោក កើត ឆែ អភិបាលរងរាជធានីភ្នំពេញ និងថ្នាក់គ្រប់គ្រងជាន់ខ្ពស់ក្រុមហ៊ុនទាំងបី រួមមានឧកញ៉ា លឹម រស់ និងឧកញ៉ា លឹម ប៊ុនសួរ អនុប្រធានក្រុមប្រឹក្សាភិបាលក្រុមហ៊ុន អាយអិនជី ហូលឌីង លោក Chen Zhi ប្រធានក្រុមប្រឹក្សាភិបាលក្រុមហ៊ុន ខូសវ៉េបេ គ្រុប និងលោក Zhuang Xiongming អគ្គនាយក ក្រុមហ៊ុន ស៊ីណូ បេ ខន់ស្ត្រាក់សិន អ៊ីនវេសមេន៕

The post ទោះរងព្យុះភ្លៀង ឧកញ៉ា អ៊ឹង ប៊ុនហូវ នៅតែឈរជើងក្នុងពិភពជំនួញនៅកម្ពុជាដោយក្តោបក្តាប់បានតំបន់អភិវឌ្ឍន៍សំខាន់ៗ appeared first on .