កម្មវិធីដ៏ធំប្រចាំឆ្នាំនេះទទួលអ្នកចូលរួមទទួលរង្វាន់មកពី BYD Asia pacific រួមមានប្រទេសដូចជា កម្ពុជា ថៃ ឡាវ វៀតណាម មីយ៉ាម៉ានិងបណ្ដាប្រទេសតំបន់អាស៊ីជាច្រើនទៀត។ កម្មវិធីនេះធ្វើឡើងនៅសណ្ឋាគារប្រណីត Grand Skylight International Hotel នៅក្នុងរាត្រីដ៏សែនមនោរម្យថ្ងៃទី ២២ ខែមីនាឆ្នាំ ២០២៥ កន្លងទៅថ្មីៗនេះ។ កម្មវិធីនេះត្រូវបានរៀបចំឡើងដោយម្ចាស់ក្រុមហ៊ុននៅប្រទេសចិន និងអ្នកប្រគល់រង្វាន់ដោយ លោក Liu Xueliang អគ្គនាយកក្រុមហ៊ុន BYD Asia Pacific Auto Sales Division និងជា President BYD ប្រចាំប្រទេសជប៉ុន។

អ្វីដែលកាន់តែពិសេសនោះ លោក Liu Xueliang  បានឡើងប្រគល់រង្វាន់ជូនតំណាងលក់ផ្ដាច់មុខរបស់ BYD ទូទាំងតំបន់អាស៊ីប៉ាស៊ីហ្វិក ក្នុងនោះរួមមានតំណាងលក់ផ្ដាច់មុខរបស់ BYD នៅកម្ពុជាគឺ ឧកញ៉ា លឹម កុកឡុង ឧកញ៉ា អ៊ុក សំរិទ្ធិពេជ្រ និងលោកជំទាវ សាម សុភា សុភា ក្នុងនាមជាតំណាងផ្ដាច់មុខរបស់ក្រុមហ៊ុន BYD KHIEV Auto Cambodia នៅកម្ពុជា តំណាងសាខា BYD Monivong KHIEV Auto Cambodia និងសាខា BYD KHIEV Auto Chbar Ampov ក៏បានឡើងទទួលពានរង្វាន់ “Excellent customer service award 2024” នេះផងដែរ។

ពានរង្វាន់ “ការផ្តល់សេវាកម្មល្អបំផុតជូនអតិថិជនប្រចាំឆ្នាំ 2024” គឺជាពានរង្វាន់ដែលបញ្ជាក់ពីការខិតខំប្រឹងប្រែងយ៉ាងខ្លាំងក្លារបស់ថ្នាក់ដឹកនាំក្រុមហ៊ុនតំណាងកម្ពុជា ក៏ដូចជាក្រុមការងារទាំងអស់ដែលបានផ្តល់សេវាកម្មល្អបំផុតជូនអតិថិជនរបស់ខ្លួន។

សូមជម្រាបជូនថា ដោយសារតែគុណភាព បច្ចេកវិទ្យា ភាពឆ្លាតវៃ និងភាពសន្សំសំចៃ បានធ្វើឲ្យប្រេន BYD ទទួលបានការគាំទ្រទូទាំងពិភពលោក។ បច្ចុប្បន្ននេះ ក្រុមហ៊ុន BYD មានសាខានៅ ៧០ប្រទេសនៅលើពិភពលោក។ ក្រុមហ៊ុន BYD នៅទ្វីបអាស៊ីមានរោងចក្រផលិត និងដំឡើងរថយន្តនៅប្រទេសចិន ថៃ ឥណ្ឌា ឥណ្ឌូណេស៊ី និងកម្ពុជា។ កាលពីឆ្នាំ 𝟮𝟬𝟮𝟰 ក្រុមហ៊ុនបានបញ្ចេញត្រកូលកំពូលរថយន្ត 𝗕𝗬𝗗 𝗦𝗲𝗮𝗹𝗶𝗼𝗻 និងបានជាប់ចំណាត់ថ្នាក់ 𝗧𝗢𝗣 𝟭𝟬 ក្នុងនាមជារថយន្តដែលលក់បានច្រើនជាងគេបំផុតនៅលើពិភពលោក ក្នុងនោះសម្រាប់ទីផ្សារប្រទេសកម្ពុជា រថយន្ត 𝗕𝗬𝗗 𝗦𝗲𝗮𝗹𝗶𝗼𝗻 𝟲 និង 𝗕𝗬𝗗 𝗦𝗲𝗮𝗹𝗶𝗼𝗻 𝟱 កំពុងទទួលបានការគាំទ្រយ៉ាងច្រើនសន្ធឹកសន្ធាប់ពីអតិថិជនរបស់ខ្លួន៕

សម្រាប់ព័ត៌មានទំនាក់ទំនង និងទីតាំងរបស់យើងមាននៅសាខា: 𝐁𝐘𝐃 𝐌𝐨𝐧𝐢𝐯𝐨𝐧𝐠 (ផ្លូវលេខ93 កែងផ្លូវលេខ322 សង្កាត់បឹងកេងកង1)
-𝐋𝐨𝐜𝐚𝐭𝐢𝐨𝐧 : https://maps.app.goo.gl/CUJxWBLAAuD4Wm7BA?g_st=
ទីតាំងសាខា: 𝐁𝐘𝐃 Chbar Ampov លើផ្លូវជាតិលេខ១ (16f ផ្លូវលេខ ៣៦១, Phnom Penh)
-𝐋𝐨𝐜𝐚𝐭𝐢𝐨𝐧 : https://maps.app.goo.gl/947bqMP8DbExLjpP7
សម្រាប់ព័ត៌មានបន្ថែមសូមទំនាក់ទំនង: 010 886 811 (Telegram) ឬ Join Telegram: https://t.me/bydmonivong

The post ក្រុមហ៊ុន KHIEV Auto Cambodia របស់ ឧកញ៉ា លឹម កុកឡុង និងឧកញ៉ា អ៊ុក សំរិទ្ធិពេជ្រ ទទួលពានរង្វាន់ «Excellent Customer Service Award 2024» ក្នុងចំណោមប្រទេសជាច្រើននៅក្នុងពិភពលោក នៅឯប្រទេសចិន appeared first on .

ការចូលរួមបរិច្ចាគថវិកាខាងលើ តបតាមការ​ប្រកាសរបស់ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា សម្រេចបង្កើត «មូលនិធិកសាង​ហេដ្ឋា​រចនាសម្ព័ន្ធតាមព្រំដែន» ក្នុងគោលបំណងដើម្បី​កៀរគរថវិកាបន្ថែម សម្រាប់កសាងហេដ្ឋារចនាសម្ព័ន្ធ​នានា នៅតាមបណ្តោយព្រំដែន ព្រមទាំងបានផ្តល់ឱកាស​ឱ្យប្រជាពលរដ្ឋខ្មែរគ្រប់មជ្ឈដ្ឋាន ទាំងក្នុង និងក្រៅ​ប្រទេស បានចូលរួមចំណែកដោយផ្ទាល់ជាមួយ រាជរដ្ឋាភិបាល​នៅក្នុងបុព្វហេតុការពារ និងអភិវឌ្ឍជាតិ ក្នុងស្មារតី​មហាសាមគ្គីជាតិខ្មែរ ដើម្បីថែរក្សា សុខ​សន្តិភាព អធិបតេយ្យ និងបូរណភាពទឹកដី ក៏ដូចជាការ​ជំរុញ​ការអភិវឌ្ឍ នៅតាមតំបន់ព្រំដែនឱ្យ​បានកាន់តែ​រឹងមាំ និងប្រកបដោយចីរភាព។

យោងតាមការជូនដំណឹងរបស់ខុទ្ធកាល័យសម្តេចធិបតី ហ៊ុន ម៉ាណែត នាព្រឹកថ្ងៃទី២៦ ខែសីហា ឆ្នាំ២០២៤ បានឱ្យដឹងថា ការបង្កើតមូលនិធិកសាងហេដ្ឋារចនាសម្ព័ន្ធតាមព្រំដែន ធ្វើឡើងក្នុងគោលបំណងដើម្បីកៀរគរ​ថវិកា​បន្ថែម សម្រាប់ កសាងហេដ្ឋារចនាសម្ព័ន្ធនានានៅតាមបណ្តោយព្រំដែន ព្រមទាំងបានផ្តល់ឱកាសឱ្យ​ប្រជាពលរដ្ឋ​ខ្មែរគ្រប់មជ្ឈដ្ឋាន ទាំងក្នុង និងក្រៅប្រទេស បានចូលរួមចំណែកដោយផ្ទាល់ជាមួយរាជរដ្ឋាភិបាល​នៅក្នុងបុព្វហេតុរួមគ្នាកសាងនិងការពារមាតុភូមិរបស់យើង។

ជាមួយនឹងការជូនដំណឹងនេះ សម្តេចធិបតី ហ៊ុន ម៉ាណែត ក៏បានអំពាវនាវដល់បងប្អូនប្រជាពលរដ្ឋខ្មែរទាំង​ក្នុងនិង​ក្រៅប្រទេស មេត្តាចូលរួមបរិច្ចាគវិភាគទានឱ្យបានផុលផុសតាមការស្ម័គ្រចិត្តក្នុង «មូលនិធិកសាង​ហេដ្ឋារចនាសម្ព័ន្ធ​តាមព្រំដែន» សំដៅរួមគ្នាក្នុងធ្លុងមហាសាមគ្គីជាតិខ្មែរដើម្បីថែរក្សាសុខសន្តិភាព អធិបតេយ្យ​ភាពជាតិ និងបូរណភាពទឹកដី ក៏ដូចជាការជំរុញការអភិវឌ្ឍតាមតំបន់ព្រំដែនឱ្យបានកាន់តែរឹងមាំ និងប្រកប​ដោយ​ចីរភាព៕

The post ឧកញ៉ា អ៊ុក សំរិទ្ធិពេជ្រ សមាជិកសមាគមឧកញ៉ាកម្ពុជា ចូលរួមបរិច្ចាគថវិកា ៥០០ដុល្លារ ដល់ «មូលនិធិកសាងហេដ្ឋារចនាសម្ព័ន្ធតាមព្រំដែន» appeared first on .

Denza ជាម៉ាកយីហោមួយរបស់ BYD ដែលជាប្រភេទរថយន្តអគ្គីសនី​កំពុង​ឈានមុខគេមួយ​នៅ​លើពិភពលោក។ កាលពីថ្ងៃទី១៥ ខែកក្កដា សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី​នៃប្រទេស​កម្ពុជា និងឧបនាយករដ្ឋមន្ត្រី ស៊ុន ចាន់ថុល បានជួបពិភាក្សាការងារជាមួយលោក Liu Xueliang អ្នកគ្រប់គ្រងទូទៅផ្នែកលក់នៃក្រុមហ៊ុន BYD Asia Pacific និងគណៈប្រតិភូអមដំណើរ និងលោកស្រី Gong Kun អ្នកតំណាងផ្នែកអាជីវកម្មក្រុមហ៊ុន Harmony BYD Cambodia។

លោក Liu Xueliang បានថ្លែងថា មជ្ឈមណ្ឌលតាំងបង្ហាញរថយន្តថ្មី Denza CITYMALL គឺជាមជ្ឈមណ្ឌល​តាំង​បង្ហាញក្នុងទីក្រុងដំបូងគេបង្អស់របស់ BYD នៅក្នុងទីផ្សាររថយន្តដៃឆ្វេងក្រៅប្រទេស លោកបានថ្លែង​អំណរគុណ​ដល់អតិថិជនកម្ពុជាសម្រាប់ការគាំទ្រ BYD ហើយសង្ឃឹមថាការមកដល់របស់ Denza D9 នឹងនាំ​មកនូវទិដ្ឋភាពជីវិតកាន់តែសម្បូរបែបដល់ម្ចាស់រថយន្តនៅកម្ពុជា។

ក្នុងពិធីបើកសម្ពោធនេះ​ រួមមានវត្តមាន​ លោក Ye Chenghui នាយកផ្នែកលក់ប្រចាំតំបន់រថយន្ដ BYD Asia Pacific, លោក Chen Yifei និង លោក Chen Daoyin ប្រធានផ្នែកលក់នៃផ្នែកលក់រថយន្ត BYD Asia Pacific, លោក Liang Xinyue អ្នកគ្រប់គ្រងទូទៅនៃក្រុមហ៊ុន Harmony BYD Asia Pacific និង លោកស្រី Gong Kun ប្រធានអ្នកតំណាងអាជីវកម្មរបស់ក្រុមហ៊ុន Harmony BYD Cambodia ឧកញ៉ា លឹម កុកឡុង នាយកប្រតិបត្តិ​ក្រុមហ៊ុន KHIEV Auto អញ្ជើញកាត់ខ្សែបូដើម្បីបើកសម្ពោធមជ្ឈមណ្ឌលតាំងបង្ហាញរថយន្តថ្មី។

សូមជម្រាបថា ឧកញ៉ា ឃន ឈុនដារ៉ា គឺជាម្ចាស់ហាង KOI និង Tube Coffee ព្រមទាំង​មាន​មុខជំនួយ​ជា​ច្រើន​ទៀត ខណៈដែល​ឧកញ៉ា​ អ៊ុក សំរិទ្ធិពេជ្រ ក៏​ជាម្ចាស់​ហាង​កាហ្វេ TUBE Coffee + នៅខណ្ឌទួលគោក និង​ជា​​ភាគទុនិក​ក្រុមហ៊ុន​លក់រថយន្តអគ្គិសនីដ៏ល្បីរបស់ចិន BYD សាខាព្រះមុន្នីវង្ស ផងដែរ៕

The post ឧកញ៉ា ឃន ឈុនដារ៉ា និងឧកញ៉ា អ៊ុក សំរិទ្ធិពេជ្រ ចូលរួមពិធីបើក​សម្ពោធក្រុមហ៊ុនរថយន្ត 𝗗𝗘𝗡𝗭𝗔 𝗖𝗔𝗠𝗕𝗢𝗗𝗜𝗔 appeared first on .

តាម​សេចក្តីប្រកាស​របស់​ក្រុមហ៊ុន បាន​បញ្ជាក់​ថា ការប្តូរឈ្មោះរបស់ TUBE Central ទៅជា TUBE Coffee + ​​នេះ​ គឺជា​ការ​វិវត្តន៍​មួយ​បញ្ជាក់​ពី​ការ​ប្តេជ្ញា​និង​ចេតនា​របស់​ក្រុមហ៊ុន​ក្នុងការពង្រីកបន្ថែម​ភាពងាយស្រួលជូនអតិថិជន ក្នុង​ការ​ស្វែងរក​កាហ្វេ និងអាហារដែលមានគុណភាពខ្ពស់ តម្លៃសមរម្យ និងសេវារហ័សនៅក្នុងកន្លែងតែមួយ។ TUBE Coffee + ​មាន​មុខម្ហូប ត្រូវបាន​រៀបរៀងយ៉ាងយកចិត្តទុកដាក់ជាមួយនឹងគ្រឿងផ្សំក្នុងស្រុកជាមួយ​គុណភាព ការវេចខ្ចប់យ៉ាងប្រណិត ធានា​បាននូវអនាម័យ និងរសជាតិឆ្ងាញ់។

បច្ចុប្បន្ន ​​TUBE Coffee + ​​​បាន​បើក​សេវាកម្ម​ជូន​អតិថិជន​ទូទាំង​រាជធានីភ្នំពេញ ​ចំនួន ៦​សាខា ​រួមមាន៖ ១)ធ្យូប កាហ្វេ ផ្លឹស ទួលគោក (ធ្យូប សេនត្រល សម័យ ស៊្វែរ), ២)ធ្យូប កាហ្វេ ផ្លឹស ជ្រោយចង្វារ, ៣)ធ្យូប កាហ្វេ ផ្លឹស កោះពេជ្រ, ៤)ធ្យូប កាហ្វេ ផ្លឹស ចំការដូង, ៥)ធ្យូប កាហ្វេ ផ្លឹស កាណាឌីយ៉ា និងវឌ្ឈនៈផាក និង​ ៦)ធ្យូប កាហ្វេ ផ្លឹស រាជធានី។

សូម​ជម្រាប​ជូន​ថា ឧកញ៉ា អ៊ុក សំរិទ្ធិពេជ្រ ​មាន​ជំនួញ​សំខាន់ៗ​ក្នុង​ដៃ​ដូចជា ក្រុមហ៊ុន​​កម្ចាត់​សត្វល្អិត Orkin, ក្រុមហ៊ុន​ Fumex, ម្ចាស់​ភាគ​ហ៊ុន​លក់រថយន្តអគ្គិសនីដ៏ល្បីរបស់ចិន BYD សាខាព្រះមុន្នីវង្ស និង​​ម្ចាស់ហាង TUBE Coffee + នៅ​ផ្សារ​ទំនើប​ Sami Square ខណ្ឌ​ទួលគោក ព្រម​ទាំង​​ Tube Coffee ផ្សារដំរីផាក ខណ្ឌ​ឬស្សីកែវ រាជធានីភ្នំពេញ៕

The post ឧកញ៉ា អ៊ុក សំរិទ្ធិពេជ្រ សម្រេចផ្លាស់ប្តូរឈ្មោះហាង TUBE Coffee Central appeared first on .

គម្រោង​បើក​ក្រុមហ៊ុន​លក់រថយន្តអគ្គិសនី BYD សាខាព្រះមុន្នីវង្ស​នេះ ​​​​បាន​​កើត​មាន​ឡើង​ បន្ទាប់ពី​លោក​ឧកញ៉ា ​​​ អ៊ុក សំរិទ្ធិពេជ្រ ​ដំណើរទស្សនកិច្ច​ដើម្បីស្វែងយល់​អំពីខ្សែចង្វាក់ផលិតកម្មរបស់ក្រុមហ៊ុន BYD នៅ​ក្នុង​ទីក្រុងសិនជិន (Shenzhen) នៃប្រទេសចិន កាល​ពីថ្ងៃទី៨ ខែតុលា ដល់ថ្ងៃទី១២ ខែតុលា ឆ្នាំ២០២៣។ បន្ទាប់មក ​​​លោកឧកញ៉ា និង​អ្នកវិនិយោគ​៣​រូប​ទៀត​គឺ ​លោក Ly David, លោក Lim Kokloong និង​អ្នកស្រី សុខ គីម ​​បាន​​ចុះ​កិច្ចព្រមព្រៀង​សហការ​គ្នា ត្រៀម​បើក​សាខា BYD ​​នៅ​ផ្លូវ​​​ព្រះមុន្នីវង្ស កាល​ថ្ងៃទី៣១ ខែតុលា ឆ្នាំ២០២៣។

​គួរបញ្ជាក់ថា បច្ចុប្បន្ន​ក្រុមហ៊ុន BYD Cambodia មានសាខាលក់ចំនួន ៣ទីតាំងក្នុងរាជធានីភ្នំពេញ។ នៅពេល​ឆាប់ៗខាងមុខនេះ BYD Cambodia ក៏គ្រោងនឹងការបើកដំណើរការសាខា ២ផ្សេងទៀត​ នៅក្នុងផ្សារទំនើប​ជីប​ម៉ុងមេហ្គាម៉ល ២៧១ និងនៅ​​លើមហាវិថីព្រះមុន្នីវង្ស។

លោកឧកញ៉ា​​ អ៊ុក សំរិទ្ធិពេជ្រ ​​បាន​បញ្ចប់​ការ​សិក្សា​ពី​សាកលវិទ្យាល័យ Houston សហរដ្ឋអាមេរិក ​​​ដោយ​បញ្ចប់​ថ្នាក់​បរិញ្ញាបត្រ​ផ្នែក​គ្រប់គ្រង​ពាណិជ្ជកម្ម បរិញ្ញាបត្រ​ផ្នែក​ពាណិជ្ជកម្ម​អន្តរជាតិ និង​បរិញ្ញាបត្រ​ផ្នែក​គ្រប់គ្រង​សង្វាក់​ផ្គត់ផ្គង់។ បច្ចុប្បន្ន​លោក​ អ៊ុក សំរិទ្ធិពេជ្រ កំពុង​​​មាន​ជំនួញ​សំខាន់ៗ​ក្នុង​ដៃ​ដូចជា ក្រុមហ៊ុន​​កម្ចាត់​សត្វល្អិត Orkin, ក្រុមហ៊ុន IFS, ក្រុមហ៊ុន​ Fumex និង​ម្ចាស់ហាង Tube Coffee ​​Central នៅ​ផ្សារ​ទំនើប​ Sami Square ខណ្ឌ​ទួលគោក, Tube Coffee ផ្សារដំរីផាក ខណ្ឌ​ឬស្សីកែវ, ក្រុមហ៊ុន Hosana Construction, ក្រុមហ៊ុន Neavea Catering, អាហារដ្ឋាន នរា និង​ក្រុមហ៊ុន BYD Cambodia សាខា​ព្រះមុន្នីវង្ស។ លោក អ៊ុក សំរិទ្ធិពេជ្រ ត្រូវ​បាន​ព្រះមហាក្សត្រ ត្រាស់បង្គាប់​ផ្តល់​គោរមងារ «ឧកញ៉ា» កាលពី​ថ្ងៃទី២៤ ខែមីនា ឆ្នាំ២០២៣៕

The post ឧកញ៉ាវ័យក្មេង១រូប ត្រៀមបើកក្រុមហ៊ុនលក់រថយន្តអគ្គិសនី BYD សាខាព្រះមុន្នីវង្ស appeared first on .

ក្រុមហ៊ុន​ IFS ជាក្រុមហ៊ុនសម្អាត​ដ៏​ធំ និង​ឈានមុខគេ​មួយ​នៅ​ប្រទេសថៃ និង​មាន​គោលដៅ​​​ចង់​ពង្រីក​ទីផ្សារ​របស់​ខ្លួន​នៅ​ក្នុង​តំបន់​អាស៊ាន និង​នៅទូទាំងពិភពលោក។ ការ​ចុះ​កិច្ច​ព្រមព្រៀង​នេះ ​​​​នឹង​ជួយ​ឱ្យ​អតិថិជន​នៅ​កម្ពុជា ​​ទទួល​បាន​នូវ​សេវាកម្ម​សម្អាត​ល្អ​បំផុត ក៏​ដូច​ជា​បង្កើត​ឱកាស​ការងារ​ដល់យុវជន​ និង​ជួយ​ជំរុញ​សេដ្ឋកិច្ច​ជាតិ។

លោក យៀប សុគន្ធថៃ ​​នាយកគ្រប់គ្រង​ ក្រុមហ៊ុន ចតុមុខ សឺវីស គ្រុប ​​​​បាន​ថ្លែង​ថា៖ “តាមរយៈ​ការ​ទិញ​សិទ្ធិ​ផ្តាច់មុខ​នេះ ក្រុមហ៊ុន ចតុមុខ សឺវីស មាន​បំណង​នាំ​យក​សេវាកម្ម​ដ៏​ល្អបំផុត​របស់​ IFS ការច្នៃ​ប្រឌិត​នៃ​បច្ចក​វិទ្យាថ្មីៗ ដំណោះស្រាយល្អៗ និង​គុណភាព​សេវាកម្ម​លំដាប់ពិភពលោក​ទៅ​កាន់​ប្រទេស​កម្ពុជា ជួយ​បង្កើត​ការងារ ជំនាញ​ធនធាន​មនុស្ស​កម្រិត​ខ្ពស់ បង្កើន​ស្តង់ដា​ឧស្សាហកម្ម និង​រួម​ចំណែក​ជាមួយ​​គោលដៅ​របស់​រាជរដ្ឋាភិបាលកម្ពុជា ដែល​​​​ចង់​ក្លាយ​ជា​ប្រទេស​មាន​ស្តង់ដា​រស់នៅ​កម្រិត​ខ្ពស់​”។

ជាមួយ​គ្នា​នេះ ​លោក​ឧកញ៉ា អ៊ុក សំរិទ្ធិពេជ្រ ​ដែល​ទើប​ទទួល​បាន​គោរមងារ​ឧកញ៉ា​ ​​កាលពី​ពេលថ្មីៗនេះ ​​ក៏បាន​​លើក​ឡើង​​ផងដែរថា យើង​ពិត​ជា​រំភើប​ណាស់ ​​​ដែល​សម្រេច​បាន​គោលដៅ​ថ្មី​មួយ​នេះ។ ទម្រាំ​ឈាន​ដល់​ការ​ចុះ​ហត្ថលេខានេះ ក្រុមហ៊ុន​​​បាន​ចំណាយ​ពេល​អស់​រយៈពេល​១​ឆ្នាំ​ក្នុង​ការ​ចរចា​ជាមួយ​ក្រុមហ៊ុន IFS ដើម្បី​នាំ​យក​សេវាកម្ម​សម្អាត​ធំ​បំផុត​របស់​ប្រទេស​ថៃ មក​កាន់​ប្រទេសកម្ពុជា។ ​លោក​ឧកញ៉ា បាន​បញ្ជាក់​បន្ថែម​ថា ក្រុមហ៊ុន ចតុមុខ សឺវីស ត្រៀម​ខ្លួន​រួចរាល់​ហើយ ដើម្បី​ជំរុញ​​ស្តង់ដា​រស់នៅ និង​អនាម័យ​នៅកម្ពុជា។

សូម​ជម្រាប​ជូន​ថា ក្រុមហ៊ុន ចតុមុខ សឺវីស គ្រុប ក៏​មាន​​ក្រុមហ៊ុន​ជំនាញក្នុងការផ្តល់នូវសេវាកម្ម​កម្ចាត់សត្វ​ល្អិត Okin ដែល​ជា​ក្រុមហ៊ុន​មានបទពិសោធន៍ច្រើនទសវត្ស ស្តង់ដា​មក​ពីសហរដ្ឋអាមេរិក​​មួយ​​​ហើយ​ដែរ ខណៈ​ដែល​ម្ចាស់ភាគហ៊ុន នៃ​ក្រុមហ៊ុន​នេះ​​មាន​គ្នា​បួន​នាក់ រួម​មាន​លោក យៀប សុគន្ធថៃ លោក ថមម៉ាស ជីដាណូអេនជីម៉ាសេល ឧកញ៉ា ឃន ឈុនដារ៉ា និង​ឧកញ៉ា អ៊ុក សំរិទ្ធិពេជ្រ៕​​​​

The post ឧកញ៉ាវ័យក្មេង២រូប ទិញសិទ្ធិផ្តាច់មុខក្រុមហ៊ុនសេវាកម្មសម្អាតធំបំផុតរបស់ថៃ មកកាន់កម្ពុជា appeared first on .

លោក​ អ៊ុក សំរិទ្ធិពេជ្រ ​​បាន​បញ្ចប់​ការ​សិក្សា​ពី​សាកលវិទ្យាល័យ Houston សហរដ្ឋអាមេរិក ​​​ដោយ​បញ្ចប់​ថ្នាក់​បរិញ្ញាបត្រ​ផ្នែក​គ្រប់គ្រង​ពាណិជ្ជកម្ម បរិញ្ញាបត្រ​ផ្នែក​ពាណិជ្ជកម្ម​អន្តរជាតិ និង​បរិញ្ញាបត្រ​ផ្នែក​គ្រប់គ្រង​សង្វាក់​ផ្គត់ផ្គង់។ បច្ចុប្បន្ន​លោក​ អ៊ុក សំរិទ្ធិពេជ្រ កំពុង​​​មាន​ជំនួញ​សំខាន់ៗ​ក្នុង​ដៃ​ដូចជា ក្រុមហ៊ុន​​កម្ចាត់​សត្វល្អិត Orkin, ក្រុមហ៊ុន​ Fumex និង​ម្ចាស់ហាង Tube Coffee ​​Central នៅ​ផ្សារ​ទំនើប​ Sami Square ខណ្ឌ​ទួលគោក និង​ Tube Coffee ផ្សារដំរីផាក ខណ្ឌ​ឬស្សីកែវ រាជធានីភ្នំពេញ។

សូម​ជម្រាប​ថា លោក​ អ៊ុក សំរិទ្ធិពេជ្រ ​​គឺជា​កូន​ប្រុស​របស់​លោក​ជំទាវ ទ្រី សុខា រដ្ឋលេខាធិការ​ នៃ​ទីស្តីការ​គណៈរដ្ឋមន្ត្រី និង​ជា​ពិធីការ​ផ្ទាល់ សម្ដេចតេជោ ហ៊ុន សែន នាយករដ្ឋមន្ត្រីនៃ​ព្រះរាជាណាចក្រកម្ពុជា​ផង​ដែរ៕

The post ព្រះមហាក្សត្រ ចេញព្រះរាជក្រឹត្យផ្តល់គោរមងារ «ឧកញ៉ា» ដល់ម្ចាស់ហាង Tube Coffee appeared first on .