ព្រះមហាក្សត្រ ចេញព្រះរាជក្រឹត្យតែងតាំង ឪពុករដ្ឋមន្ត្រីក្រសួងអភិវឌ្ឍន៍ជនបទ ជា «ឧត្តមប្រឹក្សាផ្ទាល់ព្រះមហាក្សត្រ» មានឋានៈស្មើ ឧបនាយករដ្ឋមន្ត្រី

ឧកញ៉ាដែនដី — Fri, 17 Oct 2025 00:27:03 +0000

ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ស្ដេចទ្រង់សព្វព្រះរាជហឫទ័យ ត្រាស់បង្គាប់តែងតាំង ឯកឧត្តមកិត្តិសេដ្ឋាបណ្ឌិត ឆាយ ថន ជា «ឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា» មានឋានៈស្មើឧបនាយករដ្ឋមន្ត្រី នៅថ្ងៃទី១៦ ខែតុលា ឆ្នាំ២០២៥។

ឯកឧត្តមកិត្តិសេដ្ឋាបណ្ឌិត ឆាយ ថន ជាអតីតរដ្ឋមន្ត្រីក្រសួងផែនការ ដែលជាទេសរដ្ឋមន្ត្រីនិងជាសមាជិកអចិន្ត្រៃយ៍នៃគណៈកម្មាធិការកណ្តាលរបស់គណបក្សប្រជាជនកម្ពុជា។ ឯកឧត្តមកិត្តិសេដ្ឋាបណ្ឌិត ជាឪពុកបង្កើតរបស់ ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ នាពេលបច្ចុប្បន្ននេះ៕

The post ព្រះមហាក្សត្រ ចេញព្រះរាជក្រឹត្យតែងតាំង ឪពុករដ្ឋមន្ត្រីក្រសួងអភិវឌ្ឍន៍ជនបទ ជា «ឧត្តមប្រឹក្សាផ្ទាល់ព្រះមហាក្សត្រ» មានឋានៈស្មើ ឧបនាយករដ្ឋមន្ត្រី appeared first on .

ឪពុកបង្កើតអ្នកឧកញ៉ា មាស សុភារី តែងតាំងជាឧត្តមប្រឹក្សាផ្ទាល់ព្រះមហាក្សត្រ មានឋានៈស្មើឧបនាយករដ្ឋមន្រ្តី

ឧកញ៉ាកោះក្របី — Sun, 21 Jan 2024 09:26:01 +0000

ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ ត្រាស់បង្គាប់តែងតាំងលោក មាស សុភា ជាឧត្តមប្រឹក្សាផ្ទាល់ព្រះមហាក្សត្រ មានឋានៈស្មើឧបនាយករដ្ឋមន្រ្តី តាមរយៈព្រះរាជក្រឹត្យលេខ នស/រកត/០១២៤/០៨៤ ចុះនៅថ្ងៃទី២១ ខែមករា ឆ្នាំ២០២៤ ។

នៅក្នុងព្រះរាជក្រឹត្យ ព្រះមហាក្សត្រ ទ្រង់យល់លោក មាស សុភា បានចូលរួមជួយដឹកនាំប្រជាជាតិតាមរដ្ឋធម្មនុញ្ញឆ្នាំ១៩៩៣ សម្រាប់ជាឧត្តមប្រយោជន៍ដល់សង្គមជាតិ ទទួលបាននូវសន្តិភាព ស្ថិរភាព ឯកភាពជាតិ ការអភិវឌ្ឍជាតិលើគ្រប់វិស័យ ការពារលទ្ធិប្រជាធិបតេយ្យ ការពារជាតិ មានសន្តិសុខសង្គមល្អប្រសើរ ព្រមទាំងរក្សាបាននូវឯករាជ្យជាតិ និងបូរណភាពទឹកដីក្រោមការដឹកនាំដ៏ប៉ិនប្រសប់ និងឈ្លាសវៃរបស់សម្តេចតេជោ ហ៊ុន សែន ។

ជាមួយគ្នានោះ ព្រះមហាក្សត្រ ទ្រង់យល់ លោក មាស សុភា មានស្វាមីភក្តិចំពោះរាជបល្ល័ង្ក ការពារ គោរពព្រះពុទ្ធសាសនា និងចូលរួមការពារនិរន្តរភាពរាជានិយមនៃកម្ពុជា។

លោក មាស សុភា ជាអតីតនាយឧត្តមសេនីយ៍ មេបញ្ជាការកងទ័ពជើងគោក, អតីតទេសរដ្ឋមន្រ្តីទទួលបេសកកម្មពិសេស។ បច្ចុប្បន្នលោកជាសមាជិកគណៈអចិន្ដ្រៃយ៍គណៈកម្មាធិការកណ្ដាលនៃគណបក្សប្រជាជនកម្ពុជា និងជាប្រធានក្រុមការងាររាជរដ្ឋាភិបាល ចុះជួយមូលដ្ឋានខេត្តព្រះវិហារ។

លោក មាស សុភា ត្រូវជាឪពុកបង្កើតលោកស្រីអ្នកឧកញ៉ា មាស សុភារី នឹងត្រូវជាឪពុកក្មេកអ្នកឧកញ៉ា ទៀ ណារ៉ាវុទ្ធ (ចាង យុនហ្វេង) អគ្គនាយកក្រុមហ៊ុន Golden Fortune Securities Plc និងក្រុមហ៊ុន Golden Fortune Derivatives Exchange Co.,Ltd ដែលជាស្វាមីលោកស្រី មាស សុភារី៕

The post ឪពុកបង្កើតអ្នកឧកញ៉ា មាស សុភារី តែងតាំងជាឧត្តមប្រឹក្សាផ្ទាល់ព្រះមហាក្សត្រ មានឋានៈស្មើឧបនាយករដ្ឋមន្រ្តី appeared first on .