សេចក្តីសម្រេចរបស់រាជរដ្ឋាភិបាលកម្ពុជា ដែលចុះហត្ថលេខាដោយឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត បានកំណត់របៀបរបបការងារ និងបែងចែកភារកិច្ចរបស់ថ្នាក់ដឹកនាំរាជរដ្ឋាភិបាល ក្នុងនោះតួនាទីឧបនាយករដ្ឋមន្រ្តី លោក នេត សាវឿន ទទួលបន្ទុកជានាយករដ្ឋមន្រ្តីស្តីទីពេលនាយករដ្ឋមន្រ្តីអវត្តមាន, ជួយនាយករដ្ឋមន្រ្តីលើវិស័យសន្តិសុខជាតិ និងសណ្តាប់ធ្នាប់សាធារណៈ, ក្នុងក្របខណ្ឌអន្តរក្រសួងជួយនាយករដ្ឋមន្រ្តីក្នុងការសម្របសម្រួលដឹកនាំកម្លាំងគ្រប់ប្រភេទ ដើម្បីការងារសន្តិសុខជាតិ និងសណ្តាប់ធ្នាប់សាធារណៈ និងទទួលសិទ្ធិពីនាយករដ្ឋមន្រ្តីក្នុងការបញ្ជាកងរាជអាវុធហត្ថលើផ្ទៃប្រទេសក្នុងពេលនាយករដ្ឋមន្រ្តីអវត្តមាន។

លើសពីនេះ លោក នេត សាវឿន ក៏ជួយតម្រង់ទិសដល់អាជ្ញាធរ គណៈកម្មាធិការក្រុមប្រឹក្សាដែលចំណុះឲ្យរាជរដ្ឋាភិបាលតាមការប្រគល់សិទ្ធិរបស់នាយករដ្ឋមន្រ្តី ព្រមទាំងទទួលបន្ទុកអនុវត្តការងារពិសេស ឬបេសកកម្មពិសេសផ្សេងទៀតដែលនាយករដ្ឋមន្រ្តីប្រគល់ជូន។

មានវ័យ ៦៣ឆ្នាំ លោក នេត សាវឿន គឺជាអតីតអគ្គស្នងការនគរបាលជាតិ នឹងធ្លាប់កាន់តំណែងអគ្គស្នងការរង បន្ទាប់មកឡើងកាន់តំណែងអគ្គស្នងការនគរបាលជាតិ ជំនួសលោក ហុក ឡង់ នៅក្នុងឆ្នាំ២០០៨៕

The post តើតួនាទីឧបនាយករដ្ឋមន្រ្តីលោក នេត សាវឿន បំពេញភារកិច្ចអ្វីខ្លះ? appeared first on .

យោងតាមការចុះផ្សាយពីសារព័ត៌មាន Reuters បានបង្ហាញថា ក្រុមព្រះរាជអាជ្ញារក្រុងតូក្យូ បានចូលឆែកឆេរ ការិយាល័យឧបនាយករដ្ឋមន្ត្រីរូបនេះ ក្រោយមានការសង្ស័យថា លោកទទួល​បាន​ការសូកប៉ាន់ ជាមួយទំហំទឹកប្រាក់រាប់សិនលានយ៉េន។

ប្រភពដដែលបន្ថែមថា ក្រោយមកក្រសួងការបរទេសជប៉ុនបានប្រកាសថា លោក Akimoto បានប្រកាសចុះចេញពីតំណែង ជាឧបនាយករដ្ឋមន្ត្រី។

សូមជម្រាបដែរថា ក្រុមមេធាវីតំណាងការិយាល័យប្រធានាធិបតី បាន​ប្រកែកដាច់អហង្ការ​ពីករណី​ពាក់ព័ន្ធ នឹងការស៊ីសំណូកសូកប៉ាន់ របស់ឧបនាយករដ្ឋមន្ត្រីរូបនេះផងដែរ៕

The post ឧបនាយករដ្ឋមន្ត្រីជប៉ុនលាលែងពីតំណែង ក្រោយមានការចោទប្រកាន់ទាក់ទងអំពើពុករលួយ appeared first on .

យោងតាមការចុះផ្សាយពី CNAបាន​បង្ហាញថា នេះគឺជាការបាត់បង់​មន្ត្រីទី ៣ ក្នុងរយៈពេល ៦ខែចុងក្រោយ ដែលធ្វើឲ្យនាយករដ្ឋមន្ត្រី Rishi Sunak អាម៉ាស់មុខជាខ្លាំង ព្រោះវាធ្វើ​ឲ្យ​កិច្ចខំប្រឹងប្រែង​របស់លោក​មិនទទួល​បាន​ផ្លែផ្កា​ល្អ។

ក្នុងនាមជាឧបនាយករដ្ឋមន្ត្រី លោក Raab មិនមានអំណាចផ្លូវការទេ ប៉ុន្តែបានចូលកាន់តំណែងជានាយករដ្ឋមន្ត្រី ប្រសិនបើគាត់នៅឆ្ងាយពីសភា ឬអសមត្ថភាព។ ទោះជាយ៉ាងណាក៏ដោយ គាត់គឺជាសម្ព័ន្ធមិត្តនយោបាយជិតស្និទ្ធរបស់ Sunak ហើយបានជួយចាប់ផ្តើមយុទ្ធនាការរបស់គាត់ដើម្បីក្លាយជានាយករដ្ឋមន្ត្រីកាលពីរដូវក្តៅមុន។

ដោយឡែក ការលាលែងតំណែងមួយនេះក៏នឹងធ្វើឲ្យ​សាធារណជន​មាន​គោលគំនិត​ល្អឡើង​វិញ​ ចំពោះរដ្ឋាភិបាល​បន្តិចបន្តួចផងដែរ បន្ទាប់ពីបញ្ហារឿងអាស្រូវរបស់លោក Boris Johnson និងគោលនយោបាយសេដ្ឋកិច្ចដ៏ច្របូកច្របល់ដែលបានធ្វើឱ្យ Liz Truss របូតតំណែង ក្រោយកាន់កាប់បានតិចជាងពីរខែ។

គួររំលឹកដែរថា ការស៊ើបអង្កេតអស់រយៈពេលជាច្រើនខែទៅលើអាកប្បកិរិយារបស់ Raab បានបង្ហាញភស្តុតាងពីមន្ត្រីរដ្ឋាភិបាលជាច្រើននាក់ អំពីពាក្យបណ្តឹងនៃការគំរាមកំហែងនៅនាយកដ្ឋានចំនួនបីផ្សេងគ្នា៕

The post ឧបនាយករដ្ឋមន្ត្រីអង់គ្លេសលាលែងតំណែង ក្រោយទទួលបណ្ដឹងរឿងធ្វើបាបមិត្តរួមការងារ appeared first on .

កាលពីថ្ងៃព្រហស្បតិ៍ ឧបនាយករដ្ឋមន្ត្រី Liu Guozhong បានដឹកនាំកិច្ចប្រជុំកសិកម្មថ្នាក់ជាតិ ហើយទីប្រឹក្សារដ្ឋ Shen Yiqin បានចាប់ផ្តើមដំណើរទស្សនកិច្ចអធិការកិច្ចសម្រាប់ការងារ និងកិច្ចការស៊ីវិល។ នេះបើតាមការចុះផ្សាយពី SCMP។

លោក Liu បាន​ប្រាប់ទៅកាន់មន្ត្រី​ថា ត្រូវធ្វើគ្រប់មធ្យោបាយ​ដើម្បីអាច​សម្រេចគោលដៅប្រចាំឆ្នាំ នៃទិន្នផលគ្រាប់ធញ្ញជាតិ ៥៨០ លានតោន ដើម្បីរក្សាសន្តិសុខស្បៀងរបស់ប្រទេស ខណៈ​លោក​ក៏​ធ្លាប់​ប្រកាសថា នឹងរ៉ាប់រងលើបញ្ហាសុខាភិបាលសាធារណៈ ពីអតីតឧបនាយករដ្ឋមន្ត្រី Sun Chunlan។

ដោយឡែក នៅក្នុងការបង្ហាញខ្លួនជាលើកដំបូងក្នុងនាមជាទីប្រឹក្សារដ្ឋ លោកស្រី Shen Yiqin បានធ្វើដំណើរទៅកាន់ខេត្ត Jiangsu សម្រាប់ដំណើរទស្សនកិច្ចរយៈពេលបីថ្ងៃ ដែលផ្តោតលើបញ្ហាការងារ និងបង្ហាញពីទទួលខុសត្រូវលើការបង្កើតការងារ និងកិច្ចការស៊ីវិល។ នេះបើយោងតាមសារព័ត៌មាន Xinhua។

គួររំលឹកដែរថា រដ្ឋាភិបាលក្រុងប៉េកាំងបានកំណត់គោលដៅបង្កើតការងារឲ្យបាន ១២លាន ច្រើនជាងឆ្នាំទៅដែលមានត្រឹម ១១លាន ស្របពេលមហាអំណាចសេដ្ឋកិច្ចធំបំផុតទី២លើលោក កំពុងប្រឈមនឹង​តម្រូវការ​នាំចេញ​ទាប និងទទួលរងសំពាធពីអាមេរិកផង។

ចំពោះ តួនាទីរបស់ឧបនាយករដ្ឋមន្ត្រី ៣រូបទៀតដូចជា Ding Xuexiang, He Lifeng និង Zhang Guoqing នៅមិនទាន់បង្ហាញជាសាធារណៈនៅឡើយ ប៉ុន្តែអ្នកសង្កេតគោលនយោបាយ​បាន​បង្ហើបថា លោក​ He អាចនឹង​រ៉ាប់រង​មុខតំណែង​សម្រាប់​ស្ថិរភាពហិរញ្ញវត្ថុ និងសន្តិសុខពី​អតីតឧបនាយករដ្ឋមន្ត្រី Liu He ខណៈលោក Zhang នឹងក្លាយជា​បេក្ខភាពគ្រប់គ្រងក្រុមហ៊ុនរដ្ឋរបស់ចិន។

សូមជម្រាបដែរថា តួនាទីក្រុមប្រឹក្សារដ្ឋផ្សេងទៀតត្រូវបានបញ្ជាក់ ដែលក្នុង​​នោះ អតីត​ប្រធាន​បក្ស​កុម្មុយនិស្ត Jiangsu លោក Wu Zhenglong ត្រូវ​បាន​តែងតាំង​ជា​ទីប្រឹក្សា​រដ្ឋ និង​ជា​អគ្គលេខាធិការ​ក្រុមប្រឹក្សា​រដ្ឋ លោក Qin Gang ជា​រដ្ឋមន្ត្រី​ការបរទេស​ថ្មី លោក Li Shangfu ជា​រដ្ឋមន្ត្រី​ការពារជាតិ​ថ្មី និង Wang Xiaohong ជា​រដ្ឋមន្ត្រី​សន្តិសុខ​សាធារណៈ៕

The post គណៈរដ្ឋមន្ត្រីចិនចាប់ផ្ដើមបែងចែក និងចេញធ្វើការតាមមុខតំណែងរៀងៗខ្លួន appeared first on .

ក្នុង​កិច្ច​ប្រជុំ​ដ៏​សំខាន់​នេះ​ផង​ដែរ ក៏​នឹង​មាន​វត្តមាន​ប្រទេស​ជា​សមាជិក​អាស៊ាន និង​ប្រទេស​ដទៃ​ទៀត​សរុប ៣៩ ប្រទេស​ចូលរួម ហើយ​ក្នុង​នោះ​ប្រទេស​ថៃ នឹង​បញ្ជូន​លោក Don Pramudwinai ​ឧបនាយករដ្ឋមន្ត្រី និង​ជា​រដ្ឋមន្ត្រីការបរទេស ជា​តំណាង​នៃ​កិច្ច​ប្រជុំ​មួយ​នេះ។

យោង​តាម​ការ​ចុះផ្សាយ​ពី Nationmultimedia បាន​ឲ្យ​ដឹង​ថា ​ឧបនាយករដ្ឋមន្ត្រី​ថៃ​នឹង​ឆ្លៀត​ឱកាស​មួយ​នេះ​ដើម្បី​ផ្សព្វផ្សាយ​ពី​កិច្ចសហប្រតិបត្តិការ​សេដ្ឋកិច្ច​រង្វង់​បៃតង BCG ក្នុង​គោល​បំណង​ស្រោចស្រង់​សេដ្ឋកិច្ច​ដែល​អាស៊ាន​កំពុង​ជួប​ប្រទះ ដោយសារ​ការ​រាតត្បាត​កូវីដ ១៩ ក៏​ដូចជា​គាំទ្រ​ពហុភាគីនិយម និង​កិច្ចសហប្រតិបត្តិការ​ក្នុង​តំបន់ ដើម្បី​ត្រៀម​ដោះស្រាយ​បញ្ហា​ជា​សកល​ផង​ដែរ៕

The post ឧបនាយករដ្ឋមន្ត្រី​ថៃ នឹង​ចូលរួម​ប្រជុំ​​នៅ​ទីក្រុង​ភ្នំពេញ ដើម្បី​ផ្សព្វផ្សាយ​ពី​សេដ្ឋកិច្ច​រង្វង់​បៃតង appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

មុនឈានជើងចូលកាន់ដំណែងខ្ពស់សំខាន់ក្នុងជួររាជរដ្ឋាភិបាលកម្ពុជា ហើយទទួលបានការចាប់អារម្មណ៍ខ្លាំងមែនទែនពីប្រជាជន ថ្នាក់ដឹកនាំ នឹងមន្រ្តីរាជការ។ តើលោកមានប្រវត្តិយ៉ាងណាខ្លះ ? សូមតាមដានទាំងអស់ជាមួយ “គេហទំព័រឧកញ៉ាញូស៍” ។

លោក ជាសុផារ៉ា កើតនៅថ្ងៃទី​២០ ខែមីនា ឆ្នាំ១៩៥៣ នៅភូមិរការខ្នុរ ឃុំរការខ្នុរ ស្រុកក្រូចឆ្មារ ខេត្តកំពង់ចាម។ លោកប្រឡងជាប់សញ្ញាបត្រមធ្យមសិក្សាបត្រភាគ២ ក្នុងឆ្នាំ១៩៧៤ នៅវិទ្យាល័យ ១៨មីនា បន្ទាប់មកលោកបានចុះឈ្មោះចូលរៀន នៅមហាវិទ្យាល័យវេជ្ជសាស្ត្រ និងទន្តសាស្រ្ត។

ជីវិតលោកផ្ទាល់ និងក្រុមគ្រួសារមិនខុសពីបងប្អូនប្រជាពលរដ្ឋខ្មែរនោះទេ ដោយនៅក្នុងរបបប្រល័យពូជសាសន៍​ប៉ុល ពត លោកត្រូវបានជម្លៀសឲ្យទៅរស់នៅស្រុក ខ្សាច់កណ្តាល ខេត្តកណ្តាល។ ក្រោយថ្ងៃរំដោះ ៧ មករា ១៩៧៩ លោកបានឆ្លងកាត់វគ្គសិក្សានយោបាយជាច្រើន​ ដូចជា៖ វគ្គសិក្សា នយោបាយជំនាន់ទី១​នៅសាលា នយោបាយរដ្ឋធានី វគ្គសិក្សា នយោបាយ​ បច្ចេកទេស សាលារដ្ឋបាលនីតិវិធី វគ្គសិក្សាទ្រឹស្តីនយោបាយ ជំនាន់ទី៤ នៅសាលា ង្វៀងឲ្យតួក ទី៧ ទីក្រុងហូជីមិញ សាធារណរដ្ឋសង្គម និយមវៀតណាម។

ជំហ៊ានបន្ទាប់ លោក ជា សុផារ៉ា ក៏បានចូលបម្រើការងារក្នុងក្របខណ្ឌ័រដ្ឋ នៅថ្ងៃទី២៦ ខែកក្កដា ឆ្នាំ១៩៧៩ និងបានកាន់តំណែង ក្នុងរដ្ឋបាលដែនដី និងដំណែងនយោបាយដូចខាងក្រោម៖

• អនុប្រធាន តំបន់៤ ក្រុងភ្នំពេញ ( ១៩៧៩ដល់ ១៩៨១)
• ប្រធានគណៈកម្មការប្រជាជនសង្កាត់លេខ៤ ក្រុងភ្នំពេញ ( ១៩៨១ដល់ ១៩៨៥)
• ប្រធានគណៈកម្មការប្រជាជនខណ្ឌទួលគោក( ១៩៨៥ដល់ ១៩៨៨)
• អនុប្រធានគណៈកម្មាធិការប្រជាជនក្រុងភ្នំពេញ( ១៩៨៨ដល់ ១៩៩៣)
• អភិបាលរងរាជធានីភ្នំពេញ( ១៩៩៣ ដល់១៩៩៥)
• អភិបាលរងទី១ រាជធានីភ្នំពេញ( ១៩៩៥ដល់១៩៩៩)
• ប្រតិភូរាជរដ្ឋាភិបាលទទួលបានទទួលបន្ទុកអភិបាលរងទី១ រាជធានីភ្នំពេញ(១៩៩៩)
• ប្រតិភូរាជរដ្ឋាភិបាលទទួលបន្ទុកអភិបាលរាជធានីភ្នំពេញ( ១៩៩៩ដល់ ២០០៣)
• ឯកអគ្គរាជទូតវិសាមញ្ញ និងពេញសមត្ថភាព នៃព្រះរាជាណាចក្រកម្ពុជា ប្រចាំនៅសហភាពមីយ៉ាន់ម៉ា(២០០៣)
• ទីប្រឹកក្សាផ្ទាល់សម្តេចអគ្គមហាសេនាបតីតេជោ ហ៊ុនសែន នាយករដ្ឋមន្ត្រី នៃព្រះរាជជាណាចក្រ កម្ពុជា( ២០០៣ដល់ ២០០៤)
• រដ្ឋលេខាធិការក្រសួងរៀបចំដែនដី នគររូបនីយកម្ម និងសំណង់( ២០០៤ដល់ ២០០៨)
• រដ្ឋមន្ត្រីក្រសួងអភិវឌ្ឍន៍ជនបទ( ២០០៨ ដល់ ខែមេសាឆ្នាំ២០១៦)
• ទេសរដ្ឋមន្ត្រី រដ្ឋមន្ត្រីក្រសួងរៀបចំដែនដី នគររូបនីយកម្មនិងសំណង់
• ឧបនាយករដ្ឋមន្រ្តី រដ្ឋមន្ត្រីក្រសួងរៀបចំដែនដី នគររូបនីយកម្ម និងសំណង់ និងជាប្រានអាជ្ញាធរជាតិ ដោះស្រាយវិវាទដីធ្លីនិងជាសមាជិករដ្ឋសភា( ខែកញ្ញា ២០១៨ មកដល់បច្ចុប្បន្ន)
• លោក ជា សុផារ៉ា មានឋានន្តរសក្តិឧត្តមមន្ត្រីថ្នាក់លេខ១ ( ឆ្នាំ២០០៤) ក្នុងក្របខណ្ឌមន្ត្រីរដ្ឋបាលជាន់ខ្ពស់ និងបានទទួលគ្រឿងឥស្សរិយយសជាតូបការ( ឆ្នាំ២០១៣)។

លោក ជា សុផារ៉ា បានឲ្យតំបូន្មានទៅកាន់បងប្អូនដែលកាន់ការងារផ្នែកវិស័យសាងសង់ហេដ្ឋារចនាសម្ព័ន្ធថា៖ ត្រូវធ្វើការឱ្យមានប្រសិទ្ធិភាព កុំបណ្តោយឱ្យមានការសាងសង់សំណង់ផ្សេងៗគ្មានបទដ្ឋានបច្ចេកទេសច្បាស់លាស់ រឺគ្មានលិខិតអនុញ្ញាតសាងសង់ ដែលអាចបង្កជាវិបត្តិនានាដូចពេលកន្លងមក។

លោកថា ធ្វើយ៉ាងណាឱ្យប្រទេសកម្ពុជាមានសំណង់ប្រកបទៅដោយសុវត្ថិភាព សោភ័ណភាព មានសំណង់ដែលអាចចូលរួមចំណែកទប់ស្កាត់បំរែបំរួលអាកាសធាតុ មិនធ្វើឱ្យប៉ះពាល់ដល់សុខភាពសាធារណៈ និងបុគ្គល ហើយផ្តល់ប្រយោជន៍រួមសម្រាប់ប្រជាពលរដ្ឋ៕

The post សាវតារ ឧបនាយករដ្ឋមន្ត្រី ជា សុផារ៉ា ចូលកាន់ដំណែងខ្ពស់សំខាន់រាប់សិបឆ្នាំ ផ្ទុយស្រឡះពីអ្វីដែលបានរៀននៅមហាវិទ្យាល័យ appeared first on .