បើតាមឯកឧត្តមបណ្ឌិតនាយករដ្ឋមន្រ្តី គោលនយោបាយរបស់រាជរដ្ឋាភិបាលគឺធំបំផុតធ្វើយ៉ាងណាជួយពង្រឹងសេដ្ឋកិច្ចជាតិតាមរយៈការជម្រុញកំណើនសេដ្ឋកិច្ចជាតិ ការជួយជីវភាពប្រជាជនយើងតាមរយៈការបង្កើតការងារឱ្យបានច្រើន ការជម្រុញការរៀបចំប្រព័ន្ធដឹកនាំឱ្យបានកាន់តែមានប្រសិទ្ធិភាពលើគ្រប់វិស័យ ការធានានូវសមធម៌សង្គម ដោយចែកផលលាភដល់ដៃប្រជាជនប្រកបដោយចីរភាព និងនិរន្តរភាព។

ឯកឧត្តមបណ្ឌិតមានប្រសាសន៍ថា «ការគិតគូរធំបំផុតរឿងប្រទេសជាតិ គឺគិតគូរប្រជាពលរដ្ឋ ហើយប្រជាពលរដ្ឋម្នាក់ៗកសាងអនាគតខ្លួនឯង ខិតខំប្រឹងប្រែងធ្វើការងារដោយសុចរិត បង្កើតសមត្ថភាព និងចូលរួមចំណែកក្នុងការជួយអភិវឌ្ឍន៍សេដ្ឋកិច្ចជាតិ កសាងសង្គមជាតិរបស់យើង ហ្នឹងហើយជាការជួយប្រទេសជាតិ។ការដឹកនាំប្រទេសជាតិ គឺពង្រឹងប្រជាជន ដោយមានការចូលរួមក្នុងការលើកកម្ពស់នូវស្មារតីស្នេហាជាតិបែបវិជ្ជមាន ជាកិច្ចការសំខាន់។រឿងដែលធ្វើឱ្យប្រទេសជាតិខ្លាំង គឺការធ្វើឱ្យប្រជាជនខ្លាំង»។

បន្ថែមទៀតនោះ ឯកឧត្តម ហ៊ុន ម៉ាណែត គូសបញ្ជាក់ថា ក្នុងនាមជាមន្ត្រីរាជការ និងថ្នាក់ដឹកនាំរាជរដ្ឋាភិបាលត្រូវយកប្រជាជនជាធំ ដើម្បីបំពេញភារៈកិច្ចរបស់ខ្លួន ដែលធានាដល់ការបម្រើផលប្រយោជន៍ជូនប្រពលរដ្ឋឱ្យកាន់តែមានប្រសិទ្ធភាព៕

The post នាយករដ្ឋមន្រ្តី៖ គោលនយោបាយរបស់រាជរដ្ឋាភិបាលគឺធំបំផុតជួយពង្រឹងសេដ្ឋកិច្ចជាតិ និងប្រជាជន appeared first on .

នេះបើយោងតាមជំនួបរវាងឯកឧត្តមបណ្ឌិត ហ៊ុន ម៉ាណែត ជាមួយលោកស្រី ម៉ារីយា ដែល ខាមែន ម៉ូរេណូ ឯកអគ្គរដ្ឋទូតសហភាពអឺរ៉ុបប្រចាំព្រះរាជាណាចក្រកម្ពុជា កាលពីថ្ងៃទី ២៨ ខែ សីហា។

នៅក្នុងជំនួបនេះ លោកស្រី ម៉ារីយា ឯកអគ្គរដ្ឋទូតសហភាពអឺរ៉ុប បានសាទរចំពោះ ឯកឧត្តម ហ៊ុន ម៉ាណែត ដែលត្រូវបានជ្រើសតាំងជានាយករដ្ឋមន្រ្តីកម្ពុជា ខណៈលោកស្រី ក៏បានបង្ហាញនូវជំហរដ៏មុតមាំរបស់សហភាពអឺរ៉ុប ក្នុងការបន្តកិច្ចសហប្រតិបត្តិការជិតស្និទ្ធបន្ថែមទៀតជាមួយកម្ពុជា ជាពិសេស ជាមួយរាជរដ្ឋាភិបាលនីតិកាលទី៧ នៃរដ្ឋសភា ក្រោមការដឹកនាំផ្ទាល់របស់ ឯកឧត្តម បណ្ឌិត ហ៊ុន ម៉ាណែត។

ជាកិច្ចឆ្លើយតប ឯកឧត្តមបណ្ឌិត ហ៊ុន ម៉ាណែត នាយករដ្ឋមន្រ្តីកម្ពុជា បានថ្លែងអំណរគុណក្នុងកិច្ចសហប្រតិបត្តិការស្អិតរមួតកន្លងមក រវាងកម្ពុជា និងសហភាពអឺរ៉ុប។ ឯកឧត្តមបណ្ឌិត ក៏បានលើកឡើងអំពីនិរន្តរភាពនៃគោលនយោបាយនៃរាជរដ្ឋាភិបាលនីតិកាលទី៧ នៃរដ្ឋសភា ដែលបន្តចាប់តាំងពីការដាក់ចេញយុទ្ធសាស្រ្តត្រីកោណ និងយុទ្ធសាស្រ្តចតុកោណទាំង ៤ ដំណាក់កាល ដោយផ្តោតជាពិសេសបំផុតទៅលើការកសាងមូលធនមនុស្ស, ការកែទម្រង់វិស័យសុខាភិបាលនៅថ្នាក់មូលដ្ឋាន, និងការកែទម្រង់វិស័យមុខងារសាធារណៈជាដើម។

ជាមួយគ្នានេះ ឯកឧត្តមបណ្ឌិត ក៏បានស្នើឱ្យសហភាពអឺរ៉ុបបន្តពិចារណាគាំទ្រ និងផ្តល់ហិរញ្ញប្បទានលើ “កម្មវិធីសូចនាករពហុឆ្នាំ២០២១-២០២៧ ដំណាក់កាលទី២” បន្ថែមទៀត ដើម្បីសម្រួលដល់ការធ្វើពាណិជ្ជកម្ម និងការនាំចេញរបស់កម្ពុជាឆ្ពោះទៅកាន់ទីផ្សារសហភាពអឺរ៉ុបផងដែរ។

គួបញ្ជាក់ដែរថា តាមជំនួបខាងលើ ថ្នាក់ដឹកនាំទាំងពីរ ក៏បានប្តេជ្ញាបន្តជំរុញ និងលើកកម្ពស់កិច្ចសហប្រតិបត្តិការ រវាងកម្ពុជា និងសហភាពអឺរ៉ុប ឱ្យកាន់ជិតស្និទ្ធបន្ថែមទៀត ក៏ដូចជាការពង្រីកទិសដៅកិច្ចសហប្រតិបត្តិការទៅលើវិស័យថ្មីៗបន្ថែមទៀត ដូចជា៖ វិស័យអប់រំ និងការអភិវឌ្ឍធនធានមនុស្ស, វិស័យសុខាភិបាល និងវិស័យមុខងារសាធារណៈ ដែលជាកិច្ចការសំខាន់ និងចាំបាច់ក្នុងការចូលរួមកសាងនូវស័ក្ដិសិទ្ធភាពដែលជាកិច្ចការសំខាន់ជាដើម៕

អត្ដបទ៖ ពិសី  

The post ឯកឧត្តម ហ៊ុន ម៉ាណែត ស្នើសហភាពអឺរ៉ុបបន្តពិចារណាគាំទ្រ និងផ្តល់ហិរញ្ញប្បទាន សម្រួលដល់ការធ្វើពាណិជ្ជកម្មកម្ពុជា appeared first on .

តាមរយៈការផ្តល់នូវសេចក្តីសម្រេចអនុម័តជាផ្លូវការ ឯកឧត្តមបណ្ឌិត ហ៊ុន ម៉ាណែត បានអះអាងថា ក្នុងនាមជាប្រមុខនៃរាជរដ្ឋាភិបាល សម្រាប់នីតិកាលទី ៧ នៃ រដ្ឋសភា ឯកឧត្តមបានធ្វើការសន្យា និងធ្វើការប្តេជ្ញាជាជូនបងប្អូនជនរួមជាតិទូទាំងប្រទេសថា ឯកឧត្តម នឹងប្តូរផ្តាច់ដឹកនាំស្ថាប័ននីតិប្រតិបត្តិរបស់ជាតិ ធានាអនុវត្តឱ្យបានសម្រេចជោគជ័យ នូវ «កម្មវិធីនយោបាយរបស់រាជរដ្ឋាភិបាល» ដែលជាការសន្យារបស់គណបក្សប្រជា- ជនកម្ពុជា ជូនដល់ប្រជាពលរដ្ឋនៅមុនការបោះឆ្នោត។

ទន្ទឹមគ្នានេះ ឯកឧត្តមថា ក្នុងនាំជាអ្នកដឹកនាំឯកឧត្តមបានដាក់ជូនអង្គរដ្ឋសភា ដោយផ្តោតការយកចិត្តទុកដាក់លើ កម្មវិធីគោលនយោបាយ ជាអាទិភាព ទាំង ៦ ដែលនឹងត្រូវបានដាក់ឱ្យចាប់ផ្តើមអនុវត្តភ្លាម នៅក្នុងឆ្នាំ ២០២៣ នេះ រួមមាន ៖

១.ការពង្រីកសេវាថែទាំសុខភាពឆ្ពោះទៅរកការគ្របដណ្តប់សុខភាពជាសកល,២. ការបណ្តុះបណ្តាលជំនាញវិជ្ជាជីវៈ និង បច្ចេកទេស ជូនដល់យុវជនមកពី គ្រួសារក្រីក្រ និងគ្រួសារងាយរងហានិភ័យ នៅទូទាំងប្រទេស,៣. ការធ្វើស្ថាបនូបនីយកម្មកម្មវិធីជាតិជំនួយសង្គម សម្រាប់គ្រួសារក្រីក្រ, ក្រុមជន ងាយរងគ្រោះនៅក្នុងគ្រួសារក្រីក្រ និង គ្រួសារងាយរងហានិភ័យ នៅក្នុងគ្រាមានវិបត្តិសេដ្ឋ- កិច្ច និង គ្រាមានគ្រោះអាសន្ន,៤. ការដាក់ចេញ និង ការជំរុញ អនុវត្តយុទ្ធសាស្ត្រអភិវឌ្ឍសេដ្ឋកិច្ចក្រៅប្រព័ន្ធ ឱ្យ មានលទ្ធភាពចូលរួមក្នុងសេដ្ឋកិច្ចក្នុងប្រព័ន្ធ និង អាចទទួលបានផលប្រយោជន៍ពីប្រព័ន្ធ គាំពារសង្គមផ្លូវការ,៥. ការដាក់ចេញនូវយន្តការសម្របសម្រួល និងកម្មវិធីហិរញ្ញប្បទាន សំដៅលើកស្ទួយផលិតកម្ម, រកទីផ្សារ និង រក្សាលំនឹងថ្លៃកសិផលសំខាន់ៗ ក្នុងកម្រិតសមរម្យ និងទី៦. ការដាក់ពង្រាយមន្ត្រីបច្ចេកទេសកសិកម្មទៅគ្រប់ឃុំ-សង្កាត់ ដែលមាន សកម្មភាពកសិកម្ម នៅទូទាំងប្រទេស និងការរៀបចំឱ្យមានសមាគមកសិករនៅតាមទីជនបទជាដើម៕

អត្ថបទ៖ ពិសី

The post នាយករដ្ឋមន្ត្រីថ្មី ដាក់ចេញកម្មវិធីនយោបាយអាទិភាពចំនួន៦ ដោយចាប់ផ្តើមអនុវត្តភ្លាមក្នុងឆ្នាំ ២០២៣ appeared first on .