នៅលើបណ្តាញសង្គមហ្វេសប៊ុក នារសៀលនេះ ឯកឧត្តម ជា លីសែ បានលើកឡើងថា សម្រាប់ពិធីបុណ្យចូលឆ្នាំថ្មីប្រពៃណីជាតិខ្មែរ ដែលនឹងខិតជិតមកនាពេលដ៏ខ្លីខាងមុខនេះ សម្រាប់ការលេងជះទឹក លោកសូមអំពាវនាវដល់យុវជន បងប្អូនមិត្តភក្ដពិចារណាក្នុងការប្រើប្រាស់ផ្ទិល ត្រឡោក ជាមួយពាង ឬធុងទឹក ជាអត្តសញ្ញាណខ្មែរ ជំនួសកាំភ្លើងបាញ់ទឹកដែលជាផលិតផលនាំចូលពីបរទេស។ សូមអញ្ជើញរីករាយពិធីបុណ្យចូលឆ្នាំថ្មីប្រពៃណីជាតិខ្មែរ ដែលនឹងឈានចូលមកក្នុងពេលដ៏ឆាប់ៗនេះ។

គួរកត់សម្គាល់ថា ការលេងបាញ់ទឹក និងប៉ាតម្សៅ ដែលមិនមែនជាប្រពៃណីវប្បធម៌ខ្មែរ តែបែរជាពេញនិយមខ្លាំង ពីស្រទាប់យុវជនខ្មែរក្នុងស្រុក បើទោះបីជាក្រសួងអប់រំ អាជ្ញារាជធានីភ្នំពេញ និងអាជ្ញាធរខេត្តមួយចំនួន បានចេញបម្រាម មិនឲ្យលេងបាញ់ទឹកនិងប៉ាតម្សៅនៅតាមគ្រឹះស្ថានសិក្សាសាធារណៈ និងឯកជន រួមទាំងនៅតាមទីកន្លែងកម្សាន្តនានា នៅក្នុងឱកាសបុណ្យចូលឆ្នាំខ្មែរនេះក៏ដោយ។

ទោះបីការបាញ់ទឹកខ្លាំងៗ តាមដងផ្លូវដាក់គ្នាមិនត្រូវបានអនុញ្ញាត កន្លងមកកម្មវិធីសង្ក្រាន្តថ្នាក់ខេត្ត-រាជធានី មានរៀបចំកន្លែងលេងជះទឹក នៅទីតាំងសមរម្យមួយដែលគេរៀបចំ និងឲ្យឈ្មោះថា “តំបន់ត្រជាក់ចិត្ត” ធ្វើឲ្យបងប្អូនប្រជាពលរដ្ឋខ្មែរអាចចូលរួមលេងទឹកបានដោយរីករាយ និងគ្មានហានិភ័យ ដូចការលេងគប់ទឹក បាញ់ទឹកតាមដងផ្លូវ ដែលផ្ទុយនឹងបំរាមរបស់អាជ្ញាធរនោះទេ៕

The post ឯកឧត្តម ជា លីសែ អំពាវនាវឱ្យប្រើប្រាស់ផ្ទិល ត្រឡោកជាមួយពាង ឬធុងទឹក ជំនួសកាំភ្លើងបាញ់ទឹក ក្នុងថ្ងៃបុណ្យចូលឆ្នាំថ្មីប្រពៃណីជាតិខ្មែរ appeared first on .

ក្នុងបរិយកាសដ៏ក្រៀមក្រំនេះ អ្នកឧកញ៉ា ព្រមទាំងបុគ្គលិកនៃផលិតកម្ម បានសម្តែងនូវមនោសញ្ចេតនាអាឡោះអាល័យ និងក្តីសង្វេគជាពន្លឹកជាមួយឧបាសិកា តាត់ ឆេន ព្រមទាំងក្រុមគ្រួសារនៃសពរបស់ព្រឹទ្ធាចារ្យកោសល្យវោហារ គង់ ណៃ។

មរណភាពលោកព្រឹទ្ធាចារ្យកោសល្យវោហារ គង់ ណៃ គឺជាការបាត់បង់ធនធានមនុស្សផ្នែកចាប៉ីដងវែងដ៏កម្រ ប្រកបដោយសមត្ថភាព ទេពកោសល្យ ដែលបានលះបង់ពេញមួយជីវិតក្នុងការលើកកម្ពស់វិស័យសិល្បៈវប្បធម៌ជាតិរហូតល្បីសុះសាយពាសពេញសកលលោក។

សារជាថ្មីម្ដងទៀត អ្នកឧកញ៉ា ឡេង ណាវ៉ាត្រា សូមចូលរួមរំលែកមរណទុក្ខដ៏ក្រៀមក្រំបំផុតនេះជាមួយឧបាសិកា តាត់ ឆេន ព្រមទាំងក្រុមគ្រួសារ និងសូមឧទ្ទិសបួងសួងដល់ដួងវិញ្ញាណក្ខន្ធរបស់លោកព្រឹទ្ធាចារ្យកោសល្យវោហារសូមបានទៅសោយសុគតិភពកុំបីឃ្លៀងឃ្លាតឡើយ។

ជម្រាបថា លោកតាព្រឹទ្ធាចារ្យកោសល្យវោហារ គង់ ណៃ បានទទួលមរណភាពនៅថ្ងៃសុក្រ ៧រោច ខែជេស្ន ឆ្នាំរោង ឆស័ក ព.ស.២៥៦៨ ត្រូវនឹងថ្ងៃ ទី២៨ ខែមិថុនា ឆ្នាំ២០២៤ វេលាម៉ោង ១២:៤៥នាទីរសៀល ក្នុងជន្មាយុ ៨០ឆ្នាំ ដោយរោគាពាធ៕

The post ឯកឧត្តម ជា លីសែ តំណាងអ្នកឧកញ៉ា ឡេង ណាវ៉ាត្រា ចូលរួមពិធីបុណ្យឈាបនកិច្ចព្រឹទ្ធាចារ្យកោសល្យវោហារ គង់ ណៃ appeared first on .

ឯកឧត្តម ជា លីសែ បាន​​​បង្ហាញសារ​អបអរសាទរ​លើ​បណ្តាញ​សង្គម​យ៉ាង​ដូច្នេះ​ថា៖ “ខ្ញុំបាទ និងក្រុមគ្រួសារ សូមគោរពអបអរសាទរឯកឧត្តមកិត្តិទេសាភិបាលបណ្ឌិតនាយករដ្ឋមន្ត្រី​ នាឱកាសត្រូវបានព្រះមហាក្សត្រ​ព្រះរាជទានគោរមងារ​ សម្តេចមហាបវរធិបតី​ ហ៊ុន​ ម៉ាណែត។ យើងជឿជាក់លើកម្ពុជា! ខ្មែរធ្វើបាន”។

ឯកឧត្តម អនុរដ្ឋលេខាធិការ បានបន្ថែម​ថា នាយករដ្ឋមន្រ្តី ហ៊ុន ម៉ាណែត ពិតជា​ស័ក្តិសមបំផុត ចំពោះការ​ទទួល​បាន​នូវគោរមងារ​ដ៏ឧត្តុង្គឧត្តមខ្ពង់ខ្ពស់​បំផុត ជា «សម្តេចមហាបវរធិបតី» ហើយ ការផ្តល់​គោរមងារនេះពិតជា​ស័ក្តិសម​បំផុត​ សម្រាប់មុខតំណែងដ៏​ខ្ពស់បំផុត ក្នុងប្រទេសកម្ពុជា ដែលប្រកាន់​យករបបរាជានិយម អាស្រ័យ​ដោយរដ្ឋធម្មនុញ្ញ។ គោរមងារនេះ ពិត​ស័ក្តិសម​បំផុតចំពោះសម្តេច ដែលជា​ប្រមុខ​រាជរដ្ឋាភិបាល ពោរពេញ​ទៅ​ដោយសមត្ថភាពដ៏ខ្ពង់ខ្ពស់ ចំណេះដឹង​ដ៏ជ្រៅជ្រះ និងទេពកោសល្យដ៏ប៉ិនប្រសប់​ប្រកប​ដោយ​គតិបណ្ឌិត​ដ៏ខ្ពង់​ខ្ពស់។

យើងខ្ញុំ សូមលើកហត្ថបួងសួង វត្ថុស័ក្ដិសិទ្ធិទាំងឡាយ សូមជួយអភិបាលគ្រងរក្សា ប្រោះព្រំ ប្រសិទ្ធពរ បវរមហាប្រសើរ ជូនសម្តេចមហាបវរធិបតី ហ៊ុន ម៉ាណែត និងលោកជំទាវ ព្រមទាំងគ្រួសារជាទីស្រឡាញ់ សូមបានប្រកបនូវព្រះពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ ជានិច្ចនិរន្តរ៍៕

The post ឯកឧត្តម ជា លីសែ សូមអបអរសាទរជូនចំពោះនាយករដ្ឋមន្រ្តី ហ៊ុន ម៉ាណែត ក្នុងឱកាសដែលត្រូវបានព្រះមហាក្សត្រផ្តល់គោរមងារដ៏ឧត្តុង្គឧត្តមបំផុត ជា «សម្តេចមហាបវរធិបតី» appeared first on .

យើងខ្ញុំពិតជាមានមោទនភាព និងសូមយកឱកាសដ៏ប្រសើរថ្លៃថ្លានេះសូមអបអរសាទរយ៉ាងកក់ក្តៅបំផុតជូនអ្នកឧកញ៉ា ឡេង ប្រុស និងមានជំនឿយ៉ាងមុតមាំថា គោរមងារ តួនាទីភារកិច្ចដ៏ឧត្តុង្គឧត្តមដែលអ្នកឧកញ៉ាទទួលបាននេះនឹងចូលរួមចំណែកក្នុងការអភិវឌ្ឍប្រទេសជាតិ ជាពិសេសជំរុញសេដ្ឋកិច្ចឱ្យកាន់តែរីកចម្រើនឈានឆ្ពោះទៅរកភាពជោគជ័យជានិច្ចនិរន្តរ៍។

ក្នុងឱកាសដ៏ប្រសើរថ្លៃថ្លានេះ ខ្ញុំបាទក៏សូមបួងសួងដល់វត្ថុស័ក្តិសិទ្ធិទាំងអស់ក្នុងលោក ទេវតាថែរក្សាព្រះរាជាណាចក្រកម្ពុជា សូមជួយអភិបាលគ្រងរក្សា ប្រោះព្រំប្រសិទ្ធពរ បវរមហាប្រសើរជូន អ្នកឧកញ៉ា ព្រមទាំងក្រុមគ្រួសារជាទីស្រឡាញ់ សូមបានប្រកបដោយព្រះពុទ្ធពរ និងពរទាំង ៤ប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ៕

The post ឯកឧត្តម ជា លីសែ ផ្ញើសារអបអរសាទរ និងជូនពរឧកញ៉ា ឡេង ប្រុស ក្នុងឱកាសទទួលគោរមងារ«អ្នកឧកញ៉ា» appeared first on .

ក្នុងឱកាសដំណើរទស្សនកិច្ចនោះ ឯកឧត្តម ជា លីសែ បានកោតសរសើរនូវការផលិតព័ត៌មានប្រកបដោយគំនិតច្នៃប្រឌិតព័ត៌មានមានគុណភាព ក្រមសីលធម៌ វិជ្ជាជីវៈ ដែលត្រឹមរយៈពេលដ៏ខ្លីគេហទំព័រសារព័ត៌មានឧកញ៉ាញូស៍ទទួលបានការគាំទ្រពីសំណាក់ប្រជាពលរដ្ឋ ពិសេសថ្នាក់ដឹកនាំកំពូលរាជរដ្ឋាភិបាល អ្នកឧកញ៉ា ឧកញ៉ា និងអ្នកជំនួញនៅប្រទេសកម្ពុជា។

ជាមួយគ្នានោះ ឯកឧត្តមក៏បានណែនាំឲ្យស្ថាប័នគេហទំព័រឧកញ៉ាញូស៍ ត្រូវបង្កើនការច្នៃប្រឌិត បង្កើនសមត្ថភាពតាមសម័យបច្ចេកវិទ្យា ទើបយើងអាចធ្វើការប្រកួតប្រជែងបានក្នុងវិស័យព័ត៌មាន។

លោក យិន សំបូរ សហស្ថាបនិក និងជាប្រធានផ្នែកទំនាក់ទំនងសាធារណៈនៃគេហទំព័រឧកញ៉ាញូស៍ បានលើកឡើងថា ឧកញ៉ាញូស៍បានធ្វើការកែទម្រង់ព័ត៌មាន ធ្វើទំនើបកម្មលើការផ្សាយជាឌីជីថលប្រកបដោយភាពទាក់ទាញ និងច្នៃប្រឌិតខ្ពស់ គោរពតាមច្បាប់នៃកម្ពុជា និងក្រមសីលធម៌ វិជ្ជាជីវៈ។

លោកបន្តថា ឧកញ៉ាញូស៍ ជាសារព័ត៌មានដែលមាតិកាផ្តោតចម្បង លើរាយការណ៏ព័ត៌មានជុំវិញឧកញ៉ា អ្នកឧកញ៉ា មហាសេដ្ឋីពិភពលោក សេដ្ឋកិច្ច ពាណិជ្ជកម្ម សហគ្រិនភាព និងកិច្ចសម្ភាសជាធុរជនល្បីៗ ប្រកបដោយភាពទាន់សម័យបង្កើន ផលវិជ្ជមាន និងកាត់បន្ថយផលអវិជ្ជមានណា ដែលប៉ះពាល់ដល់សង្គម តាមរយៈការផ្សព្វផ្សាយព័ត៌មានក្លែងក្លាយ។

លោក យិន សំបូរ មានប្រសាសន៍ថា គេហទំព័រសារព័ត៌មានឧកញ៉ាញូស៍ បច្ចុប្បន្នក៏បាននិងកំពុងផលិតមាតិកាព័ត៌មានសម្បូរបែបជាច្រើនប្រភេទ ហើយទទួលបានគាំទ្រលើសលប់ពីសំណាក់ប្រជាពលរដ្ឋកម្ពុជា រួមទាំងវិនិយោគអន្តរជាតិដែលមកបណ្តាក់ទុនរកស៊ីនៅប្រទេសកម្ពុជា។

លោកបន្ថែមទៀតថា បច្ចុប្បន្នឧកញ៉ាញូស៍បាននឹងសហការផលិតមាតិកាព័ត៌មានអំពីផលិតផល សេវាកម្ម ដំណឹង ជូនក្រុមហ៊ុនធំៗគ្រាក់ៗ និងស្ថាប័ននានាជាច្រើនទម្រង់ប្រកបដោយភាពស៊ីវិល័យនិងគុណភាពខ្ពស់៕

The post ឯកឧត្តម ជា លីសែ កោតសរសើរនូវការផលិតព័ត៌មានរបស់ Oknha News ប្រកបដោយគំនិតច្នៃប្រឌិត គុណភាព ក្រមសីលធម៌ និងវិជ្ជាជីវៈ appeared first on .

ការទទួលបាននូវតួនាទីភារកិច្ចដ៏ឧត្តុង្គឧត្តមនេះ គឺពិតជាស័ក្តិសមជាទីបំផុត ដែល ឯកឧត្តមបណ្ឌិត ទទួលបាន​ការគាំទ្រយ៉ាងច្រើនពីប្រជាពលរដ្ឋ តាមរយៈជោគជ័យនៃការបោះឆ្នោតជាតិជាតិជ្រើសតាំងតំណាងរាស្រ្ត នីតិកាលទី៧ នៃរដ្ឋសភា ក​ន្លងទៅថ្មីៗនេះ ហើយនេះជាសក្ខីភាពមួយ ឆ្លុះបង្ហាញអំពីការខិតខំប្រឹងប្រែង​ប្រកប​ដោយឆន្ទៈ ដ៏មោះមុតរបស់ ឯកឧត្ដមបណ្ឌិត ដែលបានលះបង់អស់កម្លាំងកាយ និងប្រាជ្ញាស្មារតីមិនខ្លាច​នឿយ​ហត់ ដើម្បីបម្រើដល់ឧត្តមប្រយោជន៍ជូនប្រជាជន និងសង្គមជាតិ។

យើងខ្ញុំទាំងអស់គ្នា ជឿជាក់យ៉ាងមុតមាំថា រាជរដ្ឋាភិបាលកម្ពុជា ក្នុងអាណត្តិថ្មី ក្រោមមាគ៌ាដឹកនាំប្រកបដោយ​គតិបណ្ឌិតរបស់ ឯកឧត្តមបណ្ឌិត នឹងធ្វើឱ្យប្រទេសកម្ពុជា បន្តទទួលបាននូវសុខសន្តិភាព ស្ថិរភាពនយោបាយ និងការអភិវឌ្ឍរីកចម្រើនទៅមុខឥតឈប់ឈរលើគ្រប់វិស័យ ស្របទៅតាមមាគ៌ា និងមរតកនយោបាយ​ដ៏ថ្លៃថ្លា​របស់គណបក្សប្រជាជនកម្ពុជា ពិសេសមាគ៌ាដឹកនាំប្រកបដោយគតិបណ្ឌិត និងភាពប៉ិនប្រសប់របស់ សម្តេច​តេជោ ហ៊ុន សែន ប្រធានគណបក្សប្រជាជនកម្ពុជា ដែលធ្វើឱ្យជាតិមាតុភូមិមានភាពសម្បូរសប្បាយ ប្រជា​ពលរដ្ឋ​រស់នៅប្រកបដោយសុភមង្គល និងវិបុលភាព ព្រមទាំងទទួលបាននូវកិត្យានុភាពល្បីល្បាញទាំងក្នុងតំបន់ និងសកលលោក។

ជាថ្មីម្តងទៀត យើងខ្ញុំទាំងអស់គ្នាសូមលើកហត្ថបួងសួង វត្ថុស័ក្ដិសិទ្ធិទាំងឡាយ សូមជួយអភិបាលគ្រងរក្សា ប្រោះព្រំ ប្រសិទ្ធពរ បវរមហាប្រសើរ ជូន ឯកឧត្តមបណ្ឌិត ហ៊ុន ម៉ាណែត និង លោកជំទាវ ព្រមទាំងគ្រួសារ​ជាទីស្រឡាញ់ សូមបានប្រកបនូវព្រះពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ ជានិច្ចនិរន្តរ៍៕

The post ឯកឧត្តម ជា លីសែ សូមសម្តែងការអបអរសាទរបំផុតជូនចំពោះ ឯកឧត្តមបណ្ឌិត ហ៊ុន ម៉ាណែត ដែលត្រូវបានព្រះមហាក្សត្រ ត្រាស់បង្គាប់ចាត់តាំងជា នាយករដ្ឋមន្ត្រី នៃព្រះរាជាណាចក្រកម្ពុជា appeared first on .

ឯកឧត្តម ជា លីសែ សូមលើកហត្ថប្រណមបួងសួង ដល់គុណបុណ្យព្រះរតនត្រ័យ គុណកែវទាំងបី ព្រមទាំងវត្ថុស័ក្តិសិទ្ធិក្នុងលោក សូមតាមជួយថែរក្សាការពារ និងប្រោះព្រំប្រទានពរជ័យបវរសួស្តី ជ័យមង្គល និងវិបុលសុខគ្រប់ប្រការ ជូនចំពោះឯកឧត្តម ឧត្តមសេនីយ៍ទោ ម៉ឹង ពន្លក និងលោកជំទាវ ព្រមទាំងបុត្រា-បុត្រី សូមបានសមប្រកបតែនឹងពុទ្ធពរទាំងបួនប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕

The post ឯកឧត្តម ជា លីសែ ផ្ញើសារចូលរួមអបអរសាទរ និងជូនពរឧត្តមសេនីយ៍ទោ ម៉ឹង ពន្លក ដែលត្រូវបានតែងតាំងជាអគ្គនាយក នៃអគ្គនាយកដ្ឋានភស្តុភារហិរញ្ញវត្ថុ ក្រសួងការពារជាតិ appeared first on .

តាមរយៈសារនយោបាយពិសេសនេះ សម្តេចតេជោ ហ៊ុន សែន បានប្រកាសថា ឯកឧត្តមបណ្ឌិត ហ៊ុន ម៉ាណែត នឹងក្លាយជានាយករដ្ឋមន្ត្រីថ្មីនៅល្ងាចថ្ងៃទី២២ ខែសីហា ឆ្នាំ២០២៣ខាងមុខ។

យើងខ្ញុំទាំងអស់គ្នា សូមប្រកាសគាំទ្រទាំងស្រុងចំពោះការសម្រេចចិត្តដ៏ត្រឹមត្រូវរបស់សម្តេចតេជោ ហ៊ុន សែន និងសូមប្រកាសគាំទ្រទាំងស្រុងចំពោះឯកឧត្តមបណ្ឌិត ហ៊ុន ម៉ាណែត សម្រាប់កាន់តួនាទីជានាយករដ្ឋមន្រ្តីថ្មី សម្រាប់អាណត្តិទី៧នេះ ដើម្បីបន្តដឹកនាំប្រទេសកម្ពុជា ពង្រឹងសុខសន្តិភាពកាន់តែរឹងមាំ, ប្រទេសជាតិកាន់តែមានការអភិវឌ្ឍរីកចំរើន និងមានមោទនភាព ហើយប្រជាជនកាន់តែមានជីវភាពធូរធារ និងរស់នៅប្រកបដោយសេចក្តីសុខសាន្តបន្តទៀត។

ក្នុងឱកាសដ៏ប្រសើរថ្លៃថ្លានេះ យើងខ្ញុំទាំងអស់គ្នា សូមលើកហត្ថប្រណមបួងសួង ដល់គុណបុណ្យព្រះរតនត្រ័យ គុណកែវទាំងបី ព្រមទាំងវត្ថុស័ក្តិសិទ្ធិក្នុងលោក សូមតាមជួយថែរក្សា ការពារ និងប្រោះព្រំប្រទានពរជ័យបវរសួស្តី ជ័យមង្គល និងវិបុលសុខគ្រប់ប្រការ ជូនចំពោះសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន, ឯកឧត្តមបណ្ឌិត ហ៊ុន ម៉ាណែត និងលោកជំទាវព្រមទាំងបុត្រា បុត្រី ចៅប្រុស ចៅស្រី។

សូមសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន, លោកបណ្ឌិត ហ៊ុន ម៉ាណែត ព្រមទាំងបុត្រា បុត្រី ចៅប្រុស ចៅស្រី បានសមប្រកបតែនឹងពុទ្ធពរទាំងបួនប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕

The post ឯកឧត្តម ជា លីសែ ប្រកាសគាំទ្រប្រសាសន៍សម្តេចតេជោ ហ៊ុន សែន និងគាំទ្រឯកឧត្តមបណ្ឌិត ហ៊ុន ម៉ាណែត ជានាយករដ្ឋមន្រ្តីថ្មី នីតិកាលទី៧ នៃរដ្ឋសភា appeared first on .