លោក ដួង តារា ឲ្យបានដឹងថា ភាគីកំពង់ផែភ្នំពេញ បានយល់ព្រមកាត់ដីចំនួន ៣៦ ហិកតានៅ ភូមិកណ្តាលក្រោម ឃុំបន្ទាយដែក ស្រុកកៀនស្វាយ ខេត្តកណ្តាល ជូនទៅ លោក Wu Mei Ming ដើម្បីបញ្ចប់វិវាទ ដែលភាគីទាំងពីរបានផ្តិតមេដៃបញ្ចប់វិវាទទាំងស្រុង ក្រោមការសម្របសម្រួលរបស់ខ្ញុំក្រៅប្រព័ន្ធតុលការឈរលើគោលការណ៍ឈ្នះ-ឈ្នះ សម្តេចតេជោ។

ជាមួយគ្នានេះ លោក Wu Mei Ming បានគោរពអរគុណសម្តេចតេជោនាយករដ្ឋមន្រ្តីដែលបានផ្តល់យុត្តិធម៌ជូនរូបលោក ទោះបីប្រើពេលវេលាយូរបន្តិចក្តី។ លោក Wu សន្យាបន្តចូលរួមវិនិយោគនៅកម្ពុជា ហើយនឹងខិតខំកៀងគរអ្នកវិនិយោគទុនចិនអោយបានច្រើនមកវិនិយោគនៅកម្ពុជាថែមទៀត។

បើតាមលោក ដួង តារា លទ្ធផលដ៏ល្អប្រសើរនេះគឺកើតចេញពីការណែនាំរបស់សម្តេចតេជោនាយករដ្ឋមន្រ្តី ដែលបានជំរុញឲ្យមន្រ្តីយកចិត្តទុកដាក់ខិតខំដោះស្រាយបញ្ចប់បញ្ហាវិវាទដីធ្លីជូនប្រជាពលរដ្ឋក្រៅប្រព័ន្ធតុលាការ​ ដែលជាផ្នែកមួយជួយដល់ការកកស្ទះសំណុំរឿងនៅតុលាការផងដែរ។

គួររម្លឹកឡើងវិញដែរថា លោក Wu Mei Ming ជាពាណិជ្ជករដែលមានបទពិសោធន៍ផ្នែកអភិវឌ្ឍន៍កំពង់ផែនៅប្រទេសចិន បានមកកម្ពុជានៅឆ្នាំ ២០១២ តាមការអំពាវនាវរបស់ប្រមុខរាជរដ្ឋាភិបាល មកដល់ទឹកដីកម្ពុជាលោកបានចុះកិច្ចព្រមព្រៀង សហប្រតិបត្តិការជាមួយកំពុងផែភ្នំពេញ លើការពង្រីកកំពង់ផែកាលពីថ្ងៃទី ១០ មករា ឆ្នាំ២០១៤។

នៅក្នុងអំឡុងឆ្នាំ ២០១២ លោកបានទិញដីចំនួន ៥៨ហិកតា នៅក្នុងគម្រោងពង្រីកកំពង់ផែ។ ជាអកុសល ក៏មាន សជណ លេខ ២៣ឧស ចុះថ្ងៃទី ៦ មករា ២០១៧ និរាករណ៍ចោលប័ណ្ណកម្មសិទ្ធិដីធ្លីមួយចំនួន ក្នុងនោះរួមទាំងដីលោក Wu ដែលមានប្លង់រឹងទាំងអស់។ ទន្ទឹមនោះ លោក Wu Mei Ming ក៏បានទិញដី៦ហិកតាផ្សេងទៀតនៅជិតផែភ្នំពេញ (មានប្លង់រឹង) ហើយក៏មាន វិវាទជាមួយ ភាគីផ្សេងទៀត ដែលបានប្តឹងទាមទារយកដីពីគាត់។ តាមពិតករណីនេះគឺពាក់ព័ន្ធកើតឡើងនៅប្រទេសចិន ហើយការប្តឹងផ្តល់គ្នាគួរធ្វើឡើងនៅប្រទេសចិន។ សរុបទឹកប្រាក់ដែលគាត់បានចំណាយ ទិញដីនៅកម្ពុជាអស់ប្រមាណជាង៦លានដុល្លារ។

លោក Wu Mei Ming បានព្យាយាមក្នុងការដោះស្រាយករណីនេះអស់រយៈពេលជាង៥ឆ្នាំមកហើយ ប៉ុន្តែពុំទទួលបានលទ្ធផលឡេីយ។ ទើបនៅថ្ងៃទី ៤ ខែ សីហា ឆ្នាំ ២០២១ លោកបានដាក់លិខិតគោរពសុំអន្តរាគមន៍មកសម្តេចតេជោនាយករដ្ឋមន្រ្តី៕

The post វិវាទដីធ្លីជាង ៥ឆ្នាំ រវាងកំពង់ផែភ្នំពេញ និងអ្នកវិនិយោគិនចិន ឈានដល់ការបញ្ចប់រឿងក្រៅប្រព័ន្ធតុលាការ appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

The post ជំនួយការផ្ទាល់សម្តេចតេជោ ហ៊ុន សែន ជួបលោកស្រី ទ្រី ដាណា ដើម្បីស្វែងរកដំណោះស្រាយសំណុំរឿងវិវាទមួយ appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

ទាក់ទងនឹងចម្ងល់នេះជំនួយការផ្ទាល់ សម្តេចតេជោ ហ៊ុន សែន និងជារដ្ឋលេខាធិការនៃទីស្តីការគណៈរដ្ឋមន្រ្តី លោក ដួង តារា បានបញ្ជាក់យ៉ាងដូច្នេះថា៖ ខ្ញុំផ្ទាល់ក៏បានស្តាប់សារសម្លេងសម្តេចតេជោនាយករដ្ឋមន្រ្តីមានប្រសាសន៍ទៅកាន់ក្រសួងការពារជាតិ និងក្រសួងសុខាភិបាលថ្មីៗនេះ ដែលខ្លឹមសារសំខាន់បំផុតនោះគឺផ្តល់ឱកាសអោយកងទ័ពជំនាញពេទ្យបានចូលរួមជួយចាក់វ៉ាក់សាំងការពារកូវីដ-១៩ ជូនបងប្អូនប្រជាពលរដ្ឋដែលកំពុងរស់នៅក្នុង “តំបន់ក្រហម” ដែលជា “តំបន់បិទខ្ទប់“ អោយបានឆាប់បំផុត ដើម្បីកុំអោយបងប្អូនមានការភ័យព្រួយ ខ្លាំង។

លោកបន្តថា ខ្ញុំសូមចូលរួមគាំទ្ររាជរដ្ឋាភិបាលក្នុងការផ្តល់អាទិភាពចាក់វ៉ាក់សាំងជូនបងប្អូននៅក្នុងតំបន់ក្រហម បើទោះបីបងប្អូនមកពីណាក៏ដោយ។ ក្នុងសារសម្លេងនោះ បើយើងស្តាប់ទៅគឺអាចឮសម្លេងដកដង្ហើម ដែលពេលនោះសម្តេចកំពុងហាត់កីឡា។ ច្បាស់ណាស់បើយើងកំពុងហាត់កីឡា ហាត់ផង និយាយផងគឺសម្លេងឮបែបហ្នឹងហើយ។ ប៉ុន្តែមានជនខិលខូចមួយចំនួនបានប្រឌិតទៅជារឿងផ្សេង ព្រោះជាជំនាញពួកជនអាក្រក់ទាំងនោះ។

ក្នុងនាមជាជំនួយការផ្ទាល់ លោក ដួង តារា បានគូសបញ្ជាក់ថា ក្នុងពេលប្រទេសជាតិយើងកំពុងប្រយុទ្ធប្រឆាំងនឹងជំងឺកូវីដ-១៩ គឺសម្តេចលោកហត់នឿយខ្លាំងណាស់ក្នុងការគិតគូរដោះស្រាយបញ្ហាគ្រប់យ៉ាងដើម្បីការពារអាយុជីវិតយើងទាំងអស់គ្នា។ ជាការពិតក្នុងមួយថ្ងៃៗគឺយើងបានសម្រាកច្រើនជាងលោកទៅទៀត។ ប៉ុន្តែទោះបែបនេះក្តីសុខភាពលោកនៅតែល្អរឹងមាំជានិច្ច ហើយក្នុងពេលអញ្ជើញធ្វើដំណើរទៅក្រៅប្រទេស សម្តេចតេជោលោកពាក់ម៉ាសផងនិងពាក់ស្រោមដៃផង គឺលោកប្រយ័ត្នប្រយែងសុខភាពខ្លាំងបំផុត។

លោកបន្តទៀតថា ក្នុងពេលអញ្ជើញទៅប្រជុំកំពូលអាស៊ាននៅឥណ្ឌូនេស៊ីកាលពីថ្ងៃទី ២៣ មេសា កន្លងទៅនេះ គឺខ្ញុំបានឃើញសម្តេចលោកមានសុខភាពល្អរឹងមាំដដែលទាំងក្នុងពេលអញ្ជើញឡើងជណ្តើរយន្តហោះជាមួយដំណើរដ៏ស្វាហាប់ ហើយពេលនោះខ្ញុំក៏បានថតរូបសម្តេចមួយចំនួនផងដែរ។
ក្នុងពេលអញ្ជើញធ្វើដំណើរអស់រយៈពេល៣ម៉ោងនៅលើយន្តហោះទៅកាន់ឥណ្ឌូនេស៊ី និងក្នុងពេលប្រជុំពេញមួយថ្ងៃនៅថ្ងៃទី ២៤ មេសា សម្តេចតេជោមិនសម្រាកនៅទីនោះ ហើយបានអញ្ជើញដឹកនាំគណៈប្រតិភូវិលត្រឡប់មកកម្ពុជាទាំងយប់ដែលមកដល់ជិតម៉ោង១០យប់ ក៏សុខភាពលោកនៅតែរឹងមាំល្អដដែល។

បើតាមលោកជំនួយការរូបនេះ សម្តេចតេជោពិតជាមានកម្លាំងពិសេសទាំងថាមពលសម្លេង និងថាមពលរាងកាយ។ រីឯរូបខ្ញុំវិញអាយុនៅក្មេងផងក៏មានអារម្មណ៍ថាហត់អស់កម្លាំង ហើយខ្ញុំតែងលួចសរសើរក្នុងចិត្តគ្រប់ពេល ជាពិសេសក្នុងពេលអញ្ជើញទៅប្រជុំនៅបរទេសគឺសម្តេចលោកមានកម្លាំងថាមពលខ្លាំង ទោះបីការប្រជុំនោះមិនបានសម្រាកក៏ដោយ! ពេលខ្លះសូម្បីតែរូបខ្ញុំក៏មិនអាចទៅរួចដែរ។

លោក ដួង តារា បញ្ជាក់បន្ថែមថា កម្ពុជាមានសំណាងខ្លាំងណាស់ ដែលយើងមានមេដឹកនាំមានសុខភាពល្អរឹងមាំដូច សម្តេចតេជោ ហ៊ុន សែន ដឹកនាំគ្រប់គ្រងប្រទេសប្រកបដោយភាពឈ្លាសវៃម៉ឺងម៉ាត់ហ្មត់ចត់ដែលគិតផលប្រយោជន៍អាយុជីវិតប្រជាពលរដ្ឋជាធំសំខាន់បំផុត៕

សូមចុចអានអត្ថបទខាងក្រោម៖

The post លោក ដួង តារា ដែលជាជំនួយការផ្ទាល់ បញ្ជាក់ពីសុខភាពសម្តេចតេជោ ហ៊ុន សែន នាពេលនេះ appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

ឯកឧត្តម ដួង តារា ជាជំនួយការផ្ទាល់ សម្ដេចតេជោ ហ៊ុន សែន នាយករដ្ឋមន្ត្រី នៃកម្ពុជានិងរដ្ឋលេខាធិការ​នៃ​ទីស្តីការគណៈរដ្ឋមន្ត្រី បានចេញមកបំភ្លើពាក់ព័ន្ធករណីព័ត៌មានដែលថា អ្នកឧកញ៉ា លី យ៉ុងផាត់ មហាសេដ្ឋី ដ៏លេចធ្លោជាងគេនៅកម្ពុជា និងជាអគ្គនាយកក្រុមហ៊ុន LYP Group បានទទទួលមរណភាព ដែលក្រុមជនខិលខូចទាំងនេះ ផ្សព្វផ្សាយព័ត៌មានភូតកុហក មិនពិត ក្នុងគោលបំណងបំពុលនិងបំផ្លាញស្ថេរភាពសង្គម។

ឯកឧត្តម ដួង តារា មានប្រសាសន៍ថា៖ “ខ្ញុំទើបបាននិយាយដោយផ្ទាល់ជាមួយលោកឧកញ៉ាមុននេះបន្តិច គឺគាត់មានសុខភាពល្អធម្មតាទេ មិនដូចក្រុមជនខិលខូចទាំងនោះប្រឌិតភូតទេ។ ក្រុមជនខិលខូចទាំងនេះ ការងាររបស់ពួកគេគឺផ្សព្វផ្សាយព័ត៌មានភូតកុហក មិនពិត ក្នុងគោលបំណងបំពុលនិងបំផ្លាញស្ថេរភាពសង្គម។”

ជាមួយគ្នានោះ ដើម្បីឈានទៅបិទ ACCOUNT Facebook ពួកនេះ ឯកឧត្តម សូមអំពាវនាវឲ្យបងប្អូននាំគ្នា Report Accounts មិនល្អទាំងនោះទៅ Facebook ថាពួកនេះផ្សព្វផ្សាយព័ត៌មានមិនពិត (Fake News) ។ សូម Copy link និង Screen shot Page/Profile និងអត្ថបទដែលពួកនេះសរសេរព្រមទាំងរូបភាព ផ្ញើទៅកាន់ (submit) ទៅ Facebook ដើម្បីអោយគេបិទចោលតែម្តងទៅជាការស្រេច។

ឯកឧត្តមបានបញ្ជាក់ថា យើងចូលរួមកសាងអំពើល្អ ចែករំលែកក្តីស្រឡាញ់និងស្នាមញញឹម នឹងសូមមានចិត្តអាណិតស្រឡាញ់ពលរដ្ឋយើងគ្រប់ទីកន្លែងដោយគ្មានការរើសអើង៕

សូមចុចអានអត្ថបទខាងក្រោម៖

The post ជំនួយការផ្ទាល់សម្តេចតេជោ ហ៊ុន សែន ចេញមកបកស្រាយដំណឹង អ្នកឧកញ៉ា លី យ៉ុងផាត់ ទទួលមរណៈភាព appeared first on .