7NG

ឧកញ៉ា ស្រី ចាន់ថន រៀបចំអំណោយជូនកម្មករ អាជីវករ មានទាំងសម្ភាៈថវិកា និងមិនយកថ្លៃបន្ទប់-ផ្ទះជួល ចេញទឹកភ្លើងឲ្យប្រើម៉ាសេរី!

ឧកញ៉ាកោះក្របី — Sun, 04 Apr 2021 09:42:05 +0000

លោកឧកញ៉ា ស្រី ចាន់ថន អគ្គនាយកក្រុមហ៊ុន Jet Group បានរៀបចំកម្មវិធីកម្មវិធីចែកអំណោយជូនដល់បងប្អូនកម្មករ កម្មការីនី បងប្អូនអាជីវករ ចំនួន៥០០ផ្ទះជួល ដែលមានការចូលរួមដ៏ខ្ពង់ខ្ពស់ពីអភិបាលខេត្តកណ្តាល លោក គង់ សោភ័ណ លោក-លោកស្រីអភិបាលរង ស្នងការនគរបាលខេត្តកណ្តាល កងកម្លាំងអាជ្ញាធរមូលដ្ឋានស្រុកខ្សាច់កណ្តាល កាលពីព្រឹកថ្ងៃទី០៤ ខែមេសានេះ។

អំណោយដែលឧកញ៉ា ស្រី ចាន់ថន ចែកជូនរួមមាន៖ អាហារ អង្ករ ឆីពៅ ទឹកសុទ្ធ ជេលលាងដៃ ម៉ាស់ និងថវិកាក្នុង១នាក់ ២ម៉ឺនរៀល រួមជាមួយនឹងសម្ភារៈប្រើប្រាស់ចាំបាច់មួយចំនួនទៀត។

ដោយមើលឃើញពីជីវភាពរបស់បងប្អូនកម្មករ កម្មការិនី អាជីវករលំបាកក្នុងស្ថាននៃការរីករាលដាលកូវីដ១៩ផងនោះ លោកឧកញ៉ា ស្រី ចាន់ថន ក៏បានប្រកាសជូនតាមសំនូមពររបស់បងប្អូនប្រជាពលរដ្ឋ តាមរយៈការស្នើសុំរបស់លោកអភិបាលខេត្តកណ្តាល លោកតំណាងអោយក្រុមគ្រួសារសេវេនអេនជី ឯកភាពមិនថ្លៃបន្ទប់ជួល ផ្ទះជួល និងថែមទាំងជូនថ្លៃទឹក និងថ្លៃភ្លើង ដល់បងប្អូនកម្មករ-កម្មការិនី រួមជាមួយនឹងអាជីវករ ដែលស្នាក់នៅផ្ទះជួល ក្នុងតំបន់អភិវឌ្ឍន៍របស់ក្រុមហ៊ុន7NG ឃុំ វិហារសួគ៌ ស្រុកខ្សាច់កណ្តាល ខេត្តកណ្ដាល រយៈពេល៣ខែ ដោយគិតចាប់ពីថ្ងៃទី០១ ខែមេសា ឆ្នាំ២០២១តទៅ

លោកឧកញ៉ា ស្រី ចាន់ថន បានអំពាវនាវឲ្យពុកម៉ែបងប្អូនទាំងអស់បន្តចូលរួមចំណែកជាមួយនឹងរដ្ឋាភិបាល អនុវត្តតាមការណែនាំរបស់ក្រសួងសុខាភិបាល បើមិនចាំបាច់ សូមកុំចេញពីផ្ទះអី។ ជាពិសេសអនុវត្តតាមបទបញ្ជារបស់សម្តេចតេជោ ហ៊ុន សែន ស្តីពីវិធានការការពារជម្ងឺឆ្លងកូវីត-១៩ ៣ការពារ និង៣កុំ៕

The post ឧកញ៉ា ស្រី ចាន់ថន រៀបចំអំណោយជូនកម្មករ អាជីវករ មានទាំងសម្ភាៈថវិកា និងមិនយកថ្លៃបន្ទប់-ផ្ទះជួល ចេញទឹកភ្លើងឲ្យប្រើម៉ាសេរី! appeared first on .

ជាង៥០០បន្ទប់ តុបអាជីវករ ផ្ទះជួល ក្នុងតំបន់អភិវឌ្ឍន៍ 7NG ឧកញ៉ា ស្រី ចាន់ថន ប្រកាសមិនយកថ្លៃឈ្នួលទាំងអស់

ឧកញ៉ាកោះក្របី — Sat, 27 Mar 2021 04:42:11 +0000

ដើម្បីចូលរួមចំណែកជាមួយនឹងរដ្ឋាភិបាលសម្តេចតេជោ ហ៊ុន សែន ក៏ដូចជាជួយគ្នា ក្នុងគ្រាជួបទុក្ខលំបាក ដែលប្រទេសកម្ពុជាបាននិងកំពុងប្រយុទ្ធជំងឺរាតត្បាតកូវីដ-១៩ ក្រុមហ៊ុនគ្រួសារ 7NG ប្រកាសមិនយកថ្លៃឈ្នួលជួលផ្ទះ របស់បងប្អូនកម្មករ កម្មការិនី រួមជាមួយនឹងអាជីវករ ដែលស្នាក់នៅផ្ទះជួល ក្នុងតំបន់អភិវឌ្ឍន៍ក្រុមហ៊ុនសេវេនអិនជី ឃុំវិហារសួគ៌ ស្រុកខ្សាច់កណ្តាល ខេត្តកណ្ដាល។

អ្នកជំនួញដីធ្លីឧកញ៉ា ស្រី ចាន់ថន ម្ចាស់ក្រុមហ៊ុន Jet Group និងជាឧកញ៉ាចិត្តធម៌ដែលតែងតែជួយកិច្ចការមនុស្សធម៌ជាមួយរដ្ឋាភិបាល និងបងប្អូនប្រជាពលរដ្ឋ បានថ្លែងថា ” ក្រុមគ្រួសារ 7NG អត់យកថ្លៃផ្ទះជួល កម្មករ-កម្មការិនី និងអាជីវករចំនួន ៥០០ផ្ទះ រយៈពេល៣ខែ ចាប់ពីថ្ងៃទី០១ ខែមេសា ឆ្នាំ២០២១ នេះតទៅ”។

ទន្ទឹមនឹងនេះដែរ លោកឧកញ៉ាសូមឲ្យពុកម៉ែបងប្អូនទាំងអស់ បន្តចូលរួមអនុវត្តតាមការណែនាំរបស់ក្រសួងសុខាភិបាល បើមិនចាំបាច់ សូមកុំចេញពីផ្ទះ ជាពិសេសអនុវត្តតាមបទបញ្ជារបស់សម្តេចតេជោ ហ៊ុន សែន ស្តីពីវិធានការការពារជម្ងឺឆ្លងកូវីដ-១៩ ៣ការពារ និង៣កុំ៕

The post ជាង៥០០បន្ទប់ តុបអាជីវករ ផ្ទះជួល ក្នុងតំបន់អភិវឌ្ឍន៍ 7NG ឧកញ៉ា ស្រី ចាន់ថន ប្រកាសមិនយកថ្លៃឈ្នួលទាំងអស់ appeared first on .

កន្លែងស្អាតៗណាស់! មិនចាំបាច់ទៅឆ្ងាយទេ បោះតង់នៅ Jet’s Garden Park ជិតភ្នំពេញ

ឧកញ៉ាកោះក្របី — Sat, 13 Feb 2021 07:12:47 +0000

នៅមុនទិវានៃក្តីស្រឡាញ់ Valentine’s Day ថ្ងៃទី១៤កុម្ភៈឆ្នាំនេះ មានសកម្មភាពជាច្រើនត្រូវបានរៀបចំធ្វើឡើងដើម្បីអបអរសាទរ ស្របពេលជាមួយបុណ្យចូលឆ្នាំប្រពៃណីចិន និងវៀតណាម សកម្មភាពទាំងនេះបានធ្វើឲ្យបងប្អូនប្រជាពលរដ្ឋដែលជាប់ខ្សែស្រឡាយចិន បាននិងកំពុងដើរកម្សាន្តនៅតាមតំបន់ទេសចរណ៍ រម្មណីយដ្ឋានជាច្រើនកន្លែងក្នុងព្រះរាជាណាចក្រកម្ពុជា។ យ៉ាងណាក៏ដោយ Valentine’s Day ឬ ទិវាបុណ្យនៃសេចក្តីស្រឡាញ់ ត្រូវបានគេប្រារព្ធឡើងនៅថ្ងៃទី១៤ ខែកុម្ភៈ។ ជារៀងរាល់ឆ្នាំមនុស្សជាច្រើន តែងយកថ្ងៃនេះ បង្ហាញពីទឹកចិត្តរបស់ខ្លួន ចំពោះអ្នកដែលគេស្រឡាញ់ តាមរយៈការទិញកាដូ, បាច់ផ្កា ឬចំណាយពេលទៅក្រៅញ៉ាំអាហារ ជាមួយគ្នាយ៉ាងរ៉ូមែនទិក។

១៤កុម្ភ: ថ្ងៃបុណ្យនៃក្តីស្រលាញ់ Valentine’s Day ស្អែកនេះឧកញ៉ាញូស៍ សូមនាំឲ្យស្គាល់តំបន់ Sky Land 7NG Jet’s Garden Park ជាទីក្រុងទេសចរណ៏ដ៏ទំនើប ដែលនៅជិតរាជធានីភ្នំពេញ មានកន្លែងកម្សាន្តដ៍សម្បូរបែបផ្សារភ្ជាប់ជាមួយអរិយធ៌ម វប្បធ៌មខ្មែរ កេរ្តិ៏ដំណែលដូនតា ការស្នាក់នៅ ប៉ោះតង់ ជិះកង់ ទស្សនាក្នុងបរិវេណឧទ្យាន កញ្ចុះសម្រាប់អង្គុយក្បែមាត់ទឹក រួមទាំងភោជនីយដ្ឋាន ដែលមានគុណភាពខ្ពស់ ដំបូងនិងឈានមុខគេនៅកម្ពុជា ហើយមានសក្តានុពលសេដ្ឋកិច្ចទេសចរ សំរាប់ទ្វីបអាស៊ី ទ្វីបអ៊ីរ៉ុប និងពិភពលោក។

មិនចាំបាច់ទៅឆ្ងាយទេ! បោះតង់ជិតៗភ្នំពេញយើងក៏បាន Jet’s Garden Park ត្រៀមខ្លួនរួចជាស្រេចសម្រាប់ទទួលបងប្អូនមកលេងកម្សាន្តក្នុងថ្ងៃបុណ្យនៃក្តីស្រឡាញ់។

-គេងបោះតង់នៅលេីសួន និង ភ្នំ ដ៏ស្រស់ស្អាត
-មើលថ្ងៃលិច និងថ្ងៃរះ
-ជិះកង់លេងកម្សាន្តជំវិញសួន
-ហែលទឹកលេង
-អាំងសាច់ញាំ នៅពេលល្ងាច
-ដើរមើលសួនសត្វ សួនបក្សី សួនដាយណូសឺ
-កន្លែងក្មេងលេង
នៅសួនកម្សាន្ត ស្កាយលែន (Skyland Resort ) 7NG វិហ៊ាសួហ៍ ១៥ គីឡូម៉ែត្រពីភ្នំពេញ
ទាក់ទងកក់កន្លែង៖ 017 31 52 51 / 010 45 11 50

The post កន្លែងស្អាតៗណាស់! មិនចាំបាច់ទៅឆ្ងាយទេ បោះតង់នៅ Jet’s Garden Park ជិតភ្នំពេញ appeared first on .

ក្រុមហ៊ុន 7NG បរិច្ចាគថវិកា១ម៉ឺនដុល្លារ ជូនសម្តេចតេជោ ហ៊ុន សែន សម្រាប់ជួយសង្គ្រោះ ពលរដ្ឋរងគ្រោះដោយសារទឹកជំនន់

កូនចៅឧកញ៉ា — Thu, 15 Oct 2020 02:21:30 +0000

ក្រុមហ៊ុន7NG បានចូលរួមបរិច្ចាគថិវិកាចំនួន១ម៉ឺនដុល្លារអាមេរិក ជូនសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា សម្រាប់ជួយសង្រ្គោះប្រជាពលរដ្ឋ ដែលរងគ្រោះដោយសារទឹកជំនន់។

បើយោងតាមរបាយការណ៍របស់ គណៈកម្មាធិការជាតិគ្រប់គ្រងគ្រោះមហន្តរាយ បានឲ្យដឹងថា គិតចាប់ពីថ្ងៃទី១ រហូតមកដល់ថ្ងៃទី១៤ ខែតុលា ឆ្នាំនេះ ចំនួនអ្នកស្លាប់ដោយសារជំនន់ទឹកភ្លៀងបានកើនឡើងដល់១២នាក់ ក្នុងនោះក្មេងចំនួន៥នាក់។

បើតាមការបញ្ជាក់លើផេកផ្លូវការ សម្ដេចតេជោហ៊ុន សែននាយករដ្ឋមន្ត្រីនៃព្រះរាជាណាចក្រកម្ពុជា សប្បុរសជនដែលបានចូលរួមជួយប្រជាជនក្នុងគ្រោះជំនន់ទឹកភ្លៀងដែលកំពុងកើតមាននៅក្នុងប្រទេស។គិតត្រឹមម៉ោង 9.30នាទីយប់ ថ្ងៃ១៤តុលា២០២០នេះថវិកាទទួលបាន $5,725,000 ដុល្លារ និង 104 លានរៀលហើយ។

១.លោកឧកញ៉ាគិត ម៉េង និង លោកជំទាវ

ម៉ៅ ចំណាន ២០ មុឺនដុល្លារ។

២.ក្រុមហ៊ុនជីប ម៉ុង ៣០មុឺនដុល្លារ។

៣.លោកឧកញ៉ាថៃ ជាហួត ក្រុមហ៊ុន ប៉េង ហួត២០មុឺនដុល្លារ។

៤.លោកឧកញ៉ាឌួង ឆាយ និង លោកជំទាវដេត ម៉ាលីណា ១០មុឺនដុល្លារ។

៥.លោកជំទាវឧកញ៉ាង៉ូវ ម៉ុក និង លោក

ឧកញ៉ាង៉ូវ ស្រ៊ុន ១០ម៉ឺនដុល្លារ។

៦.លោកឧកញ៉ាថោង សារ៉ាត និង លោក

ជំទាវធីតា ១០មុឺនដុល្លារ។

៧.ឧកញ៉ាហុង ពីវ ៥០មុឺនដុល្លារ។

៨.អ្នកឧកញ៉ាចេន សុី ៥០មុឺនដុល្លារ។

៩.ឧកញ៉ាឃុន សៀ ១០មុឺនដុល្លារ។

១០.ឧកញ៉ាលី ហួរ ១០មុឺនដុល្លារ។

១១.ក្មួយ នឹម វណ្ណះ ៥ពាន់ដុល្លារ។

១២.ក្រុមហ៊ុនស្រាបៀGanzberg ៣០ម៉ឺនដុល្លារ។

១៣.ឧកញ៉ាសៀ ឬទ្ធី ១០ម៉ឺនដុល្លារ។

១៤.ឧកញ៉ា ហេងសិទ្ធី និងលោកជំទាវ១០ម៉ឺនដុល្លារ។

១៥.ឧកញ៉ាពុង ឃាវសែ ២០ម៉ឺនដុល្លារ។

១៦. ក្រុមហ៊ុន7NG ១ម៉ឺនដុល្លារ

១៧.ឧកញ៉ាអ៊ុល ចំណាន និងភរិយា២ម៉ឺនដុល្លារ។

១៨.ឧកញ៉ាអឹង ប៊ុនហ៊ូវ ២០ម៉ឺនដុល្លារ។

១៩.ឧកញ៉ាលី យ៉ុងផាត់ និងលោកជំទាវ២០ម៉ឺនដុល្លារ។

២០. ធនាគារអេស៉ីលីដា២០ម៉ឺនដុល្លារ។

២១ ស៊ីន ឃីម ទីប្រឹក្សាសម្តេចអគ្គមហាចក្រី ហេង សំរិន ២ម៉ឺនដុល្លារ ។

២២ ឧកញ៉ា ឡេង ណាវ៉ាត្រា និងលោកជំទាវ ៦០ម៉ឺនដុល្លារ។

២៣ ឯឧ ម៉ៅ ហាវណ្ណាល់ រដ្ឋមន្រ្តីទទួលបន្ទុករដ្ឋលេខាធិការដ្ឋានអាកាសចរស៊ីវិល ៥ពាន់ដុល្លារ ។

២៤ ឯឧ លឹម លាង ១០ម៉ឺនដុល្លារ ។

២៥ អ៊ឹង លីហេង និងលោកជំទាវ ៥ម៉ឺនដុល្លារ។

២៦ ក្រុមហ៊ុន កម្ពុជាតេឡា ២០ម៉ឺនដុល្លារ។

ថវិកាដែលសប្បុរសជនចូលរួមនេះនឹងចាត់ចែងជួយសង្រ្គោះបន្ទាន់តាមរយៈគណៈកម្មាធិការជាតិគ្រប់គ្រងគ្រោះមហន្តរាយ។ក្នុងករណីយមានសប្បុរសជនចង់ចូលរួមបន្ថែមទៀតសូមទាក់ទងលោកសេង ទៀង រដ្ឋលេខាធិការទីស្តីការគណៈរដ្ឋមន្ត្រី។ (ស្រឡាញ់គ្នាក្នុងគ្រាក្រ ស្គាល់មិត្តល្អក្នុងគ្រាលំបាក)៕)

The post ក្រុមហ៊ុន 7NG បរិច្ចាគថវិកា១ម៉ឺនដុល្លារ ជូនសម្តេចតេជោ ហ៊ុន សែន សម្រាប់ជួយសង្គ្រោះ ពលរដ្ឋរងគ្រោះដោយសារទឹកជំនន់ appeared first on .