អត្ថន័យនៅក្នុងសំណេររបស់លោកស្រី បានបញ្ជាក់ដូច្នេះថា “កាលពីមួយឆ្នាំមុន ជម្លោះបានផ្ទុះឡើងនៅតាមបណ្តោយព្រំដែនរបស់ប្រទេសកម្ពុជា ដែលធ្វើឲ្យប៉ះពាល់ដល់សុវត្ថិភាព និងស្ថិរភាពរបស់មនុស្សជាច្រើន។ ឥឡូវនេះ ប្រជាពលរដ្ឋកម្ពុជា ជិត ៣០ ០០០នាក់ នៅមិនទាន់អាចត្រឡប់ទៅផ្ទះវិញបានទេ។

លោកស្រី បានបញ្ជាក់បន្ថែមថា៖«កម្ពុជាតែងតែជាប្រទេសពិសេសសម្រាប់ខ្ញុំ និងគ្រួសាររបស់ខ្ញុំ។ នេះគឺជាប្រទេសកំណើតរបស់កូនប្រុសខ្ញុំ ផ្ទះរបស់យើងនៅទីនេះ ហើយអស់រយៈពេលជាង ២០ឆ្នាំមកហើយ យើងបានធ្វើការជាមួយក្រុមដែលដឹកនាំដោយមូលដ្ឋានទាំងស្រុងលើការអភិរក្ស និងការអភិវឌ្ឍសហគមន៍។ មូលនិធិ Maddox មានទីស្នាក់ការនៅព្រំដែនដូចគ្នា ដែលជម្លោះនាពេលថ្មីៗនេះបានកើតឡើង»។

តារាស្រីរូបនេះ បានបន្តថា៖«ខ្ញុំមានកិត្តិយសក្នុងការក្លាយជាមិត្តស្និទ្ធស្នាលជាមួយអ្នកជិតខាងរបស់ខ្ញុំ និងក្រុមមូលនិធិ ខណៈដែលយើងបានដោះមីន និងអភិវឌ្ឍតំបន់នេះជាមួយគ្នា។នៅពេលដែលការប្រយុទ្ធគ្នាបានផ្ទុះឡើងកាលពីឆ្នាំមុន យើងត្រូវជម្លៀសបុគ្គលិករបស់យើង និងក្រុមគ្រួសាររបស់ពួកគេ ជាការរំលឹកដ៏ឈឺចាប់អំពីថាតើជម្លោះអាចវិលត្រឡប់មកវិញបានលឿនប៉ុណ្ណា»។

លោកស្រី លោកស្រី Agelina Jolie បានសង្កត់ធ្ងន់ទៀតថា៖«ខ្ញុំស្រលាញ់ប្រទេសនេះ និងប្រជាជនដែលមានភាពកក់ក្តៅ និងអត់ធ្មត់ ខណៈពេលដែលយើងបានបន្តការងាររបស់យើងដើម្បីការពារដី និងជួយដល់សុខភាព និងជីវភាពរស់នៅរបស់សហគមន៍។ បេះដូងរបស់ខ្ញុំគឺនៅជាមួយមនុស្សគ្រប់គ្នាដែលនៅតែរង់ចាំការត្រលប់មកផ្ទះវិញ»។ជាថ្មីម្តងទៀត លោកស្រីថា៖«ខ្ញុំស្រឡាញ់ប្រទេសមួយនេះ និងប្រជាជនដែលមានភាពរឹងមាំ ព្រមទាំងពោរពេញដោយភាពកក់ក្តៅ និងរួសរាយរាក់ទាក់។បេះដូងរបស់ខ្ញុំនៅជាមួយអ្នករាល់គ្នា ដែលនៅតែទន្ទឹងរង់ចាំថ្ងៃដែលអាចវិលត្រឡប់ទៅផ្ទះរបស់ខ្លួនវិញ៕ អត្ថបទ៖ហ្សាលីន

The post ខួប១ឆ្នាំនៃសង្គ្រាមឈ្លានពាន៖ តារាហូលីវូដដ៏ល្បីល្បាញ Angelina Jolie ផ្ញើសារមកប្រជាជនកម្ពុជាថា«បេះដូងរបស់ខ្ញុំនៅជាមួយអ្នករាល់គ្នា» appeared first on .