Airbnb

ស្ថាបនិកក្រុមហ៊ុន Airbnb របូតលុយជាង ៣ពាន់លានដុល្លារ ក្រោយតម្លៃហ៊ុនដាំក្បាលចុះខ្លាំង

ឧកញ៉ាសំពៅ — Thu, 08 Aug 2024 08:00:00 +0000

យោងតាមការចុះផ្សាយពីសារព័ត៌មាន Bloomberg បានបង្ហាញថា ស្ថាបនិកក្រុមហ៊ុន Airbnb ចំនួន ៣រូប បានរបូតលុយអស់រហូតដល់ ៣,២ពាន់លានដុល្លារ បន្ទាប់ពីតម្លៃភាគហ៊ុនរបស់ពួកគេ ធ្លាក់ចុះប្រមាណ ១២%។

Brian Chesky

ស្ថាបនិកទីមួយ មហាសេដ្ឋី Brian Chesky ខាតបង់លុយប្រហែល ១,៣ពាន់លានដុល្លារ ខណៈបច្ចុប្បន្នទ្រព្យសម្បត្តិរបស់លោកមានរហូតដល់ ៩,២ពាន់លានដុល្លារ ជាចំណុចទាបបំផុតនៅក្នុងឆ្នាំនេះ។

Nathan Blecharczyk

ទន្ទឹមនឹងនោះ ស្ថាបនិកទី២ មហាសេដ្ឋី Nathan Blecharczyk របូតលុយប្រមាណ ១ពាន់លានដុល្លារ ដែលធ្វើឲ្យទ្រព្យសម្បត្តិរបស់លោកសល់ ៧,៧ពាន់លានដុល្លារ ស្របពេលស្ថាបនិកទី៣ មហាសេដ្ឋី Joe Gebbia ខាតលុយប្រហែល ៩០០លានដុល្លារ។

Joe Gebbia

គួររំលឹកបន្តិចថា ក្រុមហ៊ុន Airbnb គឺជាអ្នកផ្ដល់សេវាកម្មកក់បន្ទប់សណ្ឋាគារ និងផ្ទះស្នាក់ នៅប្រទេសជាច្រើនទូទាំងសកលលោក ហើយបច្ចុប្បន្នក្រុមហ៊ុននេះមានតម្លៃប្រមាណ ៧២ពាន់លានដុល្លារ៕

The post ស្ថាបនិកក្រុមហ៊ុន Airbnb របូតលុយជាង ៣ពាន់លានដុល្លារ ក្រោយតម្លៃហ៊ុនដាំក្បាលចុះខ្លាំង appeared first on .

Airbnb ប្រកាសប្រាក់ចំណូលជិត ២ ពាន់លានដុល្លារ ក្រោយវិស័យទេសចរណ៍មានសន្ទុះវិញ

ឧកញ៉ាសំពៅ — Wed, 15 Feb 2023 02:33:48 +0000

កាលពីថ្ងៃទី ១៤ កុម្ភៈកន្លងទៅ ក្រុមហ៊ុន Airbnb បានប្រកាសពីប្រាក់ចំណូលប្រចាំឆ្នាំរបស់ពួកគេ និងប្រាក់ប្រចាំត្រីមាសចុងក្រោយនៃឆ្នាំ ២០២២ ចំពេលវិស័យទេសចរណ៍កំពុងមានសន្ទុះឡើងវិញគួរឲ្យកត់សម្គាល់។

យោងតាមការចុះផ្សាយពី CNA បានបង្ហាញថា ត្រីមាសចុងក្រោយនៃឆ្នាំ ២០២២ ក្រុមហ៊ុនមួយនេះទទួលបានចំណូលប្រហែល ៣១៩ លានដុល្លារ ហើយបើសរុបចំណូលប្រចាំឆ្នាំ ក្រុមហ៊ុនរកបាន ១,៩ ពាន់លានដុល្លារ ខណៈកាលពីឆ្នាំ ២០២១ ក្រុមហ៊ុនខាតបង់ ៣៥២ លានដុល្លារ។

គួររំលឹកដែរថា កាលពីពាក់កណ្ដាលឆ្នាំ ២០២០ ក្រុមហ៊ុន Airbnb បានកាត់បន្ថយបុគ្គលិករបស់ខ្លួនរហូតដល់ ១/៤ ឬប្រហែលជិត ២ ពាន់នាក់ ដោយសារជំងឺរាតត្បាតកូវីដ ១៩ បានបង្កផលប៉ះពាល់ដល់វិស័យទេសចរណ៍។

យ៉ាងណា កាលពីឆ្នាំទៅស្ថានភាពហាក់ល្អប្រសើរជាងពេលកន្លង ដោយប្រទេសជាច្រើនបានបន្ធូរបន្ថយវិធានការរឹតបន្តឹងកូវីដ ១៩ ទើបធ្វើឲ្យប្រជាជនអាចធ្វើដំណើរកម្សាន្តឆ្លងប្រទេសវិញបាន ក៏ដូចជាធ្វើឲ្យវិស័យទេសចរណ៍មានកំណើនឡើងវិញដូចគ្នា៕

The post Airbnb ប្រកាសប្រាក់ចំណូលជិត ២ ពាន់លានដុល្លារ ក្រោយវិស័យទេសចរណ៍មានសន្ទុះវិញ appeared first on .

សហស្ថាបនិក Airbnb ក្លាយជាសមាជិកក្រុមប្រឹក្សាភិបាលនៃក្រុមហ៊ុន Tesla

ឧកញ៉ាសំពៅ — Thu, 29 Sep 2022 07:50:00 +0000

កាលពីថ្ងៃទី ២៨ កញ្ញាកន្លងទៅ ក្រុមហ៊ុន Telsa បានទម្លាយថា សហស្ថាបនិក Airbnb Inc លោក Joseph Gebbia បានចូលរួមជាមួយខ្លួន ដោយទទួលបានតំណែងជាសមាជិកក្រុមប្រឹក្សាភិបាលនៃក្រុមហ៊ុនផលិតរថយន្តអគ្គិសនីធំបំផុតលើលោក។

ការចូលរួមរបស់មហាសេដ្ឋីខាងលើ គឺបានធ្វើឡើងក្រោយមហាសេដ្ឋី Larry Ellison សហស្ថានិក Oracle Inc បានប្រកាសដើរចេញពីកៅអីក្រុមប្រឹក្សាភិបាលកាលពីខែសីហា ខណៈ Tesla ធ្លាប់បង្ហើបកាលពីខែមិថុនាថា មានគម្រោងចង់បង្កើតក្រុមប្រឹក្សាភិបាលដែលមានសមាជិក ៧ នាក់។

គាប់ជួន កាលពីខែកក្កដាកន្លងទៅ មហាសេដ្ឋីដែលជាសហស្ថាបនិក Airbnb បានទម្លាយថា លោកនឹងលែងធ្វើការពេញម៉ោងតទៀត ពោលគឺនឹងមើលការខុសត្រូវបន្តិចបន្តួចចំពោះតែបញ្ហាសំខាន់ៗ និងចង់យកពេលទៅធ្វើរឿងផ្សេងវិញ។

សូមជម្រាបដែរថា ទ្រព្យសម្បត្តិសរុបរបស់មហាសេដ្ឋីអាមេរិកដែលជាចំណូលថ្មីនៃក្រុមប្រឹក្សាភិបាលប្រចាំក្រុមហ៊ុន Telsa មានប្រមាណ ៧,២ ពាន់លានដុល្លារ។ នេះបើតាមរបាយការណ៍ផ្ដល់ឲ្យដោយ Forbes៕

The post សហស្ថាបនិក Airbnb ក្លាយជាសមាជិកក្រុមប្រឹក្សាភិបាលនៃក្រុមហ៊ុន Tesla appeared first on .