ក្រុមហ៊ុន ACT បាននិយាយនៅក្នុងលិខិតមួយដែលបានផ្ញើទៅកាន់សមាជិកក្រុមប្រឹក្សាភិបាលរបស់ខ្លួនថា Seven & i មិនបានចូលរួមដោយស្មោះត្រង់ និងស្ថាបនាដើម្បីធ្វើឲ្យកិច្ចព្រមព្រៀងនេះដំណើរការទៅមុខនោះឡើយ ពោលគឺផ្ទុយទៅនឹងសេចក្តីថ្លែងការណ៍ដែលត្រូវបានប្រកាសចេញជាសាធារណ:ដោយអ្នកតំណាងរបស់ក្រុមហ៊ុនខាតយក្សជប៉ុន កាលពីពេលមុន។

ក្រុមហ៊ុនរបស់កាណាដា បាននិយាយទៀតថា Seven & i បានព្យាយាមពន្យារពេលម្តងហើយម្តងទៀត និងរំខានដល់ប្រតិបត្តិការ​ ជុំវិញកិច្ចព្រមព្រៀងទិញលក់នេះ ដែលបណ្តាលឲ្យម្ចាស់ភាគហ៊ុនផ្ទាល់របស់ Seven & i ជួបបញ្ហា។

រំឮកផងដែរថា នៅខែសីហា ឆ្នាំ២០២៤ ក្រុមហ៊ុន Alimentation Couche-Tard ដែលជាក្រុមហ៊ុនមេនៃហាងទំនិញលក់ទំនិញរាយ Circle K បានស្នើទិញយក Seven & i Holdings ក្នុងតម្លៃប្រហែល ៣៨ពាន់លានដុល្លារ។ មួយខែក្រោយមក Seven & i បានបដិសេធការផ្តល់ជូននេះ ដោយលើកឡើងពី “ការវាយតម្លៃទាប” របស់ក្រុមហ៊ុន។

លុះដល់ខែតុលា ឆ្នាំ២០២៤ Alimentation Couche-Tard បានបង្កើនការផ្តល់ជូនរបស់ខ្លួន ២២% ដល់ ៤៧ពាន់លានដុល្លារ។ នៅក្នុងខែមីនា ឆ្នាំនេះ ក្រុមហ៊ុនបាននិយាយថា ខ្លួនមានឆន្ទៈក្នុងការបង្កើនការផ្តល់ជូនបន្ថែមទៀត ប្រសិនបើ Seven & i សហការ និងផ្តល់ទិន្នន័យហិរញ្ញវត្ថុបន្ថែម។

ជម្រាបជូនថា Seven & i មានហាង 7-Eleven ជិត ៩០ ០០០ ហាង នៅទូទាំងពិភពលោក។ ក្រុមហ៊ុនក៏ជាម្ចាស់ផ្សារទំនើប ធនាគារ និងភោជនីយដ្ឋាន ផងដែរ។ Seven & i បច្ចុប្បន្នមានតម្លៃមូលធនទីផ្សារប្រហែល ៥,២៣ទ្រីលានយ៉េន (៣៥,១ពាន់លានដុល្លារ)៕

The post ក្រុមហ៊ុនខ្នាតយក្សកាណាដា បោះចោលសំណើទិញយកម្ចាស់ហាង 7-Eleven តម្លៃជិត ៥០ពាន់លានដុល្លារ appeared first on .

ទន្ទឹមនឹងនេះ ភាគីខាងក្រុមហ៊ុន Seven & i Holdings បានបញ្ជាក់នៅក្នុងសេចក្តីថ្លែងមួយថា សំណើសម្ងាត់មួយត្រូវបានស្នើដោយ Alimentation Couche-Tard ដើម្បីទទួលបានភាគហ៊ុនទាំងអស់របស់ក្រុមហ៊ុន ហើយនៅពេលនេះ ក្រុមប្រឹក្សាភិបាលរបស់ខ្លួនកំពុងបង្កើតគណៈកម្មាធិការពិសេសមួយ និងឯករាជ្យ ដើម្បីពិនិត្យមើលសំណើនេះ។

គួរឲ្យដឹងថា ប្រសិនបើការទិញយកក្រុមហ៊ុន Seven & i អាចសម្រេចទៅបាន នោះក្រុមហ៊ុន Alimentation Couche-Tard ត្រូវបានរំពឹងថានឹងចំណាយប្រាក់ច្រើនជាង ៥ទ្រីលានយ៉េន ឬប្រមាណជាង ៣៤ពាន់លានដុល្លារ ដើម្បីបង្កើតបានជាក្រុមហ៊ុនលក់រាយដ៏ធំបំផុត នៅលើពិភពលោក។

ក្រុមហ៊ុន Alimentation Couche-Tard បានដំណើរការហាងលក់ទំនិញរាយរបស់ខ្លួនប្រហែល ១៧ ០០០ កន្លែង ក្រោមម៉ាកយីហោដូចជា Couche-Tard និង Circle K នៅក្នុងប្រទេសប្រហែល ៣០ រួមទាំងកាណាដា សហរដ្ឋអាមេរិក និងបណ្តាប្រទេសមួយចំនួននៅអឺរ៉ុប។

ជម្រាបជូនថា បច្ចុប្បន្នតម្លៃមូលធនទីផ្សាររបស់ក្រុមហ៊ុន Alimentation Couche-Tard ដែលបានចុះបញ្ជីនៅផ្សារហ៊ុនតូរ៉ុនតូ គឺមានប្រហែល ៨.៥ទ្រីលានយ៉េន ពោលគឺខ្ពស់ជាងតម្លៃទីផ្សាររបស់ក្រុមហ៊ុន Seven and i ដែលមានចំនួន ៥,៦ទ្រីលានយ៉េន នៅក្នុងផ្សារហ៊ុនតូក្យូ៕

The post ក្រុមហ៊ុនម៉ាតខ្នាតយក្សកាណាដាមួយ ដាក់សំណើសុំទិញយកហាង 7-Eleven ក្នុងតម្លៃរាប់ពាន់លានដុល្លារ appeared first on .