ក្រុមហ៊ុនខ្នាតយក្ស Altice គ្រោងខ្ចីលុយ ៥០០លានអឺរ៉ូពីវិនិយោគិន

ឧកញ៉ាសំពៅ — Thu, 28 Sep 2023 03:57:00 +0000

ក្រុមហ៊ុនទូរគមនាគមន៍ខ្នាតយក្ស Altice គឺកំពុងស្វែងរកការខ្ចីប្រាក់ប្រមាណ ៥០០លានអឺរ៉ូពីវិនិយោគិន ខណៈវាគឺជាបំណុលលើកដំបូង តាំងពីសហស្ថាបនិកក្រុមហ៊ុន មហាសេដ្ឋី Armando Perira ត្រូវបានឃាត់ខ្លួន ពីបទអំពើពុករលួយ។

យោងតាមការចុះផ្សាយពីសារព័ត៌មាន FT បានបង្ហាញថា កាលពីថ្ងៃពុធសប្ដាហ៍នេះ ក្រុមហ៊ុន Altice International មានបំណងចង់ខ្ចីប្រាក់ ៥០០លានអឺរ៉ូនៅក្នុងទីផ្សារ ដើម្បីទូទាត់បំណុលដែលត្រូវផុតកំណត់នាឆ្នាំ២០២៥។

FILE PHOTO: Patrick Drahi, Franco-Israeli businessman and founder of cable and mobile telecoms company Altice Group attends the inauguration of the Altice Campus in Paris, France, October 9, 2018. REUTERS/Philippe Wojazer/File Photo

ជាមួយគ្នានេះ ម្ចាស់ក្រុមហ៊ុនគឺលោក Patrick Drahi ក៏មានបំណងចង់ដាក់លក់ភាគហ៊ុននៅក្រុមហ៊ុន Altice France ដើម្បីប្រមូលលុយ ៣ពាន់លានដុល្លារ សម្រាប់ដោះស្រាយបញ្ហាដែលក្រុមហ៊ុនកំពុងជួបប្រទះផងដែរ។

គួររំលឹកដែរថា បន្ទាប់ពីដំណឹងនៃការចាប់ខ្លួនសហស្ថាបនិក Pereira ក្រុមហ៊ុន Altice ព្យាយាមដោះស្រាយបញ្ហាបំណុលប្រមាណ ៦០ពាន់លានដុល្លារ និងច្រានចោលរាល់ពាក្យចោទប្រកាន់ដែលពាក់ព័ន្ធជាមួយមហាសេដ្ឋីម្នាក់នេះ។

ជម្រាបបន្ថែមថា មហាសេដ្ឋី Pereira ត្រូវបានឃាត់ខ្លួន និងត្រូវឃ្លាំមើលពីក្រុមប៉ូលិសនៅប្រទេសព័រទុយហ្គាល់កាលពីខែកក្កដា មកទល់នឹងពេលនេះ បន្ទាប់ពីរងការចោទប្រកាន់ថាពាក់ព័ន្ធនឹងករណីពុករលួយ៕

The post ក្រុមហ៊ុនខ្នាតយក្ស Altice គ្រោងខ្ចីលុយ ៥០០លានអឺរ៉ូពីវិនិយោគិន appeared first on .