Anil Ambani

និយតករឥណ្ឌា ហាមឃាត់ប្អូនប្រុសកំពូលអ្នកមានបំផុតនៅអាស៊ី ពីទីផ្សារមូលបត្ររយៈពេល ៥ឆ្នាំ

ឧកញ៉ាសំពៅ — Fri, 23 Aug 2024 08:00:00 +0000

និយតករទីផ្សារឥណ្ឌា បានប្រកាសកាលពីយប់ថ្ងៃទី២២ ខែសីហា ថា លោក Anil Ambani ដែលត្រូវជាប្អូនបង្កើតរបស់កំពូលអ្នកមានបំផុតនៅអាស៊ី លោក Mukesh Ambani ត្រូវបានហាមឃាត់ មិនឲ្យលូកលាន់ចូលទីផ្សារមូលបត្ររយៈពេល ៥ឆ្នាំ។

យោងតាមការចុះផ្សាយពីសារព័ត៌មាន CNA បានបង្ហាញថា លោក Anil ត្រូវបាននិយតករផាកពិន័យជាទឹកប្រាក់ ២៥០លានរូពី ឬប្រមាណ ៣លានដុល្លារ និងបានចោទប្រកាន់ថា លោកជាប់ពាក់ព័ន្ធនឹងករណីកេងបន្លំទឹកប្រាក់ ពីក្រុមហ៊ុន Reliance Home Finance Ltd។

និយតករទីផ្សារឥណ្ឌា ក៏បានបន្ថែមទៀតថា ការក្លែងបន្លំរបស់លោក Anil គឺជាការដកប្រាក់ពីក្រុមហ៊ុន Reliance Home ក្នុងរបៀបជាប្រាក់កម្ចី ទៅកាន់បុគ្គលមួយចំនួន ដែលជាប់ពាក់ព័ន្ធនឹងម្ចាស់ភាគហ៊ុនធំៗ មានសិទ្ធសម្រេចនៅក្នុងក្រុមហ៊ុនមួយនេះ។

សូមជម្រាបដែរថា ទាក់ទងនឹងបញ្ហាមួយនេះ ក្រុមហ៊ុន Reliance Home Finance Ltd មិនបានចេញមុខបកស្រាយអ្វីឡើយ តែក្រោយបែកធ្លាយដំណឹងមួយនេះ តម្លៃហ៊ុនរបស់ពួកគេមានការធ្លាក់ចុះប្រហែល ៥%៕

The post និយតករឥណ្ឌា ហាមឃាត់ប្អូនប្រុសកំពូលអ្នកមានបំផុតនៅអាស៊ី ពីទីផ្សារមូលបត្ររយៈពេល ៥ឆ្នាំ appeared first on .

ស្ដេចត្រាញ់ឥណ្ឌា ២រូប ប្រជែងគ្នាទិញរោងចក្រធ្យូងថ្ម ពីមហាសេដ្ឋីក្ស័យធន

ឧកញ៉ាសំពៅ — Wed, 12 Jul 2023 05:57:13 +0000

មហាសេដ្ឋីឥណ្ឌា Gautam Adani និង Mukesh Ambani កំពុងប្រជែងគ្នាទិញយករោងចក្រធ្យូងថ្ម ពីអតីតមហាសេដ្ឋីដែលក្ស័យធន Anil Ambani ខណៈបច្ចុប្បន្នក្រុមហ៊ុនរបស់ Adani កំពុងនាំមុខសម្រាប់ការដេញថ្លៃ។ នេះបើតាមការចុះផ្សាយពីសារព័ត៌មាន Bloomberg។

ប្រភពដដែលបន្ថែមថា រោងចក្រធ្យូងថ្មដែលមានឈ្មោះថា Vidarbha Industries Power Ltd គឺស្ថិតនៅចំកណ្ដាលប្រទេសឥណ្ឌា ហើយលោក Anil Ambani ធ្លាប់ប្រកាសលក់វាម្ដង ក្នុងតម្លៃប្រមាណ ១៤៥,៨លានដុល្លារ ដើម្បីសងបំណុលមួយចំនួន។

ដោយឡែក លោក Adani មានបំណងចង់បានរោងចក្រធ្យូងថ្ម ពីមហាសេដ្ឋីក្ស័យធនរូបនេះ គឺដោយសារចង់ពង្រីកអាជីវកម្មរបស់ខ្លួន លើវិស័យរ៉ែ។

សូមជម្រាបដែរថា បច្ចុប្បន្នតុលាការកំពុងដាក់រោងចក្រធ្យូងថ្មមួយនេះ ឲ្យដេញថ្លៃទិញយក ប៉ុន្តែក្រុមហ៊ុនរបស់មហាសេដ្ឋី Adani ទំនងនឹងជួបគូប្រជែងជាច្រើន ជាពិសេសគឺលោក Mukesh Ambani ដែលជាបងប្អូនរបស់អតីតម្ចាស់ក្រុមហ៊ុននេះតែម្ដង ដោយពួកគេមានបំណងដេញថ្លៃយកក្រុមហ៊ុនមកគ្រប់គ្រងវិញ៕

The post ស្ដេចត្រាញ់ឥណ្ឌា ២រូប ប្រជែងគ្នាទិញរោងចក្រធ្យូងថ្ម ពីមហាសេដ្ឋីក្ស័យធន appeared first on .

ប្អូនប្រុសមហាសេដ្ឋីមានបំផុតទី ២ នៅឥណ្ឌា លាលែងតំណែងធំនៅក្រុមហ៊ុន Reliance Group

ឧកញ៉ាសំពៅ — Wed, 05 Oct 2022 06:18:59 +0000

កាលពីថ្ងៃសុក្រសប្ដាហ៍មុន លោក Anil Ambani ប្រធានក្រុមហ៊ុន Reliance Group បានប្រកាសលាលែងតំណែងជានាយកផ្នែក Reliance Power និង Reliance Infrastructure ដើម្បីឆ្លើយតបនឹងការហាមឃាត់រូបលោកសម្រាប់ការពាក់ព័ន្ធនឹងក្រុមហ៊ុនដែលចុះបញ្ជីអាជីវកម្មទាំងឡាយ។

យោងតាមការបញ្ជាក់ពីក្រុមហ៊ុនបានឲ្យដឹងថា ការចាកចេញពីតំណែងជាសមាជិកក្រុមប្រឹក្សាភិបាលរបស់ Anil គឺធ្វើតាមការបញ្ជារបស់ក្រុមប្រឹក្សាសន្តិសុខ និងការផ្លាស់ប្តូរនៃប្រទេសឥណ្ឌា ហៅកាត់ SEBI ប៉ុណ្ណោះ។

សូមជម្រាបដែរថា កាលពីដើមឆ្នាំ ២០២២ SEBI បានដាក់បម្រាមចំពោះក្រុមហ៊ុន Reliance Home Finance Ltd ក៏ដូចជាលោក Anil Ambani និងបុគ្គល ៣ រូបផ្សេងទៀត មិនឲ្យពាក់ព័ន្ធនឹងបញ្ហាលុយកាក់ក្រុមហ៊ុន បន្ទាប់ពីត្រូវបានចោទប្រកាន់ពីបទកិបកេងលុយ។

គួរបញ្ជាក់ដែរថា បច្ចុប្បន្នលោក Anil Ambani ជាប្អូនប្រុសមហាសេដ្ឋីមានបំផុតទី ២ នៅឥណ្ឌា Mukesh Ambani ដែលមានទ្រព្យសម្បត្តិប្រមាណជាង ៩០ ពាន់លានដុល្លារ ប៉ុន្តែទ្រព្យសម្បត្តិរបស់ Anil បែរជាមានតម្លៃស្មើ ០ ទៅវិញ៕

The post ប្អូនប្រុសមហាសេដ្ឋីមានបំផុតទី ២ នៅឥណ្ឌា លាលែងតំណែងធំនៅក្រុមហ៊ុន Reliance Group appeared first on .