ក្រសួងការបរទេសចិន បានហៅទង្វើនេះថាជាការលើកឡើងគ្មានមូលដ្ឋាន និងចាត់ទុកវា ជាការញុះញង់លើផ្នែកនយោបាយ ដោយបើកចំហរ។

គួររំលឹកដែរថា រដ្ឋមន្ត្រីការបរទេសអាល្លឺម៉ង់ បាននិយាយបែបនេះនៅក្នុងកិច្ចសម្ភាសន៍ ជាមួយសារព័ត៌មាន Fox News កាលពីសប្ដាហ៍មុន អំឡុងពេលបញ្ចេញមតិចំពោះសង្គ្រាមរវាង​រុស្ស៊ី និងអ៊ុយក្រែន ដោយនិយាយថា៖ បើសិនជាពូទីនឈ្នះសង្គ្រាមនេះ តើវាអាចជាការបើកផ្លូវ​ចំពោះជនផ្ដាច់ការដទៃ ដូចជាលោក ស៊ី ប្រធានាធិបតីចិនដែរទេ?

ជាការឆ្លើយតប អ្នកនាំពាក្យក្រសួងការបរទេសចិន អ្នកស្រី Mao Ning បានហៅទង្វើនេះ គឺជា​រឿងដែលមិនត្រឹមត្រូវទាល់តែសោះ ខណៈវាបានធ្វើឲ្យប៉ះពាល់យ៉ាងខ្លាំង ដល់កិត្តិយស​របស់​ថ្នាក់ដឹកនាំប្រទេសចិន។

ជម្រាបបន្ថែមថា រដ្ឋមន្ត្រីការបរទេសអាល្លឺម៉ង់ តែងតែធ្វើការរិះគន់ចំពោះប្រទេសចិន ពោលកាលពីខែសីហាកន្លងទៅ អ្នកស្រីបាននិយាយថា ចិនគឺជាឧបសគ្គដ៏ធំ ក្នុងការបង្រួបបង្រួម ប្រជាជនទូទាំងពិភពលោក៕

The post ចិនថ្កោលទោសរដ្ឋមន្ត្រីការបរទេសអាល្លឺម៉ង់ ក្រោយហៅមេដឹកនាំ ស៊ី ជិនពីង ជាជនផ្ដាច់ការ appeared first on .

យន្តហោះរបស់រដ្ឋាភិបាលអាល្លឺម៉ង់ ត្រូវបង្ខំបកក្បាលវិលត្រឡប់មកកាន់ទីក្រុង Abu Dhabi នៃសហព័ន្ធ​អារ៉ាប់រួម ដើម្បី​ធានានូវសុវត្ថិភាពរបស់មន្ត្រីជាន់ខ្ពស់រូបនេះ ខណៈបញ្ហាបច្ចេកទេសដែល​យន្តហោះនោះ​មានគឺ មិនអាចគ្រប់គ្រងការបញ្ជាស្លាបយន្តហោះបាន។

មួយវិញទៀត កងទ័ពអាកាសអាល្លឺម៉ង់​បានបញ្ជាក់ច្បាស់ថា ក្រុមការងាររបស់ពួកគេ​កំពុងធ្វើការ​យ៉ាងយកចិត្តទុកដាក់ ជួសជុលយន្តហោះនោះ ដើម្បីអាចឲ្យអ្នកស្រី Baerbock អាចបន្ត​ដំណើរ​ទស្សនកិច្ច​ទៅកាន់អូស្ត្រាលី បន្ទាប់ពីឆៀងចូលប្រទេសនូវែលហ្សេឡង់ និងប្រទេសហ្វីជី។

សូមជម្រាបដែរថា វាមិនមែនជាលើកទីមួយឡើយ ដែលរដ្ឋមន្ត្រីការបរទេសរូបនេះ​ខកខាន​បំពេញទស្សនកិច្ចផ្លូវការ​ជាមួយប្រទេសដទៃ ពោល​កាលពីឆ្នាំទៅ អ្នកស្រីក៏អាក់ខាន​ជំនួបជាមួយភាគីខាងអង់គ្លេសផងដែរ ដោយសារ​បញ្ហាអាកាសធាតុមិនអំណោយផល ដល់ការធ្វើដំណើរ៕

The post រដ្ឋមន្ត្រីការបរទេសអាល្លឺម៉ង់ បង្ខំចិត្តពន្យារពេលបំពេញទស្សនកិច្ចទៅអូស្ត្រាលីភ្លាមៗ appeared first on .