Aston Martin

ក្រុមហ៊ុនរថយន្តប្រណីត Aston Martin ប្រកាសជម្រុះបុគ្គលិក ២០% ដោយសារសម្ពាធពន្ធអាមេរិក

ឧកញ៉ាសាមញ្ញ — Thu, 26 Feb 2026 08:51:21 +0000

ក្រុមហ៊ុនផលិតរថយន្តប្រណីតរបស់អង់គ្លេស Aston Martin ថ្មីៗនេះ បានប្រកាសកាត់បន្ថយកម្លាំងពលកម្មរបស់ខ្លួនរហូតដល់ ២០% ខណៈពេលដែលខ្លួនកំពុងព្យាយាមស្តារឡើងវិញពីផលប៉ះពាល់នៃពន្ធនាំចូលរបស់សហរដ្ឋអាមេរិក និងតម្រូវការខ្សោយនៅក្នុងប្រទេសចិន។ នេះបើតាមការចុះផ្សាយពីសារព័ត៌មាន Reuters។

ក្រុមហ៊ុន Aston Martin បាននិយាយថា ការកាត់បន្ថយកម្លាំងការងារ ២០% នេះ នឹងធ្វើឲ្យប៉ះពាល់ដល់បុគ្គលិកប្រមាណ ៣ ០០០ នាក់ ដោយនឹងអាចជួយសន្សំប្រាក់ប្រចាំឆ្នាំបានប្រហែល ៤០ លានផោន (៥៤លានដុល្លារ)។ ប៉ុន្តែក្រុមហ៊ុន មិនបានបញ្ជាក់ថាពេលណាការកាត់បន្ថយការងារនឹងត្រូវបានអនុវត្តនោះទេ ខណៈការសន្សំសំចៃការចំណាយនឹងចាប់ផ្តើមធ្វើឡើងនៅឆ្នាំនេះ។

ជុំវិញការប្រកាសនេះ ត្រូវបានធ្វើឡើង នៅពេលដែលក្រុមហ៊ុន Aston Martin បាននិយាយថា ពន្ធគយរបស់សហរដ្ឋអាមេរិក មានការរំខានយ៉ាងខ្លាំង ហើយតម្រូវការក៏មានការធ្លាក់ចុះ នៅក្នុងប្រទេសចិន ដែលជាទីផ្សាររថយន្តដ៏ធំបំផុតរបស់ពិភពលោក។

ជម្រាបជូនផងដែរថា នៅក្នុងឆ្នាំ២០២៥ ក្រុមហ៊ុនផលិតរថយន្តប្រណីតលំដាប់កំពូលរបស់អង់គ្លេសមួយនេះ បានប្រកាសខាតបង់ទឹកប្រាក់សរុបចំនួនជាង ២៥៩លានផោន៕

The post ក្រុមហ៊ុនរថយន្តប្រណីត Aston Martin ប្រកាសជម្រុះបុគ្គលិក ២០% ដោយសារសម្ពាធពន្ធអាមេរិក appeared first on .

Aston Martin ចាត់តាំងអតីតមេធំ Ferrari មកបន្តតំណែង CEO ប្រចាំក្រុមហ៊ុន

ឧកញ៉ាសំពៅ — Wed, 04 May 2022 09:05:26 +0000

កាលពីពេលថ្មីៗនេះ ក្រុមហ៊ុនផលិតរថយន្តទំនើបអង់គ្លេស Aston Martin បានប្រកាសពីការតែងតាំងនាយកប្រតិបត្តិថ្មី ដែលត្រូវជាអតីតថ្នាក់ដឹកនាំជាន់ខ្ពស់មួយរូបរបស់ក្រុមហ៊ុន Ferrari គឺលោកAmedeo Felisa។

លោក Felisa ធ្លាប់ដឹកនាំក្រុមហ៊ុន Ferrari ចន្លោះពីឆ្នាំ ២០០៨ ដល់ ២០១៦ ខណៈដែលក្រុមហ៊ុនរថយន្តទំនើបមួយនេះនៅជាចំណែកមួយនៃក្រុមហ៊ុន Fiat Group នៅឡើយ ហើយមូលហេតុដែល Aston Martin សម្រេចយករូបលោកមកកាន់តំណែង CEO ដោយសារ ចង់ផ្ដោតសំខាន់លើចក្ខុវិស័យផលិតរថយន្តអគ្គិសនីទាំងអស់នៅឆ្នាំ ២០២៥។

ទន្ទឹមនឹងនោះ ម្ចាស់ភាគហ៊ុនធំបំផុតនៃក្រុមហ៊ុនផលិតរថយន្តទំនើបអង់គ្លេស គឺមហាសេដ្ឋី Lawrence Stroll បានបង្ហើបឲ្យដឹងថា គោលបំណងបន្ទាប់របស់ Aston Martin គឺនឹងបើកទទួលការកុម្ម៉ង់កែច្នៃរថយន្តតាមចំណង់ចំណូលចិត្តរបស់អតិថិជន ដើម្បីប្រកួតប្រជែងជាមួយក្រុមហ៊ុន Ferrari។

ក្រៅពីចុចឈ្មោះលោក Felisa ជា CEO ថ្មីប្រចាំក្រុមហ៊ុន Aston Martin ក៏បានចាត់តាំងលោក Roberto Fedeli ដែលជាអតីតថ្នាក់ដឹកនាំក្រុមហ៊ុន Ferrari និង BMW មកកាន់កាប់តំណែងប្រធានផ្នែកបច្ចេកទេសនៃក្រុមហ៊ុនផងដែរ៕

ប្រភព: RT

The post Aston Martin ចាត់តាំងអតីតមេធំ Ferrari មកបន្តតំណែង CEO ប្រចាំក្រុមហ៊ុន appeared first on .

ប្រធានក្រុមហ៊ុនរថយន្តទំនើប Aston Martin នឹងដោះស្រាយបំណុលក្រុមហ៊ុន រហូតប្រកាសហ៊ានដកចាយលុយហៅប៉ៅផ្ទាល់ខ្លួន

ឧកញ៉ាសំពៅ — Sat, 12 Feb 2022 04:21:48 +0000

ប្រធានក្រុមហ៊ុន Aston Martin Lagonda Global Holdings Plc លោក Lawrence Stroll បាននិយាយថា លោកនឹងព្យាយាមពង្រឹងតុល្យភាពនៃតារាងចំណូលចំណាយនៃរោងចក្រផលិតរថយន្តទំនើប Aston Martin ឲ្យបានល្អប្រសើរ ដោយចាប់ផ្ដើមពីការសងបំណុលទៅកាន់ម្ចាស់បំណុលមានការប្រាក់ខ្ពស់ជាមុនសិន។

កាលពីថ្ងៃព្រហស្បតិ៍កន្លងទៅ លោក Stroll ដែលធ្លាប់ជួយដោះស្រាយវិបត្តិក្រុមហ៊ុនដែលធ្លាប់ជួបបញ្ហាកាលពីឆ្នាំ ២០២០ នៅពេលជាប់គាំងក្នុងការរកចំណូល មានបំណងចង់ចរចាដល់ម្ចាស់បំណុលដែលមានការប្រាក់ខ្ពស់កប់ពពក។

“ខ្ញុំនឹងធ្វើការចរចាជាមួយម្ចាស់បំណុលម្ដងទៀត ដោយសុំបន្ធូរបន្ថយការប្រាក់ឲ្យមានភាពល្អជាងមុន ហើយក៏ប្រហែលជាដកប្រាក់ផ្ទាល់ខ្លួនមួយចំនួនសងទៅពួកគេខ្លះដែរ។ ក្រុមហ៊ុននឹងមានលំហូរសាច់ប្រាក់វិជ្ជមាននៅឆ្នាំ ២០២៣”។ នេះបើតាមសម្ដីដែល Stroll ប្រាប់ទៅកាន់បណ្ដាញសារព័ត៌មាន។

គិតត្រឹមចុងត្រីមាសទី ៣ ឆ្នាំ២០២១ Aston Martin មានបំណុលប្រមាណ ៨០៩ លានផោន ឬ ១,១ ពាន់លានដុល្លារ ខណៈអត្រាការប្រាក់គឺរំពឹងថា នឹងមានរហូតដល់ ១៦៥ លានផោន ឬ ២២៣ លានដុល្លារនៅចុងឆ្នាំ ២០២១ ស្របពេលប្រធានក្រុមហ៊ុនខាងលើមានទ្រព្យសម្បត្តិសរុបប្រមាណជិត ៣ ពាន់លានដុល្លារ៕

ប្រភព: bnnbloomberg

The post ប្រធានក្រុមហ៊ុនរថយន្តទំនើប Aston Martin នឹងដោះស្រាយបំណុលក្រុមហ៊ុន រហូតប្រកាសហ៊ានដកចាយលុយហៅប៉ៅផ្ទាល់ខ្លួន appeared first on .

Aston Martin

ក្រុមហ៊ុនរថយន្តប្រណីត Aston Martin ប្រកាសជម្រុះបុគ្គលិក ២០% ដោយសារសម្ពាធពន្ធអាមេរិក

Aston Martin ចាត់តាំង​អតីត​មេធំ Ferrari មក​បន្ត​តំណែង CEO ប្រចាំ​ក្រុមហ៊ុន

Aston Martin ចាត់តាំងអតីតមេធំ Ferrari មកបន្តតំណែង CEO ប្រចាំក្រុមហ៊ុន