កិច្ចព្រមព្រៀងមួយនេះ គឺរួមបញ្ចូលនូវក្រុមហ៊ុនខ្នាតយក្សមួយចំនួន ដែលជាដៃគូសហការ រវាងរដ្ឋាភិបាលអង់គ្លេស អាមេរិក អូស្ត្រាលី ដែលមានដូចជា BAE Systems, Rolls-Royce និង Babcock ដើម្បីប្រឆាំងជាមួយចិន នៅក្នុងតំបន់អាស៊ីប៉ាស៊ីហ្វិក។

ជាមួយគ្នានេះ អ្នកផលិតអាវុធសម្រាប់កងយោធាអង់គ្លេសបាននិយាយថា ទំហំវិនិយោគសារនេះ នឹងអាចរ៉ាប់រងលើការអភិវឌ្ឍន៍ រហូតដល់ឆ្នាំ២០២៨ ខណៈវានឹងបង្កើតឱកាសការងារដល់មនុស្សច្រើនជាង ៥ ០០០នាក់ថែមទៀត។

សូមជម្រាបដែរថា កិច្ចព្រមព្រៀងនាវាមុជទឹកនុយក្លេអ៊ែ AUKUS ត្រូវបានប្រកាសកាលពីខែមីនា ខណៈនាយករដ្ឋមន្ត្រីអង់គ្លេស លោក Rishi Sunak បានចាត់ទុកកិច្ចព្រមព្រៀងមួយនេះថា ជាកិច្ចសហប្រតិបត្តិការការពារជាតិសំខាន់បំផុត និងអាចបន្តដល់រាប់ជំនាន់ថែមទៀត៕

The post អង់គ្លេស ត្រៀមចាក់លុយបន្ថែមជិត ៥ពាន់លានដុល្លារ ក្នុងគម្រោងនាវាមុជទឹកនុយក្លេអ៊ែរ appeared first on .

យោងតាមការចុះផ្សាយពី Skynews បានបង្ហាញថា អតីតនាយករដ្ឋមន្ត្រី Paul Keating បាន​រិះគន់​ចំៗ​ចំពោះ​កិច្ចព្រមព្រៀងរវាងអាមេរិក អង់គ្លេស និងអូស្ត្រាលីថា ជាកិច្ចព្រមព្រៀងអាក្រក់បំផុត តាំងពីជំនាន់សង្គ្រាមលោកលើកទី១។

បន្ថែមពីនោះ លោក Paul ក៏បានសង្កត់ធ្ងន់ថា អូស្ត្រាលីកំពុងដើរផ្លូវខុស ហើយនាយករដ្ឋមន្ត្រី Anthony Albanese កំពុងមាន​ទីប្រឹក្សា​អន់បំផុត ២ រូបគឺ Penny Wong និង Richard Marles។

ក្រោយពីរិះគន់កិច្ចព្រមព្រៀងនាវានុយក្លេអ៊ែរហើយ អតីតនាយករដ្ឋមន្ត្រីរូបនេះក៏បាន​អះអាងថា ចិនមិនមែនជា​គូសត្រូវនឹងអូស្ត្រាលីឡើយ ហើយប្រទេសមួយនេះក៏មិនចាំបាច់​ត្រូវការ​នាវាមុជទឹកនុយក្លេអ៊ែរដូចគ្នា៕

The post អតីតនាយករដ្ឋមន្ត្រីអូស្ត្រាលី រិះគន់ពេញទំហឹងចំពោះកិច្ចព្រមព្រៀងនាវានុយក្លេអ៊េរ appeared first on .

កិច្ចព្រមព្រៀងមួយនេះ ហាក់ដូចបង្ហាញចេតនាយ៉ាងច្បាស់ចំពោះការប្រឆាំងជាមួយនឹងប្រទេស​ចិន ខណៈកន្លងមកចំណងមិត្តភាពរវាងអាមេរិក អូស្ត្រាលី និងមហាអំណាចចិន ក៏មិនសូវជា​មាន​ភាពវិជ្ជមានប៉ុន្មានដែរ។​

ទន្ទឹមនឹងនោះ ចិនក៏មិននៅស្ងៀមដែរ ដោយបានថ្កោលទោសចំពោះកិច្ចព្រមព្រៀងមួយនេះ ដោយអះអាងថា កិច្ចព្រមព្រៀងនាវានុយក្លេអ៊ែរ AUKUS គឺរំលោភលើ​សន្ធិសញ្ញា​មិនរីកសាយភាយនុយក្លេអ៊ែរ។ នេះបើតាមការចុះផ្សាយពី 9News។

មហាអំណាចនៅអាស៊ីបញ្ជាក់ទៀតថា ការផ្ទេរសម្ភារៈអាវុធនុយក្លេអ៊ែរពីរដ្ឋអាវុធនុយក្លេអ៊ែរ ទៅកាន់រដ្ឋដែលមិនមានអាវុធនុយក្លេអ៊ែរ គឺជាការរំលោភលើស្មារតីនៃកតិកាសញ្ញា។

ជាមួយគ្នានោះ មន្ត្រីអូស្ត្រាលីបានច្រានចោលការរិះគន់របស់ចិន ដោយ​លើក​ហេតុផល​ថា​ខ្លួន​កំពុង​ធ្វើ​ការ​ដើម្បី​ទទួល​បាន​នាវា​មុជ​ទឹក​ដែល​ដើរ​ដោយ​ថាមពល​នុយក្លេអែរ និង​មិន​មែន​នាវា​មុជទឹក​ដែល​មាន​អាវុធ​នុយក្លេអ៊ែរទេ។

គួររំលឹកដែរថា អូស្ត្រាលីហាក់ងាកទៅរកលោកខាងលិច បន្ទាប់ពីប្រធានកិច្ចការចិនតៃវ៉ាន់ Dr. Lai Chung បានព្រមានកាលពីខែមុនថា បើសិនជាចិនវាយបែកតៃវ៉ាន់ អូស្ត្រាលីអាចនឹងក្លាយជាគោលដៅបន្ទាប់៕

The post ចិនថ្កោលទោសចំពោះកិច្ចព្រមព្រៀងនាវានុយក្លេអ៊ែររបស់អាមេរិក និងសម្ព័ន្ធមិត្ត appeared first on .

យោងតាមការចុះផ្សាយពី ABC បានឲ្យដឹងថា កិច្ចព្រមព្រៀង AUKUS គឺចែកចេញជា ២ ដំណាក់កាលធំៗ ខណៈដំណាក់កាលទីមួយឲ្យឈ្មោះថា Pillar One ផ្ដោតសំខាន់លើការ​ធ្វើការរួមគ្នារវាងប្រទេសទាំង ៣ ដោយអាមេរិក និងអង់គ្លេស នឹងចែករំលែកពីផែនការ ក៏ដូចជាបទពិសោធន៍ទៅកាន់អូស្ត្រាលី ក្នុងការសាងសង់នាវាមុជទឹកនុយក្លេអ៊ែរ។

ដំណាក់កាលទីពីរ នឹងចាប់ផ្ដើមផ្ដោតសំខាន់ទៅលើការពង្រឹងបច្ចេកវិទ្យា លើប្រព័ន្ធការពារសុវត្ថិភាពរបស់អូស្ត្រាលី ជាមួយនឹងការជួយណែនាំពីអង់គ្លេស និងអាមេរិក។

បន្ថែមពីនោះ អូស្ត្រាលីក៏នឹងទទួលបាននាវាមុជទឹកចំនួន ៨ ពីកិច្ចព្រមព្រៀងមួយនេះ ដោយមានឈ្មោះថា SSN-AUKUS ខណៈនាវាទាំងនោះនឹងរចនាដោយអង់គ្លេស តែបំពាក់បច្ចេកវិទ្យាពីអាមេរិក។

អំឡុងពេលរង់ចាំនាវានៃកិច្ចព្រមព្រៀងនេះ អូស្ត្រាលីក៏អាចនឹងទទួលបានសិទ្ធទិញនាវាមុជទឹក​នុយក្លេអ៊ែរពីអាមេរិកចំនួន ៣ និងអាចទិញថែម ២ ទៀតតាមរយៈកិច្ចព្រមព្រៀង AUKUS ដដែលក្នុងរយៈពេល ១០ឆ្នាំខាងមុខ ខណៈនាវាដែលអូស្ត្រាលីអាចទិញពីអាមេរិកគឺម៉ូដែល Virginia-Class។

ដូច្នេះមានន័យថា អូស្ត្រាលីអាចទទួលបាននាវាមុជទឹកនុយក្លេអ៊ែរចន្លោះពី ១១ ដល់ ១៣ គ្រឿង។

ក្រឡេកទៅមើលពីតម្លៃនៃកិច្ចព្រមព្រៀងដ៏អស្ចារ្យមួយនេះវិញ គឺមានតម្លៃចន្លោះពី ២៦៨ ដល់ ៣៦៨ពាន់លានដុល្លារ សម្រាប់រយៈពេលច្រើនជាង ៣០ឆ្នាំខាងមុខ ហើយដើម្បីបង្ហាញ​ពីការ​តាំងចិត្ត អូស្ត្រាលីនឹងចាក់លុយ ៣ ពាន់លានដុល្លារបន្ថែមរយៈពេល ៤ ឆ្នាំបន្ទាប់ ទៅលើការ​ផលិត​នៅអង់គ្លេស និងអាមេរិក។

រដ្ឋាភិបាលអូស្ត្រាលីបានឯកភាពថា តម្លៃនៃកិច្ចព្រមព្រៀងនេះគឺច្រើនមហាសាល ប៉ុន្តែក៏បាន​សង្កត់ធ្ងន់ថា AUKUS គឺខុសពីកិច្ចព្រមព្រៀងការពារដទៃ ដែលបរាជ័យ ខាតទាំងពេល និងថវិកា ខណៈកិច្ចព្រមព្រៀងនាវានុយក្លេអ៊ែរនេះ នឹងបង្កើតជាផ្លែផ្កាយ៉ាងធំធេង។

ដោយឡែក សម្រាប់រយៈពេលនៃការផលិតវិញគឺចំណាយពេលយូរខ្លាំង ដ្បិតនាវា ៨ គ្រឿងដែល​អូស្ត្រាលី​នឹងទទួលបាន គឺនៅចន្លោះទសវត្ស ២០៥០ និង ២០៦០។

ផែនការផលិតនាវាមុជទឹកនុយក្លេអ៊ែរនៃកិច្ចព្រមព្រៀង AUKUS នឹងធ្វើឡើងរៀងរាល់ ២ឆ្នាំម្ដង ខណៈការផលិតតំបូងអាចចាប់ផ្ដើមនៅដើមទសវត្ស ២០៤០ រហូតដល់ចុងទសវត្ស ២០៥០ ដើម្បីអាចបំពេញតម្រូវការបានគ្រប់គ្រាន់។

គួររំលឹកដែរថា អូស្ត្រាលីអះអាងយ៉ាងច្បាស់ថា កិច្ចព្រមព្រៀងនាវាមុជនុយក្លេអ៊ែរមួយនេះ នឹងអាច​បង្កើតឱកាសការងាររហូតដល់ ២០ ០០០ កន្លែង ក្នុងរយៈពេល ៣០​ឆ្នាំខាងមុខ៕

The post ចរចាមួយឆ្នាំកន្លះ ទម្រាំអាមេរិក និងសម្ព័ន្ធមិត្តសម្រេចបានកិច្ចព្រមព្រៀងតម្លៃប្រហែល ៣០០ពាន់លានដុល្លារ appeared first on .

យោងតាមការចុះផ្សាយពី Nippon បាន​បង្ហាញថា ​ក្នុងរយៈពេល ១០នាទីនៃកិច្ចសន្ទនាតាម​ទូរស័ព្ទរវាងមេដឹកនាំជប៉ុន និងអូស្ត្រាលី លោក Kishida បានបង្ហាញការពេញចិត្ត និងគាំទ្រជាខ្លាំង ជាមួយនឹងក្របខណ្ឌសុវត្ថិភាព AUKUS និងចាត់ទុកកិច្ចព្រមព្រៀងនេះ បានរួមចំណែកដល់សន្តិភាព និងស្ថិរភាពក្នុងតំបន់។

ដោយឡែក លោក Albanese បានពន្យល់ពីកិច្ចព្រមព្រៀងនាវាមុជទឹកនុយក្លេអ៊ែរថា ​អូស្ត្រាលី​នឹង​បន្ត​ចូលរួមអភិវឌ្ឍន៍​នាវាមុជទឹកនុយក្លេអ៊ែរជំនាន់ថ្មី ជាមួយអាមេរិក និងអង់គ្លេស ហើយនា​ថ្ងៃអនាគត​នឹង​ផលិត​ដោយជោគជ័យខ្លួនឯង។

សូមជម្រាបដែរថា លោក Kishida និង Albanese សុទ្ធតែបានព្រមព្រៀងគ្នា រឹតចំណងមិត្តភាពជាមួយអាមេរិក និងអង់គ្លេស ដើម្បីសម្រេចបាននូវសិទ្ធសេរីភាព និងការបើកចំហតំបន់ឥណ្ឌូប៉ាស៊ីហ្វិក៕

The post នាយករដ្ឋមន្ត្រីជប៉ុន ប្រកាសគាំទ្រកិច្ចព្រមព្រៀងនាវាមុជទឹកនុយក្លេអ៊ែរពេញទំហឹង appeared first on .

យោងតាមការចុះផ្សាយពី ABC បានឲ្យដឹងថា នាយករដ្ឋមន្ត្រីអូស្ត្រាលីមិនបាន​បង្ហើប​ពី​ព័ត៌មាន​លំអិតឡើយ គ្រាន់តែបង្ហើបថា កិច្ចព្រមព្រៀងមួយនេះគឺពាក់ព័ន្ធនឹងការផលិតនាវាមុជទឹក​នុយក្លេអ៊ែរ និងអាចបង្កើតឱកាសការងាររហូតដល់ ២០ ០០០ កន្លែងក្នុងរយៈពេល ៣០ឆ្នាំខាងមុខ។

សម្រាប់ការចុះកិច្ចព្រមព្រៀងនេះផងដែរ អូស្ត្រាលីអាចនឹងទទួលបាននាវាមុជទឹកច្រើនជាង ៨គ្រឿង ដែលធ្លាប់បានព្រមព្រៀងគ្នារយៈពេលកន្លងមក ខណៈរដ្ឋាភិបាលសង្កត់ធ្ងន់ថា ឱកាសការងារស្ទើរគ្រប់វិស័យនៅអូស្ត្រាលី នឹងមានកាន់តែច្រើន ដោយសារកិច្ចព្រមព្រៀងមួយនេះ។

ទន្ទឹមនឹងនោះមានសេចក្ដីសន្និដ្ឋានថា កិច្ចព្រមព្រៀង AUKUS នឹងបង្កើតការងារ ៨ ៥០០ កន្លែង​សម្រាប់ការសាងសង់នាវាមុជទឹក ខណៈការងាររាប់ម៉ឺន​កន្លែងទៀត​នឹងផ្ដោតលើវិស័យពាក់ព័ន្ធ វិស័យការពារ និងផ្នែកសេវាកម្មសាធារណៈជាដើម៕

The post ថ្នាក់ដឹកនាំអាមេរិក អង់គ្លេស និងអូស្ត្រាលី គ្រោងចុះកិច្ចព្រមព្រៀងការពារខ្នាតយក្សមួយ appeared first on .