Austin Russell

មហាសេដ្ឋីវ័យក្មេង បរាជ័យក្នុងការទិញភាគហ៊ុនមួយចំណែកធំនៅក្រុមហ៊ុន Forbes

ឧកញ៉ាសំពៅ — Thu, 23 Nov 2023 06:01:00 +0000

កាលពីថ្ងៃទី២១ ខែវិច្ឆិកានេះ នាយកប្រតិបត្តិនៃក្រុមហ៊ុនទស្សនាវដ្ដី Forbes Media លោក Mike Federle បានប្រាប់ទៅកាន់បុគ្គលិកថា ក្រុមហ៊ុនមេរបស់ Forbes បានសម្រេចលុបចោលនូវប្រតិបត្តិការលក់ ជាមួយមហាសេដ្ឋីវ័យក្មេង Austin Russell ហើយ។

យោងតាមការចុះផ្សាយពីសារព័ត៌មាន PressGazette បានបង្ហាញថា ក្រុមវិនិយោគដឹកនាំដោយមហាសេដ្ឋីអាមេរិកម្នាក់នេះ បរាជ័យក្នុងការបង់ប្រាក់តាមថ្ងៃកំណត់ ជាមួយក្រុមហ៊ុន Forbes ប្រមាណ ៨០០លានដុល្លារ ដែលធ្វើឲ្យកិច្ចព្រមព្រៀងត្រូវបានលុបចោល។

ជាមួយគ្នា លោក Federle បាននិយាយថា ការលុបចោលនៃកិច្ចព្រមព្រៀងមួយនេះ មិនបានធ្វើឲ្យប៉ះពាល់ដល់ប្រតិបត្តិការប្រចាំថ្ងៃរបស់ក្រុមហ៊ុនឡើយ ប៉ុន្តែក្រុមហ៊ុននៅតែប្រកាន់ជំហររឹងមាំ និងធ្វើឲ្យក្រុមហ៊ុនលំដាប់អន្តរជាតិមួយនេះ កាន់តែតម្លៃលើសមុនថែមទៀត។

គួររំលឹកបន្តិចថា កាលពីពាក់កណ្ដាលខែឧសភា មហាសេដ្ឋីវ័យក្មេង Austin Russell ធ្លាប់បានបង្ហើបថា លោកមានបំណងទិញយកភាគហ៊ុន Forbes ដើម្បីក្លាយជាអ្នកសម្រេចចិត្តធំប្រចាំក្រុមហ៊ុន ពោលបើសិនជាកិច្ចព្រមព្រៀងតម្លៃ ៨០០លានដុល្លារនេះ អាចជោគជ័យ នោះលោកនឹងកាន់កាប់ភាគហ៊ុនសរុប ៨២% នៅក្រុមហ៊ុន Forbes Global Media Holdings។

យ៉ាងណា បច្ចុប្បន្នកិច្ចព្រមព្រៀងមួយនោះត្រូវបានលុបចោល ខណៈបច្ចុប្បន្នម្ចាស់ក្រុមហ៊ុន ដែលមានអាយុកាល ១០៦ឆ្នាំ គឺជាក្រុមហ៊ុនមានមូលដ្ឋាននៅហុងកុង ឈ្មោះថា Integrated Whale Media Investments ដែលបានទិញយកភាគហ៊ុនក្រុមហ៊ុន Forbes ប្រមាណ ៩៥% តាំងពីឆ្នាំ២០១៤៕

The post មហាសេដ្ឋីវ័យក្មេង បរាជ័យក្នុងការទិញភាគហ៊ុនមួយចំណែកធំនៅក្រុមហ៊ុន Forbes appeared first on .

មហាសេដ្ឋីវ័យក្មេងម្នាក់ ជំរុញឱ្យបោះបង់ការសិក្សា ក្រោមហេតុផលមួយ

ឧកញ៉ាសំពៅ — Tue, 04 Jul 2023 05:16:00 +0000

មហាសេដ្ឋីវ័យក្មេង ដែលចាប់ផ្តើមរកស៊ីពីបាតដៃទទេ លោក Austin Russell ផ្ដល់ដំបូន្មានដល់យុវវ័យជំនាន់ក្រោយឱ្យបោះបង់ការសិក្សានៅមហាវិទ្យាល័យ។ ដោយអះអាងថា ការរៀនសូត្រនៅមហាវិទ្យាល័យ មិនមែនជាមធ្យោបាយកំណត់គោលដៅជីវិតមនុស្សគ្រប់គ្នាឡើយ។

យោងតាមបទសម្ភាសន៍ជាមួយនឹងសារព័ត៌មាន CNBC Make It មហាសេដ្ឋីវ័យ ២៨ឆ្នាំលោក Austin Aussell លើកឡើងថា៖ បើសិនជាអ្នកមានចាប់ផ្ដើមឆ្ងល់ថា តើអ្នកគួរតែបោះបង់ការសិក្សាដែរទេ? អ្នកធ្វើវាចុះ ព្រោះបើអ្នកនៅតែមានគំនិតបែបនេះ វាគង់តែកើតឡើងដដែល ដូច្នេះយកពេលវេលាមកធ្វើអ្វីដែលមានប្រយោជន៍ឱ្យហើយទៅ។

ស្ថាបនិកក្រុមហ៊ុន Luminar Technologies រូបនេះ បានបន្ថែមទៀតថា ការសិក្សានៅមហាវិទ្យាល័យមិនមែនសម្រាប់មនុស្សគ្រប់គ្នាទេ វាគ្រាន់តែជាគំនិតចាស់បុរាណ ដែលកំណត់ឲ្យគ្រប់គ្នាធ្វើប៉ុណ្ណោះ។ បច្ចុប្បន្ន គ្រប់ព័ត៌មានទាំងអស់ស្ថិតនៅលើម្រាមដៃយើង និងមាននៅលើអ៊ីនធឺណិត ខុសគ្នាកាលពី ៥០ឆ្នាំមុន ដែលតម្រូវឱ្យគ្រប់គ្នាត្រូវតែរៀននៅមហាវិទ្យាល័យ។

សូមជម្រាបបន្តិចថា មហាសេដ្ឋី Austin Russell បានបោះបង់ការសិក្សានៅមហាវិទ្យាល័យ Stanford University កាលពីឆ្នាំ ២០១២ និងចាប់ផ្ដើមបង្កើតអាជីវកម្មលើវិស័យបច្ចេកវិទ្យា គឺក្រុមហ៊ុន Luminar Technologies ខណៈបច្ចុប្បន្នមហាសេដ្ឋីវ័យ ២៨ឆ្នាំរូបនេះ មានទ្រព្យសម្បត្តិប្រមាណ ១,៦ពាន់លានដុល្លារ៕

The post មហាសេដ្ឋីវ័យក្មេងម្នាក់ ជំរុញឱ្យបោះបង់ការសិក្សា ក្រោមហេតុផលមួយ appeared first on .

មហាសេដ្ឋីវ័យ ២៦ ឆ្នាំ ចាយលុយជាង ៨០ លានដុល្លារទិញវីឡាមួយទុកលំហែកាយ

ឧកញ៉ាសំពៅ — Wed, 15 Dec 2021 02:46:39 +0000

មហាសេដ្ឋីវ័យក្មេងបំផុតដែលរកលុយពីបាតដៃទទេ Austin Russell បានជះលុយប្រមាណ ៨៣ លានដុល្លារទិញវីឡាលំហែកាយមួយនៅតំបន់ Pacific Palisades ដែលនៅជាប់នឹងមាត់ឆ្នេរសមុទ្រ Pacific តែម្ដង។

វីឡាលំហែកាយថ្មីរបស់មហាសេដ្ឋីវ័យ ២៦ ឆ្នាំរូបនេះ គឺមានទំហំធំមែនទែនដល់ទៅ ១ ៨៥៨ ម៉ែត្រការ៉េ ដោយមានបន្ទប់គេងធំៗ ៦ បន្ទប់ និងបន្ទប់ទឹក ១៨ ឯណោះ តែចំណុចពិសេសរបស់វាមិនមែនលើចំនួនបន្ទប់ឡើយ គឺទស្សនីយភាពដែលម្ចាស់ផ្ទះអាចគយគន់បាន។

តាមពិតទៅផ្ទះមួយនេះគឺ Russell បានទិញតាំងពីខែកក្កដាមកម៉្លេះ។ នេះបើតាមការចុះផ្សាយពី The Dirt។

ដោយឡែក បុរសដែលទទួលរហស្សនាមជាមហាសេដ្ឋីរកស៊ីពីបាតដៃទទេក្មេងបំផុតលើលោករូបនេះ គឺមានទ្រព្យសម្បត្តិប្រមាណ ១,៧ ពាន់លានដុល្លារអាមេរិក បន្ទាប់ពីក្រុមហ៊ុនរបស់លោក Luminar ដែលជាក្រុមហ៊ុនផ្ដល់សេវាកម្មផ្នែកផលិតឧបករណ៍ចាប់សញ្ញាការពារឡានដែលបើកបរដោយខ្លួនឯងពីការប៉ះទង្គិច។

បញ្ជាក់ដែរថា Russell គឺជាស្ថាបនិកក្រុមហ៊ុន Luminar ហើយបច្ចុប្បន្នក្រុមហ៊ុនបច្ចេកវិទ្យាមួយនេះនៅមិនទាន់បង្ហាញមុខធំទូលាយនៅឡើយ ពោលសព្វថ្ងៃក្រុមហ៊ុនសហការរបស់ Luminar គឺមានតែ Volvo មួយគត់៕

ប្រភព: tmz

The post មហាសេដ្ឋីវ័យ ២៦ ឆ្នាំ ចាយលុយជាង ៨០ លានដុល្លារទិញវីឡាមួយទុកលំហែកាយ appeared first on .

Austin Russell

មហាសេដ្ឋីវ័យក្មេង បរាជ័យក្នុងការទិញភាគហ៊ុនមួយចំណែកធំនៅក្រុមហ៊ុន Forbes

មហាសេដ្ឋីវ័យក្មេងម្នាក់ ជំរុញឱ្យបោះបង់ការសិក្សា ក្រោមហេតុផលមួយ

មហាសេដ្ឋី​វ័យ ២៦ ឆ្នាំ ចាយ​​លុយ​ជាង ៨០ លាន​ដុល្លារ​ទិញ​វីឡា​​មួយ​ទុក​លំហែកាយ​

មហាសេដ្ឋីវ័យ ២៦ ឆ្នាំ ចាយលុយជាង ៨០ លានដុល្លារទិញវីឡាមួយទុកលំហែកាយ