យោងតាមការចុះផ្សាយពីគេហទំព័រ CNA បានបង្ហាញថា ប្រាក់ចំណូលរបស់ Baidu គិតចន្លោះពីខែមិថុនា ដល់ខែកញ្ញា មានចំនួន ៣៤,៤៥ពាន់លានយ៉ន់ (៤,៧២ពាន់លានដុល្លារ) ខ្ពស់ជាងការសន្និដ្ឋានទុកពីវិទ្យាស្ថាន LSEG ដែលធ្លាប់ព្យាករណ៍មានត្រឹម ៣៤,៣៣ពាន់លានយ៉ន់។

ក្រុមហ៊ុន Baidu ក៏បានបង្ហាញពីប្រាក់ចំណេញប្រចាំត្រីមាស ប្រមាណ ៦,៦៨ពាន់លានយ៉ន់ផងដែរ ខណៈបើប្រៀបធៀបទៅនឹងរយៈពេលដូចគ្នាកាលពីឆ្នាំទៅ ពួកគេ​ធ្លាប់ខាតបង់ប្រហែល ១៤៦លានយ៉ន់។

ជាមួយគ្នា កំណើននៃប្រាក់ចំណូលរបស់ក្រុមហ៊ុនចិន ក៏បានបង្ហាញពីសញ្ញាណនៃការងើប​ឡើងវិញរបស់សេដ្ឋកិច្ចនៃប្រទេសចិនផងដែរ ខណៈកាលពីដើមខែនេះ មូលនិធិរូបិយវត្ថុអន្តរជាតិ ហៅកាត់ IMF បានដាក់ក្ដីរំពឹងថា សេដ្ឋកិច្ចប្រចាំឆ្នាំរបស់ចិន នឹងកើនឡើងរហូតដល់ ៥,៤% ខ្ពស់ជាងគោលដៅដែលចង់បានត្រឹម ៥% ថែមទៀត៕

The post ក្រុមហ៊ុនចិន Baidu កើបប្រាក់ចំណូលត្រីមាសទី៣ បានជិត ៥ពាន់លានដុល្លារ appeared first on .