ក្រុមហ៊ុនអាកាសចរណ៍វៀតណាមមួយ គ្មានលទ្ធភាពបើកប្រាក់ខែជូនអ្នកបើកយន្តហោះ

ឧកញ៉ាសំពៅ — Wed, 27 Sep 2023 06:59:00 +0000

កាលពីថ្ងៃទី២៦ ខែកញ្ញា សារព័ត៌មាន Reuters បានរាយការណ៍ថា អ្នកបើកយន្តហោះមួយចំនួន នៃក្រុមហ៊ុនអាកាសចរណ៍វៀតណាម Bamboo Airways បានលាឈប់ពីការងារ ក្រោយក្រុមហ៊ុនហាក់ជួបបញ្ហាហិរញ្ញវត្ថុ ដោយមានការយឺតយ៉ាវក្នុងការបើកប្រាក់ខែជូនពួកគេ រយៈពេល២ខែចុងក្រោយ។

ក្នុងអំឡុងពេលនោះ អ្នកបើកយន្តហោះប្រមាណ ៣០នាក់ ដែលជាជនជាតិបរទេសបានលាឈប់ពីការងារ ខណៈចំនួននេះគឺច្រើនជាង ១០% នៃចំនួនអ្នកបើកយន្តហោះទាំងអស់ប្រចាំក្រុមហ៊ុន។

ក្រុមបុគ្គលិកជាច្រើននាក់នៅក្រុមហ៊ុន Bamboo Airways តែងតែជួបប្រទះនូវផលវិបាក ពោលកម្រទទួលបានប្រាក់ខែទៀងទាត់ណាស់ ហើយថ្មីៗនេះបញ្ហាបានកើតលើជនបរទេស ដែលជាអ្នកបើកយន្តហោះ ដែលធ្វើឲ្យពួកគេសម្រេចចិត្តលាឈប់ពីក្រុមហ៊ុនតែម្ដង។

សូមជម្រាបដែរថា នាយកប្រតិបត្តិក្រុមហ៊ុនអាកាសចរណ៍មួយនេះ គឺលោក Nguyen Ngoc Trong ធ្លាប់បានប្រាប់ទៅកាន់ក្រុមបុគ្គលិកថា បច្ចុប្បន្នក្រុមហ៊ុនកំពុងជួបប្រទះផលលំបាក និងសុំចិត្តគ្រប់គ្នាតស៊ូទាំងអស់គ្នា ជាមួយក្រុមហ៊ុនបន្តិចទៀត ព្រោះថារដ្ឋាភិបាលក៏កំពុងព្យាយាមរកដំណោះស្រាយ ដើម្បីទ្រទ្រង់ដល់ក្រុមហ៊ុនមួយនេះផងដែរ៕

The post ក្រុមហ៊ុនអាកាសចរណ៍វៀតណាមមួយ គ្មានលទ្ធភាពបើកប្រាក់ខែជូនអ្នកបើកយន្តហោះ appeared first on .

Bamboo Airways របស់វៀតណាម នឹងចុះកុងត្រាតម្លៃ ២ ពាន់លានដុល្លារ ទិញយកម៉ាស៊ីនយន្តហោះ ពីក្រុមហ៊ុន Gerneral Electric

ឧកញ៉ាសាមញ្ញ — Thu, 23 Sep 2021 06:31:21 +0000

ក្រុមហ៊ុនអាកាសចរណ៍ Bamboo Airways របស់វៀតណាម នឹងចុះហត្ថលេខាលើកិច្ចព្រមព្រៀងមួយ ដែលមានតម្លៃជិត ២ ពាន់លានដុល្លារ ដើម្បីទិញយកម៉ាស៊ីន GEnx ពីក្រុមហ៊ុន Gerneral Electric ដើម្បីមកបំពាក់លើយន្តហោះប្រភេទ Being 787-9 Dreamliner របស់ខ្លួន។

ក្រុមហ៊ុនបាននិយាយថា ម៉ាស៊ីន GEnx មួយនេះ នឹងត្រូវបញ្ជូនមកដល់ប្រទេសវៀតណាមនៅឆ្នាំ ២០២២ ខាងមុខ ហើយនឹងត្រូវបំពាក់ទៅលើយន្តយោះ Boeing 787-9 Dreamliner របស់ខ្លួន ដើម្បីអាចដំណើរការទៅលើការហោះហើរដោយមិនឈប់ចុះចត តាមរយ:ផ្លូវ ដែលបានគ្រោងទុករវាងវៀតណាម និងសហរដ្ឋអាមេរិក ។

មិនតែប៉ុណ្ណោះ នៅក្នុងសេចក្តីថ្លែងការណ៍ដដែលនេះបាននិយាយទៀតថា ៖ ” កិច្ចព្រមព្រៀងដែលបានចុះហត្ថលេខាក្នុងពេលថ្មីនេះ នឹងក្លាយជាព្រឹត្តិការណ៍ដ៏សំខាន់មួយ សម្រាប់ក្រុមហ៊ុនអាកាសចរណ៍របស់យើង ដើម្បីអាចពង្រីកបណ្តាញហោះហើរឆ្លងទ្វីប ជាមួយនឹងការតភ្ជាប់ពីប្រទេសវៀតណាម ទៅនឹងទីផ្សារហោះហើរចម្ងាយមធ្យម និងចម្ងាយឆ្ងាយ ” ។

ក្រុមហ៊ុនអាកសចរណ៍ Bamboo Airways បាននិយាយទៀតថា ខ្លួននឹងបើកការិយាល័យតំណាង នៅទឹកដីសហរដ្ឋអាមេរិក និងចុះហត្ថលេខាលើកិច្ចព្រមព្រៀងជាមួយអាកាសយានដ្ឋានអន្តរជាតិនៅរដ្ឋSan Francisco និងអាកាសយានដ្ឋានអន្តរជាតិរដ្ឋ Angeles នៅសប្តាហ៍នេះផងដែរ ជាមួយនឹងការត្រួសត្រាយផ្លូវ សម្រាប់ការហោះហើរសាកល្បង មិនឈប់ចុះចត រវាងប្រទេសទាំងពីរ នៅថ្ងៃព្រហស្បត្តិ៍។

លើសពីនេះ ក្រុមហ៊ុន Bamboo ក៏បានបញ្ជាក់ផងដែរថាខ្លួនកំពុងស្វែងរកការពង្រីកជើងហោះហើរអន្តរជាតិរបស់ខ្លួនបន្ថែមទៀត ជាមួយនឹងការបើកផ្លូវហោះហើរត្រង់ទៅកាន់ប្រទេសអូស្ត្រាលី ចក្រភពអង់គ្លេស និងអាល្លឺម៉ង់ ដោយប្រើប្រាស់ប្រភេទយន្តហោះ Boeing 787-9 Dreamliner របស់ខ្លួន ៕

ប្រភព: VNExpress

The post Bamboo Airways របស់វៀតណាម នឹងចុះកុងត្រាតម្លៃ ២ ពាន់លានដុល្លារ ទិញយកម៉ាស៊ីនយន្តហោះ ពីក្រុមហ៊ុន Gerneral Electric appeared first on .