ប្រធានធនាគារ Bank of China ប្រកាសចុះចេញពីតំណែង

ឧកញ៉ាសំពៅ — Mon, 26 Aug 2024 06:00:00 +0000

ប្រធានធនាគារ Bank of China លោក Liu Jin បានប្រកាសចុះចេញពីតំណែង ក្រោមហេតុផលផ្ទាល់ខ្លួន និងមិនបានបញ្ជាក់លំអិតឡើយអំពីហេតុផលមួយនោះ។ នេះបើតាមការចុះផ្សាយពីសារព័ត៌មាន Reuters។

ការចុះចេញភ្លាមៗរបស់លោក Liu បានធ្វើឲ្យធនាគារធំបំផុតទី៣ នៅចិន សម្រេចតែងតាំងលោក Ge Haijiao កាន់តំណែងជាប្រធានស្ដីទីជំនួសសិន មុនពេលក្រុមប្រឹក្សាភិបាលអាចស្វែងរកអ្នកមកជំនួសតំណែងនេះបាន។

គួររំលឹកបន្តិចថា មុនពេលប្រកាសចុះចេញពីតំណែងជាប្រធានធនាគារ Bank of China លោក Liu ធ្លាប់កាន់តំណែងធំៗជាច្រើននៅក្នុងវិស័យធនាគារ នៃប្រទេសចិន ពោលធ្លាប់ជាប្រធានធនាគារ China Development Bak ពីខែកញ្ញា ឆ្នាំ២០១៨ រហូតដល់ខែវិច្ឆិកា ឆ្នាំ២០១៩ និងជាប្រធានធនាគារ China Everbright Bank ពីខែមករា ឆ្នាំ២០២០ ដល់ខែមីនា ឆ្នាំ២០២១ ផងដែរ។

ជម្រាបបន្ថែមថា លោក Liu Jin ក៏ធ្លាប់បានធ្វើការនៅក្នុងធនាគារ Commercial Bank of China ដែលជាអ្នកផ្ដល់កម្ចីធំបំផុតលើលោក ក្នុងនាមជាប្រធានផ្នែកវិនិយោគ ប្រចាំសាខានៃខេត្ត Jiangsu ថែមទៀតផង៕

The post ប្រធានធនាគារ Bank of China ប្រកាសចុះចេញពីតំណែង appeared first on .

ឃាត់ខ្លួនអតីតប្រធានសាខាធនាគារ Bank of China ជាប់សង្ស័យពាក់ព័ន្ធករណីពុករលួយ

ឧកញ៉ាសំពៅ — Mon, 15 Nov 2021 07:43:31 +0000

លោក Xu Guojun ដែលជាអតីតប្រធានធនាគារ Bank Of China ប្រចាំសាខានៅភាគខាងត្បូងទីក្រុង Kaiping ខេត្ត Guangdong ត្រូវបានឃាត់ខ្លួនបញ្ជូនទៅកាន់ប្រទេសកំណើតវិញ។

Xu Guojun

មូលហេតុការបញ្ជូនលោក Xu ទៅប្រទេសចិនវិញ គឺដោយសារអង្គការឃ្លាំមើលការប្រឆាំងអំពើពុករលួយប្រចាំប្រទេស បានរកឃើញថា Xu មានជាប់ពាក់ព័ន្ធនឹងករណីស៊ីសំណូកសូកប៉ាន់ មុនធ្វើអន្តោប្រវេសន៍ទៅរស់នៅសហរដ្ឋអាមេរិកកាលពីឆ្នាំ ២០០១។

ការឃាត់ខ្លួននេះដែជាការសហការពីស្ថាប័នអន្តរជាតិធំៗជាច្រើន។ នេះបើតាមការអះអាងពីគណៈកម្មការកណ្តាលសម្រាប់អធិការកិច្ចវិន័យហៅកាត់ CCDI ដោយមិនបានបញ្ជាក់ច្បាស់លាស់ពីការឃាត់ខ្លួនត្រូវធ្វើនៅក្នុងប្រទេសណាឡើយ។

Yu Zhendong

បើតាមការបន្ថែមពី CCDI បានឲ្យដឹងថា មានបុគ្គល ២ រូបផ្សេងទៀតដែលស្ថិតនៅក្នុងសំណុំរឿងមួយនេះ ខណៈបុគ្គលទាំង ២ នោះគឺសុទ្ធតែជាអតីតប្រធានសាខាធនាគារ BOC នៅទីក្រុង Kaiping ដូចគ្នា គឺលោក Yu Zhendong និង Xu Chaofan តែបុគ្គល ២ រូបនេះសុទ្ធតែបានឃាត់ខ្លួនបញ្ជូនទៅប្រទេសចិនកាលពីឆ្នាំ ២០០៤ និង ២០១៨ កន្លងទៅ។

Xu Chaofan

បញ្ជាក់ដែរថា ចំនួនទឹកប្រាក់ដែលបុគ្គលទាំង ៣ នេះទទួលបានពីការសូកប៉ាន់នានា គឺមាននៅខ្ទង់ប្រមាណ ២ ពាន់លានយ័ន ឬ ៣១៤ លានដុល្លារអាមេរិក៕

ប្រភព: CNA

The post ឃាត់ខ្លួនអតីតប្រធានសាខាធនាគារ Bank of China ជាប់សង្ស័យពាក់ព័ន្ធករណីពុករលួយ appeared first on .

Bank of China

ប្រធានធនាគារ Bank of China ប្រកាសចុះចេញពីតំណែង

ឃាត់ខ្លួន​អតីត​ប្រធាន​សាខា​ធនាគារ Bank of China ជាប់​សង្ស័យ​ពាក់ព័ន្ធ​ករណី​ពុក​រលួយ

ឃាត់ខ្លួនអតីតប្រធានសាខាធនាគារ Bank of China ជាប់សង្ស័យពាក់ព័ន្ធករណីពុករលួយ